|
[ .. جماهير ابو ريالين والليمون ! .. ]
|
صح لساااانك والله جبتها على الجرح هذي مشكلة جمهور الفوز فقط يطبلون وقت الفوز فقط اما بالنسبة لخروج الجمهور انا مره رحت مع شخص للملعب ويوم جت الدقيقه 85 قال مشينا وكنا فايزين وقتها قلت وين؟؟ قال: نطلع قبل الزحمه , طيب وشوله جايين اصلا الا عارفين انها زحمه ولاكن جايين عشان الكيان الهلالي ان شاء الله ماطلع من الملعب الا الفجر اهم شي اساند الكيان الهلالي تقبل تحياتي |
موضوع رائع وفي الصميم تشكر عليه ،، للأسف بعض الجماهير ذو الفكر المحدود يشجعون الهلال الي بس يفووز واذا استقبلت شباك الهلال هدف طلعو من الملعب .!! ويكب عفشه بالمنتدى بمواضيع عقيمـه ونسو ان الهزيمه هي الاولى بالموسم كله .!! المشجع الهلالي الوفيَ يبقى وفي لـ ناديه سوى فايز ولا مهزوم ، |
قبل المباراة قالو الجمهور سلبي في حضوره وجمهور متفرج بعد المباراة صار الجمهور جمهور ابو ريالين الله يعظم اجر هالجمهور بس لاعبين بلا روح ولا مستوى وتبي الجمهور يصفق لهم مثلا والا ايش ياخي لو قدم اللاعبين مستوى وخسروا انا معاك في انه يجب الشد من أزرهم ومساندتهم والتصفيق لهم لكن مستوى يقطع الوجه وتبي نطبل لهم ونقول ياسلام عليكم مشكلتنا نترك مكمن الخلل ونبحث عن امور جانبيه نحملها وزر واخطاء غيرها |
الجمهور فاشل جــدا و الاعبين فاشلين |
من حق الجمهور انه يطلع :ranting: شكلك ماشفت المباراة مستوى سيى نصف الاعبين مالعبوا زين فوق هذا تخبيصات المدرب:mad: يعني وش تبي الجمهور يسوي :cry: انا مع ان الجمهور يحضر في المباريات الجاية مباراة مهمة تنتظرنا خلاص انسوا اللي راح راح |
..,.. سؤال لك حظرت الى الملعب حتى تتهمنا بجمهور ابو ريالين !! اذا جاوبتني قدرت اناقشك !! .,. |
اجلس عشان اوجع قلبي انا امس من الحضور الي جاي وتعبان طريق وقلق وما رحت الجيم المهم يا حبيبي نفس سؤال الي فوقي انت رحت الملعب انا ما توقعت تملى الواجه ياخي والله لو فيهم حس شوي الاعبين حسو بالجمهور ميه بالميه الهلال بيطلع مهزوم ومستوى لا يشرف الكوره السعوديه روح انهزاميه يا شيخ اسكت تكفى الي فينا مكفينا روح انهزاميه والي كاتب الموضوع انا اتوقع لو يوم طبيت الملعب ما قلت ذا الكلام بس قاعد ورى الشاشه وروح انهزاميه انا طالع من الملعب راسي للارض ولا اقدر اتكلم والرسايل كلها تهزئي حتى الهلال يستهبلون على فريقهم من الغبنه وش تبينا نشجع ونقول يله شدو الهمه عشان يجبون فينا الايرانيه هدف ثالث خلنا ساكتين ونطلع من الملعب بشويش والي جات امس من جماهير الهلال هي الجماهير الي تحب الهلال من قلب وتبي الاسيويه اجل الاسيويه تلعب فيها كذا وعلى ارضك وبين جماهير وتكفى ذي المواضيع الي اكبر منك لا تكتب فيها وتسوي انا الفاه |
عفوا من انت حتى تقيم جمهور الهلال او انك تقيم بعض جمهور الهلال والله مو من حقك ماحنا ناقصين يجينا احد من البيت الهلال وينتقص في بعض الجمهور كافي اللي حاصل برا الركاده زينه ياخوي |
اخوي الحين هالعالم حااضره من العصر .. واخر شي لا مستوى ولا نتيجه والله لطلع خل اللعبين يحسوون شووي .. امس استهتااار مو طبيعي كان الهلال فاايز ... شي يرفع الضغط |
إقتباس:
ألف شكر |
إقتباس:
وان شاء الله الجمهور كله وفي لكن يختلفون في طريقة التعبير |
إقتباس:
انا تكلمت عن نسبه من الجمهور وماقلت كل الجمهور وبالنسبه لمكمن الخلل أو الجوانب الفنيه انا ذكرت من البدايه اني ماابي اتكلم فيها لأنها وجهات نظر مختلفه وممكن تحليلي مايناسب تحليلك وكذا وماطلبت من حد يطبل لهم ويصفق أبدا .. لكن على الاقل يكون في احترام للنتائج السابقه والمستويات الجيده ماهو من هزيمه وحيده نقلب الدنيا عليهم منور :rose: |
كلام كبير وكل كلمه صدقت فيها والله انا لاخسر الهلال احبه اكثر واحس بالهشي والوضع مع الداهيه ابن مساااااااااعد بتحسن اذا الاعبيييييييين ساعدوه |
إقتباس:
ومثل هالاراء فعلا تمثل العينه اللي اقصدها لو هم فاشلين ماتصدروا الدوري ولا حققوا دوري العام الماضي ولا حققوا كاس ولي العهد ولا لعبوا على كل النهائيات قليلا من التعقل قبل اصدار الاحكام نعم الفريق كان سيء امس ، لكن مانقول على اللاعبين فاشلين والا الجمهور فاشل ، الجمهور من حقه يفرح لكن مو حقه التجريح في اللاعبين مثل ماشفنا من البعض حياك |
| الوقت المعتمد في المنتدى بتوقيت جرينتش +3.
الوقت الان » 10:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd