نادي الهلال السعودي - شبكة الزعيم - الموقع الرسمي - رسالتي الى برنامج كوره وبرنامج الجوله

العنوان: راجو دبل الخبز ياوليد‎

اكتب وأعلم انني انشاءالله سو ف القى ترحيبا لما اكتب عند شخصكم الكريم لمهنيتك الواضحة وجرأتك في طرح مالا يمكن ان يطرح او يناقش
في اي برنامج اخر ,,,

عزيزي وليد, بالامس وللامانه انتظرت عامل البقالة عند طلبي لبعض الاغراض للمنزل ولمعرفته بأنني هلالي ان يقول بلهجته (خبز صامولي واحد جيب اثنين ريال) لكن الادهى والامر عندما طلب 3 ريال للخبز الصامولي وقال لي بالحرف الواحد (ريال حق كفيل وريال حق انا يبغى ولا مع السلامة ) صعقني ماسمعت من راجو ولكن مالعمل الجوع كافر والساعه 12 وانت تعرف النظام في الرياض بعد 12 البقالات مقفلة يعني مالك الا راجو..
وهذا حال الهلال مع اللجان واللوائح التي تطبق عليه فقط.. دون غيره بالامس لجنتين مختلفتين في المسمى مجتمعتين في المضمون (كره الهلال)
اعضائها الكرام:(طقوا البكاريه ووقفوا الددسن على مدخل الحراج ونزلو بضاعتهم (ايقاف رادوي) وعلى قولة المحرج (من يزيد)...
ابشرك باعوا ضمائرهم برخيص التفتوا لما يطلب من ميولهم ونسوا انهم مستأمنون وسيحاسبون على مافعلوا ..
هل المطلوب اننا نوصل لمرحلة نقول للهلال هذي اللائحة فقط عليك وهذا النظام مدبل عليك تبي ولا اقضب الباب...
والمشكلة ان الباب مقفل وضايع مفتاحه (للفاهمين فقط)

الف شكر لك اخوي وليد على سعة صدرك ,,,
وانتبه تجوع اخر الليل

اخوك سعود بن عبدالرحمن