|
مواقف طريفه ايام الطفوله( والسبب حب نادي الهلال) حقيقه طرات لي الفكره عندما جلسنا انا واحد الزملاء وذكرني بمواقف طريقه قديمه ايام زمان في حبنا للهلال كعاشقين ابرياء لهذا الصرح الشامخ ................. ابدأ في نفسي في عام 1402هـ كنت طفل عاشق للزعيم وفي احد الايام اتيت الى المدرسه ومعي صورة ريفالينو وصوره ثانيه للاعبين نادي الهلال كبيره وملونه جبتها معي للمدرسه وبالفسحه وفي الفصل كل الاطفال يتداورونها ويشوفونها فجأه قال لي احد المدرسين في الفصل فلان تعال هون شو بتعمل مسوي زحمه وفوضى وجب الصور معاك .طبعا جلدني 6 جلدات بالعصا على ايديني وقال خلي ريفالينو ينفعك ومخصوم من درجات اعمال السنه حقتك 5 درجات وصادر علي الصور ....... الموقف الثاني عندما خرجنا من المدرسه قال لي احد الزملاء شف شف وش كاتبين على الجدار كلمات سب للهلال من جمهور احد الانديه .قلت له ماعليك بكره نجيب بخاخ ونخفي هذه الكلمات المسيئه لنادينا قال اوكيه .ومن بكره جينا للمدرسه ومعي البخاخ وصرت اطمس الكلمات اللي على الجدار المسيئه لنادينا فجأه شافني احد المدرسين وانا جالس اطمس الكلمات يحسب اني جالس العب او اتعبث ..كتب اسمي عند الاداره ومن الطابور سحبت وتعهد كتبوا علي مع كم جلده وكنت وقتها في الصف الرابع الابتدائي هههههه فعلا ذكريات جميله وبريئه ارجو المشاركه من الجميع |
الذكرى والايام الماضيه وخاصة بالتشجيع نحن لها ومواقف التشجيع كثيره انا اول تشجيع لي كنت اتابع يوسف بن ناصر الثنيان فقط كنت ماعرف غير يوسف يفوز ينهزم مايهم اهم شي اتابع مهاراته وفنه . واطرف موقف لي كاسة شاي من والدي رحمه الله على كراعيني :d لاني مريت بينه وبين التلفزيون وكان فيه هجمه للهلال . والثانيه مسكني مدرس وكان صورت يوسف الثنيان معي وطردني من المدرسه والمشكله الصوره قاصها من صابون تاييد :s2: شاريه عشان الصوره بس . كان علي عقلللل وتفكير :s2: |
]هههههههه انا بالمتوسط في الجدار كانوا كاتبين ياسر وينه .......:ranting: شفتها و انقهرت و اليوم الثاني جبت البخاخ و اخفيتها و مسكتني المدرسه و تهزئت بس لاني شاطره:smilie47: ما كتبت تعهد |
هههههههههههه الله على ايام اول ياليت ترجع بس |
هههههههههههه بآلله انا مره لبست شال للهلال وكلن ينآظر والهلاليآت فرحآنآت تميت على هالشال شهر بعدها جتني المرشده قالت كل شئ عليك ازرق وابيض من ربطآت و جكيت و شنطه و حتى الشآل تراه حق اعيال قالت ممنوع تجيبين وخففي عصبيه قلت ليه كذا انتم بس ع الهلال عادي واذا لبسنا مالبست شعار الهلال كلها الوآن و بعدين قبل امس شايفه بنت من اول لابسه بدلة النصر ووحده ثانيه علم النصر ليش بس انا قالت ليش ماعلمتينا عليهم قلت موب انا اللي اراقب انتو وبعدين انا ماتعلمت افتن ويوم النصر كان متصدر الدوري اسمع بنات نصراويات من ثالث وكنت لابسه الشال قالو النصر متصدر وبيفوز ومدري ايش >الفقر طول عمره فقر ههههههههههه عاد شفت هلاليه قدامهم واناديها مرتين >>مااسمعتني المهم واقول لها الهلال الليله بيتصدر الدوري واعيدها ثانيه لفت النصراويه >>حاقده قلت احسسسسسن ساد سكتت ومشت لنها عارفه بينهزم هع ولبست الشال قبل الاختبار خذته مني المديره >>جتني الصيحه قلت لمي يوم رجعت للبيت خذت قلبي رجعوه لي>>فيني الصيحه ومع ان المديره تقرب لي قالت بسم الله عليها قلعت الهلال قلت خير ترا اذا سبيتي الهلال تراك تسبيني خخخ عاد اسبووووووع وقلبي مارجع بس رحت لها الاربعاء واخذته قلت والله معاد اجيبه لكم مو كفو انتم شئ عن الهلال يطب مدرستكم وعقبها معاد جبت شئ يخص الهلال الا شنطه و طوق وجكيت >> ماتتوب الا لازم تلبس ازرق هع يعطيك العافيه ع الموضوع الرائع |
الله على الذكريات من ذكرياتي الي ما انساها في حي البديعه الي قرب مسجد ساره ونا في اول متوسط في متوسطهالملك فيصل وكان يوسف الثنيان اعرفه معرفه فقط انه لاعب فنان في مدرسه الرازي قبل ان يسجل في الهلال واذكر في ايام الاختبارات بعد الخروج من المدرسه وكنت افطر في بوفيه قريب مدرستنا دخل يوسف الثنيان مع صديق له وكنت اعرف يوسف الثنيان من شهرته على مستوى المدارس ومشاهدتي له وهو يلعب فقط ولكن مايجمعني معه معرفه شخصيه معه المهم بعد مادخل هو وصاحبه وجلسو امامي كان يوسف يتكلم ويمزح مع صديقه وكان خلفي في الجدار منظر طبيعي شلالات واشجار وجبال المهم يوسف كان يتكلم عن المنظر ويقول لصاحبه تذكر يوم نجلس عند الشلال وعن ذيك الشجره وخويه يضحك المهم انهم كانو يستهبلون مع بعض انا ساكت لكن من داخلي شوي انفجر من الضحك من اسلوب يوسف وتعليقاته على خويه وعلى المنظر لدرجه اني نفسي التفت واطالع المنظر اللي خلفي ويعلق عليه يوسف المهم ماقدرت امسك نفسي من تعليقات يوسف وجلست اضحك هههههههه ويوسف جلس يستهبل مع خويه ويسولفون ونا بس اضحك وابتسم بدون ما اتكلم معهم الصراحه يوسف موهبه من رب العالمين لم يصنعها مدرب ولا نادي ولا شي الله سبحانه وتعالى منحه موهبه من عن\ده هذي ذكرياتي الصراحه والتي لازلت اتذكرها مع النمر يوسف ايام الدراسه |
/حــلم السراب/ اثرك شايب s121s ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إقتباس:
حضرت مباراه الهلال والنهضه يوم كان في الممتاز على وقت ريفالينو ونا عمري سبع سنوات مع خالي عاد احسبيها هههههههههههه |
الله يعطيك الف عافيه ههههههههههههههههههههه يالبى قلببك :d صراحه شعور جميل منك لانك لم ترضى الاساءة للهلال تحياتي لك |
ذكريات كثيرة .. بطلها الهلال ونجومه على رأسهم الأسطورة يوسف الثنيان .. ما أنسى كيف مشاكلي مع أبوي الله يطول في عمره عند تيشيرت الهلال والنصر .. >>> الوالد كان نصراوي .. وما أنسى كيف كنا نتحطم إذا قالوا إن يووسف راح يغيب .. الله عليك يا أسطورة .. الذكريات كثيرة .. والله يوفق الزعيم .. عوووافي أخوي .. |
هههههههههههه الله على ايام اول ياليت ترجع بس |
مشاركاتكم راااائعه تسلمووون عليها ولكن انا اشوف البعض خايف ان يبين العمر حقه ومتهربين نقولهم هههههههه شاركوا ماحد يدقق وانا قلت وبكل شفافه ريفالينو ونجيب الامام وصالح النعيمه وسلطان بن نصيب وابراهيم اليوسف وعبادي وحسين البيشي وفهد المصيبيح وغيرهم من النجوم ههههههه شفتوا الجرأهs13s :alzaeem: ولكن حبنا للزعيم نقول اجمل الذكريات الطفوليه البريئه |
اذكر مباراه الهلال والشباب نهائي الدوري وقت ما سامي سجل هدف التعادل في الدقيقه الاخيره من الشوط الثاني انا وخالي قلبنا البيت فوق تحت من الصياح والجنان مع ان خالي قبل الهدف كان بينفجر من القهر وبعد الهدف صياح وخمخمه وانزعج خالي الكبير وهو ملتزم ولا يحب الكوره جاء وطردنا برا البيت عقاب ولا خلانا نكمل الاشواط الاضافيه وطلعنا شفناها عند زميل خالي |
ذكرياااااااااااااااااااااااااااااااات جميلة والله يوفق الهلال . |
انا الموقف اللي ما أذكره بس أختي تذكرني به الى الحين وانا صغير كانت تبغى تحفظني قران ووصلنا لصورة النصر أستغفر الله قالت لي يالله احفظ سورة النصر قلت لا والله ما أحفظها قالت ليش قلت ليه فيه وما فيه سورة الهلال وبعدها ما عاد حفظت شيء لاني زعلان طبعا وباقي ذا الموقف يذكروني اهلي به كلما قلت ايش شيء عن الهلال |
| الوقت المعتمد في المنتدى بتوقيت جرينتش +3.
الوقت الان » 07:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd