صدقت والله...!!!!
وين اللي كانوا يطالبون بنامي...!!!!!؟؟؟

إقتباس الرسالة الأصلية كتبت بواسطة جاكور10 زد عليهم الفريدي مع انه سجل هدف رووووووووعه الاانه قتل اغلب فرص وهجمات الهلال بالبطء والانانيه تخيلوا الفريدي سريع وبدون انانيه صدقوني محد يوقفه اتمنى ينتبه لنفسه

للأسف مدري كيف تشوف المباراة ياصاحب هالرد

الفريدي اخطاءه قليلة جدا ولاعب يلعب بفكر عالي وقليل التمريرات الخاطئة
كل اللاعبين يخطؤن في التمرير ولا تذمونهم الفريدي يخطي خطا واحد تحت المجهر

الفريدي صنع ست فرص في المباراة وضيعوها اللاعبين وش ذنبه

تقولون اناني بالعكس اكثر لاعب يتخلص من الكرة ولا يحتفظ في الكورة الا في وقت يكون اللاعبين بعيدين عنه او في مشروع هجمة ناجحة

خلوه يلعب بطريقته يكفي انه يصنع في كل مباراة اكثر من ست سبع فرص اهداف حقيقية ويضيعونها اللاعبين

وراجع لمباراة الوحدة وعد تمريرات الاهداف وكذلك مباراة الاهلي

وكذلك مباراة الاتحاد اللي يعتبر مستواه فيها عادي ضيعها ياسر قدام الباب يعني مشكلتكم عاطفيين وتمدحون اللي يجيب هدف بس حتى لو مستواه زفت

اسمح لي اخوي اختلف معك بشي نامي هذا الي عنده والهلال دايم يبحث عن لاعبين بكل مركز الا الظهير والوسط الايمن يعني لولا الله ثم يونق ولي مافيه احد يمين حتى المؤشر نسقوه وبيلغون عقد يونق مدري وش السالفه المرشدي جيد وكل لاعب له اخطاء العتيبي مافيه الا هو شراحيلي مصاب والسديري فالمنتخب اتمنى ان ياخذ فهد السبيعي وسالم الدوسري وعبدالعزيز السويلم من فريق21فرصتهم من الان ونصبر عليهم زي نامي .
الجيزاني والمحياني العنبر والصويلح افضل منهم يس وش تقول كالدي يوم كان يدرب الاتحاد كان يطالب بالعنبر لذا اعتقد اذا انتهت اعارته راح يلعب وانا بصراحه اشوف احتياط الهلال في جميع المراكز عدا الوسط والظهير الايمن والهجوم افضل من اساسيين بقية الانديه مع احترامي للجميع

نقاط صحيحة وثغرات مكشوفه
تعديل الاخطأ اهم بكثير
وان شاء الله مانشوفها في المباريات الجاية المهمة

شكرا لك عزيزي

بالنسبة لنامي هو رجال حماسي وكويس لاكن مشكلته ماعنده لامهاره ولا ذكاء باللعب

اما المرشدي انا اشوف انه جيد صحيح مهو مثل اول لاكن ماهو نكبة مثل مايقول البعض

واحمد علي اشوفه انه يتحرك كثير لاكن يبي له شوي عشان نحكم عليه

واخير حسن مع احترامي وتقديري له ماينفع صحيح ان ماقصر بضربات الجزاء لاكن لو كان اللي مشارك بالمبارة حارس ثاني كان ما احتجنا للاشوط الاضافيه لانه هو سبب هدفين التعادل

يا ويلك من الله ،،، والله ظلمتهم
صدق ناس ما يملى عينهم إلا التراب،،، يا مشرفين أشوفكم قمتوا تفزعون لبعض اللاعبين!!!
مثل هذه المواضيع اللي تفرق ولا تجمع فالها الحذف

ياليت تخلون مثل هالمواضيع في نهاية الموسم

لأن الحين كلامكم ماراح يفيد بشي حتى لو كنتو على صواب

الآن لابد ان ندعم الاعبين وبس

نامي زواجه في هالفترة خطأ مدري الإدارة شلون سمحت له ’’ قبلها كان مستواه جيد لكن في هالمبارة كان نقطة ضعف الفريق
بشكل واااااضح حتى اللي مايفهم كورة يعرف ~

مصيبتكم أنكم عند الفوز تنسون كل الأخطاء الي يسوونه اللاعبين

انا معك بكل الي ذكرته زيادة عليه برود الفريدي وأنانيته بتضييع الفرص الكثيره الي كان من الممكن تنهي المباراة من بدري

تسلم يمينك ورحم الله والديك
كلامك سلييييييييييييم بس احمد علي لازم
نصبر عليه مباراتين ماتقدر تحكم عليه
(نامي - المرشدي - العتيبي )
اتمنى من كل قلبي اشوفكم في اي نادي غير الهلال
ياااااااااااااااااااااارب

إقتباس الثغرة الأولى هي الظهير الأيمن محمد نامي واللاعب المتواضع فنيا والذي يثبت عاما بعد عام أنه سبب رئيسي في ضياع كثير من البطولات بسبب وجوده كنقطة ضعب واضحة يمكن لأي فريق أن يستغلها، وماحصل بالأمس لهو أكبر دليل وشاهد على ذلك، وكلا الهدفين كان يمكن تفاديهما بتواجد اللاعب الرائع والمتمكن الكوري لي يونق بيو. الثغرة الثانية هي متوسط قلب الدفاع ماجد المرشدي والذي تتكرر أخطائه في كل مباراة، بطىء شديد وسوء تصرف بالكرة وتغطية ضعيفة والهدف الثاني يوم أمس هو شاهد آخر على تواضع مستوى هذا اللاعب.

والله إنك صاادق..
على العموم الله يوفق الزعيم وإن شاء الله يتم الإنتباه لهذه النقاط.

للأسف أصبحوا المبزرة يتكلمون !!

أجل نامي ينشال ؟
أجل المرشدي ينشال ؟
أنتم يا جمهور الفوز فكونا
أنتم يا صغار فكونا من مواضيعكم التافهة والهابطة

نامي ممتاز ويقدم مستويات كبيرة
المرشدي منخفض مستواه ولكن ليس لدرجة أنه سيء !!

العتيبي أقسم بالله لو إنه ما صد 3 بلنتيات كان قلتوا إنه فاشل !!
العتيبي أسد ويقدم مستويات كبيرة ولكنكم تنتظرون المزيون .

أنتقد مشرفي هذا الموقع أن يتركوا أمثالك يكتبون مواضيع
لأنكم شوهتوا صورة الجمهور الهلالي ..

إقتباس الرسالة الأصلية كتبت بواسطة tariq بصراحه موضوعك غريب نامي امس في الشوط الاول قدم مباراة كبيره واذا كنت تلوم نامي في الاهداف صدقني ما عندك سالفه لان اللا عب ماشي من نص الملعب وما في احد واجهه وللو طلع عليه نامي كان مرر الكره للاعب اللي مع نامي وانفرد بالمرمى اما بالنسبة للمرشدي صح انه مستواه في تراجع كبير بس مباراة امس كان من نجوم المباراة والهدف الثاني لا يتحمل مسؤليته ابد واللي يتحمله شافي والعتيبي لسوء التوقيت في الخروج ورجل الخط اما اذا تبي المرشدي يكسر التسلل ويمسك اللاعب على خط المرمى تكون ماتفهم اساسيات الكوره نجي للعتيبي اتوقع من اخطاءه البارح طبيعيه جداً ولا نلومه بعد اللي سواه في ضربات الترجيح عشر سنوات قدام اما احمد علي فهو قدم مباراة كبيره امس وكان الحكم متحامل عليه في اي اشتراك يحسب عليه فاول ولو قارنا اشتراكاته باشتراكات فيكتور نشوف تناقض كبير في قرارت الحكم عموما الظروف اللي مر فيها الفريق امس تقهر اي فريق مهما كان حجمه الا ان رغبة اللاعبين في الفوز قهرت كل الظروف ارجو انك ما تزعل من كلامي لان زاد الانتقاد للاعبين من قبل بعض الجماهير بسبب وبدون سبب

+1
.................................................................................