السلام عليكم ورحمة الله وبركاته

كيفكم شباب ؟


ان شاء الله تكونون بأفضل واحسن حال يارب


المهم ..

موضوعي يتكلم عن اولمبي الهلال او بمعنى اصح مستقبل الهلال القريب جدا


انا قلت القريب جدا لانهم كبار .. وخلاص اقل من 5 سنين ولقاهم بالفريق الاول وربما يكون عمر الشلهوب 34 وياسر 33 وحسن العتيبي معتزل والسديري 23 والدوسري 27 تقريبا

وانا قاعد اتكلم عن الاولمبي وليس الفئات السنية ..! لان الفئات السنية منل الشباب والناشئين والبراعم وغيرها

فـالفئات السنية (باستثناء) الاولمبي يقدرون يطورون مستواهم ومهاراتهم .. اما الاولمبي خلاص مستواهم راح يتطور لكن ليس كـالشباب والناشئين..

وانا اقول الان :
وصلت لحدها ياادرتنا .. لازم تتدخلون وبأسرع وقت في قضية الاولمبي

نتعادل مع القادسية .. نخسر من النصر بـ3 .. نخسر من الاتفاق مرتين .. نخسر من الفتح .. المركز الـ10 !!!!

شي غريب صراحة .. رغم ان الاولمبي الداعم الوحيد للفريق الاول .. آه يازمن كنا نتربع على المسابقة كاس فيصل والان اخر مرة حققناها عام 2006 !! في عهد الفريدي والدوسري و خيرات و و و و الخ

الهلال في دوري السعودي للشباب في المركز الثاني .. الناشئين في المركز الاول ..


يجب على الادارة التدخل .. نشوف مستقبل الهلال يتبهذل امام النصر و الفتح ونسكت ؟؟!!!!

صراحة .. يجب العتب على الادارة .. لا معسكرات ولا دعم مادي ومعنوي ولا اهتمام ولا مدربين ممتازين
ولا حتى اختيار ممتاز !! يختارون بالواسطة !! اول مايدرون ان عنده واسطة يالله مشينا نوقع

ولايعرفون لعبه ولا حتى مركزه !!

ليش مانروح حواري ونشوف الافضل ليش مانروح المدارس ونشوف من هم الافضل ..

وصلت لحدها واتمنى من الادارة التدخل وتطوير الفئات السنية والاولمبي ..

وايضا العتب عليكم .. انتم الجماهير !! ليش ماتروحون مباريات الناشئين والشباب والاولمبي وتشجعون

وتؤازرون فريقكم المستقبلي ؟!..نعم .. انا مقصر بحق الاولمبي .. ولهم الحق اللاعبين لا يرون الدعم والتشجيع وتبونهم يفوزون ؟!!

اما سبب تألق الاولمبي بالسنة الماضية :

سبب بسيط ادى الى عدم القدرة بالفوز !!

والسبب:

هم لاعبين الفريق الاول !!

نعم..هم السبب اقولكم شلون ..

تذكرون يوم جريتس يلعب بـ5 لاعبين بالفريق الاول صح ولالا..طيب الفريق الاول كان شايلين الفريق الاولمبي!!

تذكرون يوم ويلهامسون وياسر والشلهوب ورادوي ولي يونج يلعبون مع الفريق الاول ..هم مثل ماقلتلكم شايلين الفريق .. والجماهير كانوا يحضرون لاجل الـ5 فقط!!

ويوم اتخذوا قرار ان جميع اللاعبين الذين يشاركون تحت سن 21 بعدها انحرج الهلال الاولمبي بنتائجه السلبية !!

والان شوفوا الجماهير ..!!

يجب على الادارة اخذهم الى المعسكر في الصيفية (الاجازة الطويلة) الى واعتقد ان المعسكر في الارجنتين ..

مثل ماذكرت الجزيرة .. فـ يودون اللاعبين (ليس فقط الاولمبي) الى الاكادميات و غيرها من الاعمال اللي تطور مستوى اللاعب ..

لكني الحين طولت عليكم شوي ولا ؟

افهموها عاد

نشوفكم

ارجو الرفع من المشرفين وفقكم واثابكم الله ...

مشكورين ياادارتنا على الرفع .. وان شاء الله يتفاعل الاعضاء مع هذا الموضوع وايصاله للرئيس

تذكرون يوم ويلهامسون وياسر والشلهوب ورادوي ولي يونج يلعبون مع الفريق الاول ..هم مثل ماقلتلكم شايلين الفريق .. والجماهير كانوا يحضرون لاجل الـ5 فقط!!
يليت توضح هل الكلام ليه في ناس ما تجي للملعب الا عشان هل 5 ؟؟؟

وانا اقول سبب تميز الاولمبي جريتس بحكم بعض مباريات يدرب الاولمبي
ولا تنسى العام كان في مجموعه كويسه من العيبة مع الاولمبي
ولو بي تقارنهم بي العيبه الي الحين بتلقى فرق كبير بين المستويات

ارجو التفاعل اكثر من الاعضاء حتى ربما تصل الرسالة

8888888888888888888888888888888888

وييييييييين التفاااااااااااااااعل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مانبي الاولمبي اخوي نبي نركز على درجة الشباب وبس

والحين قاعدين ننافس على دوري شباب الممتاز

كلامك صحيح والغريب ان الادارة تقول النتائج مو مهمة بقدر تخريج اللاعبين اللي يدعمون الفريق الاول !!

وبعدين ....... شوفوا النصر والشباب شلون المستويات كبيرة آآآآه بس وش نقول تعبنا ~

ياشباب انا اسسستغرب اللي يتكلم عن الاولمبي ..؟!
ياشباب رجعو لعيبة الاولمبي اللي مع الفريق الاول
صدقوني محد يقدر يوقف في وجيهنآ

المدرب كالديرون يضطر ياخذ لاعبين من الاولمبي لاكمال التدريبات
وايضا لاكمال دكة البدلاء كما في المبارات اللي راحت امام الشباب

ياشباب افهمو اولمبينآ انا اقول هو اقوى فريق اولمبي في المملكه
والدليل انه اخرج للهلال ثلاث لاعبين يحلمون فيهم اي فريق

( السديري , القرني , شافي الدوسري )
وفوق هذا لاننسى مخرجات الاعوام اللي راحت
( العابد , والدوسري , والفريدي وغيرهم كثيررررر .... )

ياناس انا ما ادري وش فيكم يعني ما ادري كيف تتكلمون وانتم ماتعرفون امور ناديكم
نص الاولمبي مع الفريق الاول كيف تطالب فيهم بالنتايج
اي ونسيت الاعب الجهني اضطرينا للاستعانه فيه
والشئ هذا ترا يسبب ارهاق للاعب اولا
وثانيا لخبطت اوراق مدرب الاولمبي

اتمنى تتمعنون في كلامي وراح تلقون اولمبينآ اقوى اولمبي موجود بالساحه
وبالتوفيق للهلال .. ق1

إقتباس الرسالة الأصلية كتبت بواسطة هلااا ليفربولي الي ياشباب انا اسسستغرب اللي يتكلم عن الاولمبي ..؟! ياشباب رجعو لعيبة الاولمبي اللي مع الفريق الاول صدقوني محد يقدر يوقف في وجيهنآ المدرب كالديرون يضطر ياخذ لاعبين من الاولمبي لاكمال التدريبات وايضا لاكمال دكة البدلاء كما في المبارات اللي راحت امام الشباب ياشباب افهمو اولمبينآ انا اقول هو اقوى فريق اولمبي في المملكه والدليل انه اخرج للهلال ثلاث لاعبين يحلمون فيهم اي فريق ( السديري , القرني , شافي الدوسري ) وفوق هذا لاننسى مخرجات الاعوام اللي راحت ( العابد , والدوسري , والفريدي وغيرهم كثيررررر .... ) ياناس انا ما ادري وش فيكم يعني ما ادري كيف تتكلمون وانتم ماتعرفون امور ناديكم نص الاولمبي مع الفريق الاول كيف تطالب فيهم بالنتايج اي ونسيت الاعب الجهني اضطرينا للاستعانه فيه والشئ هذا ترا يسبب ارهاق للاعب اولا وثانيا لخبطت اوراق مدرب الاولمبي اتمنى تتمعنون في كلامي وراح تلقون اولمبينآ اقوى اولمبي موجود بالساحه وبالتوفيق للهلال .. ق1

احنا نتكلم عن الحاضر وليس الماضي مثل ماتقول ..!! وبعدين شافي ومحمد وعبدالله هذولي فقط 3 لاعبين وليس فريق كامل !!!

اولمبي الهلال السنه هذه وضعه سيء جدا" والله يوفق الزعيم .