الفريدي شكل واسطته قويه بالنادي بعكس الدوسري الله يرجعه لنا بالسلامه

كالديرون من الأساس اكبر غلط جلبه لتدرب الهلال مع العلم تصريحه القذر

لما كان مدرب للإتحاد

تمنينا مهاجم عالمي فجاء مصري عندنا منهو افضل منه بكثير

كالديرون اصلا ماله في التدريب وشلون يغير مراكز الللاعبين على كيفه الشلهوب والله انه مسكين مرة محورومرة ظهير ’’ ويوم قلناامس قبل ماتبدا المباراة لابد يلعب عزيز جنب رادوي البعض عارض وقال ايش على ارضك وتلعب بمحورين ؟؟

اذا هذا تفكيرنا عز الله اكلنا خير ,,,
رادوي شفتوه امس شلون معصب مايقدر يمسك المحور لحاله ويساند الهجوم لازم عزيز جنبه يغطي حتى احنا البنات صرنا نفهم بالكورة احسن من هالمدري الرخمه ~

اااه بس ياسر حتى وانت سيء تسجل ’’ هالمصري فاقعن مرارتي مانبيه لا مهارة ولا حتى شوتات او سرعة زي ناس ذبحتونا قتالي وحماسي وش الفايدة الادارة غلطت غلطة عمرها يوم جابت هالمصري , وياسامي يرحم امك كلم كالديرون معقول ماتقدر تقوله شي بأي تفكير غبي يفكر !!!!!

أعتقد و الله أعلم أن المشكلة ما كانت في اختيار اللاعبين و توظيفهم لأن كالديرون كان قبل مباراة الفتح يلعب بنفس هذي التوليفة و فاز و في أسوأ الحالات لم يخسر .. لكن المشكلة جت في مباراة الفتح يوم غير خطته و طريقته و تشكيلة الفريق اللي بدت تنسجم و تزيد قوة مع كل مباراة .. فاللي حصل ان كالديرون فاجأ اللاعبين قبل لا يفاجأنا باستخدام طريقة جديدة كليا قدام الفتح و سبب لخبطة للفريق و الدليل الفوز اللي جاء بشق الانفس ثم رجع لطريقة الهلال المعتادة قدام الفريق الايراني لكن الفرق ان لاعبي الوسط رادوي الشلهوب ويلي الفريدي العابد من فترة ما لعبوا مع بعض .. اللي ابغى اوصل له ان التغييرات الكثيرة في الطريقة و اللاعبين هي السبب في ظهور الهلال بالمستوى الباهت اللي ظهر فيه امام سباهان .. و بالطبع المسؤول الاول عن هذا الخطأ كالديرون ..

شكرا و اسف للاطالة

الله الله على الفصل بين المباريات

و رداءة قراءة الداهية كالديرون للمباريات

هذه ليست المباراة الاولى اللي ما عرف يقراها

تحبون انعش ذاكرتكم بمباراة الفتح ؟

الاتحاد يقدر يتحمل عبء هزايم و تعادلات بسبب اختراعات او تأمر كالديرون

لكن الهلاليين لا يستطيعون و لن يحتملون هزيمة مرتبة لهم

نخسر بشرف هذا وارد .. أما يدمرنا كالديرون .. معصي

لن نشاهد سيناريو الاتحاد يتكرر في الزعيم

بصراحه لم ارى الهلال بهذا المستوى السيئء والسيئ للغايه ....
اين الهلال الذي يلعب على الاطرف اين الهلال الذي يلعب على الكرات القصيره
بصراحه كالديرون من يوم لعب الشلهوب محور ... عرفت ان الوسط ضايع كان
وايضا التغييرات لماذا يخرج العابد كان من المفترض ان يخرج الفريدي وانزال عزيز وادخال عيسى بدل ويلي العابد سريع ومهاري وله القدره بالتخلص
الفريدي قتل اللعب اكثر من كوره يضيعها ببروده اتمنى ان يكون بالاحتياط
الفريدي صبرنا عليه اكثر من ثلاث مباريات ...الشلهوب يرجع الى خانته الطبيعيه صانع لعب او لاعب حر آآه والله اني مغبون .. من الايرانين


بخصوص السديري وشافي والقرني لا ينلامون فهذه اول مباراة اسيويه لهم .. بالتوفيق لهم فهم نجوم واعدون ومميزون ... اتمنى من كالديرون الابتعاد عن الفلسفه الزائده وان يصحح الاخطاء

وجود عزيز امر مهم جدا جدا

الله يذكر قيريتس بالخير وبس

=======================================
السديري

شافي - - - المرشدي - - - هوساوي - - - لي يونغ

عزيز - - - رآدوي

العابد - - - - - - - - - - - - - - - - - - - ويلي
الشلهوب

عيسى
=======================================

هذي هي التشكيله التي تعودنها للهلال فكيف نشاهد الشلهوب يلعب محور مكان عزيز

وكيف نشاهد الفريدي البارد واللي كوراته كلها مقطوعه يلعب صانع لعب رغم اداءه السيئ

وعيسى افضل من مهاجم حالي سريع وقناص ولا يلعب قدام المرمى

بعكس ياسر اللي لازم يلف ويدور عشرين مره

ولا احمد علي اللي ماسوى اي شي يرضي الجمهور لحد الأان

اتمنى من كالدي انه يصحح الاخطآء

وخاصة انه يلعب بمحورين لان الهلال قوته في محاوره ووسطه

وبصراحه اكثر شي ازعجني تبديلات كالدي الغبيه القرني بدل نامي..!!

الجيزاني بدل شافي..!!

عيسى بدل العابد..!!

والله اللوم مو على المدرب...اللوم على لاعبينك اللي نايمين في الملعب ومكبرين الوساده؟؟؟برود...شرود ذهني...لا حماس...يفكرون نفسهم يلعبون مع الحزم أو نجران...شكلهم يستهبلون علينا كجمهور.؟؟؟

أولاً ) ما أدري وش الجديد ؟؟؟ انهزمنا على أرضنا أمام ذوبهان أمام أكثر من 70,000 متفرج ساندو الزعيم وفريقنا كان كامل ومدربنا ليس كالديرون وإنما حبيب قلب البعض جيرتس , لذا فعذر النقص والمدرب غير مقبول.

ثانياً) وهو الأهم الهلال يعاني من لاعبي المحسوبيات والواسطة والمجاملات , فللمتباكين على العتيبي لو كان موجود لخرجنا بأكثر من هدفين والسديري صح أخطاء بس الخطأ الأكبر يتحمله من منحه الفرصة على حساب الحارس الأفضل فهد الشمري الذي يحارب وثبت بالدليل القاطع أن هناك من يحاربه , نامي وما أدراك من نامي الذي لو عرض على قائمة الانتقال لما تقدم نادي لشراء عقده , المرشدي المتهالك الذي ما زال مستمر في تقديم الهدايا لأشباه نجوم الفرق المنافسة , وشافي اللي مع حملات التطبيل والتسويق سوف تثبت الأيام أنه لا يفرق كثيراً عن نامي والأيام بيننا.

ثالثاً) يقولون (بعد التعديل) أعطني روحاً وأرمني بالبحر , لاعبينا بدون روح ولا يوجد اللاعب الحاسم القادر على تغير دفة المباراة وأأأأأأأأأأأأأأأأأأأأأأأه يا سامي والثنيان على أيامكم , ارجعوا لمباريات ذلك الجيل لتعرفوا كيف روض ذلك الجيل الأسيوية.

رابعاً) أحمل الإدارة المسؤولية كاملة على ما حدث ليلة البارحة بصفعاتها وليس صفقاتها الفاشلة , فهذا المصري رسب في الاختبار من أول عشر دقائق وهذا الجيزاني اللي ما أدري وش يحس فيه اللي جابه طبعاً غير الكعبي حبيس الدكة ومنسق القادسية اللي مشرف الاحتياط وكأن الهلال نادي أرطاويه الرقاص , يعني أصبح من هب ودب يسجل في الهلال في حين يتم تنسيق لاعبين أفضل بمراحل من اللاعبين اللي تم استقطابهم , يعني بالله الجيزاني أفضل من محمد العنبر أو الصويلح أو سلمان المؤشر؟؟؟؟

خامساً) البطولة الأسيوية تحتاج مهاجمين سفاحين مجرمين ما يرحم أمام المرمى مقاتل وسريع , ولو الإدارة الهلالية وصناع القرار بالهلال عندهم شوية عقل لاستقطبوا لاعب معروف وجزار هداف مثل العراقي يونس محمود أو كانهم يبون الرخص فهوا عندنا وبيننا حذفة عصى بنجران هداف نادي نجران ديبا الونقوا هذي النوعية من المهاجمين اللي ينشد بها الظهر بدل العاهات اللي يمثلون الفريق حالياً.

سادساً) اللاعبين والإدارة يطالبون الجماهير بالحضور , سؤال بريء , على إيش يحضرون؟؟ , المعروف أنك لمن تقدم دعوه لضيوف توجبهم وتقوم بالواجب من خلال القتالية ما هو تفشلهم بمستواك المتهالك , يعني لو سلمنا أن المدرب أخطاء وين روح اللاعبين؟؟؟؟ الهلال بالزمانات دربه سباكين وأحدهم كان شريطي سيارات وحقق بطولات لأن لاعبي الهلال ذيك الأيام رجاااااااااااااااااااااااال تفهمون يالاعبي الهلال وش معناة رجاااااااااااااااااااااااااااال , يعني يقدرون الفنيلة والكيان والجماهير اللي تجشمت عناء الحضور , هذي للأسف أخر أولويات هذا الجيل من لاعبي الانكسار والخذلان.

سابعاً) الأسيوية بعيده عن شوارب هذا الجيل خلونا محليين فترة حتى تعرف الإدارة وتتعلم كيف تستقطب لاعبين محليين وأجانب مميزين وإذا ما تعرف كيف تختار الله يرحم والديكم اتركوا الاختراعات والفلسفة ولا تمتحنوا الكيان الهلالي بالعاهات أمثال نامي وجيزاني ومرشدي غير اللي جالسين بالدكة ما عرفنا خيرهم من شرهم , هناك هلاليين محبين لديهم نضره فاحصة وثاقبة يميزون الموهوب من الموهوم أنه موهوب فليس من العيب أن يتم الاستعانة بهم.

ثامناً) حرام تقتل نجوم ومواهب في دكة الاحتياط لعيون لاعب فاشل لمجرد تكريمه لأقدميته أو لعيون إداري صار له موقف عابر مع هذا الموهوب فقرر حرمانه من الظهور الرسمي خوفاً أن يثبت وجوده أمام الجماهير وأعني فهد الشمري اللي تقتل موهبته والضحية الهلال , وين دور الإدارة من هالتجاوزات وترى حكاية إصابة العتيبي ما تمشي علينا فالإدارة كانت تعلم أن مباراة البارحة أكبر من أخطاء العتيبي فقررت خلق العذر له ولكنها أخطأت بالبديل رغم أن السديري حارس متميز ينتظره مستقبل كبير وحرام تناله سهام النقد.

الخلاصة مباراة وعدت بخيرها وشرها نلتفت للدوري والبطولات المحلية ونجعل الأسيوية أخر اهتماماتنا لأننا بصراح لا نملك الأدوات اللازمة لتحقيقها حالياً.

تحياتي

مااشاهده الان هو نفس ماحصل العام الماضي لكن متقدما في التوقيت

game over

بالظبط كالديرون نفس مافعله جيريتس أمام ذوب هان في نصف النهائي حينما أعتمد على الكرات العرضيه ،

ولعلها خيرة يسقط هلالنا في البدايه أفضل من أن يسقط في نهايه مشواره ،

وإن شاء الله تكون سقوطه هذي في تجاوز مُهمته في الجولات المقبله ،

أمام الأهلي بالدوري ثم النصر ولي العهد ثم الغرافه أسيوياً وبأذن الله يصحون جيداً ،