|
ياناس حنا المفروض اننا نطالب بالعدل في تطبيق اللوائح على جميع اللاعبين مانطالب برفع الايقاف عن رادوي او انهم ما يقفونه. الا يقفونه ويغرمونه بعد وبفترة الايقاف تطبق عليه لائحة عقوبات النادي ايضا. ياناس خلونا نبعد عن العاطفية رادوي محترف ولازم يحترم النادي اللي يلعب فيه والدولة اللي محترف فيها ويحترمنا حنا كجمهور. خلونا نقول ان مباراة الوحدة انتهت تعادل انا ابصم بالمليون ان كل هالكلام بيتغير وبتوقفون ضد رادوي لان اللي سواه رادوي مثل اللي سواه عزيز مباراة الاتحاد قبل موسمين لكن كلنا وقفنا ضد عزيز واللحين نوقف مع رادوي؟؟اللهم ان مباراة الاتحاد انهزمنا فيها ومباراة الوحدة فزنا هذا الفرق فقط. طيب بسألكم سؤال حركة رادوي ماشحنت المباراة واكبر دليل اللي سواه حسن العتيبي.صح ولا لا انا والله العظيم اني مو ضد رادوي بس لاعب فايز بفرق هدفين ويسوي كذا اجل لو منهزمين وش بيسوي ادري ان كلامي جارح وفيه ناس واجد بيقولون اني مندس لكن انا اقسم بالله اقسم بالله اني هلالي |
حسبنا الله ونعم الوكيل الله ىيعطيك العافية اخوي |
ياخي المشكلة ان لجنة الانظباط تمشي مع الصوت واعلاميين الهلال ما يهاجمون بس يدافعون المفروض الحين احسن وقت استنفار اعلامي هلالي كبير اما احنا والا اللجنة وبالاخص القحطاني ياخي عضو في اللجنة ويصرح للاعلام وعلى الهلال بس |
إقتباس:
حبيبي الهرجة ما هي هرجة مندس كل اعضاء المنتدى زعلانين من حركة رادوي واتحدى واحد مو زعلان من الحركة وكمان نطالب ادارة الهلال بعقابه لكن الموضوع لجنة الانظباط ياخي مافي في البلد غير هالولد ضد كل شي هلالي عندك الجيزاوي ومالك معاذ والراهب المولد وزياييه ورئيس الاهلي نفسه بصق على حكم وما شفناهم لكن ضد الهلال بسرعة البرق |
حسبنا الله ونعم الوكيل اللهم انصر كل مظلوم اللهم عليك بكل ظالم |
سلمولي على الخائن عادل البطي هو من اوقف رادوي ....3 مباريات وغض الطرف عن الاخرين واولهم فيقارواااا.. |
لا ياحبيبي بيسكتون وهاه هذا وجهي اذا ادارتنا تصرفت ولا سوت شي يا رئيس مجلس الادااااااااااارة انت مو اي احد انت حفيد الملك عبدالعزيز انت ولد مساعد خبيلان وفهد بن خالد مايسوون ضفر من اضافرك ومع ذلك ناطين بالقنوات كل شوي ويتفلسفون ويطالبون بإيقاف فلان وعلان خلاص ياسمو الامير ارحمنا وسو لنا شي نبي نحس انك موب راضي لا تكتم بقلبك لا تسكت تعبنا من السكوت واللللله العضيم بغى يغمى علي يوم دريت بالخبر وبيغمى علي صدق اذا ادارتنا سكتت ولا قالت شي صيرو قليلين ادب ياسمو الامير مانبي نكون مثاليين الحين احسد خبيلان وامثالة على قلة ادبهم حسبنا الله وكفى |
نستاهل اللي يجينا هذي المثالية الزايدة ودي نصير زي الفقراويين الجمهور من جهة ولاعبيهم من جهة ورئيسهم ماخلى شئ ماسواه واتحدى احد يقدر يطلع عليهم قرار |
حسبي الله عليهم قمة الظلم والجور والله يوفق الهلال والموعد الاربعاء نبي الملعب فل ياشباب دعما" للهلال ووقوفا" مع النجم المحبوب رادوي . |
العقوبه تصدر من الفنيه والا الانظباط كلهم يرجعون لنواف اسير الشوك يعني هالعقوبه على بالكم صارده من لجنه او اجتمعت اللجنه اصلان حسبي الله ونعم الوكيل عليك يانواف بن فيصل الظلم ظلمات |
يعطيك العافيه اخوي على الموضوع المميز .. نعم لن نصبر .. وبإذن الله ربك ينصر المظلوم .. ..تحياتي... |
بصصصرآحه هو مفروض يتعآقب بس 3 مبآريآت أشوفهآ شوي قويه بس بإذن الله رآح نفوز خششششم يَ آلآهلي ونششوف آلهيآط وش نهآيته |
واللله لن تقوم لرياضتنا قائمة وعلى رئسها هذا الطفل الصغير والذي يوم أمس القريب ينادي بالعدالة والنزاهة فتبا لك ولعدالتك التي تميز فرق عن أخرى وتبا لكن من يعمل معك في لجانك المنحطه وتبا للاتحاد السعودي لكرة القدم ولجانه وأعضائه وتبا لكل من ساهم من بعيد أو من قريب في استقصاد لاعبين الهلال وفي الأخير تبا لإدارتنا اذا سكتت عن هذا الظلم الفادح الذي يقع على لاعبين الهلال فأرجوا أن تصل كلماتي لإدارة النادي من أكبر راس لأصغر واحد فيهم إذا ماعملتوا هيبة للفريق وأصبح صوتكم يعلو كل الأصوات وابتعدتوا عن المثالية التي دهورت الفريق بحيث أصبح الهلال جدار قصير لكل من رغب في قفزه فهو حتما سيستطيع القفز من فوقه. في الختام أنا مع عقوبة رادوي ولكن يا تطبق الانظمه على الكل والا الله ينتقم منهم واحد واحد ياسميع يامجيب |
لو بتجي وبتقول يستاهل العقاب تلاقي العقاب بس عليه وعلى غيره خط احمر لو تجي وتقول يستاهل العقاب نفس الاعب يتعرض للخشونه ولاتعاقب اي لاعب تسببله باصابه لكن اذا الرئيس ساكت وهالمعفنين شغالين عقوبات على الهلال فقط فمالنا الا اننا نقول حسبنا الله ونعم الوكيل فيهم نشوف فيهم يوم يارب ويبغون منتخبهم يحقق انجازات والله ما تشمون والا انجاز بوجود هالظلم وانعدام العدل يعطيك العافيه اخوي والله ما تنلام لا انت والا غيرك لو تصرفوا تصرفات خارجه عن الروح الرياضيه المنعدمه عندنا من هالظلم |
إقتباس:
واذكرك بوجود رادوي والا بغيابه منتم فايزين الهلال عنده احتياط افضل من لاعبينكم الاساسيين :s3s: |
| الوقت المعتمد في المنتدى بتوقيت جرينتش +3.
الوقت الان » 02:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd