احمد علي سجل بالاهلي والزمالك وهذا مؤشر ممتاز + جماهير الاتحاد تتوعد وش نرد عليهم ؟ + نقاط متفرقه بالنسبه لمباراه الاتحاد + اسئله ابي منكم اجاباتها - نادي الهلال السعودي - شبكة الزعيم

hadeel alyahya · #1 30/01/2011, 10:26 AM

السلام عليكم ورحمة الله وبركاته

ندخل بالموضوع على طول > لاني ماحب المقدمات والخرابيط هذي كلها

كلنا عارفين ان مباراه الاتحاد قربت ..

واشوف الى الان جماهير الهلال مو متحمسه للمباراه مدري وش قصتكم صراحه

<< منتدى الاتحاد مشتغلين على المواضيع وتحميس الجماهير للحضور
يمكن لانهم خايفين ناخذ منهم نص الواجهه كالعاده خخخخ

وغبنة الخمسه للحين بحلوقهم مانزلت وان شاء الله ماتنزل ابد ونزود عليها بعد

,,

جماهير الاتحاد متوعده ومتحلفه ان الجماهير الهلاليه ماياخذون الواجهه ابد ومكانهم ياتحت الساعه ولا رابطة الاهلي .. بقولهم نشوف الرد بالملعب

دايم هم كذا حملات شرسه بالمنتديات بالحضور ووو وبالاخير نقاسمهم نص الكراسي وغصب عنهم

هذا واحد من جمهور الاتحاد شوفو وش يقول هههههههههه

إقتباس


	اقول لهم يخسون يخسون ياخذون كرسي واحد من الواجهه وحتى تحت الساعات والله ماياخذونها الواجهه بناخذها بالغصب يعني بالغصب ومكان جمهور الهلال فقط مكانه رابطة الاهلي غير كذا الواجهه كلها اتحاديه حتى الي تحت الشاشه ماياخذونها ......

طيب شوي شوي لايطق فيك عرق بالحبيب

وجماهير الهلال مثل ماهي حاشرتكم بالرياض تحت السااعات ولا بزاويه هنااااااااااك باخر الملعب .. بتحشركم بملعبكم وبارضكم ووناخذ نص التقسيم والمعلب هو الفيصل ونشوف بعد المباراه وش بتقولون بمنتدياتكم

إقتباس


	اقسم بالله العظيم ان جمهور الاتحاد يتعضر (للاهانات) من جمهور الهلال تعرفون ان اي مباراه في الرياض الواجهه دائما هلاليه ودائما يستولون عليها ومايهمهم احد

هذا دليل على شعبية الزعيم وكفى .. انتم بجده ماتملون الواجهه وعدد كراسيها يمكن 20,000 وتقارن جمهورك بجمهور نادي القرن اللي يملا الكراسي بال70 وال75 الف

إقتباس


	واللي خلق الكون واللي خلقني اقسم بالله المباراه الجايه مايقعدون في كرسي واحد في الواجهه حتى 30%اقسم بالله مايشلونها ويخسون عيال الـ****

وش رايك تجيب عجرا معك ؟ صدق اتشــ×××

وبعدين اذكرك لازم تصوم ثلاث ايام بعد المباراه

..

نقاط متفرقه بالنسبه لهالمباراه

1- احمد علي سجل بالاهلي والزمالك .. ناديين جماهيرين بمصر واقوياء وهذا يعطيك دليل على ان اللاعب حاضر بالمباريات القويه .. فهل يسطع نجمه في مباراه الاتحاد ؟

2- جماهير تتوعد وجماهير تحلف وجماهير تتحدى من يملى الواجهه ومن يحشر الثاني تحت الساعات . اعتقد لو كان عندنا شي اسمه حداثه وتطور وشراء التذاكر عبر الشبكة العنكبوتيه واختيار المقعد ( يكون محجوز لك ولا احد يجلس فيه غيرك ) .. كان ماكانت هذي حاله الكوره السعوديه

3- جماهير الاتحاد تتوعد بترديد الاهازيج القذره . وهذا شي مو جديد عليهم لكن الغريب ف الامر ان الاتحاد السعودي لايحرك ساكن . فهل نرى في اتحاد نواف بن فيصل قرارات صارمه حول هذه الاهازيج القذره حتى لاتتكرر في كل مبااراه وتنتشر بين جماهير الانديه

4- جماهير الهلال .. لو جماهير الاتحاد سبت واهانت الهلاليين ولاعبينهم .. ردو عليهم بالملعب .. لان وقسم بالله محد بياخذ حقنا برا الملعب
رددو نيجيريا نيجيريا على لاعبينهم ورددو عواجيز وذكروهم بالخمسه
مانبي نسوي مثاليه ونقول مانبي نسيء لآحد اساء الينا

<< هذا الكلام يتطبق لو فيه نظام ياخذ حقنا منهم

5- متى ماحضرت روح لاعبين الهلال وقتاليتهم ووحشيتهم مثل رادوي . فاز الهلال بإذن الله . وبنتيجه كبيره

6- خشونة لاعبين الاتحاد المتكرره في كل مباراه .. وبالاخير العقوبات ماتتعدى غرامه خمس الاف ولا توقيف مباراتين !!!
فمن آمن العقوبه اساء الادب

7- وجود احمد علي كلاعب مهاجم محترف سيخفف الضغط الهائل على ياسر القطاني ولربما نراه متحرر ومنطلق ويلعب بكل اريحيه تامه

8- اتمنى من جماهير الهلال ان يحضروا لافتات مسانده للاعب الجديد احمد علي عشان يتحمس اكثر ...
وياليت يكون علم مصر موجود > بس لاحد يتحمس ويجيب صورة حسني مبارك ههههههه > بايخه

9- انا من المؤيدين بإن يلعب الهلال بكأس ولي العهد بالاحتياطي للفريق ولامانع بتدعيم الصفوف من الاساسي .. وماعندي بعد مانع اننا نطلع من هالبطوله >> ماخذين شورتس هم

اهم شي كأس الملك + الدوري ..

خلو كأس ولي العهد يتهاوشون عليها القطاوه هههههههههههههههههههه

..

سؤال اخير .. توقعاتك لمباراه الهلال والاتحاد بالدوري ؟