السلام عليكم
هاردلك للجميع
اسمحوا لي اتكلم شوي عن مباراة اليوم
اليوم كانت فيه اسباب كثيره للخساره

اسمحوا لي ادخل في الموضوع سيده واعدد الأسباب من وجهة نظري

الروووووح ,, وينها ؟ ليش غايبه .. ليش تغيب في الأوقات الي نبيها ؟؟

ليش نتفنن ونستحقر كل فريق نلعب معاه وما نكون جادين وحازمين في لعبنا ؟؟

الجمهور الكريم الي حاضر الي المفروض انه يكون سند وعون ويرفع معنويات الفريق

ليش دايماً جمهور الهلال الجمهور الأول في الصمت اذا جا علينا هدف واوقات يقلبون على اللعيبه
ليش نكون عامل ظغط على اللاعبين بدال ما نكون عامل رفع معنويات ؟

تباعد اللاعبين عن بعضهم ولعبهم بدون اي تركيز .. تمريرات خاطئة .. اصرار على لعب الكرات العرضيه الي كلنا نعرف انها ما تفيد مع فريق يجيد الكرات العرضيه .. وين طقطقة الهلال واللمسه الوحده واللعب على الواقف ودقة التمرير والتمركز

وين الشلهوب اليوم ؟ بالله عليكم انا ابي اعرف وش مركزه اليوم وين ملعبه المدرب فيه ؟؟
الشلهوب مكانه خلف المهاجمين على طول .. الشلهوب دوره تقشير كور للاعبين
اسمحوا لي لا احد يجي ويقول فلان اخطى وفلان ما اخطى
الهلال اليوم كله سيء
المرشدي بالنسبه لي اشوف انه افضل من قبل ومستواه اليوم احسن
ولا احد يجي ويقول لي المرشدي سيء .. هذي مشكلة المدافعين ان جدارهم قصير اي خطا ينصب جام غضب الجمهور عليهم

بتقولين لي الهدف جاي من جهته وما غطا زين ؟؟
شوفوا لقطة الهدف وشوفوا من جا قدامه على طول وما خلاه يقدر يتصرف صح

تغيرات كالديرون الي تمرض
الجيزاني يلعب ليش ؟؟؟
من جد ماله اي لزوم في الفريق
القرني محور وتنزله ظهير ؟
الشلهوب صانع العاب من طراز عالي .. وترجعه ظهير ؟


اذا بغا الهلال يفوز .. يلعب بروح وحماس وما يستحقر احد ويعلب بطريقته وراح يفوز .. غير كذا ابشروا بتراجع المستوى وتراجع الفريق للورا

تقبلوا رايي وشكرا