فطيرة جبن ناشفة يابئسة + اغاني وحنا نصلي + جمهور يدخل بالمجان - نادي الهلال السعودي - شبكة الزعيم

هلالي موسيقار · #1 02/03/2011, 03:28 PM

السلام عليكم ورحمة الله وبركاته

اخواني واخواتي عندما نذهب الى الملعب نعرف اننا لن نستمتع ولن نشاهد المباراة بووضوح وهناك صعوبات

كثيره تحصل لنا ولكن من اجل الزعيم كل شي يهون ندفع نتعب نتحمل ونتصبر على بعض العينات من الجمهور

يوم امس من خلال تواجدي في الملعب شفت اشياء كثيره عجيبه وعديده بذكرها بنقاط :

1>>>دخول جمهور بالمجان من صغار السن شباب النسيم والنظيم حبتين بتسهيلات من رجال الامن الصناعي

2>>>فطيرة جبن يائبسه انشبت بالحلق وبيبسي حار جاب الحرقان والسعر دبل

3>>> وقت الصلاة اغاني شغاله بالملعب تتوقف اثناء الاذان فقط يعني ازرق الصلاة وقت الاذان

4>>> بعض الجمهور مع احترامي لهم همج اجل واحد طول المباراة قاعد يقشم فص فص فوق راسي

5>>> دورات المياه اعزكم الله سئيه غير صالحه

6>>> المياة لاتدخل بالمدرجات نموت من العطش ولايروح الكرسي ولا حط شماغك على الكرسي ورح اشرب

7>>> التفتيش من رجال الامن شكيت في نفسي من تفتيشهم في اماكن حساسه

8>>> الدوارات التي على طريق الاستاذ تجيب المرض يازين الاشارات كل واحد يعرف دوره

9>>> يجب ان يمنعون اصحاب شعور الكدش من الدخول واحد قدامي ماشفت الملعب زين من كدشه

10>>> التدخين التدخين التدخين هناك اطفال وهناك مرضى بالربو 60% من الجمهور يدخن
في الاخير رغم الصعوبات لعيون الزعيم حاضرين بس موضوعي هذا مجرد رساله لبعض الاعضاء

الاٍ تطالب الجمهور بالحضور ويقولون جمهور الرياض لا يحضرون هنا اسباب جعلت بعض الجمهور

لايحضر واتمنى نقل مباريات الهلال الى ملعب الملز اشوف انه اهون شوي من استاد الملك فهد

المسافه قريبه بسبب انه وسط البلد ايضاَ ما فيه اغاني وكذلك نفتك من وراعين النسيم والنظيم

لانهم ليس هلاليين فقط يحضرون كل المباريات في استاد الملك فهد بالمجان

هلالي موسيقار

قناص سعودي · #2 02/03/2011, 03:40 PM

صراحه

لا تعليق
.........................$

الأمــل القادم · #3 02/03/2011, 03:51 PM

والله حرام عليهم الاغاااااااني قمه الاستهتار

يعني واللي ما يسمع اغاني

بعدين يبدون بمعصيه ويبغون ربي يوفقنا

وياليتهم يمنعون التدخين ويسمحون بالمويه

يعطيك العافيه موضوع في محله

الزعيم جليس القمر · #4 02/03/2011, 03:56 PM

يالسلام عليك والله لو كل الي بالمنتدى يطالبون بهالاشياء تمنع كان تشوف جمهور الهلال على اصوله
يمكن كل النقاط الي قلتها عندي عاديه بس الي قاهرني نقطتين
القطه الاولى حنا نصلي والجمهور اغاني ما الومهم لانه لو قام يصلي ماراح يتابع المباراة الا ورى الباب
والنقطه الثانيه التدخين يعني حر وعطشان وتستنشق دخان يلععن ابو المرض الي بيجيك ماشي الف
لاكن ننفخ في قربه مثقوبه

عــــــبدالعزيز · #5 02/03/2011, 03:57 PM

افلقني أذا توفقنا.
بسبب الأغاني اللي حتى وقت الصلاه مايوقفونها
وكذالك في ناس ماتبي تسمع الأغاني بسبب حرمتها شرعاً.

حسن8 · #6 02/03/2011, 03:59 PM

9>>> يجب ان يمنعون اصحاب شعور الكدش من الدخول واحد قدامي ماشفت الملعب زين من كدشه

ههههههههههههههههههههههههههههههههههههههههههههههههههههههههههههههههههه

سعوديه والهلال ناديه · #7 02/03/2011, 03:59 PM

والله حرام والله ربي ماراح يوفقنا وهم كذا لايعطون الصلاه حرمتها

والله حتى مع المنتخب وللاسف عندنا في السعوديه

كان معسكرهم في الدمام قبل بطولته اسياء وحاطين لي المؤتمر الصحفي وقت الصلاه

وكانهم في دوله كافره ماتعرف شي اسمه صلاه صحيح لاتحمل وازرتا وزر اخر ى

بس لازم نقدر امور دينا

نرجع لمباراه الامس

انا في البيت وفي الدمام جاء وقت الصلاه عندنا

وفيه اغاني قلت يارب يطفونها وقت الصلاه في الرياض

جاء وقت الصلاه وهي شغاله وكذلك في مكه الامام يصلي

وهم على الاغاني والله ماصارت مباراه كاننا في حفله

مادري على ايش محتفلين مع اني ضد الاحتفال بالاغاني فهي حرام

اذا كان فيها موسيقى حتى وان كانت وطنيه لكن ممكن نقبلها اذا فيه مناسبه

تستاهل نعم عودة مليكنا غاليه بس المفروض نستقبله بالحمد والشكر لله مو بالاغاني

اما الصعوبات فهي موجوده في الحياه ولن تجد الكل سواسيه

بس لازم الصبر والله يفرجها
لا اله الا انت سبحانك اني كنت من الظالمين

هلالي الذيابي · #8 02/03/2011, 04:07 PM

حرام عليعهم يشغلون اغاني وقت الصلاه

والتنظيم سيئ جدددا ولابد ان يشوفون حل مع التنظيم السيئ

حتى علب ماء ماتدخل

يالبيه ياملاعب قطر وبس باخي حتى لو انك ماتعرف الكوره غصب ان عنك تحضر عشان ملاعبهم تحفه

مو ملاعبنا الي كأنك خاش تشليح سيارات

شكرا لك

alzaeem -4- ever · #9 02/03/2011, 04:09 PM

الجمهور يعآني في الريآض

تكلمنا وقلنا و وصلنا لأعلى مقآم

لكن لاحيآة لمن تنآدي

عبووووود11 · #10 02/03/2011, 04:24 PM

ياجماعه وربي حرام اغاني وقت الصلاة بالله عليكم هذي ادارة ملعب
استغفر الله بس

نسيب ولهامسون · #11 02/03/2011, 05:16 PM

بصراااااااااااااااااحه الله يعين جماهير الزعيم
لاتعلييييييييييييييييييييييييييييييييييييييييييييييييييييييييييييييييييييييييييييييييييييييييييييييق

زعيم البطو لا ت · #12 02/03/2011, 05:24 PM

اغاني وقت الصلاة والله حرام عليهم

الله لايعاقبنا

أحمد"20" · #13 02/03/2011, 05:32 PM

والله انآ مثلك بس انا جآي من القصيم وياليتي مآجيت شفت الهوايل بالملعب .. وهآردلك لعشآق الزعيــــم ..

ازرقينهو · #14 02/03/2011, 05:41 PM

الأغاني حرام إن كانت وقت الصلاة أو غير وقت الصلاة

- قال تعالى ( ومن الناس من يشتري لهو الحديث ليضل عن سبيل الله بغير علم ويتخذها هزواً أولئك لهم عذاب مهين )

يافهيم هذا الزعيم · #15 02/03/2011, 05:48 PM

اقسسم بالله كلامك صحيح وانا مثلك شفته وعايشته سواء مع المنتخب او الهلال ياخي وضع من جد ( مزري ) انا شخصيا غير مدخن وصدري تعبان انا احضر عشان الزعيم اطلع من الملعب مصدع وحالته لله ضعنا مابين ( زقاره وامن صناعي وحرمان ) تخيل ياعزيزي يمر شوطين يعني اكثر من 90 دقيقه مانشرب مويه ؟ اموت من العطش عشان بس لايروح الكرسي علي واذا رحت ورجعت لقيت واحد جالس مكانك ( واخلاقه زفت ) وانتم بكرامه بالله شلون تحاكيه لا ويدخن ويقولك بـ قوة عين ( خير يبو ) هذا مكاني خدمات جدا سيئه فرق السماء عن الارض في ملاعب ( قطر ) خدمات متوفره واجواء تساعدك على التشجيع والحماس على عكس الوضع اللي عندنا ويهون هذا كله رجال الامن الصناعي يعاملون الشخص كـ انه ( مجرم غير مواطن ) عشان كذا انا اعتزلت حضور التشجيع الوضع جدا مايساعد للحضور في المدرجات مع الاسف