الجمهـور الجاحـد إلى متـــى ....!؟ - نادي الهلال السعودي - شبكة الزعيم

M i L a N 22 · #1 02/03/2011, 08:46 AM

غريب أمركم والله من أول هزيمة والكل متشائم أنا عكس الجميع مبسوط لهزيمة الهلال لأسباب كثيرة أن نحترم بالأول والأخير الخصوم ألي نلعب معها والحمد لله تعثر في البداية أحسن وأفضل من تعثر في وقت لا يقبل فيه التعويض مراجعة الأخطاء ونشتغل عليها ونصححها وبعدها نشوف رجال الزعيم كيف راح يبسطونكم دخلت المنتدى العزيز وللأسف أتفاجئ وانبهر من كلام ناس محسوبة على أنها جمهور الهلال من يطالب منهم بعدم الحضور لمن تعود الروح وألي يقول لا تلومونا أن ما تواجد الجمهور هل نطلق على أنفسنا بالجمهور الجاحد ...!؟ هل هذي الردود بالفعل لمن تعشق الكيان !؟ غريب أمركم والله أن كانت أغلب المواضيع وإن ما بالغت قلت نصفها كأنها تهدد الإدارة نبي روح ولا محنا بحاضرين يعني الأمير عبدالرحمن بن مساعد يفعل مالم يفعله غيره بدعم ومجهود نشكره ونقدره ومع ذالك تتوقعون هو يوزع الروح على ألاعبين ويشتريها لهم ...!؟

غيرنا للأسف لم يعرف البطولات يوم ومع ذالك ما نشوف منهم مقاطعة وغيره من الكلام ألي يطلع عندنا الحين تكفون يا الربع أتركوا المبدأ هذا حنا محتاجين لكل واحد منكم بالتواجد بدعمه للفريق مهوب من أول معترك وحرب تبدأ ألانهزامية فيكم أنتم لو كنتم بعيدين عن البطولات لفترة كبيرة ولاعبين أجانب عندكم أشباه لاعبين وكل مره منحاش واحد ولا مقدم عليك شكوى تتوقعون راح نتساوى مع جمهور الشباب بالعدد .. وليس تقليل من الجمهور الشبابي ولكن كـ تشبيه اصحوا بالله ولا أتركوا تشجيع الزعيم لنا أن خسر الهلال مره وألف ومليون راح أضل أقف معه لأن بأيام وسنين كان مصدر إلهام وسعادة لي فهل من هزيمة ولا أثنين وثلاث أتركه وأتهجم عليه لا وألف لا بطولات لا تحصى وأفرحنا بأكثر من مناسبة هل يستاهل منا كل هذا .....!؟

يا أيها الأمير نعرف بأن الهلال أخذ كل وقتك وشغلك حتى عن أبنائك وأعزائك فضحية لأجل الهلال بالمال والتعب والتفكير ومجهود كبير لن ننساه لك المدرب أخطا وكلنا أمل بأنك أخبر بالأمور هذي ما نرجوه منك محاسبته ومناقشته بعيد عن المناقشة ألتي كانت مثل قيرتس لابد من الحزم والشدة في بعض الأحيان وأخبار المدرب بسر خاص بالجمهور الهلالي بأنه لا يرحم فإن كنت تخفي لنا مفاجئات سعيدة بالمستقبل القريب فكلنا انتظار لها أن كنت تعدنا بمهاجم أخر يحسب له ألف حساب فنحن ما زلنا ننتظر سوف نقف معكم سوف نكون صوت يكون داعماً لكم سوف نستمر بالتشجيع لكم ! فنأمل منكم أن ترضونا بمستوى يليق في " برشلونه آسيا " ... فيعلم الله أننا نحبك بالله وقلبً وغالباً سوف نكون معك . نتوكل على الله وبأذن الله لن نكون خائبين وحنا في بداية الطريق ولا مكان بيننا لمن هم لا يستطيعون الصبر في حالة الهزيمة وفقط موجودين وقت الفرح ...!

أحبك ياهلال بكل حالاتك ../