|
توفيق الخليفة يكشف فضيحة جديدة للجنة الإنضباط ! سؤال للأمير عبدالرحمن بن مساعد + رسالة لأعضاء الشرف السلام عليكم .. الكلام كثير حول موضوع رادوي وباختصر .. ماودي اقول نستاهل .. لكن رياضتنا السعودية خايسة وتحتاج واحد سليط لسان ويصرح قبل اجتماع اللجان ويضرب بقوة وقلناها من زمان وبنقولها كل زمان , اللجان عندنا داجة وتخاف من الصوت العالي مهما كان هذا الصوت وللأسف الهلاليين فقط هم الوحيد اللي يحترمون اللجان ويحترمون الإتحاد السعودي , وغيرنا شغال سب وشتم فيهم وتشكيك بذممهم وتشكيك بعملهم والنتيجة ماتجيهم عقوبات خوفاً من صوتهم القوي , مانبي احد هلالي يشكك بالذمم واستغفرالله , لكن نبي صوت قوي قبل أي قرار او اجتماع للجنة من لجان البطيخ السعودي , المفروض بعد المباراة مباشرة يكون هناك تصريح في القناة الرياضية ويكون الكلام قوي وواضح ومافيه اي شكر او تذويق للكلام ويكون الكلام فيه حدة ويتسائل عن نفس الحالات وماعوقبت , ياسمو الأمير انت رجل متحدث ولانخشى عليك من زلة لسان مثل غيرك , مالمانع ان يكون حضورك ضد لجان البطيخ أقوى واقسى . ماعندي كلام كثير لكن آخر سؤال للأمير عبدالرحمن بن مساعد : هل اقتنعت الآن ياسمو الأمير ان تغيير واقع الرياضة السعودية يحتاج الى نظام ولايحتاج إلى احترام لأشخاص حاقدين ؟ اما فضيحة لجنة البطيخ بقيادة الحاقد القحطاني فكما أكد رئيس صحيفة الجماهير توفيق الخليفة الذي ان لجنة الإنضباط كانت تنوي ايقاع العقوبة على اللاعب زيد المولد ولكنها تراجعت في آخر لحظة واكتفت بعوقبة رادوي !!! كيف ولماذا ومن يحاسب ومن يسأل ومن يتجرأ لرفع الصوت والسؤال عن السبب ؟ ولو كان كلام الاخ توفيق الخليفة غير صحيح لكان هناك تداخل من أحد اعضاء لجنة الإنضباط ونفي هذا الكلام !! اتمنى من رئيس الهلال السؤال عن هذا الموضوع في كل القنوات وفي كل الصحف واتمنى منه ان يوجه هذا السؤال إلى لجنة الإنضباط في أكثر من مرة وأكثر من مقابلة وعدم السكوت حتى ينتهي ايقاف رادوي سواء بالإستئناف او رفع العقوبة او اتمام العقوبة , اتمنى من رئيس الهلال ان يكون حاد اللهجة وكما عهدناه قوي الحجة ضد اللجنة طوال مدة العقوبة وفي كل تصريح وفي كل لقاء يجب ان يكون هناك احراج لهذا اللجنة مثل ماكان يفعل نادي النصر الذي اتصل على قناة مصرية ليشكتي على قضية حسام غالي والمنشطات واشتكى في كل الصحف والبرامج وازعج العالم وكأن الحق له وكذلك في قضية لجنة الإحتراف واحمد الدوخي . يا اعضاء الشرف والله اندبلت تسبودنا وكرهنا الكورة من اولها لآخرها وعفناها الا يا علها ماعادت من كورة , غثى ووجع راس وحقوقنا راحت وحنا نشوف ومابيدينا حيلة , وهذا ماهو حق ولا عدل كل شي ضد الهلال من اكبر راس الى احقر راس ياخي دافعو عن الهلال والله تكسرت اصابعنا وحنا نكتب ونشتكي ياخي تكلمو وصرحو واطلعو يا اعضاء الشرف وتلكمو بالحق واللي تشوفونه بعيونكم , بطلو احترام للجميع واخلاق عالية وغيرنا ياخذ حقوقنا وحنا مصدقين اعمارنا احترام واخلاق والدعوة ضايعة , يانشوف دفاع قوي عن الهلال والا بنعافكم ونتمنى غيركم , دافعو عن الهلال في مليون قناة ومليون صحيفة ومليون مكان الحق معكم وش الي مسكتكم عن هالمهزلة اللي نشوفها والا معجبتكم هالمهازل في حق هلالنا , اذا ترضيكم ماترضينا واذا ساكتين احترام ترا ماراح نحترم , وين بندر وين عبدالله وين سعود وين محمد بن فيصل , ياخي اطلعو من بيوتكم وتكلمو ضد هالمهازل ضد الهلال لاتسكتون قولو الحق ماحد راح يحاكمكم ولا احد راح يلومكم هذا حق من حقوق الهلال . رسالة إلى أعضاء الشرف ,, لابارك الله في شجاعٍ مايجهز بندقه // إلى حده الذل والدنيا ماهي أكبر متاع والله اني من عنا وقتي وحيد ياعذااابي وش بلا وقت صعب المصيبه زاد جرحي من جديد والقراده واهب(ن) حبي وهب واحد(ن) في حالتي مايستفيد غير هم وجرح ودموع وغضب اشهد انه قالها طلال الرشيد يالعنبو وقت غدينا به حطب |
تهقا صادق توفيق الخليفه... ولا يبي يدربينا.؟؟؟ |
صبــــــــراً جميل والله المستعان |
مشكوووور حمد .. اهنيك على البيتين اللي اخر الموضوع |
إقتباس:
يابعدي انت اللي تتدربى , حنا مانتدربى , وانت عارف وش اللي يتدربى |
تسلم اخوي ... كان الله بعوننا ... كجمهور (مابيدنا حيله) ما نقول الا حسبنا الله ونعم الوكيل ... وننتظر وقفة جادة وحازمة من كل اعضاء شرف الهلال لأيقاف كل من تسول له نفسه مجرد التفكير بالاحتكاكـ بالزعيم ... استمروا بالظلم واستمرينا بالتعقل معهم وهم لايستحقون ... الى متى وحقوقنا تُسلب عياناً بياناً ... ما يحدث هنا واقصد بالوسط الرياضي هو (استهدااااااااف فاااااااااااااااضح للهلاااااااااااااااااااال) ... عموماً ننتظر وقفة رِجال على قلب رجَـال ...وكفـــــــــــــى ... |
إقتباس:
وليته يعدل الرد !!! حمـ(الهــ:rose::rose:ــلالي)ــد |
الامير عبد الرحمن بن مساعد يجب ان يعرف شيئاً واحداً فقط انه يتعامل مع وسط قذر مليء بالحشرات يحمل الضغينه والكره الشديد لكل ما هو ازرق عاليه اسير الفشل و واطيه مجموعة من الجرذان ترعرعت في بيئة صفراء نتنه المثالية لا تنفع معهم والمطالبة بالحق والعدل لن يجدي يجب فضحهم في كل لقاء وفي كل حديث وفي كل مجلس كفانا مثالية |
الادلة كثيرة جداً ضد لجنة الإنضباط ولكن ما باليد حيله ! لزوم تتحفنا موسمياً بقرارات ظالمة ! الشكوى لله . أهم شي الحين نبي مباراة الاهلي ( تكسير رووس ! ) يعني فايزين برادوي ولا بدونة بإذن لله وبنشوف وجه ( البكّاية ) بعد المباراة بس ؟! .. |
للاسف لجان متخبطه تدار بعقول متحجره ملئها التعصب والحقد يقودها طفل لايعي حجم المسئولية حسبنا الله وانعم الوكيل |
نعم وبكل تأكيد اصدق! خاصة وان (اسير النصر) يموت ولا ياخذ الزعيم بطوله!! تذكروا العام الماضي (انتظروا حتى يلعب الجيزاوي امام الهلال) ثم اوقفوه امام النصر!!! بداعي ان لجنة (الدجاج) لا تنعقد إللا يوم (السبت)!!! |
إقتباس:
لا تعليق بصصرآحة مـآ بعـد هالـكلآم كـلآم آبدعـت يا حمـد ! |
رسالة إلى أعضاء الشرف ,, لابارك الله في شجاعٍ مايجهز بندقه // إلى حده الذل والدنيا ماهي أكبر متاع |
ياعالم الى كل هلالي جميع القرارات المتخذه بحق الهلال كلها من تحت راس اسير الشوك والي يدعي او يشك بغير هذا فهو واهم لا اعضاء اللجان ولا غيرهم لهم حق التصرف بدون الرجوع له فهو الامر الناهي بكل ما يسي للهلال اشكر صاحب الموضوع ولك تحيتي ومودتي |
كم انت كبير ياحمد .. ابداعت اخي الفاضل ... طرح راقي اخرجت مافي قلبي ... ولكن نتظر من يكشف حقيقة توفيق قدام الخلق ... |
| الوقت المعتمد في المنتدى بتوقيت جرينتش +3.
الوقت الان » 09:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd