تزيين أم ترقيم
 

وأنا طالع مع صاحبي قال أبزين سيارتي عند محلات تزيين السيارات قلت في نفسي وأخيراً بتدلعها s121s ماعمري شفته شايلها لا على مغسلة ولاعلى محلات تزيين وش هالتطور المفاجيء :naughty: .


المهم مالكم بالطويلة رحت ورجعت ولالقيت إلا الرجال إلا حاط رقم جواله على السيارة قالت سلامات يابو خالد ناوي تبيعها :to: قال لا هذي حركة أحط رقم جوالي على السياراة . قلت أها شكلك تبي توصل طلبات مطعم إنت ولا وش بالضبط s121s

قال عن الطنازة هذي حركة من حركات التزيين . قلت لا والله إلا حركة من حركات الترقيم قال انت تشوفها كذا واحنا نشوفها تزيين وحركة لا أكثر قلت أها أجل انا تفكيري فيه خلل :laugh:

رجعنا للبيت والرجال مركب تضليله وكان ناوي يسافر المهم يتصل فيني قال ياخوي مريت من عند نقطتين ماقالو شيء والثالثة مسكتني وعطتني مخالفة وقالو لازم تشيل التضليلات اللي مركبها لأنها مخالفة .

قلت ياخوي قل للعسكري ترا جونا حار وماحنا مثل الدول الأوربية اللي جوها بارد ولايحتاجون يضللون حنا مضطرين نضلل عشان نحمي أنفسنا من أشعة الشمس ووش الحكمة من منع الكثير من التضليلات وفوق هذا وذاك إذا الواحد مركب تضليلة ياخذ راحته بسيارته مع أهله والعالم تشوفلها صرفه ماعاد تطالع فيه من اليمين واليسار .

علينا أن نعيد التفكير بالسماح للتضليلات بالصيفية على الأقل ولا مانع من تطبيق انظمة منع بعض التضليلات في غير الصيف أما الصيف لدينا فهو حار جداً ولاحل سوى التضليل الكاتم الشديد .

التضليلة الخلفية ماهي ممنوعة لكن يمنعون الامامي فقط
اما موضوع التزيين الحين جابوا حركات برقم البلاك بيري على الزجاج الخلفي

منور يالغالي وحياك هلابك وشرفني تواجدك s13s

شايفها بالطريق حقت البي بي والكثير منهم يقولك لما أحط رقم البي بي اشيك :s2:

التضليلة الأمامية أطالب بها وبشدة الحر ذبحني ترا لو سويت اضراب عن القيادة بالنهار وقتها ماتفتكون مني :s2:

هلا بكـ آآخووي
يبي يرقــم ليش شكلــهــ زيــن ههههه :ba:
لاوالله المــفــروض التظليل مايشيلونهــا
لآنه حنا يالسعوديين نعــأني من الحرارهـ العــاليهـ
والمفروض نظلل سيارتنا لآن والله حرررررر يقطع الجـلد والله :s3s:
شووكرن على المـوضـوع الحـلو وياليت نتناقش فيه
(سلم لي على ابو ترقيــم)

ياعالم وش فيكم على خويه ؟!!

الرجال يبي يكون زاحف مدري يبي يزين السيارة .. ليه قلتوا ترقيم ... ولا كلكم طلعتوا مثل تفكير خوينا :D

تظليل السيارة مو ممنوع الا النوافذ اللي قدام .. وبصراحة مالهم حق يمنعونها اذا كان التظليل خفيف أو متوسط .. اهم شيء يشوف المرايات ويشوف الصورة لان هذا هو المقصد ... فمادام يشوف ليه التحجير على خلق الله .. الصيف جاااي والحرارة الله يصبرنا بس .
المرور بشكل عام لازم اعادة تهيئة لنظامه ابتداء من منشآآآت مرورا بالتنظيم والسير وانتهاء بآلية المخالفات .

صراحة المرور والأحوال المدنية من ناحية المنشآت وجهان لعملة واحدة وهي الفشل وسوء التخطيط << حرام اسميها عملة .. مير العملة يجي منها شيء .


الله المستعان ..


يعطيك العافية algohmani :rose::rose::rose:

بالله للحين فيه ناس تحط ارقام جوالات !! الله يهديهم بس .
اما عن التظليل ياطويل العمر انا مؤيد بشرط يكون خفيف لان الكاتم يثير الشبهه وماتدري الي جوا السياره وش عنده .

يعطيك العافيه .

شوف اخوي التظليل الامامي لاااااازم منه



لو يصكوني مخالفات لين بكرة مافي امل اشيله اصلا ما اعرف وش الحكمة من منعه




الشك والوسوسة ما يبطلوها لازم يكون عندهم ثقة في عيال الوطن :d