|
سجل مشاعرك اثناء المباراة وتقلباتها ... فضفضه .. صباح الخير عشاق الزعيم ... بدون مقدمات وبصراحة أحكي لنا مشاعرك اثناء المباراة وبعد المباراة .. فالمباراة كانت عصيبة وكادت ان تفلت من الزعيم لولا توفيق الله ثم براعة الشاطر حسن ... انا بصراحة بين الشوطين الاصلية مروووق ومبسوط وفالها ... والشوط الثاني الاصلي .. بصراحة تعبت بعد البداية الغير جيدة للزعيم واندفاع الاهلاويين .. وحبس انفاس كل هالشوط ... الاشواط الاضافيه ارتحت شوي وتوقعت الزعيم يحسمها من واقع سيطرته .. بس مو مره لانه كنت خايف من الدفاع كثير .. اوووما البلنتيات الله لايوريكم .. تعبت من جد .. ضغط مو طبيعي .. ايووووه وانت ايش سويت ؟ ووش صار معك ؟ بس نقول الحمدلله والشكر لله .. بالفعل شكرا نجوم الزعيم ... موضوع خفيف نرفه عن انفسنا شوي فيه .. ودي وورودي لكم احبتي ... |
حسيت قلبي بيوقف مدري اذا حد جته هالحالة لكن فجاة صرت أشوف الفريق الثاني الغرافة مو الاهلي !!! و يوم جت البلنيات طفيت التلفزيون طوالي وعلّمت خويتي ... الا وتجيني رسالة منه تقول نصاّ >> ما اصدق فزنااااااااااااااااا جلست نص ساعه على مااستوعب الخبر ووووووو الحمد لله رب العالمين مع النقص الكبير ظل الهلال بمن حضر ~ يعافيك ربي على الموضوع الرائع .. |
الششوط الأول أكيد فله ورقص وكل شئ لكن الشوط الثآني على الأعصآإب :( والأشواط الإضافية السيطرة هلالية وكنا متفآئلين خير لكن قدر الله وما شاء فعل ( متحمسين وخآيفين في نفس الوقت ) البلنتيآت سآجد وأدعي الله , والحمدلله تقبل الله دعائنا وتآهلنا |
انا كنت على يقين تام بالفوز سبحان الله حتى بعد تسجيلهم للبلنتيين مايئست وقعدنا ندعي ربي انه مايضيع مجهود الهلال هدر والحمد لله اكيد بيكون درس مفيد للاعبين بعدم الاستسلام والقتالية الاخر ثانيه وتفائلت لمن قام حسن العتيبي يدعي جوا المرمى وكان يستغفر وهو واقف يضد الركلة سبحان الله يامنت كريم يارب |
. آلشوط آلأول مره حـلو وروآقه بس آلثـآني آنقلبت آلحآله خصوصآ لمآ طلع ويلي ..:cry: .آلفريق توتر آو تلخبط مــ آدري آيش وآآكــره شي عندي آلدقآيق آلأخيـره .. آلخوف لو جآبوآ آلأهلي وفـآزوآ :cry: آممممممم .. آمآ آلبلنتيآت توقعت آلأهلي لأن مآشآء آلله عنده لعيبه يشووتون وكلنآ عآرفين مستوى آلعتيبي بآلبلنتيآت ومع هذآ شوي آسكر شوي آفتح .. :ba: بس تآآبعت بحمآس لـ آلعتيبي .. :ba: خصوصآ وآنه كآن بضربتين قرييب من آلكوره بس مآوفق ربي .. آمآآآ لمآ ضيعوآ صرآآآآآآآخ وصد آلعتيبي آحـــلآ شي بآلمبــآرآة والحمد لله على كــل حـــآل بآلفوز وآلخسسآره :ba1: |
والله حاله ماتنووووووووووصف صرااااااحه لآتعليق |
إقتباس:
الله يعافيك خيتووو ساره .. والف مبروك الفوز .. بس عندي طلب اذا جت بعدين بلنتيات طفي التلفزيون طوالي .. عشان يفوز الزعيم <<< ههههههههههه .. الحمدلله على كل حال .. والف مبروك مجدداً ومشكورة على مشاركتك ... |
الله يعطيك الف عافيه صراحه مباراة مجنونة مدري وشلون تحكمت بـ اعصابي الحمد لله على الفوز تحياتي لك |
الشوط الاول وناسه وفله الشوط الثاني شد اعصاب في الاشواط الاضافيه توقعت واحد منهم بينهيها وتوقعي انصب للزعيم الفاجعه ضربات الترجيح لي يونج ضيع نواف ضايع بس كانت واثقه مرره ان بنعوضها وبنفوز وان حسن بيسوي انجاز وانا من عادتي الجميله اذ حسيت خلاص بننهزم غيرت القناه هههههههههه بس هالمره ما غيرت لاني انتظر حسن يصد الكوره وبكل ثقه والحمدالله الله ما خيب رجاي |
إقتباس:
الحمدلله اخوي زيود ويعطيك العافيه على المرور والف مبروك الفوز والتاهل ياغالي .. والله يوفق زعيمنا دوم ... |
نسيت في موقف صار لي ههههههههه يوم سجل الفريدي هدف صرت اناقز واصرخ والعيال والبنات معي وجا ولد عمتي عمره سنتين وقف يطالع فينا ويوم خلصنا صراخ صار يصرخ ويناقز ويقول هيييه هههههههههههه |
إقتباس:
بكل تاكيد من توجه لربه نصره .. والحمدلله والشكر لله على الفوز .. واكيد درس مفيد جداً للعيبتنا والادارة الفنية .. والله يوفق زعيمنا دوم ومشكور على المشاركة ياغالي ... |
إقتباس:
الحمدلله على الفوز ومشكور على المشاركة ويعطيك العافيه والله يوفق زعيمنا دوماً .. والحمدلله بيضوا الوجه لعيبتنا وشكرا الشاطر حسن .. |
بصرااحه نفس الشعور في مباراة الغرافه في الشوط الثاني لكن الحمدلله على الفوز بصراحه كان فيه تهاون في بداية الشوط الثاني |
الموسيقار المضياني وكرستال الحربي .. شكرا لكم والحمدلله انه جت كذا وفزنا والله يوفق زعيماً دوماً ... ويعطيكم العافيه على المرور .. الاخت فديتني هلاليه يعطيك العافيه على مروك خيتوو والصغير اللي عندك هذا رهيب الله يحفظه لكم .. والله يوفق زعيمنا دوماً .. |
مشكور على الموضوع بصراحه انا الشوط الأول مستانس وفرحان وبين الشوطين دقيت على خويي وقلتله حرام الهلال بالسعوديه واعلق على الهداف اما الشوط الثاني بصراحه حسيت ان البطوله ضاعت يوم دخل لي يونق ارتحت شوي ويوم شفت هجمات الهلال في الاشواط الإضافيه تفائلت اما البلنتيات ما شفتها دقيت على خويي قلتله اذا فاز الهلال دق علي دق علي استانست قال الهلال ضيع ثنتين واللحين يشوت هوساوي قلت خلاص قال لا حتى الاهلي ضيع ثنتين قال جابها هوساوي استانست شوي يوم قال ضيع الاهلي جاتني فرح هستريه الله لا يوريك قمت انقز وارقص وما خليت احد فالبيت الا وضفيته بقى واحد نصراوي عطيته بقس وانحشت منه لانه كان معصب واخيرا اعذروني على التعبير البايخ والغلطات الكتابيه والسلام عليكم ورحمة الله وبركاته |
الا خوفونا اخوي رعودي قلنا انتهت المباراة للاهلي .. لكن الحمدلله والف مبروك فوز الزعيم ويعطيك العافيه على المرور والمشاركة ... |
والله الجد اليووومــ مبسوط عشان أداء العابد والشلهوب...يا حلو هـ الاثنين..ولا يهونو الباقين |
نسيت أقول...والله اني حلفت لأخوي انو العابد بيضيع وضيعها.... |
إقتباس:
ههههههههههههههه .. الشكر لك اخوي ويعطيك العافيه على المرور وشكرا على روحك الجميلة خيووو .. والف مبروك الفوز ياغالي .. |
مشكووور خيوو العابد اسطورة قادم .. والف مبروك الفوز .. ولاعاد تتوقع تكفى والا توقع انه يسجل ..ههههههه .. |
اووم الهبال الشوط الاول رقص واهازيج ووناسه الشوط الثاني جابو الهدفين صدع راسي البلنتيات وما ادراك ما البلنتيات اعصاااااااااااااب انا ماشفتها معطي ظهري للملعب وادعي ربي والحمدلله جت على ماتمنى وللهلال اليوم حنا حضرنا الف مبروووووووك للشعب الهلالي |
صرررررراحة اعصاب ماتنوصف لكن الحمدلله على الفوز تحياتي@@@@ |
اولا مبروك الفوز المستحق للهلآل ,, وهذآ درس للعيبه والادآره الفنيه مثل مآ ذكرتم .. وبالنسبه للمباراه بشكل عآم الشوط الاول حمآس وجنان الشوط الثاني توتر وبقوه الاشواط الاضافيه الزعيم كان مسيطر عليها والبلنتيات الله لا يوريك يا شيخ قسسسم يآ جآآني تكفيخ يوم صد العتيبي الركله الاخيره عآد انا وعيال عماني نتفرج المآتش سوا وكلنا نشجع الزعيم طبعا وعااد من الفرحه كذا ما اشوف الإ بووقس جآيني من هنا ورفسه من هنا وكف من هنا هههههههه تحملنا عآآد طعم الفوز لازم كذا ,,,, مشكور اخوي على موضوع الاجمل من رآئع تحيآتي |
آلشوط آلأول مره حـلو وروآقه وانواع الفله بس آلثـآني آنقلبت وطفيت التلفزيون آمآ آلبلنتيآت شوي ويوقف قلبي بس الحمد لله عدت سليمه مبارااااه حماسيه الحمدلله على الفوز بصراحه كان فيه تهاون في بداية الشوط الثاني تحيااتي |
الشوط الاول كان مره فله الشوط الثاني الاعصاب فلتت مني البلنتيات يوم ضيعو والجمهور مشو قسم قلت ان المباراة باي للاهلي بس يوم صد العتيبي الكوره جاني احساس زي مبارة الاياب حق الغرافه انه راح نفوز بس الفرحه كانت هستريه من جد الله يفرحهم فرحو نص الشعب |
إقتباس:
|
فالبداية كنت متابع الشوط الاول ومتحمس وروقان الى ابعد حد لما خلص الشوط الاول رحت اجيب لي شاهي طبعا انا فالدوام ومعي بعض الزملاء طبعاً التلفزيون كان مرتفع تعرفون يكون في اغلب المستشفيأت مرفوع شوي انكسرت رقبتي. وفي بداية الشوط الثاني تغير الوضع صراحه وتنرفزت بقوة المشكلة كان معنا واحد نصراوي ساكت:cry: بالشوط الاول يوم سجلو الاهلي انبسط وصار يتفاعل مع هجمات الاهلي ومتحمس يوم وصلت الاشواط الاضافية وحسيت ان الهلال بدا يرجع تدرجياً للمباراة تطمنت شوي وكنأ متفألين يوم ضيع الكوري العأبد بدات بوجهينا الحزن وكان خويي يقول صدقني العتيبي راح يسوي شيء وفعلا صدق خويي العتيبي صد ثلاث ركلات جزاء ولما ضيع البلنتي فيكتور انواع المطامر كنا ماحنا في مكان حكومي ونسينا انفسنا وطاحت الشمغ والعقل الحمدلله على هالفوز الرائع المتعب :d الف شكر اخوي على هالموضوع موضوع مميز تحيتي |
انا صراحه كنت مبسوطه على اخر درجه حتى صرت ابارك لصديقاتي بالفوز الاويبدأ الشوط الثاني وتطلع مباراة ثانية بدأت الاشواطه كان فية امل كبير نفوز بس الله ماكتب جاءتالترجيح انا برى في الصاله كل ماقالو هدف ارجع اشوفه يس صار ت لي حادثة اغماء ماحسيت الابالماء في وجهي الحمدلله اهم فزنا صراحه ذكرت فرحتي بهدف حمد المنتشري في المنتخب البحريني |
من بعد الهدافين و أنا فال أمها ضحك و سوالف عن الهلال و مدح وتمجيد في الاعبين أنا و الهلالي اللي معي لان 2هلاليين و3نصراويين في الجلسه بس طبعا ضد الهلال لين جاب المرشدي والعتبي العيد بالاهداف الثاني و أنا انبله ياني بلعت العافيه و الهلال الله يسامحه طلع كل الفله والوناسه من عيني استمريت على البلاها و زاد التوتر كل ما مر الوقت لين جت ضربات الترجيح نزل علي هدوء غير طبيعي ما عرفت احدد شعوري أقول خل الهلال يطلع عشان يكون لهم درس وما يفرطون في أي مباراه ثانيه بس البطوله مراح تكون حلوه من غير الهلال و أتمنى تكون البطوله51فكانت أصوات النشاز النصراوي تستفزني بس والله كان عندي أمل أن حسن راح يصد ضربت مالك والضربه اللي بعدها لم صد اخر ضربه صرخت صرخه طلعت فيها توتر و قهر الساعه اللي عيشنا فيها الهلال و كانت أوجيه النصراوييين تحفه |
بسم الله الرحمن الرحيم والله اول شي صراحة الهلال ماشي مثل الحلاوة بالشوط الاول لكن الشوط الثاني بالدقائق الاولى قامو (يمرشون)!! مادري صراحة الدعوة تقل نايمين على الهدفين اللي جابوهن بالشوط الاول والاهلي تقريبا هذا اللي له اول 15 دقيقة بالمباراة كلها لكن بعدها ماسو شي لكن ربك ستر وانا اخوك وبالنسبة لاهداف الاهلي صحيح ان حسن فوزنا بالمبارة لكن بنفس الوقت جاب العيد بالهدف الثاني الله يهديه بس دايما حسن يتعجل بالطلعات بعض الاحيان اما البلنتيات صراحة تقول فلم بهوليود لكن سبحان الله مدري ليش لكن تعرف يوم اتابع فلم امريكي تدري بالنهاية ان البطل منتصر زي كذا تقريبا لكن متوتر حيل وكنت اتذكر ماسك الريموت (الجهاز اخص والله يالبدوي تعرف ريموت !!) حاطن اصبعي على رقم 2 ابي انقل القناة للجزير ة ابي اتابع مباراة البرشا والارسنال لكن سبحان الله العتيبي ماشاء الله صار مثل طرزان صدهن و الله يجزاه خير انه فرحنا واذكر ناظرت (الله واكبر بعرعر بحرت مو ناظرت ) لاخوي و تعرفون اخوي متعصب هلالي رقم واحد وشفته يضحك ومستانس وفرحان قلت (اشوى فاز الهلال مو علشان اني هلالي بس لكن حاجه ثانية علشان العشى !!!!! |
بصراحة مباراة حرق أعصاب ذكرتني بمباراة الغرافة الشوط الأول بدايته (كنت بأحلى حلم بالنوم) بس سمعت الوالد انواع التشجيع مع الهدف وبعده بدأت المتابعة والشوط الثاني بدايته تحطمت والأشواط الإضافية قلت ان شاء الله خير اما ضربات الترجيح قلت مافي أمل لأن الهلال موب محظوظ فيها الحمد لله على كل حال وبإذن الله الكأس هلالي |
الشوط الاول : فله وكل شي تمام الشوط الثاني : على اعصابي الاشواط الاضافيه : قلق من ضربات الترجيح ضربات الترجيح : بعد ركلة العابد ماقدرت بصراحه اكمل لاني مريضه وبعد ضربتين تضيع عرفت النتيجه من المنتدى |
اووووووووه يا المباراه الشووط الاووول:وناااسه بس تبي الصدق حتى بعد الهدفين كنت اقوول لخوي ( الاتحادي) الاهلي بيجيب التعاادل مدري ليييييش بس احسااس لازمني بين الشوطين وماكنت مرتاحه ابد من نتيجة الهدفين وعاد جاء ,,, الشووط الثاني: وصدقت توقعاتي وكنت خلاااص شوي واصيح من القهر ولما جات ركلات الترجيح : قاال اخوي مستحيل تفوزون دايم الهلال يخرج بكلات الترجيح قلت والله صادق بس جاني شعوور اني اتابعها مدري ليش والحمدلله يارب. تدري كتبت موضوع زي موضوعك بس للحين ما نزلوه ليتهم ماينزلونه موضوعك يكفي. |
اقسم بالله لو اقولكم وش سويت غير تضحكون :s2: أنامجنونه كورة وهلال واستمرض عشانه<<<ادري اني خبله:razz: الموهيم اني الشوط الاول مستانسه وشاقة الحلق واتقهوى واحلي وقلت الخماسيه جايه جايه:alzaeem: بس بدأالشوط الثاني وصكوناالاهلي بهدفين جاني اكتئاب وسودت الدنيابوجهي من جدفقدت الامل:cry: ورحت الغرفة الثانيه واقفل الباب علي والنور بس خليت وحده<<<عايشه الجو هههههههههههههه وكل شوي افتح الباب شوي واطلع اذني اسمع فيه صراخ جمهور تصفيق اذاماسمعت شي صوت على اختي هآه كم وهي تضحك وتقولي تعادل وعلى هذي الحاله الين جت البلنتيات ورجعت الغرفة تقولون كأني مصريه واول مره تجي الحرم :laugh: هههههههههههههههههههههه وادعي من قلب وكل ماجاء بلنتي لناشردت براالغرفة:ap:واذاللأهلي اجلس اشوف من جدانحرقت اعصابي وبديت اجهزالاعذار ومافزنا عشان وعشان وبس صدالعتيبي البنتيات وفزنا استنزلت واقسم بالله ماادري ايش قلت ول ايش سويت اهلي يقولون والله انتي فيلم هندي وناسه الي يجلس يشجع معاك:to: يعافيكم ربي ويارب ايامنامع الزعيم دايم أفراح والف مبروك الفوز:rose::smilie47: |
بالاوول الحمد لله ع الفوز :ba1: مثل كل الزعماء الشوط الاول فله وووناسه ووابداع من الزعيم + الفريد + العابد + الموهوب والبااقين ماقصروا لكن الشوط الثاني مدري وش اللي صار وانا جالس اشوفها مع اثنين من اخوياي نصراوي ووشبابي <<< عاد خبركم بهالنصراويه ازعاج يتمنون خسارة الهلال باي طريقه ؟ المهم مشت المباراة لين وصلت ركلات الترجيح <<< عاد هنا غير قلت لخوويي الشبابي تكفى طف التي في ماتحمل اشوف بلنتيات والله اعصااب وواقسم بالله اقوم انتفض منها :cry:قال لا جلست اترجاه قلت بنشوفها بعد ماتنتهي رفض رفضا قاطعا الا يشوفها :mad: المهم انا قمت من المجلس وقلت بروح مشوار وبرجع وووصلت البقاله وررجعت ع بلنتي فيكتووور اللي ابدع الشاطر حسن في صده والحمد ع تاهل الزعيم وعاد ياهو جاك تغير وجيه عليهم واول شيء قالوه حظ:s2: اللهم وفق :ba1:الزعيم :ba:فوق كل ارض وتحت كل سماء |
صحيح مباراة اعصاب وتشنج بس حلاوتها .. نهايتها :) |
الششوط الاول اكــيد بيكون الكل مبسوووط وراضضي عن آدآآآء الفريق وبعد الهدف الثاني كنت اقـول وروني وجه فهد بن خالد ابي اششوفه بس ماجابوا الكاميرا عليه بس يوم جاء الشوط الثاني انقلبت الموازين وخااااصه بعد الههدفين اللي ورى بعض هنا بصراحه خفت لان اداء الفريق نزل واداء الاهلي ارتفع وكلن ع اعصصابه بس بالاضافيه كنت مرتاحه نوعاَ ما لان الهلال هو اللي مسيطر بس يوم جت البلنتيات للامـآنه خفت خصصوصاً ان الهلال نادر مايتفوق بالبلنتيات وطول الوقت اقول للوالده ادعي ان الله يوفق الهلال ..وبعد ضياع نواف العابد للكورة هنا ضضاع الامل اللي شات التلفزيون واللي قام وترك المباره بس بعد صدات العتيبي لكرات الاهلاويه عاااااااااد جاااء الازعااااج اللي يسجد واللي يطامر واللي يصيحs13s:alzaeem: اللهم لك الحمد حتى ترضى ولك الحمد اذا رضيت ولك الحمد بعد الرضضى ذكرتني بمبارات الغرافه...بس عندي هالمباراه اهون من مباراة الغرافه:to: |
انا قبل المباراه كنت متفائل خصوصا لما شفت التشكيله لاني من اول قايل لازم نلعب على العمق .. وفعلا بدا الشوط الاول وعجبني تركيز اللاعبين .. وشوي الشلهوب يسدد كورتين ولعت المباراه وجا هدف احمد علي فرحت وبنفس الوقت قلقت على سامي وشوي يجي الهدف الثاني طبعا ارجع للكرت الاصفر على المرشدي بداية المباراه خوفني ولما اصيب ويلي هامسون حطيت يدي على قلبي وقلت مو ناقصه اببببببببببد بين الشوطين كنت قلقان لان نتيجه 2-0 تخوووووف وفعلا الاهلي استغل قلة خبرة شافي مع سرعه الهوا وسجلو هدفين خلو المباراه تبدا من اول مدري ليه تذكرت مباراه الغرافه الاخيره بس الحمد لله رجع الهلال وسيطرررر والبلنتيات اول ماشفت لي يونق متردد قلت بيضيع بس اكذب لو قلت اني توقعت الفوز بعد ضياع بلنتيين لنا لكن شي غريب صاااااار كان رئيس الاهلي خــــــــــــــــــــــايف ومتوتر وفاقد الثقه في لاعبينه وانا متأكد ان هالشي انعكس عليهم وشوي الا الشاطر حسن يقول انا موجووووووود ويبدع ويصد ثلاث كور صراحه متعه متعه وحمااااااااااس مع رفعة ضغط الحمد لله |
يآسلآلآلآلآلآلآلآلآم وآلله كأني آشوفـ مبآرآهـ آلهلآل والغرآفه .: آشوط آلأول فص فص خخ وشآهي ولآ آحلآ بعد آهدآفـ أبو علي وآلفريدي وبعدهآ انسدت نفسي وقلت خلآص نكبنآ آلعتيبي بدت الاشوآط آلأضآفيهـ قلت آلهلآل ضآغت عليه وبيفووز تمنيت تنتهي بدون آلركلآت ~~> علشان العتيبي خخخ تمنيت ان كآلدي بدله بآلشمري وبعدين بدت الركلآت معآد قدرت اتحمل قلت خلآص طلعنآ بس الحمدلله ربي نصرنآ ع الظآلم و انفلتت اعصآبي و آنهبلت خخخخ آهلي خآفوآ علي يجيني شئ وعمتي تقول لمي بنتكـ مهبوله انتبهي عليها لا يجيهآ شئ وقآمت تكرش فيني خخخخ و اقول لصديقتي بموت قالت بسم الله عليك خلاص نتواعد بعد المباراه بالمستشفى هههههه قلت بسم الله علينا بس قلت فله نتشهر ويزورونا الهلال قالت فله ههههههاي وبعد المباراه دقت علي وحدهـ قلت لهآ بغو يطلعوني من البيت جنآزهـ خخخ وبسـ الحمدلله وآلف مبروكـ عقبآل مآنحصد جميع البطولآت شكرآ لكـ .." |
يجب ايجااااااااااااااااااااااااااااااااااااااااد الحلول لمشكلة الفرص الضائعة والكرات العرضية . |
والله الشوط الاول روقااااااااان..:rose: بس الشوط الثاني تعبت والله...:rose: امما البلنتيات رغم الهلال ضيع بلنتيين بس كان عندي امل بس بغى يغمى علي ارتفع ضغطي...:mad: بس يوم صد العتيبي ثلاث بلنتيات مترت البيت تمتير رغم ان رجلي توجعني...:rose: |
انا ممااارفع ضغطي الا ركلات الترجييييييح يووووووووم صدااها ابو عتب فو الله فرحت فرحححححححه كبيره الحمد لله والشكررر |
آلشوط آلأول مره حـلو وروآقه بس لما طاح سامي خفت كثير بس الحمدلله بس آلثـآني آنقلبت آلحآله خصوصآ لمآ طلع ويلي ..:cry: </B>آلفريق توتر آو تلخبط مــ آدري آيش وآآكــره شي عندي آلدقآيق آلأخيـره .. آلخوف لو جآبوآ آلأهلي وفـآزوآ :cry: آممممممم .. آمآ آلبلنتيآت توقعت آلأهلي لأن مآشآء آلله عنده لعيبه يشووتون وكلنآ عآرفين مستوى آلعتيبي بآلبلنتيآت ومع هذآ شوي آسكر شوي آفتح .. :ba: بس تآآبعت بحمآس لـ آلعتيبي .. :ba: خصوصآ وآنه كآن بضربتين قرييب من آلكوره بس مآوفق ربي .. آمآآآ لمآ ضيعوآ صرآآآآآآآخ وصد آلعتيبي آحـــلآ شي بآلمبــآرآة والحمد لله على كــل حـــآل بآلفوز وآلخسسآره :ba1: |
الششوط الأول أكيد فله ورقص وكل شئ لكن الشوط الثآني على الأعصآإب |
مبروووووووووووك الفوز وعقبال الكأس يارب بالنسبه لي الشووط الأول انواع الوناسه والفرحه والمتعه باللعب من زمااان عن الإبداع بين الشوطين كنت اتناقش مع اختي وهي مبسوووطة بالنتيجه قلت الاهلي ماله امان سواها بالدوري وجاب التعادل وفعلا هذا اللي صار:( وكان الشوط الثاني اعصااااااااب مع الاشواط الاضافيه ماتحملت الصداع واكل من البنادول:( والركلات انوااع التعب النفسي وكنت مغمضه عيوني بس بعد ما صدها ابو عتب بكييييييييييييييييييييييييييييت والله دموعي مانزلن الا بمبارتين بس مباراتنا معع الغرافه ومع الاهلي آآآآآآآآه بس ومبروووووووووووووك يازعماء |
انواع الحالات الفرحه والحره والقهر وشد الاعصااب :ranting: لما ضاعت ركلت العابد غيرت القناه وارجع بالقنوات مره كذا ومره كذا لكن حصل شي غريب مانى قادره افسره:ba::ba1: لكن بالاخير الفرحه الفرحه الفرحه الواحد ماهو مصدق فرحه هيستيريه:ga::alzaeem: الحمد الله والشكر لك يارررررررررررررررربs13s |
الشوط الأول كان الوضع فلة وتنكيت لأن المستوى مطمئن لأبعد حد ,, بس قلت لأخواني إن الهلال دائماً ينخفض مستواهـ في بداية الشوط الثاني خصوصاً إذا كان متقدم ,, ويوم يجيك هدف الأهلي الأول بدأ الوضع ينقلب من الوضع الكوميدي للتراجيدي >> صرنا مسلسلات هع . ويوم يجيبوا التعادل بدأ الحش في اللاعبين والأخلاق قفلت ,, وقاعد أناظر في الجوال علشان حاس إنه بتجيني رسايل من أصحابي لأن الوضع بدأ ينفلت منّا .. وزاد خوفي بعد ما طلع عزيز وبدأ ينكشف وسطنا ,, بس كنت أناقز وأصايح مع كل هجمة تضيع علينا >> الوضع إيزي لا تستغربون .. وكان ودي نحسمها في الأشواط الأصلية علشان ماني قادر أتحمل ألعب بأعصابي أكثر من كذا وزيادة كنت مسخن .. بس طول الأشواط الإضافية قاعد أفكر في البلنتيات وأقول الله لا يجيبها .. ويوم جت البلنتيات قمت وقلت ما بــ أشوفها >> الأعصاب رايحة وطي .. شوي وقاعد أفكر قلت والله لازم أرجع أتابعها واللي يصير يصير >> أحلى اللي خرّبها هع .. بصراحة كنت مو متفائل في البلنتيات خصوصاً إن سوابقنا معها مش ولا بد .. المهم يوم ضيّع لي يونق بدأت أيأس من المباراة ,, ويوم كمّلها العابد خلاص انتهت المباراة بالنسبة لي ووقفت علشان أمشي >> طبعاً مع شوية كلام مشفّر هع .. وقلت خلاص بــ أشوف بس كيف الأهلاويين بيحتفلون بــ هدف مالك ,, طبعاً الجوال قفّلته لأن المباراة في حُكم المنتهية >> متعوب عليها هــ الجملة هع .. ويوم يصدّها حسن بدأ الأمل يرجع بس مو ذاك التفاؤل .. ويوم يسجل أسامة >> تصفيق على خفيف >> أحلى يا ثقيل .. ويم جت ركلة كامل المر ويصدها حسن صرت أصايح مو مصدق إن المباراة رجعت للتعادل >> راح فيها الثقيل هع ,, ووقتها جاني شوية ضيق تنفس من هــ الأحداث الدراماتيكية .. بس قعدت وهدأت خفت لا أحضّر عليهم هع .. ويجيبها القرني >> ومن قوة الفرحة معد قدرت أتحرك من مكاني .. أما التصدي الأخير لركلة فيكتور فــ هو قصة ثانية ,, لأني ما دريت بنفسي إلا وأنا وأجري في الغرفة وأصايح وأطلع أصوات مثل وحوش ريزدنت إيفل >> خبرة في السوني هع .. لأنه شي مو معقوووووووووووول .. بس على مسؤوليتي إني فجعت الجيران هع .. والله ما قد انفعلت وانفلتت أعصابي مثل مباراة أمس ومباراتنا مع الغرافة في الإياب . |
هههههههههههههه ... الله يسعدكم جميعاً احبتي .. ومشكورين على تفاعلكم .. وقصصكم الجميله ... والف مبروك الفوز والتاهل والحمدلله .. |
اقسم بالله تووقعت الاهلي بيعادل بعد خروج ويلي ولاكن وقت البلنتيات تووقعت العتيبي بيرجعنا للماباره اقسم بالله لاكن الحمدلله يارب على هذا الفووز واسكتناهم تسلم على الموضوع الرائع لبى الزعيم |
الحمدلله على كل حال انا صراحه جاني توتر من شجعت الهلال عمري ماحسيت به بس انا اصلا تعبان من الصباح المهم تابعت الشوط الاول بشويه هدؤء وبعد هدفي الاهلي بدون صوت والاشواط الاضافيه مستلقي ومتوتر وقبل تبدا ركلات الترجيح توترت زياده ورحت وضيت وصليت الوتر والله خفت اموت المهم قلت لشخص كان معي انا بروح اصلي وانام لو فاز الهلال قولي غير كذا لا المهم صليت ورحت استريح واطفيت النور كنت ناوي انام عاد الله يهديه بعد ماضيع الهلال ركلتين جاني وقال حظ اوفر الفريق ضيع ركلتين قلت خلاص الحمدلله خلني انام بعدها بشوي جاني وكانه مجنون تاهلنا تاهلنا وكررها وعاد انا قمت ورجعت اتابع التحليل اللهم لك الحمد حتى ترضى ولك الحمد اذا رضيت ولك الحمد بعد الرضى |
ههههههههههههههههه... الله يسعدكم ويفرحكم دوم ... والله لايعيد تلك اللحظات عليكم دوم ونتاهل دائماً مبكرا وما ننضغط كذا .. والف مبروك التاهل ياعشاق الزعيم وعقبال الكاس ... |
شوف قبل المباراة تبدا مدري شو جاني عادي مو كأن الهلال يلعب بس لما بدت المباراة جلسة على أعصابي الشوط الثاني الاصلي جاني نفس الشعور قبل المباراة لما إمدة لركلات الترجيح جاني حــمــاسسسسسسس مو طبيعي ولما تـأهل الهلال ما صدقت شكراااااً لك |
الحمد لله و الشكر على الفوز و التأهل ،،، ( بالشكر تدوم النعم ) :) صراحة يوم ضيّع الهلال ضربتي الترجيح طفيت التلفاز و طلعت برا البيت :( ،،، نفس شعور مباراة الغرافة ،،، شاكر لك صاحب الموضوع ،،، |
الف مبروك الفوز والتاهل والشكر لك انتي اختي على مرورك ... |
| الوقت المعتمد في المنتدى بتوقيت جرينتش +3.
الوقت الان » 03:01 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd