قبل ان ابدأ برائي بالموضوع لي فترة اشوف الموضوع ولا دخلت عليه

توقعته موضوع مغري للدخول فقط؟؟

اولا::::: نحيي الكاتب الكبير الذي يعجبني كثير بكتاباته وحياك في شبكه الزعيم

و انشاء الله نشوفك معنا تطرح وتكتب مواضيع نستفيد منك وتستفيد انت من هذة الشبكه

الرائعة وان تتحمل رأي الجميع منا ولا تتضايق من صراحتنا لان الموضوع هنا يختلف

عن مواضيع الصحافه فالرأي مسموح من الكل.

ثانيآآ::: استاذ خلف الا متى نجامل ونرى الشمس واضحه بدون اي غبار ولا غيوم

ونرى القمر في يوم ((15)) وفي كبد السماء ومع هذا نغمض اعيينا عن الحقيقه

استاذ خلف::: سياسه الانديه الان التي تفكر وعندها ادارة فاهمه الذي يتعدى الثلاثين

اذا كان نجما ومميز نصبر عليه لانه يمكن بنزوله يسجل هدف....يصنع هدف....

لكن لاعب من كان عمرة 20 يعتبر لاعب عادي جدااا وبفضل سياسة الواسطات

وربما خدمه الحظ او ربما كان لاعب جيد لفترة قصيرة هل يتعدى سن الثلاثين

وياخذ مكان لاعبين صغار .. ابسالك وانت ملم بكل شئ بالرياضه كم لاعب

حضر للهلال وتمرن ولم يسجل وذهب لنادي اخر واصبح من نجوم الدوري السعودي

هل تريد اخبرك بالاعبين الذين فرطت بهم ادارة الهلال؟؟ أظنك اكثر علم مني ولا احتاج اسرد

لك اخرهم لاعب الشعله وهداف الدوري السعودي الدعجاني الذي تحاول ادارة الهلال

التعاقد معه بالملايين؟؟؟رغم انه كان بين ايديهم وملك تصرفهم!!!!

انظر الى تادي الشباب من تعدى سن (((28))) تنازلو عنه وانظر كم لاعب في السنه

يطلع لنا نادي الشباب بس لقله اعظاء الشرف وغياب الجماهريه لهذا النادي لايخدم

العقول الرائده فيه.

لكن لاعب مثل سامي مثل الثنيان مثل الدعيع على عين ابوي وجدي مانبي منه لياقه

مانبي من تغطيه نبغى منه موهبه وحده تعوض عنا كثير من ركض الاعبين الصغار

لكن ياستاذ خلف المسعري؟؟؟ خلف بالله عليك ارجع وشف شريط مباراة النصر

المسعري نفسه لو كان مدرب مانزل نفسه بالمباراة ؟؟ انا استغرب افضل نادي باسيا

وكم لاعب سعودي يتمنى ارتداء شعاره ولاعب عربي ايضا وكم لاعب يوميا يحضر

يحاول يسجل بالنادي ولا يقدر((الواسطات حتى في الكورة)) ويروح يرجع لاعب

مثل لطف والمسعري لهم مده طويله اكل رز ونوم ابغاكم تعدون كم مرة لطف

يسقط بالمباراة بدون اعاقه اذا وصلته الكورة انا ودي اعرف مثلكم ..الغريب عندنا

بطوله اسيويه قريبه وكل الانديه ظفرت بلاعبين كبار والهلال قاعد يطقق

بيوت العجزة منتهييين الصلاحية.. هل ستخسر اذا رجعت لاعبين مثل

الشايع و القحطاني ((تركي & محمد)) والبرقان و الكثير من الصغار في الوسط

ينتظرون الفرصه ونروح نجيب لطف والمسعري ..والله العقوول في راحه

ثالثا:::: اخي واستاذي خلف بلاتشي ليس غريب علينا وعليك حضر مرة مرتين عشر

مرات عرفنا اسلوبه شخص مزاجي يحب يفرض رائة وفي الاخير يتراجع ويعرف

انه على خطأ... تحب امثلك

امثلك هالسنه فقط لم يعجبه حسين العلي ونزله في مباراة الاهلي فقط حتى

يجربه ولو انه مقتنع فيه لانزله اقل شئ في اخر ربع ساعه والله لو هو بيده عصا

وعمره خمسين مايقدر يلعب اكثر ..يعني نزله بالوقت الضائع وبرهن العلي انه

هداف وصورة بلاتشي بعد الهدف توضح انه منبهر بالاعب بعد ان كان ان تفلت منا

نقاط مهمه ومن فريق قووي.

معارضه بلاتشي لكثر من النجوم رغم انهم ماينظبطون الا اذا حضر بلاتشي لعلمهم انه

مدرب عنيد ..وانا اتوقع انه يريد ان ينجز مع الفريق البطولات بدون النجوم

حتى يجير الانجاز للمدرب وحتى يقولو بهولاء الاعبين جعلهم افضل من النجوم

حتى اني((( رحمت يوسف الثنيان من حضر بلاتشي وكانه لاعب عمرة 18 ويريد

ان يثبت وجوده ليمثل الفريق ولا يغيب عن اي تمرين حتى تصريحاته متخوف ويحاول

ارضاء المدرب))) بلاتشي يريد يميز نفسه ولا يميز الاعبين ومشاكله لاتحدث الا مع النجوم

استاذ خلف ابغاك تقلب هالجمله في راسك وفكرك الرائع (( بالله عليك هل سيستفيد نادي من

لطف له سنتين مامثل الهلال والمسعري )) والله مباراة النصر ان واحد مو فاهم كورة

بس مر من عند المباراة قالي شكلها اعتزال يالطف يالمسعري!!!! شر البليه مايضحك

حتى الاعب الخثران ماله داعي الهلال يشتريه سيكون على حساب الجري الرائئئئئئع

جداا والذي ينتظر المستقبل والفرصه.او على حساب الشلهوب او لاعب لم نعطيه الفرصه

يبرز ماخلف الموهبه والتاريخ فقط يحكم.

رابعا:::: .ليس ان بلاتشي فعل شئ انه صحيح فإذا كنت تقول انه كان

مع الهلال ثلاث سنوات فنحن محبين النادي

وانا كنت اشجع الزعيم من عمري ست سنوات. وكنت اعد لاعبين الهلال الاساسين والاحتياط

وانا ماعرف حروف الهجاء والنعيمه وفهودي والثنيان وريفلينو سطرو حبي لهذا النادي

وعمري سبع سنوات. والله لو كان المسعري سيفيد النادي اكثر من اسوء لاعب في اسوء

نادي في الدوري لاصفقت له وتحاملت على عيوبه لكن الاعب اعطاء وزياده ومابقى شئ

اكثر يعطي ...

وشكرا ياخلف انك منحتنا هالمناقشه وانشاء الله نخرج وكلنا على رائ واحد

ياتقنعنا((معصي هههه)) برائك او نقنعك واتوقع انك اردت نقطه وهي ترك الفرصه

للمدرب بالعمل بحريه لكن بإإإإإثارة......