|
الإرهاق - الإجهاد عذر غير مقنع أبداً يـا كوتش !! استغرب من خروج المحياني والمدرب كالديرون يتعذر ان الهزيمة بسبب الإجهاد وهذا غلط كبير جداً من المدرب ويتعذر للاعبين بالإجهاد !! ياكوتش قبل لاتتعذر لهم خلهم يلعبون نشوف منهم مجهود في المباره نقول ولله ماقصرو بس الله ماكتب لنا الفوز نبي نشوفهم يبذلون بالأسباب !! التحجج بالإجهاد ولعب كل مباره اربع ايام غير مقبول ابداً لا من جهاز فني او اداري او لاعبين خصوصاً اذا نظرنا ان الدوريات الاوربيه تلعب عادة بعد كل 4 ايام على الاقل مباره !! وبعدين ياكوتش لما تقول الاعبين مجهدين على اي اساس تبالغ في الهجوم وتحرق جميع اوراق الاعبين الوسط شلهوب وضعته في خانه غير خانته وفريدي والعابد كـ وسط !! اذا كان لاعبينك مجهدين وخايف عليهم !! ليش تلعب بمحور واحد وتجهد لاعبينك اكثر !! تناقض عجيب حقيقة !! من المتفرض ان يظهر ويتحدث بأنه اخطاء في المباره فنياً ولم يقرأ الفريق بشكل جيد وبعض الاعبين لم يظهرون بشكل المناسب على الاقل نهظم هذا التصريح ونقول المدرب حاس والاعبين حاسين انهم مابذلو مجهود !! بس الظاهر عكس هذا !! واذا استمر المدرب والاداره بتبرير مستويات الاعبين الضعيفه بحجة الارهاق والاجهاد فهذا يعني اننا مقبلين على نكسة قريبه جداً في البطولات المحليه الدوري وكأس ولي العهد !! للاسف المدرب جهز عذر للاعبين في اي مباره قادمة في حال الخساره بأن العذر هو الإرهاق !! وهذا مو شي جديد والاعبين والجهاز الفني و الاداري عارفين الجدول من مده طويلة لذا لابد من عمل استعداد كامل بدلاً من تبرير اسباب الخساره هي الاجهاد هناك اخطاء فنيه كثيره واخطاء فرديه 1- تشكيلة خاطئه 2- اعتماد بحارس مرمى شاب عناد ونكايه في الشمري الاكثر خبره في هذا الوقت خصوصاً ان السديري استدعوه فجأة بدون اي سابق انذار وكان يتدرب مع الاولمبي !! 3- احمد الفريدي - الشلهوب - العابد بترتيب هم اكثر الاعبين سوء في الاستلام والتسليم وهم من يعول عليهم !! واخطاء في الدفاع واخطاء في التمريرات بين الاعبين والمدرب لا يتحرك في حل هذه المشكله في الاعبين !! السؤال اين دور التدريبات اليومية !! 4-تخبطات كثيره من المدرب عزيز كان تواجده سيحل مشاكل كثيره ولكن !! 5- المدرب ماقرأ الفريق الايراني - ما أحترم الخصم وغيرممبر انك تلعب في ارضك بمحور واحد ولاتشوف قدرات الفريق المنافس لك - التهيئة النفسيه للاعبين مفقوده - قائد الفريق بلا اي دور لاتوجيه للاعبين الصغار ولاتوجيه للاعبين الاخرين بتركيز اكثر وتحفيز واللعب بطريقه صحيحة من خلال التمريرات !! 6- فريق بدون اي حافز او روح او حماس او قوه استسلمو من اول الدقائق وبعد الهدف سلمو المباره !!!يالب لاعبين الطائره بس روح حماس احساس في المسؤوليه وقوه في الملعب عكس ربعنا 11 لاعب بلا حماس -اخطاء في تمريرات - اخطاء مستمره من حراس المرمى في الخروج الخاطئ العتيبي والسديري - اخطاء من مدرب في عدم قراءة المباره بشكل صحيح وعدم متابعته للفريق الايراني - اخيرا عدم احترام المنافس من قبل المدرب 7- خسارة 3 نقاط بالإمكان التعويض في المباريات المقبلة ! ودائماً اللهلال اذا لعب داخل ارضه تشوف عك كروي لابد من معرفة السبب واعتقد انه بسبب تهيئة الاعبين نفسياً!!! مباره اولى خسرناه وهي جرس انذار ثاني بعد مبارة الفتح للاعبين والجهاز الاداري والفني التعويض موجود في المباريات مقبلة ونقول الله يصلح الحال ان شاءلله ... |
إقتباس:
معروف محمد يلعب صانع لاعب ويمتع ويسجل بس لايستطيع الدفاع مع رادوي في المحور شاكر لك ع هالموضوع |
اتفق معك في نقاط واختلف في اخرى فالمسؤليه التى تشال عن اللاعبين هي الخطاء بحد ذاته فمتى يتحمل اللاعبين المسؤليه مادام هذا الدلال المحاط بهم لاتلومي كالديرون فهي قراءه مدرب وقريتس ايضا اخطئ في مباراه ذوب هان لعلها تكون بدايه النجاح باْذن الله دمتي |
اصلا التبديلات !!!!؟!!!؟!!!؟ يعني الصراحة غريبه منه |
إن شاء الله تكون صحوة وقرصه أذن لِلأعبين في بدايه المشوار ويعود هلالنا في الجولات المقبلةة ، ولانلوم السديري في خطآه فهو قليل الخبرة ولكن مشكلته بعد أنه يمسك الكورة بيدة ، وعلى طول يعطيها المدافعين بأستعجال سريع وكادت تسجل علينا أهداف بسبب هذه الأخطاء ، وأتسائل أيضاً أين رئيس الهلال شبيه الريح عن المباراة مُهمه تحتاج وقفه منه ، والله مستوآنه مره مُتذبذب وخاصه في البطوله الأسيويه إلى متى يحسون بالمسؤليه ، ومن جد خسارة غير متوقعه أبداً : ( ، على العموم الخسارة كلها على اللاعبين بمستوآهم السيئ وتغييرات كالديرون ! |
هاردلك على الهزيمه ياجمهور انني لم احزن على الهزيمه هذي لم أعلم ماهو السبب هل هو تبلد مشاعر للاسيويه اما انكسار حلم بداخلي علما أول مره من حيث تعلقت بالهلال لم حزن على هزيمته س/ هل اللعيبه يشعرون بالذي نشعر به كجمهر بعد الهزيمه سوال محيرني |
كالديرون في هالمباراة ياهو غبي والا يستغبي |
ان أبغى أعرف هل كالديرون ناقص عليه محاور يوم يلعب بالشلهوب محور؟؟ ما أدري وش وضعه نصف الدكة يلعبون في هذا المركز ( عزيز - الغنام - البرقان - القرني ) ما أقول إلا حسبي الله ونعم الوكيل |
المفروض من أول ربع ساعه وأنت شايف العك واللعب الممل والضغط نزل عزيز بدل واحد من الوسط على الاقل يتحرر رادوي ويتقدم أكثر ويساعد ويلي أحمد علي الله يصبرنا ست شهور بس ونجيب رخيص وكويس غيرك |
سـبـحان الله .. سـبـحان الله .. سـبـحان الله ( إذكرو الله يـ جماعة الخير ) ...آولآ هـآردلـك لـ جمهور آلهلآل فقط ! مآ رآح نخوض في التحليلات الفنيه ، ( الشنيف ، وحمود سلطان ، وابو ثنين ، والدعيع ... الخ ) كفو ووفو في التحليل .. خسارة من سابهان الايرأني => تؤثر على النفسيه فـ إحتمال تعادل او خسارة من الاهلي بـ جده => ينتج عنها زعزعه في الاعبين وفقد ثقه وخسارة من الغرافه => تحطيم لـ الاعبين ، وخسارة من النصر في كأس ولي العهد .. ونرجع لـ الاتحاد بـ الدوري ، وبـ ( الريأض ) < ركزو على كلمة رياض لآن ما عاد فيه شي اسمه بـ الهلال بـ ارضك وبين جمهورك ، الاتحاد يبي يتوج نفسه بطل لـ الدوري في الرياض ..[/SIZE][/COLOR] ^ ^ ^ كل الي كُتب فوق سناريو متوقع بـ نسبة 50% في ظل برود الاعبين + تخبط كالديرون وغروره ، وعدم الاستعانه بـ افضل ساتر دفاعي بـ مركز المحور ( خالد عزيز ) .. + دلع الاداره الزائد لـ الاعبين + الارهاق والجهد وقلة خبرة الاعبين ! آتمنى من الله العلي القدير ان يصبر الجمهور الهلالي على مإ إبتلا فيه ، وان يبث الروح في الاعبين ! هلاليه محترفه شكرا لك .. على القراء الفنيه .. ولكن احب اقولك ان التحليل .. والمناقشه بعد مباراة صفر على الشمال من ناحية الهلال ... لك ودي [/CENTER] |
ههههههههه.. مدري شقولك لكن خذيها من اخوك والله من شفت ابتسامة كالديرون بعد الهدف الاول غيرت القناه وتابعت الفلم.. واقص يدي اذا ما طلع الهلال من الدور الاول وانا فيه وانتم فيه :) من الوااااضح ان القصد التخريب وكالديرون ما تحرك على الرغم من انه ابله مدرب بيلاحظ الاخطآء.. من قصده التخريب الله اعلم لكن اغسلوا يدكم من البطوله من الحين.. |
المـدرب قتل الهلال والله يسامح اللي جابه مدرب مفلس ماعنده شيء يقدمه وتغييراته فاشله من يوم عرفته وليه تتعذر بالإرهاق كان لعبت عزيز يخفف على لاعبينك الارهاق الله لايسامحه وربي بطولتي انه يطلع من الهلال حتى لو كلفنا الخروج من جميع البطولات أطلع من اسيا ولا أكمل وأتمصخر من اللي يسوى واللي مايسوى واجيب مدرب عالمي يعيد ترتيب الفريق ويجعل من الهلال فريق له شخصيه وهيبه الهلال حاليا لا اسم ولا هيبه ولالاعبين من يصدق إن نامي لاعب كرة قـدم ولا يلعب بفريق كان له هيبه وربي حرااااام |
اخاف نجلس نبرر إلين نخسر الدوري الي جالس الجميع يطبل ويخدر في الفريق عشان يخسر بكل سهولة مثل مباراة اليوم |
حسبي الله ونعم الوكيل الفوز والخساره وارده في كره القدم المشكله مستوى الفريق تحت الصفر وكالديرون ضايع :alzaeem::alzaeem::alzaeem: |
واضح جداً تخبط كالديرون فهو ضيع الوسط فلا دور دفاعي قام به ولا دور هجومي شاهدناه لاعبي الوسط كانوا ضايعين،،،، فلا هم عارفين أدوارهم ومهامهم في الملعب شخصية الفريق ضائعة لأن الوسط ضائع من الأساس لا مهام هجومية ولا دفاعية ولا شفنا حتى جملة تكتيكية الخطأ والخلل واضح لكن لماذا الإصرار على الطريقة العجيبة في اختيار مع التشكيلة وطريقة اللعب خاصة بعد نهاية الشوط الأول الجميع شايف الخلل وعارفه لكن لماذا المدرب مصر على هذه التغييرات العجيبة والله يصلح الحال |
| الوقت المعتمد في المنتدى بتوقيت جرينتش +3.
الوقت الان » 02:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd