|
رحم الله من اهداني عيوبي وياسر كان لاعب مرعب وكل مشجعي الزعيم يحبونه لذلك عند انخفاض مستواه يجب على كل من يحبه حب حقيقي ان ينبهه الي ان مستواه انخفض لكي يعود الي الافضل وليس التصفيق له وهو مستواه سيء لانك انت او غيرك ممن يمدحونه ومستواه سيء لا يحبونه حب حقيقي لابد اخي العزيز من النقد الهادف بدون تجريح لاي لاعب او اداري او حتى رئيس لان مثلما قال اغلب الاخوه ان الزعيم اكثرحبا لدينا من اي لاعب كبر او صغر مع الاحترام لجميع لاعبي الهلال على مر تاريخه |
إقتباس:
هالحين انت وش قصدك يوم تقول النمر والذيب فرق بينهم اذا قصدك بتنتقص من سامي اسمح لي اقولك لا انت ولا عشر من امثالك يتكلمون عن سامي الموضوع كان عن ياسر ليه تحاول تنتقص من سامي يعني حبك لياسر بيخليك تكره كل المهاجمين الي مرو على الهلال |
إقتباس:
|
إقتباس:
شف يابابا سامي افضل مهاجم مر على الهلال وسامي اكثر من اخلص للهلال وسامي اكثر لاعب تعرض لحرب اعلامية وجماهيرية وسامي اكثر لاعب سعودي حقق انجازات مع ناديه ومنتخبه تجيني انت وتحاول تسبه اكيد بنقهر لأني هلالي ياسر اذا اعتزل خلاص ما ننتقده لكن دامه يلعب اساسي مع فريقي فانا ادور مصلحة فريقي اذا كان ياسر زين بمدحه واذا كان شين بطالب انه يكون احتياط بعدين ياخوي الغالي جماهير الهلال وانا منهم نعتبر سامي افضل من ماجد وانت الحين الهلالي الي منا وفينا جاي تقارنه بياسر اجل ما نشره على الفقراوية اذا سبوه اذا كان فيه واحد من جماهيره يسبه |
إقتباس:
شف أخوي يمكن انا بعمر اخوك الاكبر اوابوك ولااعرف ولااقرب لالياسر ولااي لاعب هلالي لكني مشجع منذ تقريبا الرعيل الثاني منذ 35 سنه ولايخفاني اي لاعب سواء مخلص او نجم تجي تمسك هالكيبورد وتكتب على كيفك سامي مخلص بايش معليش اخواني المشرفين خلونا تنتناقش ياسر يجلد ليل نهار بهالمنتدى وسامي يمجد سامي مخلص وهواخذ من محمد بن فيصل 2 مليون ولالعب الا مباراه .......وسووا له حفل اعتزال اخذ فيه 20 مليون انا لو اعطوني 2مليون كان نسيت يمكن اهلي سالفة مخلص شيلها من راسك انا اعرف المخلصين للهلال هم النعيمه والاحمد وابوثنين هم من يغارون على شعار الهلال ولااحد يشكك في ذلك اما النجوميه المطلقه وافادة الفريق فلا يعلى على ابويعقوب والامكانات لايعلى عليه مقارنة ياسر بسامي فرق كبير بينهما ياسر امكاناته لاتقارن بسامي وان بغيت اعدها لك مستعد ....ياسر يقود الهلال منذ قدومه للبطولات ويسجل في كل المباريات رغم انه يلعب لوحده ومنذ حصل على افضل لاعب في اسيا والحرب تشن ضده ياليتها وقفت على النصراويه مانشره عليهم لكنها من البيت الهلالي ...ذبحتوا انفسكم دفعتوا الملايين لجلبه واخرتها تغولون الولد كأنك شاريه لتذبحه ماهذا ؟؟؟؟؟؟؟؟؟؟؟؟ظ معليش اخوي وين سبيت سامي انا انتقد كما تنتقد ياسر انت تريد مصلحة الهلال وحرب ليل نهار على هالنجم ان راح للملعب جماهير الفقراويه والاتحاديه وان جاء يرتاح في بيته وعند اهله اقلقتوه انتم المرض انتم الغثى بعينه حتى لو يذهب لاستراليا انتم وراه بعكس جماهير الانديه الاخرى فقط وقت المباراه انتم وراه حتى وهو نايم وبين اهله يا اخي سبوني انا واتركوه شاب في عمر الزهور متقفينه والله لاتدفعون له فلوس ولاهم يحزنون فقط ماانتم شايفين غيره كل هذا غيره منه |
التاريخ سيسجل النجوم الابرز في تاريخ الهلال وان كانوا كلهم في القلب ولكن اذا اردت ان تقول الابرز فهم كالتالي في حراسة المرمى محمد الدعيع في الدفاع الدوخي والنعيمه وشريده والحبشي في الوسط عزيز وخميس والثنيان والشلهوب في الهجوم ياسر والغشيان |
إقتباس:
لا يسمعك احد يضحك عليك الوسط وين نواف نواف افضل من مر على وسط الهلال من بعد يوسف وبالهجوم وش جاب ياسرك ياحبيبي الهجوم سامي افضل من مر على الهلال اما الغشيان جناح اما ياسرك على عزيز على الفريدي على عبدالله الجمعان على خالد التيماوي على خميس وغيرهم ذولا من المميزين بالهلال بس مو من اساطير الهلال الهلال اغلب لاعبينه مميزين زيهم زي ياسرك لكن اذا بنتكلم عن الاساطير فهم الدعيع والنعيمة ويوسف ونواف وسامي والباقي اسامي |
إقتباس:
انت تقول انك بعمر ابوي طيب انت قدرك على الراس انت تقول سامي ما اخلص اسمح لي اقولك انك مانتب هلالي انت تشجع ياسر والدليل تعصبك لياسر اعمى عينك وكرهك باللاعبين الثانين انت تقول ياسر يقود الهلال للبطولات يالله ياحبيبي عطني البطولات الي كانت بفضل الله ثم بفضل ياسرك عدها لي تكفى ياسر من يوم جا للهلال ماله الا بطولة الدوري الي قدام الاتحاد الي براسه والله لا ياسرك ولا عشره من امثاله يسوي الي سواه سامي نسيت 1418 قدام الشباب نسيت هدف سرجيو الي حسم بطولة اسيا وش سوا سامي فيها نسيت يوم يدخل الشوط الاضافي قدام الحزم ببطولة ولي العهد ويسجل هدفين على الرغم انه كان باخر موسم له يعني وهو شايب لو بتكلم لك عن انجازات سامي يبيلي موضوع كامل سامي وهو معتزل يرج الفريق رج لا تنسى الغرافة يوم ينكبنا ياسرك دخل سامي خمس دقايق وكلم اللعيبة ورجهم رج بس بكلامه عبداللطيف الغنام يقول يوم سامي كان لاعب معنا كان اذا كنا مهزومين يكلمنا بين الشوطين وبعدين يجينا حماس يخلينا نحرث الملعب كانك تتكلم عن الضغوط الاعلامي فاسمح لي اقولك سامي اكثر لاعب تعرض لضغوط اعلامية لدرجة انه اذا سجل هدف يبكي من القهر ياسر كل الإعلام واقف معاه لو يكح في الملعب قالو عاد القناص كانك تتكلم عن ضغوط الجماهير ياسر هو الي تسبب لنفسه |
إقتباس:
2/ يلعب للهلال بدون صانع لعب الا في اول موسم للتايب ...بينما سامي تجيه الكور من كل حدب وصوب وسنه مايعرف طريق المرمى وراه افضل صانع لعب مرعلى اسيا ومعاه لاعبين اجانب على مستوى وتعرفهم 3/ ياسر يسجل برجليه وبراسه وسامي لايسجل الابرجله اليمنى 4/ ياسر من ثاني موسم حصل على هداف اسيا وافضل لاعب وهذا مااشعل نيران الغيره 5/ من اول مشاركاته مع المنتخب في بطولة الخليج وفي الكويت معقل بطولات الخليج وضاعت البطوله لولا ان المدرب تدارك الوضع لينزل الفتى الصغير ومن اول كره يسكنها شباك الفريق الذي عجز كل نجوم المملكه من الوصول اليه وهذا ماجعل الانديه تعطيه شيك مفتوح مقابل التسجيل واختار الهلال مادرى ان فيه من يتربص به 6/ قاد المنتخب بمجموعه شابه ووصل للنهائي وخرج بشرف من امام الفريق العراقي القوي 7/ من اول مشاركاته بتصفيات كأس العالم ساهم بالوصول لكأس العالم وسجل هدف ملعوب 8/ له كم سنه مع الهلال وهو يقوده من بطوله لبطوله وسجل اهداف لايسجلها حتى لاعبي البرازيل هدف بالكعب وفي فريق النصر وهو يركض وظهره للمرمى يستطيع يسجل ساميك بهذه الطريقه 9/ مع سامي كنا نخرج من فرق الامارات وبالخمسات من الدورالتمهيدي في الاسيويه 10/يعني لافاز الفريق صار من سامي ولاخسرنا صار من ياسر يالله ان تعطيه العقل اخوي خسرنا مباريات من النصر ونهائيات وسامي يدودل راسه لماذا لايرج هههههه(يرج) الفريق ونفوز والامباراة الغرافه جابها ابو قحيط والا ساميك معاه عصا موسى استغفرالله 11/ على كل نحن مع ياسر وننتظر ولن نتركه لوحده ولن يستطيع ابن ابوه القضاء عليه وراسي وراس غيري من الجماهير الهلاليه تشم الهواء فقط ننتظر هاليومين وبتشوف |
إقتباس:
معناته تشجع ياسر ويس انت بكل صراحه عقليتك صغيره جدا جدا واللي مثلك هم اللي مضيعين علينا ياسر اللي مستواه هابط ساعه تسوئ ملايين حشا مو لاعب هذا !! صدق موضوع غريب وعقليات اغرب |
إقتباس:
|
كبير يابوعزوز نتظرك احر من الجمر |
معليش اخي التورنيدو لاتزعل نفسك هذولا مانقول الا يالله لك الحمد على هالعقليات يبقى ياسر افضل مهاجم في اسيا موفقط في الهلال اوالمملكه والشهاده حصل عليها من الاتحاد الاسيوي ماهي من الجماهير .....اتركهم هؤلاء الغيره قتلتهم |
إقتباس:
قلت لك ياسر الاعلام كله معاه والدليل لو يكح كل الصحف والبرنامج يكتبون عاد القناص إقتباس:
لا ياحبيبي نواف التمياط والشلهوب والتايب ونيفيز كلهم لعبو مع ياسر وسامي مرت عليه اسوأ تشكيلة هلالية الي هم الهليل والموري وسرور ومع ذلك شالهم سامي بعدين ياسر الموسم الي فات بس جته ما يقارب 7 فرص انت وضميرك واضاعها ولا نسيت مباراتنا قدام النصر بولي العهد الموسم الي فات نسيت كم فرصة سنحت لياسر والمرمى فاضي محمد العنبر لعب مع التايب 3 مبارات سجل فيها 6 اهداف وياسر بذاك الموسم كله ما سجل الا 8 اهداف إقتباس:
سامي ما يسجل الا باليمنى والله انك ما تعرف سامي سامي سجل اهداف براسه وبكل رجليه ومن كل مكان حتى فاولات كان يشون مو مثل ياسرك يشوت له 10 فاولات برا ووحدة تصدف وانا برد عليك ان سامي يسجل باليسرى بهالمقطع YouTube - ‫الهلال السعودي 5 / 2 الأهلي السعودي‬‎ شف الدقيقة 3 و 20 وشف المقطع ذا بعد YouTube - ‫هدف سامي الجابر على النصر (هدف الراية)‬‎ إقتباس:
افضل لاعب تصويت ياحبيبي بعدين انا معاك ان ياسر 2007 كان مهاجم عالمي لكن ماله غير 2007 وبعدين المنتخب ما عرف الهزايم الا بياسر كوريا الشمالية والبحرين وعمان والامارات كلهم يهزؤوننا مع ياسرك ويوم استبعد قدام ايران ولعبو بداله هزازي كان المنتخب بافضل مستوياته وفاز عليهم بارضهم و120 الف متفرج يشجعهم اما على وقت الاسطورة سامي اربع مونديالات وكلها سامي له بصمات فيها إقتباس:
قلنا لك ياسر ماله بتاريخه غير 2007 وبس وكثر لي منها العراقي القوي إقتباس:
وسامي دخل اخر الدقايق وسجل هدف احلا منه على الرغم من ان سامي وقتها كان عمره 33 وياسر 24 إقتباس:
سامي سجل باك ورد وسجل فاولات وسجل من منتصف الملعب وانت جاي تقولي ياسر كعب بعدين اللعاب بانجازاته موب خرابيطك كعب وقلة حيا إقتباس:
مع سامي تزعمنا اسيا ومع ياسرك ولا مرة ذقنا البطولة الاسيوية إقتباس:
يخسى ويعقب ياسرك مع الغرافة طلق المحيا هو الي سوا كل شي اما ياسرك يضيع والحارس فاضي والملخص حق المباراة موجود إقتباس:
ايه يبلغ ان شاء الله لنا ثلاث مواسم وحنا نقول ياسر سيعود و الله العالم ياسر بيعتزل وانت وامثالك بتبتلون متوهمين انه سيعود عموما زبدة الهرج ان سامي اكبر منك و مقارناتك والارقام تتكلم |
مآ بقول غير سلم لي على رأس أمك إللي ( خلفت رجآل ) ... و أقسم بـ الله هآ آلموضوع آلوحيد إللي خفف علي غيبة يآسر ! و كثرة منتقديه و أعدآئه ... الله يسعد قلبك مع هآ آلجمعه وربي بسطتني و أنآ بقمة همي ... هذآ آلكلآم وربي ... و كذآ نبيكم تدعمون يآسر ... عوآآآآآآآآآفي .. و جعل يمينك مآ تمسهآ آلنآر ... |
| الوقت المعتمد في المنتدى بتوقيت جرينتش +3.
الوقت الان » 04:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd