|
لا تقتلوه لأنه كالديرون ... ولا تظلموه لأنه سامي ... (ولاتُحْزِنُوه لأنه أخرج قلبه ووضعه بين يديكـ .. فمن هو ياترى؟ ) ادخل والله ماراح تندم ... بسم الرحمن الرحيم ... اللهم صلي وسلم على نبينا محمد وعلى آله وصحبه وسلم .. السلام عليكم ورحمة الله وبركاته ... هارد لنا جميعاً .. وربي إن شاء الله يعوضنا .. المهم .. اللي أبغى أتكلم عنه هو ماحدث من ردة فعل بعض الجماهير .. بعد الخسارة .. موضوعي بتكلم فيه عن ثلاث نقاط ... أولاً/ الأسطورة سامي الجابر : أنا ماجعلني أكتب هذا الموضوع هو بعض الأعضاء هداهم الله اللي كانوا قد شنوا حملة ضد ؟؟!! ضد من ؟؟ ضد الأسطورة سامي الجابر . . . يعني عشان مباراة واحدة انهزمنا فيها دخلتوا فيها سامي .. وهذا ما يفهم .. وهذا كان السبب في الخسارة و . و ... الحين سامي اللي خدمنا 20 سنة .. سامي الذي كان يفدينا بروحه من أجل أن يفرحنا .. سامي اللي كان هداف الهلال والمنتخب ... سامي اللي كان حاسم للعديد من البطولات ... سامي اللي ضحّى بوقته وإجازاته وجعل جلّ وقته في إدارة الكرة في نادي الهلال ... كل ذلك وأكثر .. ويجي واحد من أجل مباراة واحدة انهزمنا فيها يقول سامي هو اللي خسرنا .. ياخي معليش خلونا نكون واقعيين .. من أجل مباراة واحدة خسفتوا بسامي الأرض ... يعني متى بنرتقي بفكرنا شوي ... وصدقوني من كان حديث عهد بالرياضة ماقال ذا الكلام ... اللي أبغى أوصله لكم: خلوهم يعملون كفاية ضغوطات واللي راح راح ومباراة وحدة راحت بخيرها شرها .. خلاص وصدقوني إن شاء الله إنها ما بتأثر في المشوار الآسيوي ... لكن علقوا آمالكمـ بالله وحده ... ثانياً / السيد كالديرون :- المدرب ماقصر مع الفريق كونه مسكـ زمام الأمور في وسط الموسم ... مع ذلكـ حقق نتائج إيجابية سواء في الدوري أو في كأس ولي العهد .. أو حتى في إعطائه فرصة للوجيه الشابة ... لكن بعض الجماهير على أي هفوة أو أي غلطة ما يتحسب إنه يكتب ... حالهم حال إعلام الأصفرين , (وأعوذ بالله أن أشبهكم بهم ) .. لأنكم عندي أجل وأعظم قدرا .. ولا تفهموني خطأ على إني أدافع وأطبل لكالديرون ... بل إني مقرّ إقرار تام أن كالديرون لم يقرأ المباراة جيداً ... ولكن هذا لا يدعو إلى المطالبة بإقالته .. فكالديرون بشر ليس مَلَكَـ وإذا هي ع الأخطاء كان في كل موسم يمر على الفريق ثلاث مدربين ... .. فالهزيمة ليست آخر الطريق بل ستكون بإذن الله دافع لتقديم مستوى أفضل .. وبإذن الله المباراة القادمة ستكون انطلاقة الزعيم للآسيوية ... ثالثاً / صاحب السمو الملكي الأمير : عبدالرحمن بن مساعد :smilie47::- (وهو مقصودي في العنوان.. الذي أخرج قلبه وجعله بين يديكـ) والله إني لأقف مهذولاً عن وصف هذا الرجل إن قلت أنه شخصية تُدَرّس في الأخلاق لن أوفيه حقه وإن قلت أنه متواضع فهي قليلة في حقه وغير ذلكـ من الآداب والأخلاق والمفاهيم التي رسخها في الوسط الرياضي والله إني لم أبالغ في العنوان حين قلت أنه أخرج قلبه ووضعه بين يديكـ .. رجل بذل الغالي والنفيس من اجل أن تفرح أنت يامن تشجع الهلال .. ضحى بنفسه وبصحته وبماله من أجل الهلال .. فوالله أن الهتافات والتشجيع الذي يلقاه من الجماهير الهلالية في كافة أرجاء المملكة لم ولن توفيه وترد له ولو جزء بسيط مما يقدمه ... فلكـ من ياسمو الأمير الدعاء لكـ في ظهر الغيب بالتوفيق في الدنيا والآخرة وهذا أقل مانقدمه لكـ ... أخيراً / أسأل الله أن أكون وفقت في طرح موضوعي .. واعذروني على القصور .. وسامحونا إن كان زلّينا في الموضوع .. مع خالص تقديري ,,:rose: واحترامي ,,:rose: :: قــــــفــلــة :: نـادت مـشـاري صــاحـو الـخـلـق لـبـيـه == مـن زيـنـهـا كـل الـخـلايـق مـشـاري |
كالديرون لا اعذار له ،، هناك معسكرين قطر + دبي ،، يعرف الكرة السعودية جيدا ،، اخطا في وضع التشكيلة + اشراك بعض الاعبين في غير مراكزهم + تبديلات خاطئه الاعبين ايضا يتحملون المسؤوليه استهتار + مافيه قتايه مافيه روح ،، الله يعين |
انا مع الزعيم فاز خسر تعادل انا مع الكيان ويارب التوفيق للزعيم |
تراك مبالغ على فــــكرة :D |
هذي اول مباراه يعني ماصار شي للحين لاتبالغون في الخساره امكن لا رجعوا المصابين يتحسن الحال تقبل مروري |
الفاشل هو من وصف الأسطوره بالفشل ومشكله جماهير الهلال الله يهديهم في حال أي خساره يخرجون من الملعب و يقعدون يسبون في اللاعبين والمدرب والرئيس هذولا مع إحترامي لهم لايفقهون في الكوره شيء اصبرو ياناس وتشوفون الهلال يعني لازم يفوز لازم خلاص المره ذي خساره والمرات الجايه فوز وتأهل بإذن اللـــه بس دعمكم ودعواتكم وليس تحطيمكم للنادي يعطيك العافيه |
اهنــــيك. على موضوعك اخوي. وحمــل.. لاعبين ومدرب. الهزيمه. فآكلديرون لم يقرا مباره جيد.. مفـــروض. لاعب. ب خالد. عزيز. محور ثاني عشان رادوي يتحرر. لاعبين اليوم بصراحه واضح عليهم الارهاق. وهاذي بدآيه. المشوار. درس. من المستحيل تشوف فريق على مستوى واحد طول الموسم لزم يكون فيه هبوط ف مستوى ولا تنسون فيه اكثر من غياب وبعض لاعبين راجعين من اصبات وذا احد يقول اقيلو كالديرون ولا شوفوه غيره اقوله.. { للاسف } انت ما تفهم. كوره. لو كل فريق. ينهزم. كان برشلونه اقالوه غوارد يولا سـآمي. قلـــب. الهلال. هو آحرص. منا ومنكم. على الهلال وبآلتوفيق ل الزعيم ف مباريات الجايه |
صح لسآنك :smilie47: أنآ معك وأوفقك الرآي ووللآسسف هذآ حآل جمآهيرنآ أذآ خسرنآ كبرووا في الأموور والمدرب وسآمي وووو.. يعني ووشوو أنآ عششآن مآنخسسر ... شف الظرروف الي مًر فيهآ الفريق منذ بدآية الموسم الى هذة اللحظة وأحكم بنفسك : -خرووج مرير من الأسيوية -استقآلة مدرب وهرووبة -استقالة الرئيس -الضغط الأعلآمي الكبيييير ع اللآعبين بعد الخروووج الأسيووي وقصة المحآفل التي كآنت ستقووم لآجل ذآلك - قصة نيفيز مع مدرب البرآزيل وأنشغآلة التآم بترك الفريق حتى يتسنى له اللعب مع منتخبه، والبحث عن بديل منآسب -اللجآن ومآ أدرك مآ اللجآن وأستهدفهم لنآ -أصآبآت + غيآبآت -أرهآق +ضغط مباريات وكل هذآ وكآن الفريق وولله الحمد يمشى ع الطريق الصحيح بفضل من الله ومن ثم بفضل وقوفكم معه ،، وخسسرة وحيييده وفي بدآية أول المششوآر الأسيووي شنيتوو هجووم عنيف لآحوول ولآقووة الآبالله،، أنآ معكم المدرب لخبط في التشكيلة وفشل في التغيرآت لكن ومع هذآ لآزم نقف مع اللفريق فهو من بحآجة لكم وياليت تسوون دلييت لمبآرآة الأفتتآح وتفكررون في لقآء الأحد :smilie47: قيل: ((طريق النجاح يمر دائماً بمحطات من الفشل )) s13s:smilie47: |
ما طلبنا من كالدي الا انه يلعب بالمنطق ليه يلعب بالتشكيله وعنده عناصر اي فريق يتمناهم .. يعني يقدر يوظفهم بس الكتاب واضح من عنوانه ماشي بالبركه .. بالنسبه لشبيه الريح فهو أغلىىى بطولات الهلال .. وسامي قلب الهلال النابض محد يتحمل الخساره غيره هو كالدي اجل الشلهوب محور وعزيز بالدكه ويلعب نهاية المباراه بدون اظهره اي مدرب هذااا .. آآآآآآآآهـ بسسس بالتوفيق لهلالنا .. |
يا زعماء انا بصراحه متفائل بالهزيمة اول شي انشالله انه تأثيرها مو قوي على نجوم الهلال وثانيا تعطي اللاعبين فكرة احترام الخصم نقطه في خاطري هل وليد الجيزاني مكانه في الهلال احترامي لصاحب الاختيار |
الله يجزاك الف خير اخوي على الموضوع ,,, وانا هنا الصراحة جاي عشان اعلق على الناس اللي تتكلم على سامي ,, بجمله بسيطه وهي : " البطولة اللي الاسيوية اللي تتمناها الحين واللي ودك تتطلع عينك عشان تاخذها , سامي يوم كان يعلب جابها لكم لحاله " وانتم الحين ياللي تنتقدون سامي مالكم يومين في الكورة وجايين الحين تتفلسفون علينا :mad: ,, |
إقتباس:
|
ياحراااااام ما لقيتو الا سامي الجابر اللي انا اسميه عراب الهلال اتفائل بوجوده والله العظيم نعم كما قال احد الاخوه نحن مع الزعيم فاز خسر تعادل نحب الهلال ولن نتوقف عن حبه ابدا ابدا ابدا اول خساره للهلال من اول الموسم هذا احنا متصدرين الدوري واصلين لربع النهائي في كأس ولي العهد وهذولا بشر مو حديد ما يتعبون ما يمرضون لكن واشدد على كلمة لكن نحن نعشق الروح القتاليه في الهلال نبغى قتال لاخر لحظه ونبغى كالديرون يثبت على تشكيله وحده تشكيلة الهلال امام الاهلي كانت جدا رائعه الا بغينا نجيب العيد ف الاهلي كان فيه فنيات ولمحات جماليه يعني الاهداف جات بشكل مهاري عالي متعه في المتابعه وحسيت اللاعبين يعزفون مقطوعه موسيقيه كلاسيكيه وين راحت هذي الروح في مباراة الفتح وسبهان؟؟ ضاعت في التشكيله الغلط رجع التشكيله ياكالديرون ارجوك نبغى حماااااااااس |
ملينا من البطولات المحلية نبي اسياء وبس والله لو تجي ابيتغير الهلال انحسم الدوري قبل ينهي بشهر |
ما ضيعنا الا مثل هالمجاملات ................. والنفخ |
| الوقت المعتمد في المنتدى بتوقيت جرينتش +3.
الوقت الان » 10:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd