|
الكل يبارك لرئيس الأهلي انجازه بتوقيف رادوي توقيف الروماني رادوي يعتبر انجاز لرئيس الأهلي الامير فهد بن خالد لان ماشاء الله عليه ما ترك ولابرنامج ماتتداخل فيه بعد طرد رادوي وأنا أحب أن نبارك له هذا الانجاز اللي يعتبر بمثابة بطوله عنده لأن البطولات الحقيقيه واللي تأتي من الملعب صعبه عليه لأن الفرق الصغيره انجازاتها مثل هذا اللي بحث عنه وتحقق ولاننسى انا نبارك لأعلام الاصفرين اللي ازعجونا بالحياد والحياد مايطلع الا اذا كان المتضرر الهلال والمضحك ان اللجنه الفنيه ولجنة الانضباط تقول طبقت القانون وسعود كريري وحسين عبدالغني توقف كل واحد مبارتين وبالاساس مافيه ولاماده عند اللجنتين توقيف مبارتين التوقيف من ثلاث مباريات الى سبع بس القانون مايطلع الا على الهلال وبهذي طبقت اللوائح اللي ينادون فيها رئيس الاهلي واعلام الاصفرين وتكفون ياشباب باركوا لهم هذا الانجاز الغير مستغرب للمساكين وخاصه رئيس الأهلي المغلوب على امره واللي يبحث عن حقوق ناديه وعلى فكره الأهلي راح يقابل فريق واحد فقط وهو الهلال والفريق الثاني اللي خايفين منه توقف ثلاث مباريات :s2: وجاري توقيفه 6 مباريات من لجنة الانحطاط |
للرفع ,,,,,,,,,,,,,, وانا كتبت انه جاري توقيف رادوي 6مباريات وتم التوقيف وعلى كذا لجنة الانحطاط ضاعفت انجازات رئيس الاهلي واعلام الاصفرين ومشكووورين يادارة الاشراف |
ألف مبروك يآ سيد ( طحلب ) |
بإذن الله يتشمتون فيه بالخسآرة المذله أمام زعيمهم و قآهرهم الأربعاء المقبل .. |
والله هاااااااذا يدل علا عدم قدرت فريقه علا مقارعت لاعب هلالي واحد فما بالك فريق كامل قدر الله امران عرفا مقدار نفسه |
الف مبروك لطحلوب توقيف مرعبه وحارق دمه رادوي |
مبروك الف مبروك للسيد طحلوب وخبيلان |
مبروك لهم غياب المرعب ميرل رادوي :rose: و ع فكره الهلال كله نجوم و عمره ما تأثر بغياب لاعب ، حتى لو كان بحجم الاسطوره رادوي و بإذن الله تاريخيه للزعيم |
إقتباس:
يكفي ردي .. بالتوفييق |
مبروووووووووووك يابكاااااااااايه بس لاتنسى الأربعاء تجي ومعاك كرتون مناديل أنشاءالله راح تبكي كثير |
باذن الله بنرد عليه يوم الاربعااء |
هههه وش يبي بالهلال خله بفريقه المصرقع من كله جهه |
كثروا الكمخ .. اولآ : مبروك مستر طحلووب ثانيآ : يبدو انه ظهر علينا بيبي خبيلان * كل ما كثروا هالكمخ كل ما ضحكنا عليهم اكثر* ثالثآ : باذن الله الهلال ما راح يتأثر بالغيابات ونلجم كل الحاااقدين حجر كبر رووووسهم !! .... تحياتي :smilie47: |
الله لايبارك بهالزفت حسبي الله ونعم الوكيل |
انجــــــااز يقااله الحيـــن يووم يطالب بتوقيف راادووي .. انشااء الله ..>>الهلال رااح يفووز >>يحس ان الهلال كاامل لوو كاااان فيه نقــــــووص .. يسلمووو على الموضووع .. تقبل مرووري .:) |
| الوقت المعتمد في المنتدى بتوقيت جرينتش +3.
الوقت الان » 05:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd