بسم الله الرحمن الرحيم ..
السلام عليكم ورحمة الله وبركاته

بعد الظلم التاريخي الذي تعرض له نادينا نادي القرن الآسيوي ..
تحركت مشاعري ( شي طبيعي اي هلالي تحركت مشاعره )

ياخي أبرد واحد فينا يبي يحظر يوم الإربعاء ..

من أجل ان اقف مع فريقي وراس مالي الذي كثيراً مامنحني السعادة وبادلني الحب والعطاء ..

كثيراً ماشق خشتي من كثر ماأضحك وافلها وانبسط ..

كثيراً ما صفقت ولوحت بالشال .. كثيراً ما عانقت اصدقائي الهلاليين فرحاً بالبطولات والانجازات والانتصارات ..

مشتاق لك ياهلال الرياض ..

فمنذ السادس من عيد الفطر المبارك .. لم يسبق لي رؤية هلالنا في الرياض ..

فـ بحكم تواجدي في منطقة القصيم .. من ذيك الثلاثية على الغرافه لم استطيع الحضور للرياض بسبب الدراسة والانشغال مع الاهل والمناسبات ..

لكن الآن وبعد الظلم والقرارات اللي مادري وش تبي ؟؟!!

خلاص مايبيلها كلام .. لابد ان نتحرك .. اكتب الموضوع متأخراً جداً .. لكن قررت الحضور .. وزهمت خوياي .. والحمدلله تجاوبوا .. استعديت جيداً .. وعلى قد الحال .. اعذرونا على القصور ..

فصلت لي علمين رومانيا ..

هذا واحد منهم .. والثاني نفسه ليش اصوره .. وان شاء الله انا وخويي نبي نرفعهم ..



اعذرون ترى تصوير جوال وعجل ودي امشي .. يالله يمديني علشان اصل الملعب بوقت مناسب واحجز مكان مضبوط ..

طبعاً مايحتاج رومانيا بلد يعني لنا الكثير .. فـ بعد حكاية ابو الكوز " كوزمين " إلى يومنا هذا ومازالت حكاية زورو الهلال تتواصل " ميريل رادوي " الاسم الذي مازال يحفر في قلوبنا وكل يوم يذهلنا بعطاءات وتضحيات واخلاص في الملعب لم يسبق ان يقوم به اي محترف أجنبي .. حتى طرز اسمه كافضل اجنبي في الوقت الحالي في ملاعبنا السعودية ..

انا هنا لست بصدد اني اعيد واكرر انجازات الهلال أو روعته .. أو حتى مقدار الحب الذي نحمله في قلوبنا تجاهه

أو لست باعادة اسطوانة انجازات رادوي وماقام به من اجل شعار الهلال ..

لكن فقط لأشارككم مشاعركم .. واحرك مشاعر من لم تتحرك مشاعره .. ولو ان الوقت متاخر جداً ..

لكن دعوني استهدف جماهير الهلال في الرياض وماجاوها " لان خلاص الساعه 2 مابقى شي "

واقولهم ..

نبي 40 ألف 30 ألف .. وانتم قدها وقدود .. والزعيم يستاهل ..

واي فريق بالعالم بحاجة لجماهيره في الوقت الصعب في الظروف الصعبه في الاحزان اكثر من الظروف الجميلة واوقات الفرح

لذلك نريد وقفتكم بجوار الزعيم .. نريد ان نملا المدرج الهلالي ..

نريد ان نسطر رقم جديد .. نريد ان نؤكد اننا الرقم الصعب وسنظل الرقم الصعب ..

الهلال بحاجتكم ... زفوه إلى دور الأربعه ..

اصرخوا ميريل رادوي .. فهذا هو وقتكم ..

ارسلوا رسالة مع التحية للاتحاد السعودي ..

وبإذن الله سيبقى الهلال ملك الأندية السعودية وسيدها ومتسيدها ..

سيبقى الهلال في المقدمة بإذن الله مهما وقفوا في طريقه ومهما اعاقوه ومهما ظلموه ..

لن نتاثر ولن يتاثر الهلال ..

ربي يوفق الكتيبة الزرقاء الليلة ..

وبإذن الله افراح هلالية ..

بس همتكم في الحضور والمساندة والمؤازره ..

وبإذن الله متفائلين رغم النقص والإصابات والظلم ..

اللهم انصر الهلال ..

توصل بالسلامة يالنشمي والحضور ثم الحضور خصوصا اهل الرياض ماعندكم عذر اليوم انه اربعاء الغضب

كفو عساك ع القوة
تروح وترجع مرفوع الراس بإذن الله
أبعبي زمزميات قهوة و شاهي وأرسلها للملعب

كفووووو اخوي

والله يعطيك العافيه

وهمتكم يا جماهير

الله يوصلك بالسسسلاآمه ..

وإن ششآء الله تفرح بالفوز بإذن الله ..

عسسسساك ع القوه يالذيب ..~

انا قد سويت مثلك


يوم مباراه الاتفاق والهلال في الدمام 2-0 ياسر وولي مشينا قبل المباراه بيوم الساعه 2الليل من الرياض ووصلنا الفجر وحظرنا المباراه وطلعنا وتعشينا ومسكنا الخط للرياض..~

صد ورد هع

لكن لعيون الزعيم تهوووون المساافات ..~

بيض الله وجهك حبيبي

وإن شاء الله الدره تغرق بالموج الازرق

ربي يوفقك ان شاء الله
وتوصل بالسلامه
تحياتي لك

كفو

وأنآ بعد

وربي جآي من أبها بر ومعي آثنين من أخويآي

صح المسآفه طويلة جدآ

لآكن كل شي يهون لعيون الزعيم

إقتباس الرسالة الأصلية كتبت بواسطة أميـــر الليل كفو وأنآ بعد وربي جآي من أبها بر ومعي آثنين من أخويآي صح المسآفه طويلة جدآ لآكن كل شي يهون لعيون الزعيم

مآشآء الله من ابهآ !!
الله يحفظكم ...توصلون بالسلآمه يآرب
كفو ياجمهور الهلال ..