بلاتشي ,,,,, والزمن طووووووووووووووويل
 

بسم الله الرحمن الرحيم
أحب ارحب بالبداية بكل أعضاء المنتدى وبكل جماهير الهلال وهذا هو الموضوع الأول لي في المنتدى أتمنى اننا نستفيد منه ونفيد فيه،،،،،، وفي النهايه هو نظره لي لا أقل ولا أكثر.....
واتمنى مشاركة الجميع فيه


الموضوع يتعلق بالمدرب بلاتشي طبعاً انا ماراح انقده نقد جارح او اظلمه لانه بصراحه مدرب له بصماته ويطولاته مع اغلب الفرق اللي يدربها بس وبصراحه طريقته تخوف وتخليك على اعصابك طووووووووووووووول المباراة ،،،، والسؤال الحين ليش يصير هالشي؟

طبعاً معروف لكم ان بلاتشي يلعب بطريقة 4-5-1 وهذي هي طريقته اللي تعود عليها تدرون ليه؟

لأن الحبيب ابتكرها يومه يدرب فريق النثر ومشت الأمور معه لأنهم معروفين يجيبون هدف ويقفلون
بس للأسف هالطريقه الدفاعية ماتنفع مع الهلال ولاتعود عليها جمهوره لأن الهلال معروف بطريقته الهجوميه بس للأسف فقدناها من زمان وماندري من المدرب اللي بيرجعها لنا .

واللي يعارضني بهالكلام يجاوب على بعض تساؤلاتي هذي:
اولاً / إلى متى وحنا نجيب هدف ونقعد ( معضعضين على شفايفنا ) وكل شوي وحنا( مناقزين) نحتري هدف التعادل ؟
ثانياً/ إلى متى وحنا محرومين من مهارات وإبداعات نجوم الهلال بسبب الضغط على مرمى الهلال اللي مسببه بلاتشي بطريقته الجبانه؟
ثالثأً/بالطريقة هذي تتوقعون نأخذ المركز الأول او حتى نقدر نحرز بطولات؟


ياجماعه انا ماابي اعيد اسطوانة المدربين وانا بهالكلام مااطالب بإقالة بلاتشي بس أتمنى من المسؤولين بالنادي انهم ينبهونه لهالشي لان والله حرام نتفرج على هلالنا بهالطريقه ممنوعين من
المتعه بنجومنا ومهاراتهم والله ياجماعه صعب نثق بالهلال من ورا هالطريقه لانها طريقه تقطع القلب ارجعوا لمباراة الهلال والنصر وشوفوا وبأمانة وش كثر كان الضغط علينا سواء قبل التعادل او بعده ولكن ربكم ستر وارجعوا للمباراة الاخيره مع الاتحاد وشوفوا الضغط بعد ،،،،،،،،،

أتمنى قبل لاأختم كلامي انا محد منكم يرد علي بأن الأمور راح تتحسن إذا رجع نواف والجمعان لانهم بكل تأكيد لاعبين مهمين بالفريق ولهم تأثيرهم بس تخيلوا أن نواف جاه عرض اوروبي بهالايام وراح وخلى الهلال والجمعان( ركب راسه كاالعاده وقال بخرب اللعب على طريقة الصغار ) وش راح نسوي؟

اكيد ماراح يروح فيها غير شفايفنا من كثر العضعضه:D

كل ماأتمناه هو شوفة الهلال بأسلوبه المعروف عنه والله يكتب اللي فيه الخير
واعذروني على الإطاله.......

بلاشي لايصلح لتدرب نجوم بل يصلح لتدريب اندية درجة اولى اوبالكثير اندية الاتفاق,النصر,الطائي,الرائد....................
بلاشي جبان يدخل المباراة وهو خائف من الهزيمة واذا سجل هدف حاول المحافظة علية بكل الاشال
وهذه طريقة اندية لا تثق بلاعبيها لانها لاتملك نجوم والحمد لله الهلال غني بنجومه
والقهر تغيراته التي تدل على غباء مفرط
انتظروا هزيمة الهلال كي تبداء الانتقادات لهذا المدرب

عجبي

الله يعطيك العافيه
 

بصراحه أحلى موضوع قريته..والله تقطعت شفايفي وارتفع ضغطي وصارت حالتي حاله من ذا الاسلوب الدفاعي الباااااااااايخ...والله فقدنا المتعه والهيبه وكسب النقاط وكله من ذا الاسلوب العقيم
ليش نكتفي بهدف واحد ونسمح للخصم يضغط علينا ويهاجمنا؟؟؟ليش ما نضغط ونجيب ثاني وثالث ونسيطر على المباراه كلها.
بالله عمركم شفتوا الهلال يلعب طوووول المباراه على الهجمات المرتده؟؟؟
واللي يغثني أكثر أهدافنا ما تجي الا بطلووع الروح , وكله من بركات الوسط (الفيصل والمسعري) اللي يمدون هجوم الفريق الخصم وينسون هجوم فريقهم.
والمشكله اذا ناقشت الاداره ,قالوا ما يصير نتدخل في الامور الفنيه,, واذا ناقشت بلاتشي يعتبرك عدوه وانك ما تبيه ويسوي لك انواع المشاكل مع اللاعبين.
الرجل الوحيد اللي ممكن يتدخل ويقنع بلاتشي هو الرئيس..نبي نشوف الهلال اللي نعرفه ويعرفه عبدالله بن مساعد أكثر مننا.
وتحياتي لك على هالموضوع.

الله يعطيكم العافيه اخواني THE ENDو ولد النعمه واتمنى من الجميع ابداء الرأي في الموضوع علشان نوصل لحل يريحنا ،،،،،،،،،،،،



خاااااااااااااص للأخ ولد النعمه

الله يعطيك العافيه على هالإطراء وبصراحه بتعطيني الدافع الأكبر علشاااااان (اغثكم) بمواااضيع كثيره ببالي ،،،،،،،، اتمنى انك تكون من ضمن المضافين عندي بالماسنجر اذا تكرمت ولك خالص تحياتي،،،،،،


وبالتوفيق للجميع

لقد كفيت ووفيت الموضوع كان في بالي من زمن لكن ريحتني الله يريحك دنيا واخره
صحيح الزعيم اكبربكثير من بلاتشي ولو زعل علي زميلي فيصل الكثيري صحيح ماينقص الزعيم الآ مدرب عالمي قدير ولاعب اجنبي يستفيد منه لاعبي الزعيم واللاعبين السعوديين مثل ابو شنب الله يعيد ذيك الأيام قلو آمين:razz:

اقووووووووول اللي مايعرف للصقر يشويه
خطة بلاتشي 4-4-2 في حالة الهجمه و4-5-1في حالة الهجمه المضاده 000هذا اولا
ثانيا بالعقل عد الهجمات اللي للفريق الخصم طوال المباراة الخصم اللي تقولون انه مسيطر على المباراة وبعدين عد الهجمات اللي للهلال (وتقصد هجمات خطره للفريقين) تلقى هجمات الهلال اكثر واخطر بس وييييييييييين اللي يستغلهااااااااااااااا

الموضوع جيد

ولكن ودي ا ذكركم كم بطولة ضاعت علينا وحنا نهاجم ونلعب حلو.
كم بطولة ضاعت علينا والاندية المقابلة تقفل وتلعب مرتدة.
صحيح ان بلاتشي له اسلوية ونجح فيه قبل النصر مع اندية شمال افريقية كثيرة ومع اندية امارتية وقطرية والهلال ايضا.

الا يكفي هذا ان ندعه يعمل ونحاسبة في نهاية العام.

هدفنا والادارة والمدرب واللاعبين واحد وهو تحقيق البطولة.
المدرب اقرب مننا للاعبين ويعرف امكانياتهم وقدراتهم ويعرف كيف يفرض الطريقة الاسلوب المناسبة لقدراتهم.

بلاتشي من افضل المدربين الذين مروا على الهلال في التكتيك.
والفريق اثناء قيادتة له منضبط تكتيكا بشكل كبير ولاتجد الفوضى وكل لاعب يعرف المطلوب منه.

هذي وجهة نظري .

الاخ (المشجع)
امييييييييييييييييييييييييييييييييييييييييييييييين الله يعيدها واحسن بعد


الاخ (هويدي)
لاتخااااااااف الصقور نشويها ونخليك تننق عليها بعد
بس صدقني انا اقدر بلاتشي واثق فيه ولا اطالب بإقالته لا والله بس انت بنفسك شف من يوم جا لعبنا ثلاث مباريات قويه مع النثر (تعادل) مع الاتهاد(تعادل) مع الاهلي فوز بالقوه ومع الرياض المتهالك (تعادل) وكلللللللللللللللللللللللللللللللللللللللللللللللللللللهن بطلوووووع الروح (يعني بالقوه) فإذا كان حال الهلال يعجبك بهالطريقه فأنا أختلف معك لأن الهلال متعه وبلاتشي للأسف افقدنا هالمتعه ،،،،،،،، بس ان شاء الله تتعدل الامور قل اميييييييييين

الاخ (الرزين)

كلامك بأن الهلال فقد كم بطوله وهو يهاجم كلام صحيح لكن مااعتقد انه سبب يخلينا نلعب لعب دفاعي ،،،،،،،، اجل بذمتك انت شف ترتيب الهلال بين فرق العالم وفرقه مع الاتهاد والنثر وشف المبارتين وعطني رايك ؟؟؟؟؟؟؟
يعني بصراحه لو انك مندوب من الفيفا وجيت تشوف الهلال مع الاتهاد بتحط ذا الفرق الشاسع بينهم بالترتيب ( مع اني عارف ان الترتيب قائم على اساس البطولات والنقاط) لكن لو قل لك احكم على المستوى وش بتحكم فيه؟؟؟؟؟؟؟؟؟



وشاكر لكم جميعاً تجاوبكم معي

واللة يخوي بلاتشي مصيبة وورطة ابتلينا فيها حنا الهلاليين مدرب مايفهم واغترينا فية ايام كان يدرب النثر وجبناه وضيع علينا بطولات سهلة وحققنا معة بطولات بشق الانفس مثل دوري 1418 رغم تكاملنا فزنا بطلوع الروح بهدف سامي في الرمق الا خير وبعدين طردناه ورجعنا ة مرة ثانية وفزنا بدف في ثلاث بطولات وامام فرق متواضعة مثل ابها في دورة الصداقة فزنا بضربا ت الترجيح وامام النثر في البطولة العربية فزنا بهدف ذهبي من ضربة جزاء رغم اننا كنا وقتها نملك 8 دوليين والنثر دولي ناقص واحد ؟ واما شميزو ورطنا وةفزنا بتعادل وبعدين انحاش ولحين رجعناة الي متى خلصونا من ه والذبيحة عندي

اقول الانتقاد سهل ويكفي بلاتشى انه يحسسك بوجوده فى الملعب واخيرا خلونا من سلفه المدرب يكفينا مترونا الىاخذنا على قد عقولنا

يارجال الله يفتح على بصايره ويخليه يدري انه يدرب اقوى نادي اسيوي


والله يكتب اللي فيه الخيره

خطة 4-5-1 تعتبر افضل خطه بالعالم وطبقتها فرنسا عام98
بس هل تقارنون وسط فرنسا وقناصهم هنري فينا يعني بالعربي يبيلنا وسط قوييي وهجوم قناااااااص ينهي الهجمه على طول بدوون تفلسسسسسف وذيك الساعه تدرون ان خطة4-5-1 رهيييييييييييييييييييييبه مع احترامي لسامي وتفلسفته قداااااااااام الباب هو والصامولي:upset: :upset: :upset: