|
مسكين يافريدي + الاداره والمدرب هما السبب (من وجهة نظري) بسم الله الرحمن الرحيم السلام عليكم ورحمة الله وبركاته ادخل في الموضوع على طول مسكين يافريدي نعم مسكين يافريدي تدرون ليش لانكم حملتوه الخساره وهو في الاساس موب سبب الخساره حتى جريدة الرياضيه مطلعه صورة احد مواضيع منتدى الزعيم وكاتبتبين فوق الصوره انت يافريدي لست اكبر من الهلال طبعا هذا جماهير الزعيم اللي قالو هالشي الصراحه سبب الخساره موب الفريدي لوحده بل جميع اللاعبين لانهم ظهرو بمستوى سيء جدا ادخل في الموضوع الثاني الاداره والمدرب هما السبب الاداره لهم ثلاث سنين والى الان مادعمت الفريق بلعيبه محليين يعني على مستوى سوى عيسى المحياني هو المكسب اللي تعاقدت معه الاداره الحاليه ومشكلتهم نايمين في التعاقدات يقولون معنا ملفه وبنجتمع مع اعضاء الشرف وبنقرر من يكون اللاعب القادم الجديد لهلال واللاعب اللي ناوين يوقعون معه يطير لنادي ثاني وادارتنا الموقره تتفرج على اللاعب وهو يوقع لنادي ثاني ومن ناحية الظهير الايمن الهلال بحاجه لظهير ايمن محلي راحو يسمعون كلام جريتس اللي راح وخلاهم ويجيبون ظهير ايمن اجنبي وبعدين الاجنبي موب مطول معك والا راحوا يفاوضون لاعب ظهير ايسر الفريق بحاجه لظهير ايمن كيف تتفاوض مع ظهير ايسر والمشكله هالظهير الايسر الي يفاوضونه عمره 19 ويفاوضونه باكثر من عشره مليون احطها في حسن معاذ احسن من احطها في لاعب مصيره الاحتياط لان الهلال مكتفي بالظهير الايسر والهلال بحاجه لظهير ايمن اللاعب الاجنبي ماستفدنا من اللاعب الاجنبي في اسيا الى الان سوى لي يونق بيو وربما نيفز قبل ان يرحل الهلال محتاج لمهاجم اجنبي راحو يتعاقدون في البدايه مع لاعب وسط ومدافع المدافع ماستفاد منه الهلال وراح يجيب بداله لاعب محور والهلال محتاج لمهاجم اجنبي ومع المحور جابو لاعب رابع اسيوي وسط ومن ثم طيروا التايب وسيول وجابوا بدالهم لاعبين واحد وسط وواحد ظهير ايمن اسيوي واكرر والهلال محتاج لمهاجم اجنبي ولي خمسين مليون ولااستفدنا من هالاعب شي في اسيا فقط يبدع محليا وهدف سبهان الاول يتحمل جزء منه وربما يتحمله لوحده هذا الهدف الغريب ورادوي كذالك محليا تلقاه اسيويا ماتلقاه والدليل مباراة امس ماكنه يلعب وعيب الاداراه في المدربين كوزمين طردوه الاتحاد السعودي وبطلب من الرئيس النصراوي الحالي ولاقالوا شي الاداره الهلاليه خلوه يروح وبس وبعدها تدهور حال الفريق, جريتس عطوه الاداره صلاحيات الفريق الين نكبهم وراح نكبهم بوش نكبهم بتنسيق التايب والغامدي ونكبهم انه راح وباقي من عقده سنه صحيح ماتاثر الهلال بعد ماراحو لكن الغامدي التايب لاعبين مهمين وكذالك المدرب جريتس مايتعوض المدرب هو السبب في خسارة المباراة من بعدهذي المباراة يقرشعونه لديرته اجل عزيز والزوري احتياط على الاقل لعبهم في اخر عشرين دقيقه والايلعب بمحور واحد ومهاجم واحد وتغييرات مالهاداعي اهنيكم على هذا المدرب اسف على الاطاله لكن هذا الكلام كله وجهة نظر مني اكيد انتم عندكم وجهة نظر تحترم وشكرا |
ارجو من الاداره رفع الموضوع |
معقوله ولا واحد رد شكل الموضوع مااعجبكم:cry: |
اولا اشكرك على الموضوع .. لكن فيه نوع من التناقض شوي .. انت في البداية كنت تحاول تنتقد من يحمل الفريدي الخسارة .. او بمعنى اصح .. يحمل لاعب واحد .. وباقي كلامك قاعد تحمل رادوي و ويلي .. وانهم ما سوو شي .. وويلي سبب الهدف .. ياخي الفريق ما كان في يومه وخسرنا .. وتراهم بشر .. يعانون من الضغط مثل ما يعاني اي شخص .. ياخي طالب الجامعة او المدرسة .. من ضغط الاختبارات يمكن انه يضيع في مادة معينه .. فما بالك بتمرين .. ومبارايات مصيرية .. ومسؤولية .. ترى كل هذي في ذهن اي لاعب تشوفه قدامك يلعب .. وعمر النقد اللي زي كذا قد جاب فايده .. لا عبينك عشرة على عشرة ،... وبيجي اليوم اللي أذكرك بكلامك .. تحيتي لك |
جماهير روقوا وتكلمو بمنطقية ولي >> إذا جاب علينا قول ترى جاب لنا قول وصحصح الفريق اما السديري جاب علينا قول >>> المفروض هو يجيب قول زي ولي لأن ما عندنا غير الجيزاني ونامي !!!!!! والجميع يتحمل المسؤولية ما عدا المدرب >>>> لأنه يلعب على حسب امكانياته بدون ياسر ولا الدوسري |
والله المسكين جمهور الهلال اللي ضاعته اماله مع انصاف اللاعبين الفريدي والمرشدي والجيزاني ونامي والفرج والبرقان مستحيل يجي من وراهم بطوله قويه مثل بطولة اسيا ويا قلب لا تحزن ...... |
طـــارق التايب نجم لكن مشكلته الإصابات المتكررة ولذلك نسقوهـ جريتس وكوزمين خرجوا بظروف إجبارية من غير إرادة الإدارة وأتمنى عدم ذكر الأسباب التي أكل عليها الدهر وشرب.. الهلال ماكان في يومهـ لسببين: اللاعبين بدون روح والمدرب توظيفة للاعبين كان سيء.. ثانياً من بعد ياسر والهجوم الهلالي يُعاني جداً.. أحمد علي ووليد لاينفعون للهلال بالمختصر.. ونسأل الله التوفيق للهلال.,. |
انا استغرب من بعض الجماهير الي يقولون ان الفريدي بطىء نعم الفريدي بطىء بس مهارته تغطي على بطه والعكس تماما ميسي سرعته تغطي على بنيته الجسمانية الضعيفة مشكلة الفريدي مو السرعة مشكلته انانيته يحب يحتفظ بالكوره كثير وهذا هي الي تقتل الهجمة مشكووووور اخوي ع الموضوع |
ما أأيد الواحد يكتب وهو معصب والفريدي لاعب موهوب ما قلنا شي .. ولكن عقليته مسكين عقلية طفل اذا انقطعت الكوره راح لحق الاعب وكسره واذا سحب فيه واحد جلس يتمشى وراه .. واذا مسك الكوره جلست ساعه بين رجليه السبب الي خلى اغلب الاعضاء يركزون عليه من بين اللاعبين.. انو الفريق مهزوم والفريدي كان لاعب بارز بتسحيب الرجلين كأنه مغصوب |
إقتباس:
صدقت وربي هههههههه يسلم راسك ومع هالسلبيات تشوف بعض الجماهير يتغنوا فيه ؟؟ وربي حتى ملقط كووور ما أحطه |
الفريدي لاعب جيد لكن المشكله في مخه الذي يوزن بلد فاضي مافيه بشر يعني الي متي وهؤلاءالاعبين يشحنون الجماهير المحبه والعاشقه ويتلاعبون باعصاب الجماهير اني اري من وجهة نظري ان يحاسب كل لاعب علي مستوي في المباريات وان يتم الخصم منه اذا هبط مستواه وبالتالي سوف نقظي على ظاهرة الاستهتار والتلاعب |
مع احترامي لك يالغالي بس لا أوافقك الرأي أبدا بالنسبه للفريدي ما أحمله الهزيمه بس الهزيمه النسبة الكبرى عليه لانه وسط والوسط اذا تأخر تصعب مهام الهجوم لاعب بارد جدا ينرفز يتفلسف وحنا مهزومين أبي أعرف بس هالبرود من وين يجيبه +_+_+_+_+_+_+_+_+_+_ بالنسبة للاداره اقسم بالله ما عرفنا للجمهور ان تدخلوا بامور المدرب قلتوا ما هي احترافيه وان ما تدخلوا مخلين المدرب على راحته وبالنسبه لجريتس اكيد الاداره بتمشي وراه وتلبي مطالبه ما يعلموا بالغيب انه بيروح للمغرب والاداره الاحترافيه ما تتدخل بشؤون المدرب وتجتمع مع المدرب وهو يحدد مدى حاجة الفريق للخانة الفلانية ومن هو اللاعب الممكن احضاره المناسب مع احترامي لك ولكن اختلف معك بكل ما كتبت سر يا شبيه الريح ونحن خلفك |
إقتباس إقتباس:
إقتباس:
|
انا ماعندي مشكله لويطلعون كل اللاعبين المحترفين لكن على الاقل يجبون لاعبين احسن منهم احنا نحتاج صانع لعب غير اناني وليش الصفه هاذي بالتحديد لانه لاعبين الوسط عندنا في قمة الانانيه وهذا سبب لعدم بروز المهاجمين الموجدين ماعدا(ياسر)لان مستواه نازل |
| الوقت المعتمد في المنتدى بتوقيت جرينتش +3.
الوقت الان » 01:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd