الحمدلله على كل حال

باذن الله يعوضها الزعيم في المباريات القادمه

بالتوفيق لزعيمنا

إقتباس الرسالة الأصلية كتبت بواسطة بآتشينو ااااه خلها على ربك فوز الهلال وخسارته صار " مؤشر " الفرح والزعل عندي اتفق معك في كل نقطة وبقوة .. الهلال ينقصه شئ كبير واساسي هو " روح الـهـــــــــــلال " في هذه الصورة وتشكيلة هلال التسعينات .. كان متسيد البطولة الاسيوية " روح الهلال " كانت متواجدة بقووووة وكان لها دور كبير وفعال بعد توفيق الله الحين كل واحد همه " الفلاش والفلووس " فقط الا ماندر .. للأسف .. تعبوا اعصابنا .. نبي الجدية في اللعب .. نبي المحافظة والغيرة على اسم " الهـــلال " واللي مو قد فنيلة الهلال .. ياليت يطلع من النادي مشكور .. *

مؤشر عندنا كلنا
والله يرد القتالية والروح اللي كانت في لاعبي الهلال اللي في توقيعك للعبي الهلال الحاليين
الحمد لله على كل حال ، وبالتوفيق إن شاء الله في القادم

إقتباس الرسالة الأصلية كتبت بواسطة باريس0 ههههههههههههه قمة التناقض احمد علي حتى الان ما جته ولا كورة صح لان الفريق مافيه صانع لعب

شف عبدالملك زيايه مع الاتحاد وش يسوي مع دفاع بيروزي وتعرف جته كرة والا لا . . . ؟
المقصود اللاعب لا يرضي طموح الهلاليين حتى الأن وليس هو اللاعب اللي يصنع لك فارق

الجيزاني من جدكم لو فيه خير ماتركه الاهلي والحزم والشباب وخاصة الاخير مانفع معهم انسى ينفع معك

الفريدي ياي روح ركب تيربوا عشان يتحرك دمك اكثر لعبت فينا برودك
المرشدي من السنه اللي راحت مستواك هابط ومافيه امل يتطور
كالديرون مافيه راسك تدريب متوقع يصير لك مثل بيسيرو ننتظر وبعد مايطير كل شي نسوي اقاله كوزمين موجود في دبي رجعوه
ياناس

إقتباس يا إدارة تردد من الجمهور كثيراً مطالبها بمهاجم له أسمه وعن نفسي أتمنى يكون من القاراة السمراء يعني بالعربي يكون ( خال ) لو ما يعرف يلعب المهم نبيه خال يمتلك قوة جسمانية ولا يعرف يرجع للوراء ما يعرف الا الباب يقاتل داخل منطقة الجزاء ومسانديه من منطقة الوسط راح يكملوا أي ارتداد المهم أنه يشغل دفاع الخصم ويا ليت أشوف مهاجم بهذه المواصفات في تشكيل الخارطة الهلالية . . .

وش نبي فيه دامه مايعرف يلعب ؟

الأبقاء على الجيزاني احسن من التكلّف وإحضار ( خال ) مشهور وله أسمه وبنفس الوقت مايعرف يلعب !!


.


عوافي


.

شوفو برايي ان الهلال مستواه في المباراه كان فاشل فعلا فاشل وماتحمسو الا علا اخر الدقايق زين بعد سجلو هدف لكن ان شال الله يعوضونا (مشعل الهاجري )

إقتباس الرسالة الأصلية كتبت بواسطة s.as444 بسمح لك ولكن أسمح لي بعد أنت أقولك ما عرفت تقرأ أو أستعجلت القراءة بوضح لك بناءاً على ردك أحمد علي ذكرت أنا أن ما فيه شي قدمه يشفع له أنه يكون بمواصفات مهاجم ليضيف قوة لهجوم الهلال وما زلت عند كلامي بأنه ثقيل ولا شفت له إي إجادة لضربة رأس واحدة إلا إذا فيه مباراة أنا ما شفتها شي ثاني !! علاوة على هذا الثقل في استلام الكرة والتسليم ، وفي الاحتكاك البدني يُعتبر ضعيف من خلال جميع المباريات اللي شفته فيها مع الهلال خلصنا من النقطة هذي وأتمنى تكون وضحت النقطة الثانية المطالبة بلاعب أفريقي يا أخي أقرأ اللي قبل وش مكتوب ؟؟؟ مكتوب التالي من البداية ( يا إدارة تردد من الجمهور كثيراً مطالبها بمهاجم له أسمه وعن نفسي .... إلخ ) له أسمه يعني مشهور ، وعن نفسي ربي يسلمك أقول أيه أبي لاعب بقوة جسمانية يلتحم ويقاتل المدافعين ولا يعرف الرجوع للخلف يلعب ويشغل المدافعين في الربع الأول من ملعب الخصم ) بالعربي وعلشان توصل لك المعلومة ما أبي (عن نفسي) لاعب مهاري فاشل في صناعة الفارق بالمهارات في هذه المناسبات خارج منطقة الجزاء ودون أن يحدث الفارق داخل منطقة الجزاء بالمشاركة واللاتحام لخلق الفرص لتسجيل الأهداف خذ عندك مثال الحسن كيتا مع ( الاتحاد ) سابقاً يحتك ويشغل أكثر من مدافع وأتحداك في هذا المقام إذا جبت لي لقطة واحدة تثبت أنه أشغلهم بمهارات وفنيات مهاجم كاللذي تتحدث عنه بتفكيرك الفاهم سوء من لعبتين حسب نظرتي لما تقول في بطولة الدوري مباراة على ما أذكر وفي بطولة أسيا ومع هذا يصنع الفارق بقوة مشاركته وسرعته ومضيقته للدفاع . إذا بتجيب لاعب وبس جب لاعب على الأقل يلتحم ويمتلك قوة بدنية . ومع أحترامي كذلك أتمنى بعد هذا الشرح توصل لك المعلومة وياليت توضح لي فهمك للكرة فمنك نستفيد . تنويه بسيط لك مهم جداً لكي تفهم بأكثر وضوح شي من كرة القدم ليست كل المناسبات في عالم كرة القدم متساوية الأهمية هناك مفارقات كبيرة يعني مثال الدوري يفرق عن كأس ولي العهد وكأس ولي العهد يفرق عن بطولة تنشيطية صيفية ... إلخ وهذه بطولة أسيوية مهمة وتريد نفس طويل تجيب لي مهاجم يحسب على الفريق ولا يصنع الفارق ؟؟؟

اول شي اشكرك على سعة صدرك

ثاني شي بالنسبه للاعب احمد علي انت حكمت عليه انه غير مفيد وهو لم يلعب إلا
مباراتين ( الاهلي - وامام سباهان ) ولعب امام الاتحاد ربع ساعه !!

ملاحظه : المواصفات التي تريدها انت بـ اللاعب الافريقي ( الخال ) هي موجوده في احمد علي من وجهة نظري وهذي المواصفات هي الآتي :-
قوة جسمانيه .. لياقه بدنيه عاليه .. لايمتلك المهاره التي على حد قولك لاتفيد الفريق فنياا .. يبحث دائماا عن الشبـاك

والله انك صادق هالمصري الفاشل مدري ليش جابوه مع انه افشل من المهاجمين اللي عندك يعني لو ماجاء اصرف لنا

الاعبين ماكانوا في مستوياتهم زيد عليه مدربك الفاشل اللي دخل بتشيكله لو دخل بها قدام الحزم ما فاز

فيه لاعبين ياليت مباراة الغرافه ما نشوفهم وهم امصري والجيزاني والفريدي

يعطيك العافيه

كيف تبون الفريق يفوز ومافيه صانع لعب
اجل ملعب الشلهوب محور والله حرااام عليه