|
لاعبان عملاقان صورهم تزين متجر الهلال - صور للمتجر - وجهة نظر السلام عليكم ورحمة الله وبركاته بسم الله الرحمن الرحيم آللهم صلي وسلم على محمد وعلى صحبه وآله أجمعين أولآ مبروك الفوز الأول في بطوله ولي العهد ثانيآ حمدلله على سلامه لاعبين مثل ماقال الأمير عبدالرحمن بن مساعد والحين ندخل بموضوعنا متجر نادي القرن الاسيوي من موبايلي قبل فتره حط احد أعضاء الشبكة صوره لمتجر نادي الهلال الي ماكان يعرف عنه الكثير من الجمهور الهلالي , الا بعد الصوره هذي بعد ماشفتها انتابني فضول <( متعوب عليها ذي , اني اروح اشوف المعرض المجاور لمعرض موبايلي بشارع التحليه صراحه المعرض كبير وجميل ومتعوب عليه لكن ماسمحوا لي بالدخول يمكن ممنوع او يمكن لاني جاي بوقت متأخر( الساعه 1:30 الليل ) لقيت على جنبات البوابه صور لاعبين واحترت منهم هاللاعبين قربت ودخلت في ( أم الصور ) لين عرفت الصوره الي يمين البوابه ( رادوي ) والي يسارها ( ياسر ) صوره رادوي http://www.palringo.com/displayImage...572444907.jpeg صوره ياسر http://www.palringo.com/displayImage...908148771.jpeg هذا الي شفته انا واتوقع واتمنى تكون نظرتي غلط بعلق اولآ موضوع الصور الي على بوابه المعرض ياسر ورادوي حاليآ بالتأكيد هم الأفضل لا محاله ولا يوجد أي اعتراض على هالشي لكن اتوقع ان الأمبراطور ( صالح النعيمه ) او الفيلسوف ( يوسف الثنيان ) او السامي ( سامي الجابر ) او الأخطبوط ( محمد الدعيع ) هم من كانوا الأحق ان توضع صوره على بوابه المعرض لآنهم هم من ( صنع امجاد ) الهلال وهم من ( احترقوا وبكوا ) من اجل الشعار انا بكلامي هذا ماقول ان ياسر ورادوي مايسوو شي للهلال او انهم مايحترقون للشعار بالعكس ماقصروا هم و ( كل لاعب لعب للهلال في مباراه واحد على الاقل ) اتمنى ان ( حمود الغبيني ) يكون فكر في هذي النقطه , او على الاقل يكون حاط صور لهم داخل المعرض واتوقع هذي هي فكرة المعرض واتمنى ان الصور المعروضه بالنادي للاعبين وهم ( يحملون البطولات وكؤوس الانجازات الشخصيه ) تكون متواجده بالمعرض والنقطه الثانيه في المتجر ( أسعار المنتجات ) أتمنى من آلآمير ( عبدالرحمن بن مساعد ) ان يقاضي كل محل يبيع التقليد و ( الصيني ) الي اتوقع انه يسيئ للهلال بشكله الغير احترافي ( أذا كانت اسعار التيشيرتات في متجر الهلال مخفضه عن ماهو يباع الآن ) نشوف اسعار خياليه في المحلات الي تبيع التيشيرت آلآصلي المقارب قيمته لـ (300 ريال ) وبالقيمه هذي مو الكل يقدر يشتري التيشيرت لأن فيه اشخاص عندهم أولاد ( درازن ) مايقدر يجيب 4 تيشيرتات بهذي القيمه ( خصوصآ ان تيشيرت الهلال الآن انظم لـ تيشيرتات الكشخه وليست لعب الكره ) ولكن يشتري الصيني للأولاد كلهم بـ (150) كـ حد اعلى فـ آتمنى من ابوفيصل وابوعبدالرحمن ( مراجعه ) هذي النقطه وان لم يتم تخفيض اسعار التيشيرتات فـ اتمنى ( تمويل الصيني ) وعدم مقاضاه البائعين وامشي ياكوره درفتاتي * مبروك لمحمد نامي زواجه الليله * الآهلي تعادل مع هجر ولكن أمام الهلال بيكون غير *أحمد الصويلح كنت اظن وكنت اظن وخاب ظن الشوق فيني *شافي الدوسري , عبدالعزيز الدوسري , نواف العابد , احمد الفريدي , سلمان الفرج , فهد الجهني خليتونا نمشي مرفوعين الراس فيكم * احمد الفريدي ضيع بلنتي اخر 5 دقايق من مباراه شبه منتهيه بحكم النتيجه وعدد اللاعبين وجاه كلام من الجمهورويقولون ليه تبتسم بعد الركله الجزائيه وتناسو انه افضل لاعب في هذي المباراه أتمنى اني ماطولت عليكم واتمنى آني آشوف آرآء آلجمهور آلهلالي |
مشكووور ع طرحك الموضوووع وأنشاءالله صووتك يصل للأدآره ~~~ أول مرره أرد أول واحد |
إقتباس:
بتوفيق بو نامي في حياتك الجديدة إقتباس:
يعطيك العافية وبتوفيق لنجومنا الشباب |
|
صدقت أخوي يعني المفروض اللاعبين القدامى يوسف وسامي يستحقان أن توضع صورهم على المتجر وذلك لا ينقص من حبنا لياسر ورادوي مشكور ولاهنت ودي لكـ، |
تماشيآ مع الوقت .. ومعرفتنا بهاللاعبين وتشجيعنا لهم في الوقت الحالي .. هالسبب بوضع صورتيهما على المتجر .. |
يعطيك العافيه بس بالنسبى لاحمد الفريدي معلييييييييييييييييييييييييييييييييييييييييييييييييييييييييييييييييييييييييييييييييييييييييييييييييي يش !!! ومعليش كبيرة بعد لاعب مستهتر بشكل مو طبيعي احد يضيعها كذا برود مو صاحي |
يعطيك الف عافيه على الصور وبالتوفيق للزعيم في مباره الاحد |
يستاااااااااااااااااااااااااااااااااهل رادوي وياسر |
الله يعطيك العااافية على النقااط الراائعة وان شااء الله متجر موبايلي يحقق اربااح كثييرة وهذا هو الاهم |
انا معك في وضع صورة الثنيان والدعيع او سامي والنعيمه او اي اسطورة من اساطير الهلال. لكن المتجر من اسمه ( تجاري) يعني اتوقع الطفل اللي لو مر وشاف صورة ياسر بيدخل بالمحل وبيشتري منه,, لكن اذا شاف النعيمه مثلا ما راح يدري وش السالفة.!! فاتوقع انه الصور وضعت علشان تلفت النظر.!! هذا والله اعلم. |
بتوفيق للهلال اليوم وكل يوم |
النعيمه والثنياان والجاابر والدعيع هم من يستحقوون هم من صنع امجاد الهلال هم من جلب الزعااامه الاسيويه للهلال رادوي بيرررحل وياااسر نجم كبير ولكن لايقارن بالاساطير اللي ذكرتهم وكما قال احد الاخوهـ اتوقع وضعهم بسبب معرفة هذا الجيل فيهم ولوجودهـم الحالي فالهلال يساعد على الزياره المتواصله للمعرض |
يستــآآآهلون كل الاعبيــن قدمــوآ الكثير للــهلآل وجــآؤ الوقت اللي الهــلآل يقدملهم ششششي |
مثل ماذكر احد الاخوان فكرة المتجر تجارية و الاستثمار يكون باللاعبيين المتواجدين لان بينهم عقود وهم واجهة الهلال وموبايلي، وبالنسبة للاعبين القدماء ليس بيةهم اي عقد لا مع الهلال ولا مع موبايلي، ممكن يكون في زاوية لاشياء قديمة كصور لكن لاتحمل فيها اي شعار لموبايلي، الله يصبرني الفترة القادمه لزيارة هالمتجر لكن نتشرف لزيارة السنة القادمه، احبك بجنون ياهلال 3> |
| الوقت المعتمد في المنتدى بتوقيت جرينتش +3.
الوقت الان » 07:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd