|
كالديرون مدرب فاشل و يجب أن يرحل؟؟ معقولة؟؟ بسم الله الرحمن الرحيم... السلام عليكم و رحمة الله و بركاته... .. هارد لكم الخسارة الغير متوقعة رغم النقص ..! لاحظت مع الأسف أن بعض الجماهير عادت إلى عادتها القديمة << و هي المطالبة بإبعاد المدرب بسبب خسارة مباراة واحدة...!! للأسف ما أدري إلى متى ستستمر هالعادة أللي ما أشوفها إلا في الخليج و في السعودية تحديداً..! أحب أوضح معلومة بس للهلاليين أللي يطالبون بإبعاد كالديرون.. تدرون أن خسارة مباراة سباهان هي أول خسارة للفريق الأول في هذا الموسم...؟ نعم فالهلال لم يخسر أي مباراة منذ قدوم كالديرون...!! رُغم قدومه في وقت حرج و رغم أنه لم يحظى بمعسكر إعدادي للفريق قبل بداية الموسم كباقي مدربي العالم..! و رغم الإصابات أللي من أول الموسم.. و رغم تداخل المباريات و ارهاق اللاعبين.. ووو... إلخ... رغم كل هالأسباب التي تؤدي إلى سقوط أعظم الفرق ؛ إلا أن كالدي لم يستسلم لجميع هذه الظروف بل أنه صنع لاعبين صغار السن و أعطاهم الفرصة و قدموا مستويات ممتازة... و حالياً نشوف الهلال متصدر الدوري بفارق نقطي هائل... لدرجة أن جميع الفرق فقدت الأمل بالحصول على الدوري..! و أيضاً نشاهد الهلال يلعب على نصف نهائي كأس ولي العهد..! هل كل هذا يؤشر إلى أن كالدي مدرب فاشل ( و بـيـودينــا بداهيــة..! ) و لا يستحق البقاء إلى نهاية الموسم..؟؟ بسبب إخفاق واحد يمكن تعويضه بسهولة نجي و نقول لازم يقال..!! |
يعطيكم العــافــية و مــشــكورين على الرفــــــع... |
والله كنت بسطرك لو قلت انت هـالكلام :d لكن اشوى طلع العكس ..:d والجماهير غريبه جداا اذا فاز بمباراة واحدة قالوا جددوا عقده واذا خسر قالوا افسخوا عقده .!! |
عزيزي اختلف معك كالدرون لم يحسن التصرف ويتحمل المسئوليه كامله لك شكري |
كنت اتكلم ومع الاسف كم شخص كان ضدي وحدث ماحدث السبب الاول وهو اداره النادي تخبطات عجيبه وغريبه من بدايه الاعداد في بدايه الموسم مع جيرتس وكانوا يعلمون جيدا انه ذاهب كان من ااحرى يكون مدرب جديد ويعد الفريق بنفسه تعاقب الاجهزه الطبيه بشكل مثير ابعاد عمر الغامدي وجلب الجيزاني ابعاد الصويلح ابعاد نيفيز وجلب لاعب مغمور مكانه بصراحه السبب الاول والاخير اداره النادي وبالاخص الامير عبدالرحمن وسامي واتمنى ان تستقيل اداره النادى الزعيم مو طبيعي واصابات غريبه وعجيبه وصدقوني لن يحقق الفريق شى في هذه الطريقه الغريبه من اداره النادي |
اصلاً انا من قبل ماكنت مقتنع فيه وحتى لو الهلال فاز ماكنت مقتنع فيه بالمررررررره !! وش يحس فيه يوم يلعب بحوارين بمباراة الفتح وبمحور في مباراة امس ؟ اي ليش طيب ؟ وتبديلاته الي مدري شتبي ؟ اوكي كالديرون مدرب كبير على عيني وراسي بس ماقدر يتعامل مع الهلال الفتح الي هو الفتح في زمن غيرتس ماكنا نفوز عليهم اقل من خمسه ومباراة الفتح الي فاتت فزنا اثنين واحد بعد طلللللللعة الروووووووووووووووووح بآخر دقيقه !! كالدي ماقدر يتعامل مع الهلال واتمنى رحيله ولو نهاية المووسم ......... هذي وجهة نظري الخاصه واتمنى انكم تقبلونها |
والله انا مع رحيل كآلدي ..! ياخي تغييراته متأخرة وتحس انه مدرب مبتدئ ..! وحتى المباريات اللي يفوز فيها تكون فوز غير مقنع ! لآهـنت .. |
يعطيكم العافية ع المرور.. و طرح آرائكم |
يعطيك العاااااااااااااااااااااااااااااافيه |
وووووووووووووووينك >>>ياقرتس <<كذا اسمه صح ولا لا هع كالدرون ارحل انت وضحكتك ذي يكفي كل ماشفتك اذكر الاتحاد |
كالديرون اخطء صحيح بس هذي اول خسارة ياليت نصبر وراح يبين كل شئ وبعدين حتى الاعبين كانو يتحملون الخسارة وحتى لو جاء مدرب جديد ماراح ببوم وليله يغير كل شئ اتمنى انكم تنسون الخسارة وتفكرون بمباراة الاهلي |
حبيبي كالديرون لم يخسر صحيح بس في مباراه الامس لو تجيب اي مشجع هلالي صغير فالسن عرف كيف يدير المباراه ولا الفريق امس متأخر بهدفين وكالديرون بناظر ولا غيرر شي ومخلي الشلهوب محور وعزيز فالدكه ؟ معليش المدرب عليه بعض الهفوات كنت اتمنى ان سامي يتدخل امس ولكن الله يعيين |
والله كالديرووون يحمل 90% من هزيمة الهلال امس واللاعبين 10% يلعبون بدوون رووح قتاليه بدوون حماس |
، ، ، لك الله ياهــلال ابتليت بعينه من الجماهير .. جماهير المباراه الواحدهـ والي يقول نبي كوزميـن سلامات ؟ كوزمين على كيفك يرجع كالديـرون اراهن انه افضـل من كوزميـن وجيرتـس وش جابوا لنا كوزمين وقيرتس كم آسيويه في سجلاتهم بلاش نحط الحـرهـ فيه " اخطا نعم " نقرا اخطاءه ونعدلها لكن نهدم تاريخه مع الهـلال الي جعل الفريق لم يهزم ولا في مباراه معليـش والمصيبه اذا كتب الله لنا الفوز بالمباراه الجايه .. اراهن على جمهور المباراه الواحده انهم سيتفقون على كالديـرون .. اللاعبين يتحملون الاخطاء فقط |
إقتباس:
لالا أمســك آعصابك :D من جد غريبة << برشلونة خسر و لا طالبوا بإقالة غوارديولا... |
| الوقت المعتمد في المنتدى بتوقيت جرينتش +3.
الوقت الان » 06:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd