|
كالديرون : والله انك بطل ومدرب كبيييير... هلال كالديرون امتع من هلال جريتس. السلام عليكم. اعزائي الزعماء . اول شي اباركلكم الفوز المستحق على الاهلي والمستوى الكبير اللي ظهر به الهلال.. طبعا لا يخفى على الجميع انه جريتس مدرب كبير ورائع جدا ومايحتاج شهادتي. ولكن كالديرون اثبت بالفعل انه مدرب من طينة الكبار رغم تغييراته الغريبة اللي في اغلب الاوقات يكون لها نتيجة ايجابية.. لو قمنا بمقارنا بسيطة جدا بين الهلال السنة الماضية والهلال السنة هذي.. راح نشوف انه السنة الماضية اغلب المباريات كان فريقنا مكتمل والاصابات قليلة في الفريق وكان من امتع المواسم للفريق. اما السنة هذي نشوف انه الأصابات الكثيرة اثرت على اكتمال الفريق.. ولكن الشي الايجابي هو المدرب اللي قدر يعوض النقص بالاسماء الشابة اللي اظهرت قدرتها وامكانياتها مع الزعيم وكان توظيفها رائع جدا من المدرب اللي اعطاهم الثقة.. لو نذكر الاسماء نشوف العابد والدوسري طبعا هما معروفين من اول ولكن مستواهم الان افضل بكثير من قبل. ايضا ماننسى شافي والقرني وعبد الله الدوسري ورضوان والسديري كلهم نجوم ومستقبلهم واعد مع الفريق.. حتى ولو كانت في اخطاء بسيطة من المدرب الا ان الفريق يسير في المسار الصحيح.. وفي اخر الموضوع اوجه رساله للأدارة بالتجديد مع كالديرون لموسمين او اكثر لأنه يعتمد دائما على التجديد . تحياتي . اخوكم (هلالي جداوي ) |
كلام منطفي ج ـــداً ...... توظيف اللاعبين من اساسيات المدرب الناجح اتمنى التجديد مع كــــآلــدي عوووووافي اخوي |
كلامك في الصميم هذي ميزة كالدي يعتمد على الاسماء الشاآإبه.. مشكوووور يعطيك العافيه |
كلآم سليـٍـٍـٍـم خآصة اللآعب المحور القآدم عبدالله القرني وكآلدي دآئما يعتمد على الاسمآء الشابه وبالتوفيق لكآلدي في قآدم المبآريآت شكرا خيو |
بالفعل عرف كالدي كيف يجبر خانات المصابين بلاعبين بنفس المستوى من شباب الزعيم |
بالفعل عرف كالدي كيف يجبر خانات المصابين بلاعبين يعطيك ربي العافيه |
:: كالدي راح يسوي اللي ماسواهـ غيرهـ من سنين كالدي مدرب كبير وكنت اتمنى قدومه لانه مدرب لا يرضى بالهزيمه مدرب يعرف كيف يوظف الاعبين الشباب مع النجوم اتمنى البقاء على كالدي والتجديد معه مدرب كفو اخبر له تصريح يوم كان بالاتحاد واوصله الى نهائي كاس اسيا قال سوف اقابل البرشا واهزمة بكاس العالم مدرب طموح لكن الاوضاع بالاتحاد ماساعدته كالدي مكانه المناسب بالهلال لان الهلال فريق احترافي الله يوفقة مع الزعيم يارب |
إن شاء الله الادارة الهلاليه بتجدد مع كالدي وهذا العمل الذي يقوم به كالدي لن يغيب عن مسيرو نادي القرن اتفق معك اخوي كثيراً المدرب انسانا جريتس حتى اني صدق نسيته . |
كالديرون لاحد يخنلف على انه مدرب يعرف مايريد طبعأ أسباب نجاح كالديرون الي الان مع الهلال من وجهة نظري 1- له كامل الصلاحيات من الناحية الفنية 2- سامي الجابر سبب من أسباب نجاح كالديرون 3- أدارة شبية الرياح وجميع العاملين في النادي من أصغر موظف الي رئيس النادي 4- معرفة الكورة السعودية من جميع النواحي. جميع الاسباب لم يجدها في الاتحاد يعجبني في كالديرون التبديلات الناجحة وقراءة المباراة وصقل المواهب والي أعجبني فية أعطاءعبدالعزير الدوسري الثقة وهذا الي افرحني أكثر شي لاني اراء في عزوز مواهب وليسى موهبة وحدة وهذا لم يجده مع قيرتس أتمنى التوفيق للهلال ولكالديرون لان المرحلة القادمة أصعب مراحل الموسم من ناحية ظغط المباريات وتداخل البطولات لكم الشكر |
اتفق معاك 100% مدرب طموح جدا وتعجبني قراءة المباراة والتبديلات الناجحة واتمنى التجديد لكالدي موسمين على الاقل |
كَنت عآرِف من قبل يجَي آلهلآل آنه بِ يبدعَعَ . |
كالديرون مدرب كبير واعجبني في اكتشافه للاعب الجديد القرني بالنسبة للعابد والدوسري والفريدي هذا شي ثاني من مباراة كأس الملك فيصل اللي كانت ضد النصر وفزنا 2-1 الهدف الثاني اللي كان تقريباً من قدم ستة لعيبه كل واحد لمسها لمسه وحده الين جاب الدوسري الهدف اللي انطرد فيه من تدخل البزر حسين عبد الغني. من هذيك المباراة كان فيه لقاء مع الفريدي قال انا وعبد العزيز والعابد نلعب مع بعض من زمان وفاهمين بعض زين والشلهوب يحب هذي الطريقة في اللعب. و من هذيك المباراة وانا من المعجبين بنفيز بس كنت اتمنى رحيلة عشان هالشباب والحمد لله راح و ان شاء الله ياخذون فرصتهم ولا يخرب عليهم ويلي. قسم بالله لو نلعب المباراة الجايه محاور عزيز والقرني وقدامهم عزيز الدوسري والعابد والفريدي والشلهوب في النص قسم بالله تشوفون مباراة ممتعه. ومع كثر اللعب مع بعض وزيادة التفاهم ياحبيبي نصير برشلونه ههههههه << فلها واجد :) سلام |
تخيل لو ان الطحالب مطلعينا بضربات الترجيح كان رايكم نفسه؟؟؟ يكفي انه راهن عليه ذيب.. يكمل جميله لو اتاح لسلطان البيشي فرصه بعد تسيق نامي نهائي |
كالديرون مدرب يجيد التعامل مع الاعبين الشباب لكن كلمة هلال كالديرون امتع من هلال جريتس اقول لك اسمح لك راجع حساباتك مرة ثانية!!!! مع التحية |
كالديرون مدرب ولا أروع بصراحة.. نستغرب بعض أحيان من التغييرات اللي على قولتك عزيزي انها غريبة.. ولكننا نبقى قليلو الخبرة الفنية التدريبية.. باختصار وكل ما يهمني.. ان كالديرون دائما في أي فريق أو منتخب يلعب فيه.. رسالته واضحة.. لا لإحتكار النجوم، تؤدي تلعب.. ينخفض مستواك خلك جنبي على الدكة.. حاربوهـ الاتحادية كثير وجننوهـ لأنهم ما يفهمون الا أن يبقى نور دائما متصدر القائمة الرئيسية للنازلين للملعب.. وشفنا نور من بعد كالديرون وش سوى.. تخبط في تخبط لحد ما انتهى فريق الاتحاد نهائياً.. كالديرون بدا بالتصحيح في الاتحاد لكن لم يتركووهـ ليكمل عمله.. بل قاموا بمحاربته حتى خرج ظناً منهم أنه يريد تدمير الفريق.. مع أني أذكر ان كالدي قام بتغيير جلد الفريق خطوة خطوة.. لكي لا ينفجر الجمهور الإتحادي الغير واعي بما يفعل كالدي.. ولكن هنا معنا يا كالدي نحن خلفك في كل ما تفعل.. حتى وإن تضايقنا في بعض المرات إلا أنك طالما تحضى بالثقة الكبيرة من سامي الجابر فأنت لا شك خير مدرب لمستقبل الهلال.. وشكراً.. |
| الوقت المعتمد في المنتدى بتوقيت جرينتش +3.
الوقت الان » 05:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd