كل الكلام اللي قيل عنه غير صحيح مع احترامي لأرأكم - نادي الهلال السعودي - شبكة الزعيم

عاشق الشعار · #1 23/02/2011, 10:25 AM

بسم الله الرحمن الرحيم
السلام عليكم ورحمه الله وبركلته

مبرووك يااخوني على الفوز الكبير

صراحه ماقصرو اللعيبه كفوو ووفو

وبالنسبه للعيبه الصاعدين صراحه يخلونك تتطمن

على مستوى الفريق ككل

انتم كلكم شغتوو المباراة وكيف ماسكين اللعب

نحمد الله ونشكره

اليوم ابي اقول لكم

عن لاعب جاه كلام كثير من الجماهير الهلاليه

من سب وكلام ماله داعي كلام يخلي الجبل ينهار

انا دخلت مواضييع تتكلم عن اللاعب وشفت الردود
اعطيكم مثال
----------------
في واحد يقول (ان دكة بدلا الهلال اكبر من انه يجلس فيها)

وفي واحد يقول( ان اللاعب يقول ماعنده مستوى على شان ينزل مستواه)
---------------------------

اللاعب هو (ماجد المرشدي)

صراحة انتم شفتو اللاعب في مباراة الشباب

قدم مستوى اكثر من رائع

شفتو كيف يخلص الهجمات العرضيه

وكيف كان ملازم الحسن كيتا

يعني صراحة كابتن بما تحمله الكلمة من معنى

ياليت لو تاقفون معه مثل ماهو قدم لنا الكثير

احنا لازم نقدم له لو بعض ماقدمه لنا

هذا ماكنت ابي اقوله واوصله لكم

ودمتم بوود

الدخان الازرق · #2 23/02/2011, 11:12 AM

ياخوي والله انه هو اللي يجيب الكلام لنفســــه،،،،

بعد بطولة كاس الخليج في عمان ،،، مستواه من جرف لدحديرة!

ثقته بنفسه صارت مهزوزة جداً ،،، دائماً متردد ،، خايف ويرتجف من اي كورة تجي له!!

ليش وكيف وصل نفسه لهالمستوى؟؟؟؟

اللـــــه اعلم!

روض الجواء · #3 23/02/2011, 11:31 AM

هو بطل ويليت كل دفاع يجي للهلال يكون زية هو وهوساوي

جعيثنكو · #4 23/02/2011, 11:34 AM

بصراحه وبدون زعل اللاعب المرشدي هو نقطة الضعف الوحيده في الهلال ....

مع ان الوقت غير مناسب للانتقاد ولن نستطيع تعديل الوضع بين يوم وليله ...

ولكن كلمة حق لا بد ان تقال المرشدي مستواه ضعيف ويفتد التركيز في قطع الكور والتخليص الصحيح
والادهى والامر يرجع مع المهاجم اللي معاه الكورة من خط النص الى خط الــ18 وبعدين يفكر يخلص الكورة في المنطقة الخطرة .
ردة فعله بطيئة ينتظر المهاجم يثبت الكورة وبعدها يفكر بالدخول على الكورة ...

نامل من الجهاز الفني الاتفات للاعب وايضاح نقاط الضعف له وان حصل تمارين خاصه ليست عيبا ...

نحب المرشدي ونبيه يكون سد منيعا مع الهوساوي ...

تحياتي

حبوه الهلالي · #5 23/02/2011, 11:41 AM

اولا مشكور اخوي على الموضوع

ثاني شي محد قال الكلام الي انت كتبته الا من حرقته من الي يشوفه

كم بلنتي عمل المرشدي من بعد ماخد افضل لاعب ..؟
وكم نسبة نزول مستواه عن قبل ايام ماكان صد منيع
واخر مباراه مع الشباب ماقصر ومسك ولكن في غلطه لو حسبها الحكم لانحسبت على المرشدي
وهو ركوب المرشدي على حسن كيتا بغى يعمل بلنتي ولو حسن كيتا طويل بشوي لكان الحكم على طول حسبها بلنتي بس ربك ستر
مع ان من نظرتي اشوفها بلنتي وانا مو خبير تحكيمي ولكن هذا رايي

وانا واحد من الناس الي قبل المباراه كان خايف من ان المرشدي يسبب بلنتي مع الحسن كيتا وصار الي توقعته لكن بدون احتساب البلنتي

على العموم احنا مع اي لاعب صاعد او شباب او محترف او نجم يلعب للزعيم ويخلص له
وان شاء الله المرشدي يكون باحسن احواله ويعطي اكثر واكثر
وبالتوفيق للزعيم في جميع المبارايات

وان شاء الله اني ماكنت ثقلت على احد وتقبلو كتاباتي من خلف الشاشات

دمتم بود

دافنشي الازرق · #6 23/02/2011, 11:50 AM

في كذا مباراة بعد الاصابة كان مستواه مهزوز ...

لكن الي شايفه انه بدأ يسترجع حساسيته ويخش جو المباريات ...

كلنا كنا متوقعين من كيتا كذا تسحيبه وكذا هدف ...

لكن ما شفنا شي ... وهذا مو سوء في مستوى كيتا لانه لعب كويس في المباراة اللي قبلها

بس ماجد كتمه .... حتى الشمراني لا جا جهة ماجد ما يلقى حيلة ...

فياليت الجمهور الهلالي يخفف الضغط ويدعم ماجد ....

خصوصا ان فترة الانتقالات خلصت يعني ما فيه فايده من الانتفادات ....

واحتياطيين ماجد بأمانه اقل من مستواه ...

فدعم ماجد وكل اللاعبين امر مطلوب في الفترة القادمة ...

واذا اخطئوا فهم بشر و طبيعي تصير الاخطاء في كرة القدم ....

انا نفسي اعترف كنت انتقد انتقد انتقد ...

وبعدين وش حصل ؟؟ بس هزيت ثقة اللاعب في نفسه وثقة الجمهور فيه ...

فالمفروض اننا خلاص .. وصنا المراحل الحاسمة ...

احنا علينا المساندة والحضور والتشجيع والباقي على اللاعبين والادارة والله يوفقهم

هلالي عشق فن الزعيم · #7 23/02/2011, 11:54 AM

الف شكر على الموضوع الي نابع من قلبك اخوي لكن
ماجد المرشدي مستواه هابط كثير عن السابق والجمهور يبي الي يعطي بالملعب في الوقت الحالي وليس بوقت مضى يشكر على كل مايعمل ونتمنى يعود لمستواه الي عرفناه عن ماجد المرشدي

قانون عام · #8 23/02/2011, 11:58 AM

لي رسالتين اولها لكاتب الموضوع ..
والله المرشدي مكانه مو دكة الاحتياط الا خارج النادي .. وش ابغى بلاعب يخلص كوره والا كورتين ويجيب العيد في اكثر من عشر كور ..
انا اتحداك تجيب لي مباراة المرشدي كان فيها اسد .. لازم يشطح شطحات مال امها داعي .. صحيح هو افضل من اللي موجودين حاليا لكن يعتبر نقطه ضعف بالدفاع الهلالي كبيره ورح تشوفها مع مباراة النصر في دور الاربعه والله يستر ..

الرساله الثانيه للعضو اللي مسوى توقيعه همبورجر ..
ياخي والله ما احس بالجوع

الا لما ادخل المنتدى واشوف توقيعك ..

...وافي... · #9 23/02/2011, 12:00 PM

والله لو يثق بنفسه ويدخل دخول الواثق

على الكور ...

صدقني وانا اخوك راح يبدع

لكن لما يبقى على هالحال

والله صدقن ...راح تشوف بلنتيات بكثره وتشوف طرد بالجمله

ماجد لعيب ولديه امكانيات ولكن ثقته بنفسه صفر

اتمنى ان يعاود حساباته ....

شكراُ لك اخي طارح الموضوع ....

وافـــــــــــــــــــــــــــــــــــــــــــــــــــي
مــــــــــــــــــــــــر من هنــــــــــــــــــا

عـسـووولـه · #10 23/02/2011, 12:08 PM

الكلام اللي قلته قالو الهلاليين بعد ما تسبب بضربتين جزا مدري ثلاثه
يعني وش تبيهم يقولون مثلن !
تسبب بضربات جزا وانطرد وتبيهم يمدحونه ؟

وبمباراة الشباب قدم مستوى حلو
ومحد قال عنه هالكلام اللي قلته

ملكـ الآحزآن · #11 23/02/2011, 12:27 PM

لاعب ولا بريال ..

مكانه الحزم ولا الرائد ..

هذي الحقيقه ..

وبانسبه لراعي الهمبرجر .. الله يسامحك جوعتنا ..

آآآآآآآآآآه بس ههههههههههههه