|| EPL || في القمة المؤجلة تستمر عقدة الجسر .. البلوز يقلب الطاولة على المان || - صفحة رقم 7 - نادي الهلال السعودي - شبكة الزعيم

Chicharito.14 · #1 02/03/2011, 01:16 AM

الحمدلله على كل حال ، الهلال و مانشستر ؟

استغرب من اللي شابين على روني
ما تشوفون ناني ؟ مزاجي بشكل غير طبيعي
ما أدري بدون فيديتش وش كان بيصير ، و سلموا لي على بيكيه

الله يستر من الليفر

إقتباس

الرسالة الأصلية كتبت بواسطة 111ajeed


	إلا بالغصب نفوز بالغش؟ ,

لا تنه عن فعل و تأتي بمثله ** عار عليك اذا فعلت عظيم

PRINCE.MU · #2 02/03/2011, 01:30 AM

إقتباس


	[ استغرب من اللي شابين على روني ما تشوفون ناني ؟ مزاجي بشكل غير طبيعي

نـآني مـآ كـآن مزآجي لكـنه آنكتـم من ايفـآ

إقتباس


	و هدف توريس الي بأول المباراة ليش ماتكلمتوا عنه ؟؟

مـآ لآحـظت أن الحكـم صفـر قبـل ما يشـوت الكـورة بـ فتـرة و فان دير سـآر تركهـآ ..؟!

يـآ ليـت واحد يقـدر يجيـب لي لمسـه يد تيـري اللي فيهـآ شك نسيـت أي دقيقـه
كـآنت في الشـوط الأول قبـل هدفنـآ

abu_sol6an · #3 02/03/2011, 01:20 AM

إقتباس

الرسالة الأصلية كتبت بواسطة 111ajeed


	ردود بعض المانشستراوية ردود مريضة يعني بالله وين الغش فيه؟ كلها فاولات خفيفة وفي نص الملعب إلا كسرت لويز لـروني ويعني مب خطيرة وكانكم تتوقعون بيجيه كرت أصفر ثاني ما أتوقع لأن إذا جاه بيصير حذر أكثر يعني ما أتوقع يكسر , وفيه اللي صقع هيرناندز مع وجهه وما تعمدها. إلا بالغصب نفوز بالغش؟ , فيدتش دف دروقبا دفه يستحق كرت أصفر ثاني بس ما عطاه , ليه؟ , والبلنتي لحد يجي يقول غلط تحكيمي ويتفلسف على مخي واضحة وضوح الشمس. عالعموم هاردلك مانشستراوية وحنا بالراحة نستحق الفوز بنتيجة أكبر شوفوا إحصائية المباراة من ناحية التشويت عالمرمى والكرنرز أتوقع الغالبية لنا وبفرق كبير

شوف لو حنا فايزين عليكم كان انتم قلتو تحكيم واتحاد مانشستراوي صح ولا لا ؟

ثاني شي اذا كان فيديتش يستحق الطرد اذاً لويز يستحق الطرد وتدخله على روني الاخير اللي بغى يطير مستقبله

واذا قلنا ضربه جزاء صحيحه لكم فأنا اقول ترا لنا ضربه جزاء بالشوط الاول يوم يشوت الكورة روني وتضرب في يد تيري والكورة كانت متجهه للمرمى

لكن هذي الاسباب مو الاسباب الرئيسيه لخسارتنا

عاشق البلوز. · #4 02/03/2011, 01:14 AM

مبرووووك لجماهير البلوز وربي تستاهلون

وهارد لك لجماهير المانيو لكن ! انه الاستامفورد

تشلسي استحق الفوز 100% لعبنا فيهم لو تجيبون لي احصائيات المباراة

فيديتش

باي باي ريحة توريس

عموما هارد لك لجماهير المانيو وقدمتو مباراة حلوه

Abo khald · #5 02/03/2011, 01:19 AM

قلتها لكم قبل .. تشلسي غير لا جاء وقت الجد

مبروك تشلساويه هاردلكم مانشستراويه

فريقنا يستاهل الفوز صراحه .. قدم مباراة كبيرة .. ولا أبخص حق المانيو قدم مستوى رائع بالشوط الاول ولكن بالشوط الثاني خف أداءة كثييير ولعلى ظغط المباريات واللياقه أثر في ذلك

ماقلت لكم عندي إحساس إن أحد بيحتج بالتحكيم

بالنسبه للحكم .. طرد لويز المفروض يطرد .. لكن عشان هالطرد صارت فضايح ومدري إيش وتشلسي لاينتصر إلا بالتحكيم

الحكم بشر ياجماعة الخير .. وهدف توريس الي بأول المباراة ليش ماتكلمتوا عنه ؟؟

على العموم المباراة أوفت بكامل وعودها .. من زمااان ماشفنا مباراة مفتوحه ممتعه للمان وتشلسي .. اللاعبين كلهم ماقصروا صراحه .. لكن اللي شوه من جمالية المباراة الحكم .. ولكن بالأخير الحكم جزء من اللعبه

يالبى كلش بس

حصوله على أفضل مدافع بالعالم ليست إلا مجرد وقت إن أستمر على هالمستوى وأفضل .. لاعب جديد أول كلاسيكو له ويقدم هالمستوى الخرافي ويسجل هالهدف اللي المهاجم الهداف يالله يسجله بهالطريقه المجنونه

يدللك على إنه لاعب كبييييييييييييييير

برافوا لويز

قيقز كل ماتكبر تحلى

هارلدك عبدالله وريدفيلزي وباقي المانشستراويه

مبروك تشلساويه

إقتباس


	مبروك ابو خالد وباقي التشلساوية هاردلك مانشتراوية شكلي فال خير عليكم يالبلوز

الله يبارك فيك يابعدي

ومبروك فوز الميلان أمس

فال خير ؟ عز الله فال خير .. أول مباراة تغطيها لنا ونظهر بهالمستوى الخرافي ماشاء الله تبارك الرحمن

.. مايحتاج أكيد فال خير

برايفت لمحمد الآرسنلاوي بس

هزمنا المتصدر + طرد على أفضل مدافع نشبه عندهم ولكم مباراة مؤجله .. فيه أفضل من كذا بالله ؟

Arsenal · #6 02/03/2011, 01:24 AM

إقتباس

الرسالة الأصلية كتبت بواسطة ابوخالد-20


	برايفت لمحمد الآرسنلاوي بس هزمنا المتصدر + طرد على أفضل مدافع نشبه عندهم ولكم مباراة مؤجله .. فيه أفضل من كذا بالله ؟

لبا قلوبكم والله

بس المشكله ان الوضع عكسي عندنا

ألحين والكوت و بيرسي و فابري مصابين و مو لاعبين قدام سندرلاند السبت الجاي

.

Azozvic · #7 02/03/2011, 01:20 AM

لا تتعجبون عندما يكون تشيلسي في يومه نسبة الاستحواذ 75 في الشوط الثاني وش تتوقعون و9 او اكثر ركنية وواحدة اظن للمان
مبرووك للبلوز وهارد لك للمان
وياليتك كل يوم كذا ياتشيلسي

Grande Inter 10 · #8 02/03/2011, 01:20 AM

.
.

مبروك لـ تشلسي , هاردلك لـ المانشستر

مباراة اوفت بجميع وعودها , استمتعت فيها بصراحة ,
لويز صفقة ناجحه , دورغبا يرد على الجميغ بمستوى ممتاز ,
فيديتش محسودين عليه المانشستراوية والله

يلا فرصتك يـ القنرز

.
,

111ajeed · #9 02/03/2011, 01:38 AM

إقتباس


	لا تنه عن فعل و تأتي بمثله ** عار عليك اذا فعلت عظيم

لا تعليق صراحة ...

إقتباس


	شوف لو حنا فايزين عليكم كان انتم قلتو تحكيم واتحاد مانشستراوي صح ولا لا ؟ ثاني شي اذا كان فيديتش يستحق الطرد اذاً لويز يستحق الطرد وتدخله على روني الاخير اللي بغى يطير مستقبله واذا قلنا ضربه جزاء صحيحه لكم فأنا اقول ترا لنا ضربه جزاء بالشوط الاول يوم يشوت الكورة روني وتضرب في يد تيري والكورة كانت متجهه للمرمى لكن هذي الاسباب مو الاسباب الرئيسيه لخسارتنا

كلامك صح , بس اللي يقهر ماعمرنا فزنا وقلتم تستحقون هذا الشي اللي يقهر في السالفة

يعني فيه غش بس من كل الطرفين وحتى لو الحكم 100% ما أتوقع نطلع بدون فوز

+ بلنتي روني حتى أنا شاك فيه بس هو ماتحرك كان ثابت ويده ثابته ولو تلاحظ لا الجماهير قالوا شي ولا روني حتى طالب بـ ضربة جزاء !!

تصبحون على ما خليتوني أنام

Rio 5 · #10 02/03/2011, 01:40 AM

بسم الله

المبآرآه متكآفئه من وجهة نظري لكن اللي سلب مننا الفوز الحكم فقط !

قسم بالله معي واحد امريكي ما يفهم في الكوره يقول اللي يصير غير طبيعي .
واخونا في الردود السآبقه يقول فاول لويز على روني ما يأثر مو مهم

وش هالمنطق يا اخي , الفآول فآول مو على الاهميه والتآثير , قسم بالله شيء يرفع الضغط تكسير لويز و الشيء اللي من جد ما قدرت افهمه كيف ان توريس يدف ايفرا و يكسب فاول هههههههه

ما ادري اضحك و لا ازعل شيء كآرثي !

افتقدنا بآرك , افتقدنآ لاعب يطبق المهآم التكتيكيه , نآني ادائه سلبي اليوم , الخبره خآنتك يا سمولنغ ( مع ان البلنتي فيه شك لكن ما رح اعلق عليه لآني ما تآبعت الحآله بوضوح ) ... الله يسهل ان شآء الله

* المضحك في الامر الكل يقول توريس عقدة فيديتش والمآنيو واداءه اليوم عآدي جداً ولا سبب لفيديتش اي مشكلة بالعكس لامبارد و دروقبآ كانو اكثر خطورة منه بكثير.

ولا زآل صآحب الخمسين مليون بآوند ما يستآهل حتى ربعها

عموماً لازلنآ بالصدآره و ان شآء الله الفريق ينتفض امام الليفر و يتعثر الارسنآل.

تحيآتي

Q.Abdullah · #11 02/03/2011, 01:49 AM

مبروك تشلساويه تستحقون الفوز

سبب خسارة المانيو اليوم

1- ثقه مفرطه من لاعبي المانيو
2- العزيمه والاصرار لدى لاعبي البلوز
3- ايفا كاتم ناني اللي يلعب لحاله
4- ابداع بيتر تشيك

فيه نقطتين اخرى حاب اتكلم عنها

اولا : النينو اليوم ماكان الاسطوره علشان نشوف هالتمجيد

اللاعب كان اليوم قاتل للهجمات المرتده

ثانيا : املنا الان في تعثر القنرز على اقل تقدير بالتعادل
لأني متوقع هزيمتنا من الليفر

ثالثا: قلتها قبل اللي ياخذ الصداره بدري دايم يتوهق
ويلعب تحت ظغوط كبيره

عموماً مبروك تشلساويه : وليد وخالد ونواف وكل التشلساويه
وهاردلكم مانشستراويه

طبعاً التحكيم ماتطرقت له لأني مااشوف انه كان علامه فارقه
صحيح فيه اخطاء لكن المانيو ماقدم اللي يشفع علشان نحط
التحكيم شماعه

يعني الخساره مستحقه

عوافي شباب وعلى مهلكم

Arsenal · #12 02/03/2011, 01:55 AM

إقتباس

الرسالة الأصلية كتبت بواسطة MANU10


	اولا : النينو اليوم ماكان الاسطوره علشان نشوف هالتمجيد اللاعب كان اليوم قاتل للهجمات المرتده

هاردلك عبدالله

كنت بقول ان توريس اليوم عاهه لكن قلت بحتري أحد يتكلم قبلي

جد اليوم توريس مدري وش يبي

طبعا ما ننسى بربسة أنشي يوم انه حاطه بين ايفرا و فيديتش

.

الهلالي 11 · #13 02/03/2011, 01:33 PM

هارد لك مانشستراويه وماني قايل مبروك تشيلساويه ..

هالموسم كله حامض عليكم ما رح تفرق معكم هالفوز اهم شي الحقة على التشامب

قلتها من قبل المباراة لو خسر المانيو فسبب الخسارة نفسي مو فني ... نفسيا الفريق عنده عقده انه ما يقدر يفوز على تشيلسي بالجسر .. وذكرت ان الحكم ابن الكلب اكثر حكم بالبريمر لغاية الان حسب بلنتيات وكروت حمرا واكلناها احنا بلنتي وكرت احمر

يقلع شكله لو يتابع ردودنا بالزعيم ما سوى اللي سواه ... بصراحه الحكم اغلاطه هي بكروت وطرد وشغلات زي كذا اما البلنتي وغيره اشوف انها صحيحه ... المشكله الوحيده اللي شفتها من الحكم انه تغاضى عن كثير مخاشنات من لاعبين تشيلسي واكيد انها واضحه والكل يعرف وش اللقطات اللي احكي عنها

كنت متفائل بس بنفس الوقت خايف من سالفة العقده وكنت مطمن ان بالفوز والخساره المانيو متصدر متصدر ما فرقت ... خسارتنا الوحيده اللي انا اشوفها هي طرد فيديتش ... الطرد هذا عندي ضايقني اكثر من خسارة المباراة .. ما ودي نعيد سيناريو الموسم الماضي يوم بعشر ايام طلعنا من التشامب والدوري بسبة اشياء غبيه زي هذي ؟!

عموما مانشستر خسر لانه هو يستهبل ويبغى يخسر ...

اجل اوشيه الثور مكان ضيق يناول سمولينغ يقوله يله هذا اختبار لك ايها النجم الشاب اتحداك تخلص الكورة وما تتورط

.. ويجيك الثور الثاني سمولينغ يلعب الكورة غلط يناولها لـ زيركوف بعدين يقوله يله تعال اكسرك ... يا ثور ليش تعطيه الكورة من اول .. لا ومسوي فيها اني عصبي ومتضايق ... ويسب تبا لك اذهب الى الجحيم بحق السماء يا ابن انثى الكلب <== ترجمة معامل انيس عبيد ... كل تبن انت معطيه الكورة تبغاه يناظرك تستاهل ؟!

ناني برضو اشوفه حمار ... ناني واااااضح جدا من الشوط الاول ان ايفانوفيتش متضايق منه يوم يسحب فيه عند الركني وصارت رجليه الثنتين يسار

من بعدها ايفانوفيتش تنرفز وكان يمدي ناني بالراحه يلعب على هالشغله ويخليه ينطرد لكن ناني عاد حب يتفلسف ويسوي اخلاق ... والا راس مالها سحبه ثانيه وايفانوفيتش ينطرد ؟!

روني جاب قول بلايستيشن اوكي بس بصراحه ضيع كور كثير تصرف فيها غلط ؟! .. خصوصا الكورة اللي دخل كويس بعدين مدري هو شاتها لعبها عرضيه عجزت اعرف وش براسه ؟! لعبه قوية بمكان صعبه على المهاجم وصعبه تقول انها رايحه القول ؟! كل هالشغلات كان يمدي المانيو يستغلها ويرتاح بالمباراة بس خلاص ... فيه شي اسمه عقده طبيعي نشوف اللي شفناه !؟

ما ودي اطول هارد لك مانشستراويه ... متصدرين متصدرين بالطيب بالغصب

+1 والا +4 والا +0 دام ان بالجدول نشوف مانشستر رقم 1 .. ما عليكم من الردود اللي هنا ولا عليكم اي فريق ...

مــانــيــاوي · #14 02/03/2011, 02:13 AM

^^^^^^^^^^^^^^^^^^^
أبو خالد

معليش يالغالي

بس ترى مصختوها

العام وهدف تيري اللي اكيد تذكر دروجبا وش سوى فيه
وقبلها دروجبا يسجل أول أهدافه على الأولد ترافورد من كشته وااااضحه
حتى الموسم اللي فزنا عليكم فيه 3-0 على أرضنا الحكم ألغى هدف من ركنيه خيااااليه

يعني مو بأول مره خلاص فكونا عاااد

_______________

هاردلك مانشستراويه

مبروك لتشيلسي ولكل الفرق الثانيه

روني

يكفيني ان صاحب ال 35 مليون وأفضل لاعب بالدوري البرتغالي
ما قدر يوقفك الا بتشويتك .... + هدفه جا بوقته لرفع معنوياته أكثر ...

مانشستر الموسم هذا على كثر الظغوط الكثيره عليه الا انه الى الحين ماشي تماااام

وأول هالظغوط جدولة الدوري

أذكر قبل كم موسم فينجر كان يتكلم على الاتحاد الانجليزي بسبب جدولة الدوري
لأنه حاط كل مبارياته اللي مع البيج فور Away طبعا هذا كان بالنصف الثاني من الموسم
وكان يحمل الاتحاد الانجليزي خسارة الأرسنال للدوري ... مانشستر الموسم هذا
يلعب مع تشيلسي وليفربول وارسنال وتوتنهام كلها Away .. والمصيبه ان تشيلسي وليفربول ورا بعض
وجايه بعد أسبوع مظغوط لمانشستر بعكس تشيلسي اللي مريح أسبوع كامل وندخل بعدها مباراة ليفربول بنفسيه زفت

ما أقول الا الله يستر بس

بالنسبه للتحكيم ما ابي اتكلم عنه بس اتوقع لو انطرد لويز كان فرقت كثيررر بالمباراه

مبروك مره ثانيه لفرق انجلترا وهاردلك لنا

to0ofe · #15 02/03/2011, 01:55 AM

مبروك لعشاق البلوز .. فوز مستحق وبجداره

!
هاردلك للمان !