|
سباهان يكشف جوف الزعيم النخر ! واختراعات كالديرون ... ( قص ولصق ) !! السلام عليكم ورحمة الله وبركاته .. اسعد الله مسائكم بكل خير ومحبه ,, ___ هاردلك لجماهير وعشاق وكل منتمي للهـــلال الخساره .. وقدر الله ماشاء فعل وقد يبدو ان الانديه الايرانيه تسبب عقده للهلال فعلى ذكرى الخروج المر من ذوب آهن اصفهان من البطوله السابقه وعلى درة الملاعب خسر الهلال اليوم ايضا وعلى نفس الملعب وبنفس النتيجه تقريبا من فريق ايراني في مستهل البطوله الاسيويه الجديده ! لاشك بأن هناك اسباب كثيره ادت الى ماآلت اليه نتيجة المباراه والحقيقه لم اكن اتوقع بأن يظهر الفريق بهذا المظهر الغير لائق بتاريخه وعراقته ويبدو ان مقولة ( لاتعيش على الاطلال ) سوف نسمعها كثيره اذا استمر الفريق على المستويات الهزيله .. من هذه الاسباب :: 1- اصرار كالديرون على التجريب والاختراعات في استحقاق مهم .. عجن في التشكيله وحاااااس اللاعبين وشاهدنا مراكز جديده للاعبين لم يكونو يوما يؤدون في هذا المركز - الفريق كان بحاجه ان يبدأ المباراه بمهاجمين بما انه يلعب على ارضه وبين جماهيره وكان عليه ايضا ان يزج بخالد عزيز واعطاء رادوي الحريه في صناعة اللعب .. 2- اعتماد الفريق على اسماء معينه وعدم وجود اللاعب البديل ! الملاحظ ان غياب احد اللاعبين المحترفين يحدث هزه فنيه داخل الملعب وغياب لاعب بحجم ياسر في خط الهجوم لانتوقع ابدا اي هدف من اللاعبين البدلاء واعتقد الاداره لم توفق في تعاقدها مع المحترف المصري فلحد الآن مستواه سيئ ومن الآن لحد مايتأقلم مع الفريق قد طارت الطيور بأرزاقها امــــا وليد الجيزاني فهو تكملة عدد !! امـــا محمد نامي فهو يؤكد المشكله الازليه لفريق الهلال في خانة الظهير الايمن ؟ 3- لم اشاهد قتاليه وحماس من اللاعبين واستسلمو لضغط الفريق الايراني من بداية المباراه !! وهنا علينا ان نسأل عن التهيئه النفسيه للاعبين قبل المباراه ؟ 4- كنت اتوقع امتلاء الملعب ولكن ! قاعدة اكثر شعبيه يبدو انها اهتزت !! لا احد يتوقع او يتهكم نتيجة المباراه قبل بدايتها وكان الاجدر بجماهير الرياض المسانده 5- اصابة حسن العتيبي اوقعت الحارس القادم للنجوميه السديري في ضغط نفسي والسبب تهميش الحارس المبدع الشمري فلو كانت هناك مشاركات للشمري مع الفريق لأستعان فيه كالديرون هنا السبب في ضم لاعب لم يستفيد الفريق منه طيلة ثلاث مواسم او اكثر !!! 6- نوم كالديرون في العسل وعدم احداث اي تغيير من بداية الشوط الثاني والطامه انه عندما آفاق وجد نفسه متأخر بهدفين وعندما ترجل بتغييراته في اخر الوقت ... ليت تغييراته صــــح ! 7- المكابره بالاعتماد على لاعبين كثير مايحرجون الفريق ببرودهم وبعدم جديتهم وبكثرة اخطائهم امثال ( الفريدي ) الذي يملك موهبه خرافيه ولكنه للأسف شاف نفسه فوق الكوره وفوق الفريق هذه الاسباب كانت حاضره في مباراة الهلال مع الفتح الاخيره في دوري زين - وللأســـف لم يتغير شيئا فحلت الكارثه بدري . ارسالتي للاداره وللمدرب وللاعبين / ذا كان الفريق ينشد عن البطوله الآسيويه فمهرها غالي وغالي جداً .. تبدأ بالجديه وتنتهي بالروح ( فأشباه اللاعبين لايجلبون حتى بطولة حواري ) _____ بقلم / الهآمه الزرقـآء ,, |
حسبي الله ونعم الوكيل الهلال يلعب بأسمه وليس بلاعبيه الروووووووح مقتووووووووووووله ليييييييه بس والله بموت من القهر |
كلام رائع شكرا لك اختراعات كالدي ما ادري وش اقول |
كلآآم منطقي جدآ آتفق مع كل كلممه قلتهآ وآلله المستعآآن |
من وجهة نظري الاعبين مالهم دخل بالهزيمه توظيف الاعبين كان سيء وفيه أزدواجيه!!!!!!!!! كيف يلعب بنواف العابد والشلهوب معاً كان الاجدى اللعب بخالد عزيز بجوار رادوي مع إعطاء رادوي الفرصه بالتقدم في الثلث الثاني من الملعب لصناعة اللعب وتنوزيعه وأمامهم نواف والفريدي وويلهامسون ومحمد علي المرشدي أخطأ في الهدف الاول كان مغطي ويلهامسون مدري كان يحسبه إيراني صابه عمى ألوان!!!!!! فريق يلعب فيه نامي تتوقعون يحصل على كأس آسيا بعقليت كالديرون لن نتعدى الدور الاول في آسيا أما بخصوص الدوري فتدهور الاتحاد والشباب ساعدت الهلال على التقدم بفارق 8 نقاط الاختبار الحقيقي الاول لكالديرون اليوم والاختبار الثاني قدام النصر |
حسبي الله ونعم الوكيل لكن لا اعرف السبب في هذا البرود الحاصل لدي لم احزن على الخسارة هل لأن الهلال سيكون بطل لهذة البطولة الله العالم |
انا برائيي اهم اسباب الخسسساره هي اللاعبين تهاااون بشششكل مو طبيعي ومدري ليش متهاونين اللي يشوفهم يقول فايزين بالدوري ولا مسوين شي يستاهل انهم يتهاونون؟؟؟ المدرب لم يقراء الفريق المنافس جيدا يحسبون انه زي الفتح وزي الاهلي وزي فرق الدوري السعودي مايدرون ان عقدتنا بالاسيويه الايرانيين خلوا الفريق المنافس يتحكم فيهم ويحركهم زي البلايستيشن بس كلمه اخيره اذا بارضك مافزت متى بتفووز ؟؟؟؟ |
إقتباس:
كالديرون عليه فلسفه عجيبه غريبه :( الوسط واضح من البدايه متدهور ........ بحاجة عزيز لتحرير بعض اللاعبين ؟؟؟؟؟؟؟؟؟ أين قراءة المدرب ؟؟؟؟؟؟؟؟؟؟؟؟؟؟ يا قلبي :mad: |
هاردلك للجميع آن الأوان بالمحاسبة وعلى الجميع لاعبين وجهاز فني فبقدر مايمنحو بعد الفوز لابد من المحاسبة لم يقدم الفريق اي شيء يذكر واللافت للنظر اصرار عجيب على اللعب بالكورات العرضية من بداية المباراة وهي تلعب الفريق الايراني طول وحسن تنظيم وصائد لكل الكرات وغباء محكم باللعب بتلك الطريقة اذا هذا المستوى فعلينا الاعتذار عن المشاركة مستوى هزيل وبرود عجيب من الجميع نلعب وكأننا فائزين باكثر من هدف شكرا لمن حضر واخشى عدم حضور الجمهور لسوء اداء اللعيبة شكرا لك |
كــالديرون هو سبب هزيمة الهلال اليوم تشكيلته غبيه عزيز وش يسوي جالس عنده والشلهوب بنيته ما تساعد والله لو سألت طفل هل من الممكن الشلهوب يلعب محور غير يقولك حرام ونامي والجيزاني أقسم بالله لو قالوا ماراح تاخذون اسيا الا اذا لعبوا والله ما العبهم وأبيع أسيا بس مايلعبون مصخره إنه يرتدون شعار الهلال اه يــاعــزيز ويــاسر وعزوز الدوسري متى ؟؟؟؟؟ |
ادارة فاشلة ,, لعيبه زي نامي و المرشدي و شافي << سبق وجربهم قيرتس و كرشهم واحد واحد واخرتها ياتي كالديرون ويعيد نفس اللعيبه الفاشلين |
من دون تحطيم الهلال سيودع والأيام بيننا |
مشكلتنا في المدرب والمحترف المصري فاشل ومشكلة الاداره تبي رخيص وكويس اقول تبون مستوى ادفعو فلوس وثانيا / عشرة ملايين لا تدفعون لللاعبين ولا ريال حطوها منشآت للنادي يارجال الروح معدومه من مباراة الفتح وقال ايش قال يلعبون بأٌل مجهود عشان اسيا اجل لو لاعبين بمجهود قدام الفتح وش بنسوي اتمنى اقالة كالديرون قبل ان يقع الفأس بالرأس |
كالديرون هو اللي يتحمل الخسارة بنسبة كبيرة نطلب من شبيه الريح ان يقيل كالديرون ويتم التعاقد مع كوزمين قبل ان تحدث الكارثة |
كلامك كله صح فعلا الاسباب اللي تدور ببالي نفسها المدرب لم يكمل صناعة الهلال بل دهور من وضعه لااريد اذكر الماضي لانه يبكيني ندم على فرح مو قادرين يحافظون عليه |
| الوقت المعتمد في المنتدى بتوقيت جرينتش +3.
الوقت الان » 04:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd