بسم الله الرحمن الرحيم

الحمدلله الذي لايحمد على مكروه سواه

هاردلك الخسارة ومعوضه ان شاء الله في المباريات الجاية

سبب الخسارة اليوم من وجهة نظري تتلخص في كذا نقطة :

اولاً / التشكيلة الخاطئة :

كان من المفترض انه يلعب بطريقة 4 4 2

شافي هوساوي المرشدي نامي

عزيز رادوي

العابد ( الفريدي ) ويلي ( الشلهوب )

احمد علي عيسى

المباراة على ارضك وبين جمهورك العب بمهاجمين , وامن دفاعك بمحورين , واحد دفاعي ( عزيز ) والثاني

هجومي ( رادوي )

كان واضح من اول ربع ساعة ان الفريق تايه وضايع وان الفريق الايراني كان مسيطر من هنا كان لابد من التدخل

وتغيير الطريقة

ثانياً / التغييرات :

استغرب من تغييرات المدرب يخرج الاظهرة ويلعب بلاعبين وسط مكانهم , ويدخل مهاجمين , طيب بكذا من راح

يصنع للمهاجمين .

ثالثاً / اللاعبين :

حتى لو اخطأ المدرب في وضع التشكيلة الا اننا رأينا لاعبين بلا روح وبدون قتالية , كرات مقطوعه ومافيه تركيز

وتباعد بين الخطوط

المحصلة : المدرب يتحمل الخسارة بنسبة 65% واللاعبين 35%

$$ استغراب وتعجب $$

يا اخوان اتعجب بصراحة من بعض الردود والتعليقات اللي تقول ان المدرب فاشل و سباك والا اللاعب الفلاني فاشل

وانه مايستحق يرتدي شعار الهلال

ياجماعة المدرب ماعليه كلام ( صحيح اخطأ اليوم ) بس تونا اول مباراة في آسيا , مدرب العام الماضي شفنا وش

سوا مع الاتحاد لما اقلبو النتيجة من هزيمة الى فوز بالسته , وهنا الفرق بين روح لعيبة الاتحاد ولعيبتنا

مدرب حقق مع الاتحاد الدوري فقط بخسارة واحدة , مدرب مع المنتخب لم يهزم ولا مباراة , معنا الى مباراة اليوم لم

نهزم , في دورة دبي قدم لنا فريق شاب من احلى مايكون , وقتها وصلتوه للسماء

والان صار فاشل وسباك ولازم يحاسب سامي لانه جابه ..... عجبي لكم

انتوا كملوا معه للنهاية بعدها حاسبوه , مو تحاسبونه من اول مباراة

وناس تطالب بكوزمين , كوزمين للي مايذكر طلعنا معه من الوحدة وفي الرياض بعد , ومعه الفوز بالطقاق وبشق

الانفس وبهدف ماتدري كبف جاء في المباراة , وتذكروا وش سوا في الشلهوب , وكيف اعتماده كان على

التايب , يعني لو مو يصنع لك هجمه من لاهجمه كان كنا معه في خبر كان , وتذكرون مباراة الحزم وليلو

ومباراة القادسية والتعادل في الرياض , مبارايات نجران والخسارة في الرياض .

السديري قدم مباراة تاريخية وابدع امام الاتحاد واليوم جالسين تقولون فاشل , صحيح اخطا بس مازال الطريق قدامه

طويل , الدعيع وهو الدعيع يخطي وياما تسبب في اهداف علينا

فيه ناس تطالب بالزوري وليش مالعبه , وهو توه جاي من اصابه وصعبه يغامر فيه , وان شافي فاشل ولازم ينسق

وقبل فترة كنتوا تقولون نسقوا الزوري وانه بارد ويسرح في المباراة , ولعبو شافي .... عجبي للمتقلبين

وكلام ماله داعي في لعيبه قبل ايام كنتوا تتغنون فيهم لما فزنا على الاهلي والشباب واليوم نسقوهم مايستحقون

يرتدون الشعار

والمصيبة ناس تذم احمد علي وهو اليوم افضل لاعب والوحيد اللي قدم اللي عليه , مع ان ما كان فيه صناعه للعب

بس حاول وقاتل , الظاهر تبونه يطير ويسحب في الدفاع كله ويدافع ويصنع اهداف

$$ باختصار $$

اليوم ما كان يوم الهلال , المدرب عليه مراجعة حساباته وتصحيح الاوضاع ووضع التشكيلة المناسبة ووضع

اللاعبين في مراكزهم الصحيحة

اللاعبين عليهم مراجعة حساباتهم جيداً جيداً جيداً , لانه كذا مباراة مصيرية وحاسمة يخذلون الجماهير والامثلة

كثيرة , شوفوا لعيبة النصر اليوم كيف كانوا يحرثون الملعب .

في النهاية سؤال محيرني مالقيت له اجابة ????

ليش المدربين لما يجون للهلال مايلعبون بطريقة 4 4 2 ويصرون على 4 5 1 مع العلم انهم قبل مايجون للهلال

يلعبون بـ 4 4 2 , جيرتس مع مرسيليا وكالديرون مع الاتحاد والمنتخب ؟؟؟