|
[ 500 ريال ] .. مخالفة علي بسبب { الإحتفال بعودة الملك عبدالله } ..... مالكم الا نصيح في اليوم الوطني اذا يرضيكم بسم الله الرحمن الرحيم و السلام عليكم و رحمة الله و بركاته تفاجئت قبل شوي بجيّة رسالة على جوال اخوي << الموتر بإسم اخوه ،، و فيها مخالفة على الموتر بقيمة [ 500 ] ريال و تاريخها يوم الربوع الماضي ليييييييييييييييييه ..؟ وش مسوي انا يا حضرة العسكري ..؟ الإحترام للبدله اللي لابسينها .. والله انها كبيره عليهم و ما يستاهلونها أغلبهم .. طبعاً كانت في الإحتفال بعودة الوالد القائد المليك عبدالله الله يديم عليه الصحه و العافيه و والله والذي نفسي بيده ،، انه السياره مافيها أي مخالفه ،، اللوحات موجوده و الزجاج مش مضلل رابط الحزام .. و ماشي مع الجماعه ،، الله يقطع يد اللي كتب المخالفه .. الله يوريني فيه يوم اسود .. والله الهم مش هم المبلغ .. لكن من القهر ،، وش تبونا نسوي ..؟ ابشركم .. في اليوم الوطني بنطق الشماغ على كتوفنا و بنصيح ،، |
يعني متبلين عليك مثلا ؟!! سبحان الله ! . وخل ينفعك الاحتفال : ). |
يااليتها على كل اللي طلعوا وسببوا الزحمة في الشوارع طلعت أبي أشتري أغراض بسيطة من السوبرماركت أخذ بي ساعة و نص .. تبي تفرح افرح في حوشكم مو تروح تعطل الشوارع و الناس منها المريض و المستعجل و المرهق وووو إلخ.. |
ما فيه شيء بدون سبب ياخوي :) |
اول شي خل الاحتفال ينفعك ! وثاني شي يا ساهر ويا المرور حيلكم في البزرآن الي توهم مآسكين موآتر ومبلشين امنا بالشوآرع !!! آجل اطلع يوم الاربعاء بشتري لي حاجه يمكن المشوار ما يتعدى 5 دقايق جلست ساعتين !!!! واذا بزرآن قاعدين يرقصون بالشارع !! وانا مستعجل !! تدري عآد ! ان في حياتي ما تمنيت وظيفه عسكري مثل اليوم !! كآن نزلت بعصآ كهرب ، وجلدت جلد لمآ يقول امين بس الشرهه مو عليهم الشرهه على ابوه الي معطيه سياره ! |
يوم الاربعاء بالذات شوارع الرياض ملغمه ساهر .. نهاراً وليلاً . من زمان وساهر مستلم العالم لانهم متهورين ومستعجلين .. تبيهم مايستغلون هاليوم . الله يعوضك عنها اخووي . |
إقتباس:
ما وقفنا حركة السير ،، ولا فحطنا ،، كلن في سيارته و ماشين قروب واحد .. يا جعله يجي فيك موقف كذا و تعرف ،، متبلين والا مش متبلين |
وعليكم السلام ورحمة الله وبركاته يعطيك العافية والله يعوضك خير. نعتذر لإغلاق الموضوع وننتظر حضورك مع موضوع قادم يثري المتلقي. شكراً لك. |
| الوقت المعتمد في المنتدى بتوقيت جرينتش +3.
الوقت الان » 03:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd