نصبوا لك المشانق ... مادروا ان العله في ..... !
 

السلام عليكم ورحمة الله وبركاته

في البدايه .. الله يعوضنا بخير من ما فاتنا ان شالله

http://vb.alhilal.com/images/coc/images/fasel.jpg

مباراة الامس كانت سيئه جدا جدا للأمانه من مده طويله ماشفت الزعيم مهزوز بالشكل هذا ... اخر مره شفت الفريق كذا يوم كنا مع كوزمن يوم فاز علينا الاتحاد 4 في كاس الملك على مااذكر يوم كوزمن سحب الاظهره
وكذلك مع قيريتس يوم قابلنا الغرافه في قطر " الاياب "
اللي لاحظته انه اغلب جماهير الزعيم ... نصبوا المشانق لكالديرون وكأنه " دراقان " النصر اللي ماندري وش تاريخه !!
ماشفتوا كالديرون مع الاتحاد كيف وصل نهائي ابطال اسيا ودك ابطال اليابان بـ سداسيه ؟
ماشفتوه مع المنتخب في تصفيات كاس العالم وكيف تأهلنا بدون هزيمه ... وكيف كنا ندك كوريا في ارضها ؟
يعني اللي شفناه انه كالديرون له تاريخه وله بصمته وله تكتيكه وليس بالمدرب " دقها والحقها " كما كان ستامب مع الفريق الاول وحاليا مع الاولومبي لانه " ليس " مدرب بل مساعد s13s
لاحظوا انا قلت في البدايه كوزمن صار معه كذا وقيريتس كذلك ... يعني اللي جاي يطالب بكوزمن ... تراها صارت مع كوزمن وبنتيجه اكبر من كذا وكذلك النيجه مع قيريتس
يعني الخلل مو في المدرب ... ولو كان فيه خلل من المدرب .. بيكون ضئيل جدا .. لانه مو معقول يتكرر نفس المسلسل المأساوي على ثلاث مدربين بالصدفه :yes:

http://vb.alhilal.com/images/coc/images/fasel.jpg


في مباراة الامس ياجماعه وش تتوقعون اسباب الخساره ؟

بالنسبه لي "بمنظور شخصي" "وبناء على معطيات ":
50% يتحمله اللاعبين
20% يتحمله كالديرون
20% الاصابات
10% الرئيس عبدالرحمن بن مساعد

بالله عليكم ياجماعه ... الهدف الايراني هذا
http://www.youtube.com/watch?v=Z2JQbvTHZLI&feature=related

المرشدي وويليهامسون وش كانوا يسوون ؟
وين اللي يغطي على القائم الثاني اللي هو المفروض يكون الظهير الايسر شافي الدوسري خصوصا انه قصير القامه مايفيد في التخليص بالراس ؟

طيب الثاني ... شوفوه

http://www.youtube.com/watch?v=UBXaV4g8XZk&feature=related
100% غلط السديري بدون نقاش

http://vb.alhilal.com/images/coc/images/fasel.jpg

نجي حبه حبه للاسباب :

اللاعبين :

بالله عليكم وش يسوي كالديرون اذا الكره تمر من فوق راس المرشدي ويتفرج عليها الين يجي ابراهيما توريه ويدخلها بالقول !!؟
وش يسوي اذا السديري يدخل الكره للقول بيده ؟!!؟
وش يسوي اذا الفريدي يحاول يراوغ محاور ايران كأنه مافيه لاعب هلالي جنبه ؟؟
وش يسوي اذا محمد نامي مهمته بس "يلحق" لاعبي ايران بدون مايحاول يقطع الكره ؟ والمشكله انه نامي هو اللاعب الوحيد اللي اشوفه يمرر تمريرات طويله ... واضح انه شطح عن الخطه .. لان العابد والفريدي والشلهوب يمررون تمريرات ارضيه ... بينما نامي يرفع بعييد!!؟
وش يسوي اذا السديري يوهق نفسه ويمرر ضربة المرمى لهوساوي اللي بدوره يتوهق ويرجعها للسديري واللي يتوهق ثانيه ويمررها لنامي اللي لاحول له ولاقوه وتنقطع منه وتصير هجمه علينا ؟
خلل اللاعبين واضح انه خطأ من اللاعبين ... لانه حتى ابجديات كرة القدم اللي المفروض تكون عند كل لاعب ... اختفت في مباراة امس
تمرير ياجماعه محنا عارفين نمرر !!؟

كالديرون

بدل مانقول كالديرون سوا وفعل وغلط و و ... تعالوا شوفوا هاللقطه


http://www.youtube.com/watch?v=ZGNqvme4-Y4



واضح من هاللقطه ومن نظرات كالدي وحركاته وسامي كذالك انه الخطه بوادي ... واللاعبين بوادي وماظن فيه احد يخالفني بالشي ذا
انا عتبي على كالدي مو لانه لعب بمحور واحد ... ماندري عن ظروفه وقت المباراه ووقت التدريب
انا عتبي عليه انه لعب بتكتيك شبه جديد على الهلال في مباراه قويه ومهمه
لو لاعب قدام الفتح بمحور واحد اقول اوكي .. الهلال افضل فنيا ... ممكن يغامر ويجرب
لكن قدام سبهان وفي دوري اسيا وفي ارضنا !!؟ صعبه ياكالدي
لكن مسالة انك ياكالدي ليه مالعبت عزيز او القرني ... وليه تطلع العابد وليه مدري ايش ... حنا مانقيم كالدي ياجماعه

شوفوا الفيديو هذا كامل بالله وبعدها نكمل تحت " كلام عرّاب الهلال عبدالله بن مساعد "الفيديو تم تقطيعه بما يتناسب مع محتوى الموضوع

http://www.youtube.com/watch?v=c0eTG2jaJJI

بالله ياجماعه كالدي متى مسك الهلال ؟

في نص الموسم . صح ؟!
من جاء كالدي كم مره انهزمنا ؟ هذي اول مباراه
طيب من جاء كالدي ... قد مره لعب بالتشكيله كامله ؟ لا طبعا ولامره اكتملوا عناصر الفريق مع كالدي
هل اعد كالدي الفريق في معسكر قبل الموسم .. لا
هل الاجانب الموجودين .. يناسبون حاجة كالدي وطريقة لعبه ؟ لا
طيب اجل نلومه على ايش ؟!
الرجال زين منه انه وصلنا للمرحله هذي
لاتقولون الهلال يصنع مدربين ... الهلال كان سيء مع ليكنز ... واسوأ مع ستامب ... وقمة في السوء مع مساعد كوزمن وقمة في السوء مع بيسيرو
المدرب تبين بصمته ياجماعه وكالدي مدرب متميز ... مانلومه اذا ماعطيناه اللي يبي
يعني كان كالدي كويس ... بس علشان هزيمه وحده وبفرق هدف تخيلوا وبأخطاء لاعبينا .. نصبنا له المشانق ونطالب باقالته ؟
هل سمعتوا او قريتوا الكلام اللي انكتب في منتدانا ... طلع على مورينيو يوم اكل خمسه من البرشا ؟ خمسه مو اثنين لاحظوا s13s
وفريق كبير جدا مثل مدريد ... تجي فيه خمسه ... هذي لحالها ريكورد :yes:
كيف وحنا انهزمنا اثنين واحد !!؟
تبون تعرفون انه كالدي ماله ذنب كبير ... شوفوا الهلال اخر دقيقتين بالله :yes:
حاصرنا سبهان بطريقه مرعبه ... وكدنا نسجل التعادل ؟
وين اللعب ذا مابين من اول المباراه ؟
والا كالدي قال سووا كذا وافعلوا كذا ؟ نفس كلام كالدي ونفس خطته ونفس تبديلاته
الفرق
انه اللاعبين توهم يستوعبون الوضع
فيه نقطة حاب اقوولها اخر الموضوع عن الروح

الرئيس :
بالله عليكم ... وين رئيسنا عن النادي من بعد الغرامه " الـ 200 الف " ؟
يعني الحين يابوفيصل .. تجي عليك غرامه علشان تصريحك
وشلت بخاطرك .. او بالعاميه " زعلت " اوكي مو مشكله
وشالوها عنك بعفو الملك
وبرضو زعلان
طيب وش ذنب الهلال ياطويل العمر يومك تتركنا كذا
يعني ع الاقل لو عندك ظرف ... صرّح في الاعلام ع الاقل اللاعبين وحنا نحس بالمسؤوليه
كسر خاطري وجه السعد الامير نواف وهو في المدرجات ولاحول له ولاقوه :(

خروج عن النص :

لانلعب على بعض ياجماعه
هلالنا للأسف بكوزمن وقيريتس وكالديرون و و و مافيه رووووح الهلال
مافيه قتال علشان الفنيله
مافيه روح سامي
روح الثنيان
روح حتى الجمعان
فقدان الروح في الهلال للامانه هو شي متوارث جيل بعد جيل ... وكل سنه ينقص الولاء وروح الهلال حتى وصلنا للي وصلنا له
وش اللي خلى النصر امس يتعادل مع باختكور ؟
لاعناصر زي الناس ولااجانب زي الناس ترى
لكن الروح حضرت :yes:
شوفوا وجه السهلاوي يوم جاب التعادل وتعرفون قصدي s13s
الاتحاد عناصريا اقل مستوى من الهلال
لكن في الروح ... اسألوا اسيا :yes:
روح الهلال علشان ترجع تحتاج لعمل كبير وعلى مدى طويل للأسف
وماتجي الا بتكاتف اكثر من عنصر مع بعض
1-رئيس حازم جدا مع اللاعبين
2- طبيب نفسي يهئ اللاعبين لكل مباراه ويرفع الروح المعنويه
3- تجديد عناصر الفريق المحليين والاجانب ... وياليت يجون ربع روح رادوي :smilie47:
لو فيه مثل رادوي في كل مركز ... كان نافسنا اندية اوروبا

لانه هلالنا الحمدلله ... مو ناقصه فلوس
مو ناقصه جماهير
مو ناقصه عناصر
مو ناقصه تاريخ
مو ناقصه مدرب
ناقصنا روح
والله يوفق هلالنا
انا متفائل انه هلالنا في اسوا احواله قادر على تجاوز دور 16 ... اذا حضرت الروح بعد توفيق الله

الف شكر ع الرفع ولو انه متأخر :)

ماشالله عليكم ... طار الموضوع الصفحه الثالثه علطول !؟ :s5s:

يعطيك العافيه على الموضوع المميز

الحمدلله على كل حال وان شاء الله نعوضها في المبارياه القادمه

بالتوفيق لزعيمنا

انا معك ان الذنب مو ذنب المدرب فقط
الكل يتحمل (الكل بدون استثناء) ماعدا الجماهير

المهم القادم ويجب تصحيح الأخطاء وهذه حال كرة القدم فوز وخسارة

اخوي موضوعك من أعقل الموضوعات التي رأيت نتيجة ردت الفعل السيئة من الجمهور العاطفي
الذي لايفكر أن هناك فرق عالمية قوية خسرت وبنتائج كبيره وهي في اعلى مستوياتها فلكل جواد كبوة

أنا من اشد المعجبين بكالديرون اتوقع بإذن الله أن هذه الخسارة مهر للبطولة والحمدلله أنها جاءت في أول المشوار ومن فريق قوي
حتى يتلافى كالديرون الأخطاء

الهلال لم يكن في ويومه

كالديرون تشكيلته ليست سيئة فقط التوظيف سيء
كنت تمنيت لو أنه أرجع العابد بعد الربع ساعة الأولى مكان الشلهوب الموهوب خلف المهاجمين مع الفريدي حتى يكون عندنا صانعيي لعب أثنين مميزين في التمرير الصحيح وقليلة أخطاءهم في التمرير

والعابد لاعب سريع في الارتداد للخلف وسريع الحركة فيساند رادوي في المحور لهذا السبب ولانه أقوى جسديا من الشلهوب

صدقني لو عدل هذا الخطأ مع بداية الربع أو النصف الساعة الأولى كان تغير الحال بإذن الله

ثم بعد الشوط الثاني لو أدخل مكان العابد عزيز كان انصلحت الأمور أو حتى القرني لحاجة الفريق للفريدي حتى وهو في أسوأ حالاته ولكنه مميز في وتسليم الكور مع الشلهوب خلف المهاجمين

كالديرون مدرب كفؤ يتحمل جزء من الخساراة واللاعبين يتحملون جزء كبير لأن الروح شبه غائبة فقط

وفعلا أهداف الايرانين من أخطاء ليس لها داعي ولم تكن ملعوبه رغم أنهم الأفضل تكتيكا طوال المباراة

رغم خطورة الهلال في هجماته وهو سيء كاد أن يسجل أكثر من هدف في الشوط الأول

وأنا معك مشكلة الجمهور يصب المشانق

هذه الخساراة الأولى بعد مباريات كثيرة أغلبها فوز بل أداء مبهر لشباب الهلال

أنا متفائل بكالديرون أنه سيكون اسطورة في هذه السنة بتحقيق الدوري وكاس ولي العهد والبطولة الاسيوية انتظروه فهو واثق من نفسه

واتمنى أن أسأل جيمع الهلاليين متى رأيتم العابد يلعب بهذا المستوى الجميل هذه السنة في غير هذه المباراة إلا مع كالديروون فقط
حيث أنه قريست أول مبارتين ثم تدهور مستواه

ومثله الفريدي الذي يقدم مستويات مبهر ة في غير هذه المباراة وصناعة لعب خرافية
وحتى عبدالعزيز الدوسري لم يبرز في عهد قريست لأنه لم يقتنع فيه ولم يعطيه الفرصة

كالديرون مميز حتى وإن أساء في هذه المباراة فهو لم يكن في يومه

فقط أتمنى من كالديرون أن يوجد بديل للاعب محمد نامي الذي ليس في مستوى الهلاليين لضعف دفاعة وحيث انه معبر للمهاجمين

اتمنى أن يغامر بلاعب من الأولمبي والا الشباب

كالديرون خسره الاتحاد لو أنهم مشوا مع نصيحته بتغيير كبار وعجزة الفريق الاتحادي ولكن للاسف لم يسيروا وفق نصيحته

أتمنى من الجمهور الهلالي أن يكون واعي وليس عاطفي وأن يخف على اللاعبين شوي فالفريق في أول المشوار وليس هناك فريق لايخسر

كلامك مثل العسل
وصراحه كل مره يفوووز الهلال ماحد يتكلم والحين خسر
قلبتو الدنيا على كالديرون
وبالتوفيق للهلال
بس الروووح مثل ماقال اخوي
الروووح الرووح الروووح
وراح تشوفون كالدي في باقي المباريات
وانشالله بيتاهل الهلال باذن الله

تسلم حبيبي

وفعلا

الحمدلله على كل حال والله يعوضنا بالوصول للنهائي ان شالله

العلة ليست في المدرب بل في أشبااااااااااااااااااااااه اللاعبين والله يوفق الهلال. تحياتي

ماضنيت بنشوف مباراه مثل الي شفناها مستوى تعبان
الفريق يلعب وكأنه مهوب الهلال ولكن الحمد لله جت بدري ليعرف الهلال الي له والي عليه
مدربنا من الي مايعرف كالدي بس ياليت ماعاد يحوس بالتشكيله
ودك بمحورين ويرجع ابو بندر لمكانه على الطرف الايسر
بالتوفيق للزعيم
تقبلني عابرا

والله كالدي قدم مستوى رائع مع الهلال مع انه جا نص الموسم و الفريق منهار

بعدين الهلال بعد التبديلات قدم مستوى و كدنا نسجل التعادل

لكن قدر الله و ما شاء فعل