|
طلبتكم يا اغلى جمهور السلام عليكم ورحمة الله وبركاته بالبداية اقسم بالله العظيم اني احس بقلبي محبة لكل واحد اعرف انه هلالي حتى لو ما اعرفه بدخل بالموضوع الموضوع هو انه مع الأسف في هالمنتدى الغالي شي يضيق الصدر الي هو التعصب للاعبين شي طبيعي ان اي واحد من الجمهور يكون عنده لاعب او اكثر يحبه بزيادة بس الغلط اذا زاد حب اللاعب على حب الهلال يعني بعض الجماهير يجلس يدافع عن لاعبه حتى لو وصل فيه انه يسب اي لاعب هلالي ينافس لاعبه بالشعبية ياجماعة والله المنظر بتصرفكم ذا هو الهلال كل لاعب من لعيبة الهلال له منتدى باسمه يعني الي يحب ياسر ووده انه يعبر عن حبه بزيادة يروح لمنتدى ياسر وياخذ راحته ونفس الكلام على الي يحب الشلهوب والي يحب رادوي والي يحب ولي والي يحب الفريدي وغيرهم اما انه يجلسون بمنتدى الزعيم وكل واحد يمدح لاعبه ويتهاوشون كل واحد يقول لاعبي افضل ثم كل واحد يسب في لاعب الثاني هذا غير مقبول وراح يشوه منتدانا وراح يأثر على اللاعبين وراح يأثر حتى على الجماهير حتى صارت هوشات و ألفاظ وسخة بين الاعضاء لو اني ما اخاف الفتنة كان اقتبستهن وجبتهن على شان تشوفونهن بعيونكم بس ما ودي اكبر المشاكل اتمنى تعذروني على هالموضوع لكن والله من حر ما في قلبي اللهم وفق الزعيم في مشواره الاسيوي |
اول شي شكرا لك على محبتك ولاكن انا لم ارى اي عضو يسب لاعب سب واضح |
والله كلامك سليم صرااحة كل لاعب عنده منتدى و ابد اعجبك هناك |
عشرة على عشرة لا للعنصرية نحن هنا لتشجيع الزعيييييم وكل لاعبينه سواسية اشكرك |
انا ماخبري شفت كذا لكن حنا مصدقينك والله يهديهم وشنقول غير كذا . يعافيك ربي عاى حبك للكيان الهلالي دون التحيز لأي أحد أو فرض وجهة نظرك .. " كلنا معك " |
إقتباس:
و كلنا للهلال سند |
كلامك سليم 100% يعطيك العافية |
صدقت والله اتضايق اذا شفت شخص يمدح لاعب اكثر من باقي اللاعيبه بس وش نسوي |
الانتقادات حاجه صحيه لمصلحة الفريق |
صحيح كلامك سليم كل لاعب له منتدى خااص فيه ويعطيك الف عافيه ع الطرح |
كلام صحيح يعطيك ألف عافية |
إقتباس:
اخوي الغالي يمكن انك ما شفت لكن والله فيه ردود وصلت لألفاظ وسخة وكانك مو مصدقني ادخل موضوع اهم خمس لعيبة في تشكيلة الهلال وشف وين وصلت الردود بين بعض الأعضاء |
اشكر جميع الأعضاء الي شاركوني في هالموضوع الله يديم بيننا المحبة والاحترام |
كلامك سليم ومنطقي وعين العقل هذا اللي مانبيه نهائياً أي لاعب ارتدى الفنيله الزرقاء على راسنا من فوق كلهم سواسيه وجنود مجنده لخدمة هذا الكيان اوافقك الرأي وبشده و أنوه على إدارة المنتدى ان تلتفت لمثل هذه المواضيع و أن توأدها قبل ولادتها أشكرك من قلب |
يعطيك العآفية أخوي ومهمآ قلنآ عتب محب فقط لآ غير ,,, ,, , |
| الوقت المعتمد في المنتدى بتوقيت جرينتش +3.
الوقت الان » 09:43 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd