|
كأس ولي العهد تخصص الزعيم .. لماذا تجردنا من هذا اللقب يالكالدي .. بسم الله الرحمن الرحيم اللي يشوف المقال طويل لايقراء اللي بالاسود فقط يكتفي بقراءة اللون الأزرق لانه هو المهم منذ تولي السيد كالديرون الاشراف على تدريب ( زعيم آسيا ) وانا ماني متطمن بموسم رائع للزعيم كلنا يعرف كالديرون ابتدا من تدريب المنتخب السعودي ونادي الاتحاد الى ان اتى للزعيم يعني الجميع يعرف مدربنا . لو تلاحظون المدربين الأوربيين هم الافضل حاليا بالعالم بعكس مدربين امريكا الجنوبية ولو نلاحظ تاريخ الزعيم مع المدربين خلال 15 الماضية ايام كان بطلا لــ آسيا نلاحظ افضل من مروا على تاريخ الزعيم هم المدربين الاوروبيين خلونا نتذكر المدربين الافضل خلال السنوات الماضية ( غريتس ، كوزمين ، يوردانيسكو ) اعتقد هم من افضل المدربين اللي مروا على تاريخ الكرة السعودية ليس الزعيم فقط . يجي واحد يقول فيه مدربين برازيليين مروا على الكرة السعودية ابدعوا اتفق معكم لاكن ايام كانت الكورة مربعه ،، في الوقت الحالي المدرب الاوروبي هو الافضل الكرة الاتينيه تنجب لاعبين فقط . لاكن انا ذكرتها سابقا" ما دام الأسطورة ( ابو عبدالله ) اختار كالديرون حنا معه لاكن انا ماكتبت هالمقال الا بعد ماطفح الكيل من السيد كالديرون !! اكيد الجميع لاحظ تطور في مستوى الزعيم من البطولة الودية الدولية ولا فيه أي شخص ينكر هذا الكلام لاكن ما جعلني اكتب هذا المقال ( قريت ان السيد كالديرون راح يشارك بالصف الثاني في بطولة كاس ولي العهد ) لماذا ياكالديرون ؟؟ على شان ما نرهق الاعبين الا ارهقم كلها مباراتين والثالثه على النهائي هل الثلاث مبارايات فيها ارهاق كلنا نشاهد مثلا برشلونة وريال مدريد دوري ابطال اوروبا والدوري والكأس ويلعبون الكأس ذهاب واياب بالاسبوع يلعبون مباراتين ولا في ارهاق حنا الدوري متوقف 3 مرات واحده 45 يوم وين الارهاق اللي نتحدث عنه اذا كأس ولي العهد مو مهم عند كالديرون او رئيس النادي انا وجميع جماهير الزعيم مهم عندنا .. اما عن مستوى الزعيم ؟؟ ايام ماكان الداهية غريتس فيه كنا نشاهد مستوى ونتيجة كنا نشاهد مثلثات ومربعات 11 تمريره 18 تمريره لاكن مع كالديرون اختفى هذا الشيء الشلهوب ويلي والمرشدي العابد اغلب الاعبين مع غريتس كانوا بقمه مستوياتهم والجميع يتذكر مستوى الشهلوب قبل وبعد غريتس لان مع كالديرون اختفى هذا الشيء ،، ويلي في اخر مباراتين يلعب يسار مع ان فيه العابد والدوسري والشلهوب ذبحت هالاعب يالكالديرون بعد ما كان افضل المحترفين بدورينا صار الأسوء كذالك الشلهوب حاظر غايب اثناء المباراة مع غريتس كنا نعطي الاصفر الكبير 5 والاصفر الصغير 5 .. اتمنى من رئيس النادي والكابتن سامي الجابر مناقشة كالديرون في النقاط اللي ذكرته اعلم وكما يعلم الجميع انا منتدى الزعيم متابع من رئيس النادي واعضاء شرف ولاعبين . اتمنى من الله ان تنظر الاداراة لهذا المقال من منظور مصلحة الزعيم كلمة اخيرة : يمكن الجميع يقول ماهو وقته هالكلام لاكن انا اكتب هذا المقال لقرب مباراة الزعيم مع الأهلى واتمنى ندخل بطولة كأس ولي العهد بكل قوتنا ،، والمقدمة اللي كتبتها عن كالديرون لا ابحث عن اقالته لا والله لان الاقاله مو وقتها المدرب عامل شغل يشكر علية فقط بعض الاخطاء لاكن حبيت اوضح اثناء جلب كالديرون كنت اتمنى التعاقد مع مدرب اوروبي .. بودي اشوف راي جماهير زعيم آسيا حول المشاركة بالصف الثاني بكأس ولي العهد اتمنى التثبيت |
انا معااااااااااااك والله حرااام نترك تخصصنا |
الله واكبر الحين المدرب الاوربي يقول الاعب السعودي مستحيل يطبق التكتيك 100% الاعب السعودي موهب بالفطرة مثل الاعب البرازيلي والارجنتيني الاعب السعودي يعتمد على مهاراته فقط والدليل كم لاعب مبدع اختفى مع الطريقة الاوربية الاعب السعودي يحتاج الى مدرب يتكيف معه وعلى فكره مدرب الهلال كالدي في اخر مباراة مع الاتحاد طبق خطه تكتيكه بحته رائع ناقصه فقط الهدف والفوز عندما الغاء منطقة الخطوره الرهيب ونور بوجود ويلي هامسون وشفنا الاتحاد تايه لم يفعل شي وكان الهلال مسيطر مدرب الهلال رائع بس عنده لاعبين هابط مستواهم وهم الفريدي والشلهوب وياسر في المباراة الاخيرة تحياتي اخي العزيز |
انـا صراحـه مؤيـده انـه يشـاركـ بالبدلاء حتى يـاخذون فـرصـه صحيح كأس ولي العهـد بطولة مهمه لكن في اهـم من وجهة نظري |
الحين يوم تقول تخصص وتخصص جالسين بجامعه مثلا وبعدين الصف الثاني بالهلال منو؟؟ لاعبين شباب مع مجموعه من لاعبين الخبره يعني بتشوف العابد والسديري والمحياني والخ الخ الخ وهذا المطلوب من البطوله اما انك بتشارك بفريقك الاساسي وراك بطولتين اهم منها اسمح لي ما اتفق معك للسبب بسيط شف اخر مباره بالدوري الدوسري طلع مصاب ولي يونج جتها اصابه يعني لو كالدي لعب بالاساسي ورادوي جتها اصابه مثلا تخيل معي لاعب بحجم رادوي تنحرم منه ببطوله الدوري المحلي والاسيوي بسبب بطوله اقل اهيمه يعني الواحد قبل لايكتب موضوع يفكر شووي وهذا طريقه كالدي اكتشفت هزازي اخطر راس حربه سعوي حاليا |
لا اويد فكرتك اتمنى من كالدي ان يشرك لاعبين الصف الثاني مو كل الفريق يريح نصف الفريق مثل ماااااااااااافعل قريتس العام الماااااااضي الف شكر لك اخوي وجهت نظري |
يااااااااااااااااارب ياحي ياقيوم توفق هلالنا في جميع البطولات يااارب |
اتمنى عدم المجازفة بالصف الثاني لأن من الممكن لاسمح اللة تخسر ولي العهد ومن ثم تخسر الدوري ثانيا ممكن المدرب يعمل تدوير بين بعض اللأعبين الكبار فقط حتى لايصابوا بالأرهاق مثل عزيز الغنام الشلهوب العابد الدوسري الفريدي القحطاني المحياني احمد علي ونتمنى من إدارة النادي التنبيه على كالديرون ان هاذي البطولة من تخصص الهلال وحققها اخر ثلاث سنين وإن شاء اللة يحققها مرة رابعة |
إقتباس:
مين نص الفريق الي ريحهم جيرتس العام الماضي غير الدعيع والشلهوب وحط الدعيع احتياط لأنة يفضل العتيبي اكثر خصوصا في مباريات الكؤؤس والشلهوب وضعه احتياط بسبب هبوط مستواة |
انا معك في شي نفوز بس بدون مستوى هذا صحيح نتيجه بدون مستوى عكس السنه اللي فاتت |
اذا صح هذا الخبر فأنا اعتبرها سياسة عقيمه للمدرب كالديون وبطولة كأس ولي العهد من اهم البطولات المحلية وليس لدينا عذراً في عدم تحقيقها وبمشاركة كافة نجوم الفريق وهي السياسة قد تجعل اللاعبيين مضغوطين نفسياً لتحقيق بطولة الدوري وكأس الملك وبعدها كأس اسيا اتمنى من ادارة الهلال ان تضع جميع امكانياتها لتحقيق جميع البطولات المحلية ويكفي خسرنا بطولة فيصل بن فهد |
والله اخوي انا اتفق مععك .! الهلال حقق هالبطوله ثلاث سنوات على التوآألي وهو اكثر فريق اخذ هالبطوله وانا عن نفسسي احب واتمنى الهلال ياخذها للمره الرابعه والخامسه والسادسه على التوآآلي ولاآ ودي نخسسرهآ |
إقتباس:
ياهلا والله فيك ..اشكر لك مرورك |
إقتباس:
كلامهم صحيح الاعب السعودي ماعنده تكتيت والدليل كأس آسيا صح الاعب السعودي مهاري لاكن شف اليابان لا مهارة ولا شيء فقط تكتيك الحين هم اسياد آسيا .. مباراة الهلال والاتحاد اشوف هذا غباء من كالديرون انت افضل من الاتحاد العب بتكتيك لا تغير طريقتك على شان الفريق المقابل لانك اذا غيرتها راح تدافع .. |
إقتباس:
اي فرصه تكلمين عنها الاعب البديل عنده دوري طويل ودوري ابطال آسيا اذا هو جدير بالاعب يثبت نفسه مستحيل يثبت نفس بــ 3 مبارايات بكأس ولي العهد .. اعتقد كأس ولي العهد من ضمن البطولات الاهم |
وانا اقول .. وش فيهم شبابنا =) ومن اصلاً الصف الثاني ! .. العابد الدوسري السديري شافي .. المحياني بعد عندك احمد علي اللي ماشارك الا ربع ساعه اتمنى يلعب اساسي بالمباريات الجايه ع الاقل يدخل بالجو ^^" عط سسداح فرصه .. وان شاء الله فيهم الخير والبركه ’ مدري ليه احسس انهم بيقاتلون بكل مافيهم عشان هالفرصه s13s ~ تفائل خير وان شاء الله كالدي قدها دام بوعبدالله اللي اختاره :ba1::ba: |
إقتباس:
درينا دمك خفيف اذا يلعبون بالصف الثاني معناته ؟؟ ياسر اسامه الشلهوب رادوي لي يونغ ويلي كلهم ماراح يلعبون في هالبطولة اذا مالعبوا اتحداك تفوز بكأس ولي العهد . بعدين اقولك 3 مبارايات وتاخذ بطولة ماهي ذهاب واياب وفي ارهاق وطول مشاركة يابشر الاصابات ممكن تجي الاعب في التدريبات مو شرط المبارايات يعني بحكم الغيب اذا الهلال فيه علقيات مثل تفكيرك ماراح يحقق الا بطولة بالكثير |
إقتباس:
وجه نظر احترمها بس فيه فرق بين غريتس وكالديرون اذا ريح ياسر والشلهوب مثلا اتفق معكم امام اغلب الاعبين صعب |
انا مع كالديرون والمفروض من الموسم الماضي لاعبين بالصف الثاني عشان اللاعبين الشباب يكتسبون الخبره الكافية للعب مع الفريق والاستفاده منهم في كاس اسيا وخصوصا اللاعبين المسجلين بالفريق الاول ولنا في مباراتي ذوب آهان خير مثال وتجربه تخيلوا محمد القرني والسديري وشراحيلي وعبدالله الدوسري وشافي الدوسري ورضوان الموسى وفهد الجهني وسلمان الفرج والكعبي وغيرهم من اللي نسقناهم مثل العنزي والكلثم والمؤشر ماخذين فرصتهم الموسم الماضي على الاقل كسبناهم اساسين هالموسم او علىالاقل ماتخوفنا من مشاركات البعض منهم هالموسم عند الطواري ولنا في اصابة الزوري واعتزال الدعيع واصابة العتيبي وشراحيلي وعزيز أكبر دليل |
حرام والله فيه لاعبين نسقهم النادي المفروض يلعبون الحين مع النادي ياخوفي الموسم الجاي يصعدون لاعبين من الاولمبي وهم مايستحقون وينسقون مواهب في الفريق الاول مثل الكعبي وشافي والفرج وغيرهم |
فكره سليمه من كالدي بل آني متوقع ان الكلام هاذا من عبدالرحمن بن مساعد وليسة فكرته هو |
اتمنى يتم اشراك أكثر من لاعب في صناعة اللعب والهجوم عشان نعرف مستوياتهم من بدري ونستفيد منهم في المستقبل او نبحث عن لاعبين في هالمركز من بدري للمستقبل مو في حالة اعتزال ياسر والمحياني نروح نشتري من القادسية والاتفاق بملايين |
اي بططولة نشآركـ فيهآ نبيهـآ,, واذ1 ضآع الدوري + ولي العهد ,, ستكون انت المذنب يـ كآلدي ,, نبي ولي العهد نبي نبعد في صدآرة عدد مرات الفوز ,, طرح جميل ورآئع :rose: |
كل الشكر لك أخي الكريم على الموضوع .. ولكن أختلف معاك كثيراً بما ذكرت المدرب كالدي .. وضع بصمه منذو قدومه للزعيم .. والمدرب يخطط بحسب إمكانية اللاعبين الموجودين لديه وبيض الله وجيه اللاعبين ماقصروا قاعدين يقدمون اللي عندهم ولو إننا نطمح بأكثر جهد وعطاء داخل الملعب أما بخصوص بطولة ولي العهد .. أنا اشوف إنه قرار صائب من المدرب بعدم اشراك اغلب اللاعبين الاساسين وأحلى حل لـ أعطاء بعض اللاعبين وبالاعتماد على عيسى في خط المقدمة .. وخالد عزيز في منقطة المحور وإلخ لاتنسى إن ضغط المباريات بيجي بالفترة المستقبلية القريبة ..عند إبتداء البطولة الاسيوية بالنهااااية .. انا مع كالدي ومتفائل خير في هالمدرّب .. وبطولة ولي العهد يكفي أخذناها في أخر ثلاث مواسم .. وإمتلكنا كأس البطولة .. نضحي في هالبطولة لنكسب بطولة أخرى ووجهات النظر لاتفسد بالود قضية :) تحياتي لك يابطل |
كلامك سليم و صحيح و انا نفس الحاله ما تطمنة من كالديرون لكن الله يكتب الي فيه الخير |
والله اخوي انا اتفق مععك .! الهلال حقق هالبطوله ثلاث سنوات على التوآألي وهو اكثر فريق اخذ هالبطوله وانا عن نفسسي احب واتمنى الهلال ياخذها للمره الرابعه والخامسه والسادسه على التوآآلي ولاآ ودي نخسسرهآ |
اخوي مبارة مبارتين والثالثة على النهائي تسبب ارهاق شديد ولاتنسى الشهر هذا في ضغط مباريات من دوري لكاس ولي العهد وش المشكلة لو لعبنا بصف ثاني حنا الكسبانين عزيز لة فترة مالعب يلعب ويرجع جزء من حساسية الكورة ولمستواة ولياقة المباريات المحياني والجيزاني ونكسب خط دفاع كامل باذن الله من الكعبي ورضوان الموسى والدوسري والسبيعي ظهير ايمن والقرني كمحور ولاتنسى قبل 3 مواسم اعتقد فاز الهلال على الاهلي بنصف النهائي وحنا برديف بلعكس فكر جميل من المدرب والادارة , تخيل كاس الدوري وكاس ولي العهد وكاس الملك وكاس اسياء كلها بلفريق الاساسي مافية ارهاق يعني !! مستحيل سوري على الاطالة يغالي |
انا معاه وبقوه انو يشارك بل البدلاء ياخي ارهاااااااااااااااق للاعبين الدوري ـ وكاس الملك ـ ولي العهد ـ وعندك اسيا ياخي ايش معانا لا والله انامعاه وبقوه |
انت من 2007 مشترك في المنتدى وعندك بس 96 نقطه وش السبب !!!!!؟؟؟؟؟؟؟ وجالس تنتقد بعد . |
جميع من مر على هذي الصفحة شاكر ومقدر له كلنا في خدمة الكيان الهلالي احترم وجه نظر الجميع والله يوفق الزعيم بكأس ولي العهد وبكل البطولات:: بالاخير مجرد رأي حبيت اطرحه إقتباس:
إقتباس:
اخوي وانت وش دخلك لي 96 مشاركة او مشاركة وحده يعني ماينتقد الا واحد له مليون مشاركة تفكير واحد جاهل وغبي مع احترامي لك حتى تستريح كل الفترة الماضية غبت فيها لظروف مو لازم تعرفها تمنيت ترد على الموضوع ولا تخرج عن صلبه .. او اذا ما اعجبك الموضوع مو لازم ترد افضل لك ولي |
انا معك بطوله مهمه واللي يقول نفس قريتس قريتس بس غير الحارس بدال الدعيع حط العتيبي ثانكس على الموضوع بالتوفيق للزعيم يااااااااااااارب |
| الوقت المعتمد في المنتدى بتوقيت جرينتش +3.
الوقت الان » 11:52 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd