اليوم رحت الملعب وليتني ما رحت للملعب
السالفه رحت انا واخوي من ذوي الاحتياجات الخاصه و تفاجئه بالمعامله السيئه من رجال الامن و حاولت ادخله عند المضمار بخليه يجلس جنب دكة الهلال لكن رفض بحجة أنه لا يملك كرسي متحرك قلتله و حاولت معه أخوي ما يقدر يرقى الدرج
لان عدده كثير جدا عليه و تتعبه قال كلم الرئيس رحنا للرئيس و قال ما فيه دخله جوى المضمار أنا أنغبنت و ضاق صدري لأن المسافه بعيده عليه بالمشي و مشينا ياطويل العمر يوم وصلنا البوابه لقينا منقع مويه كبير قدام البوابه تماما كأن الموضوع مستقصد من الامن الخاص بالملعب مخلين كل البوابات و فاتحين البوابه الي فيها منقع المويه
مشينا لين وصلنا لأقرب مقعد و شفنا المباراه و بعد نهاية المباراه قلت أنا خلاص هانت بنوصل السياره الي موقفها عند البوابه الرئيسيه و تفاجئت بالأمن يمنعني من عبور البوابه قلتله يا أدمي ان معي أخوي وهذي حالته و السياره قريبه من هنا و هو ما يقدر يمشي كل هذي المسافه قال أنا مالي شغل دبر عمرك ؟ !

أضطريت أني أخذ لموزين يوصلني الى السياره و بعدها حلفت اني ما أروح لأي ملعب مره ثانيه سواء هلال أو غيره