| ,‘ متجرَ نَاديْ الَهلالَ السَعوديْ : (أسٌعار . جاكيَت سَامي ) | - نادي الهلال السعودي - شبكة الزعيم

مجنون لي يونق · #1 09/02/2011, 10:42 PM

السلام عليكم ورحمة الله وبركاته ..

اليوم العصر قررنا مع اخوي نروح لـ متجر الهلال .. عشان نشوف وش وضع المتجر ..ووش الاغراض اللي يبيعونها
وكم اسعار الاغراض الموجوده في المتجر ..

اول ماوصلنا المتجر لقيناه زحمه كثييييييييير .. فـ اخوي نزل للمتجر وخلانا بالسياره ..

الصور اللي ابعرضها لكم من تصوير اخوي , واعذروني على الصور لإن تصويره فاشل مثله بس وش نسوي
قلت ابحاول احطكم بالصوره .. على فكره كان فيه بنات كثيير داخل المتجر وفيه رجاجيل واجد جايبين زوجاتهم وعيالهم معاهم ..

والدخول للمتجر سهل بالحيل بس المشكله في الكاشير جداً مزدحم والهلاليين ماغير يقشون بالاغراض ..
يعني من جد المبيعات شي خيالي لإن كل اللي يدخلون مايطلعون بدون مايشترون شي معاهم ..

فيه ناس كثيير جايين من القصيم ومن الشرقيه خصيصاً للمتجر عشان يشترون اغراض بس ..
واغلب الناس مجهزين الاشياء اللي يبونها ههههههههههههههههههه , يعني مجمعين صور الاغراض اللي يبون يشترونها ..

ان كان من الصور اللي انعرضت عن المتجر او الجاكيتات والتيشرتات اللي يشوفونها على اللاعبين ..
خصوصاً جاكيت سامي بالتمارين.. يقول اخوي فيه واحد يحلف انه صاك مشوار 1000 كيلو بس عشان جاكيت سامي

بس للأسف ماعندي صوره لـ جاكيت سامي لكن سعره ( 300 وعليها ) ..

التيشرتات كلها من 150 او 170 يعني من تحت الـ 200 ريال حتى التيشرت الرسمي للفريق ..
وللحين الطقم الثالث مو معروض في المتجر فيه الطقم الأول والثاني بس ..

وفيه مقاسات مررررررره كبيره يعني نفذوا طلب الرئيس ..

ملابس البيبيات ..

الدباديب من 150 او 160 .. وفيه صغيرونيين مره بـ 50 بس مو حلوين ..

لا للتدخين

أعجبني حيييل .. عاد يبي له مجلس هلالي ويصير غير شكل ..

اهم شي الورق الهلالي ..

أحلى شي تلعب بلوت بشعار الهلال .. شكلها مررره كشخه ورهييييبه ..

الساعات حلوين فيه ساعات كبيره وفيه ساعات لليد .. واسعارها على 40 و 50 ..

فيه شنط واجد رسميه وللمدارس وللابتوبات .. وفيه اغرض المدرسه الدفاتر والاقلام .. الخ
الاغراض واجد فيه كفرات ايفون وايباد لكن للأسف مافيه للبيبي .. وفيه بروشات تنحط على الملابس بشعار الهلال وفيه اساور وميدليات ..

هذا غير الاحذيه وامور كثيره متوفره زي الشالات واغراض التشجيع في المبارايات ..
والكابات وكلها اسعارها تترواح بين 40 و 50 .. وفيه اكواب اشكال وانواع بالحيل حلوين اسعارهم على 40

عموماً في النهايه الاسعار منطقيه جداً واتمنى كلنا كـ جماهير مانشتري الا من هناك ..
لإن كل شي متوفر وأصلي وبنفس الوقت دعم للنادي وموبايلي ..

بالتوفيق لـ الهلال

ريال مدريد الهلالـي · #2 09/02/2011, 11:52 PM

يسلمــــــــــــــــــــــــوو يالغالي..

وكل شى لعيــــــــــــــوون الزعيم يهوون

كريم المشاعر · #3 09/02/2011, 11:55 PM

صـرَاحَه مَتْجَر خــرآفْي بِمَعْنـى الْكَلِمــه

وَأَعْجَبَنِي صَرَآحَه بِصُوَرِك صُوْرَه الْفَنــآَجَيْل
صَرَآحَه فـكَرِه رَهِيْبـه !

وَالأسَعــآِر جَيِّدَه وَخُصُوصا انَهَا مَضْمُوْنُه وَأَصْلَيْه بِنَفْس الْوَقـت

علْعُمُوْم يُعْطِيَك الْعــآَفَّيْه عَلَى الْصُّوَر.

شَكــرَاً

منآحي قردآحي · #4 09/02/2011, 11:56 PM

الله يعطيكم العافيه

بإذن الله منسق له زياره بعد كم اسبوع
اذا خفت الزحمه

قناص القصيم20 · #5 09/02/2011, 11:56 PM

يعطيك العااااافيه ومااقصرت

м̶я.źєźǿ»20» · #6 09/02/2011, 11:58 PM

والله كل ما اششوفها انقهر ياخي لازم يفتحون واحد عندنا بجــده ابي ششتري ..

والله يعطيك الف عافيـــــــة ع الصصور وحلوهـ والله تروحيـن اللين المتجر ولا تنزليـن ..

c h ε l s ε α · #7 09/02/2011, 11:58 PM

>>>>>>>>>>>>>>>..........

القناص الظفيري · #8 10/02/2011, 12:01 AM

يعطيك العافية وماقصرت ،،،

نوونه الهلاليه · #9 10/02/2011, 12:01 AM

الله يعطيك العافيه على التغطيه

ودي لك

OBAIRAH · #10 10/02/2011, 12:33 AM

يعطيك العافية

جداً رائع والاسعار أروع

يارب تيسر لي روحه له ياارب

بو كاظم محب القناص · #11 10/02/2011, 12:36 AM

الاسعار مرتفعه نوعا ما .. لكن كل شي يهون لاجل الزعيم

خيال هلاليه · #12 10/02/2011, 12:39 AM

والله المتجـر بالمبنى بالمنتجـات اللي فيـه

كله على بعضـه شكلـه راااقي وقمـــه

ياحـظ أهل الريـاض فيـه

بسس لاااابد لنا من قطع مشوار وزياره له بإذن الله

بالتـوفيق للزعـيم والزعيمات والزعماء بجميييع أنحاء هالمعمـوره

اوفــى الخـلـق · #13 10/02/2011, 12:41 AM

مشكور اخوي ماقصرت

الحين خليت الواحد لما يروح يضرب حسابه كم ياخــذ معــه

عشــان ما يتورط اذا راح وشاف الملابس الحلوه

Maha` · #14 10/02/2011, 12:42 AM

مآ شآءالله رووعه
ان شآءالله بزوره قريب
عوآفي ع التغطيه المميزه ،،

سعد المشعلي · #15 10/02/2011, 12:50 AM

..,..

الله يعطيك العافيه اخوي ..

والاسعار تعتبر دعم لنادي الهلال من اجل ان يستمر الشراكه بين موبايلي والهلال .. ولنثبت ان موبايلي اختارت الاستثمار الصحيح في نادي الهلال .

.,.