#1  
قديم 01/02/2011, 06:10 AM
الصورة الرمزية الخاصة بـ Sly-DE10
زعيــم نشيــط
تاريخ التسجيل: 18/09/2010
المكان: الـرياض
مشاركات: 622
Cool تبي دوريك السسـعودي يتطوّر ؟.! ( ادخل هنا و اقنعني أو خلني اقنعك ) .!!

:
:

:

بسم الله الرحمن الرحيم
السسلام عليكم و رحمه الله و بركاته
:

بعض الأحيان الواحد وده يشوف دوري يحمّس و يغصب الواحد يتابعه لكن كيف و ليش ها الشيء ما يصير عندنا ؟..

عبارهـ ( احتراف ) نسمعهآ كثير و يقولونهآ كثير ممن يدربون روسهم بدون ما يفهمون معنا ها الكلمة أو يحاولون

يطبقونها في الدوري ... ( أقصد المسؤولين )

ليش الواحد بعض الاحيان يتابع مباراه في الدوري الايطالي تكون بين ( كآلياري ) و ( بآري ) و ما يقدر يتابع قمه

بين الشباب و النصر ؟...! ( ما راح اقول الهلال لأن الهلال الكل يتابعه )

يعني كآلياري و باري من الفرق الأق من متوسطه في الدوري الايطالي و مع كذا كثير منا يتابعها و كثير منا

( يطفش ) اذا شاف مباراة من الفرق الكبيره عندنا مع انها مفروض تكون قيمه فنيا ...

أنا عندي بعض اقتراحات أبقولهآ لكم و لكم الموافقة أو الإعتراض ::

من حلول تطوير الدوري السعودي ::

1- وضع اسماء اللاعبين على فانيلات الفرق المشاركة في مسابقاتنا المحليه
2- وضع شبك كهربائي ما عليه لوحه تقول ( احذر ) يمنع رؤساء الأندية من الدخول لأرضيه الملعب ( للنقاش الحضاري ) ض1 > ما يقصد أحد
3- التنبيه على الفرق بعدم لبس فانيله عليها شعار دوري ( زين ) و الفريق يلعب في كأس ولي العهد و إلا كأس
فيصل و الملك ..!
4- تطبيق عقوبات صارمة على الجماهير اللي يتلفظون بأي عبارات موب زينه و تكون عقابات رادعه , و رمي قوارير إلخ ...
5- عند فوز أي نادي ببطولة تنحط ( منصه تتويج ) في وسط الملعب زي اللي في الدوريات الأوروبيه و فيه أوراق
تطير و اشياء زي كذا ...

:

شرح الحلول نقطه بنقطه ::

شرح الحل رقم واحد ::


1- أدري ان اسم اللاعب إذا انكتب على فنيلته ما له دخل في الاحتراف بس على الأقل يخششك جو و أنت تتابع المباراه و تحس انك تشوف دوري محترف مثل باقي الدوريات ..

شرح نقطه رقم 2 ::


2- ما تحتاج شرح و أتمنى تطبّق ها النقطه بشكل سريع و فعّال في كل ملاعبنا .!

شرح نقطه رقم 3 ::

3- الفتح و الاتفاق لاعبين في كاس ولي العهد و كاطين شعار دوري زين سلامات ؟؟..!
أتمنى تنعمل فانيلان خاصه بكاس ولي العهد لأنه كأس عريق و له تاريخ كبير و تتكفل إداره رعايه الشباب بتكاليف
هـ الفنايل و أعتقد ان الماده ما راح تكون ( عآئق ) في وجههم ..!

شرح نقطه رقم 4 ::
4- من سنين و حنا نسمع جماهير النور مدري وش اسمهم يرددون ( يآسر وينه ) و لا صآرت اي عقوبة ؟...
لو اننا في دوري محترف و ردد ها الجمهور ها العباره كآن اقل شيء لعب الفريق مباراتين بدون جمهوره و
غرّم ماديا ...

شرح نقطه رقم 5 ::
5- في أوروبا أي نادي يفوز ببطولة يحطون إحتفال على مستوى عآلي و أوراق تطير و منصه خاصه و مدري وش ..!

حركآت ( عطو كل لاعب قلم و برّايه ) ما عآد تنفع في ها الوقت ...!
نبي احتفال للنادي البطل على قد قدره و يحسسنا اننا في دوري أوروبي < أوروبي الزمن و الله ..!

:

و يليت بعد تحط الرعايه جريده خاصه لكل الانديه و يشرف عليها ناس محترمين و حياديين و يعطون جوائز ( دون تصويت ) لكل لاعب اجتهد ..!

و ( حبّذا ) يحطون كل شهر جائزه للمدرب المميز بعنوان ( مدرب الشهر ) و تكون عباره عن كاس صغير فيه
لاعب فوق قذلته كوره .... < متأثر بـ شريط FIFA
:
:

أشياء بسيطه بس اقسم بـ الله لو تصير انها تحط طعم للدوري و للمسابقات بشكل عآم و قولو ما قآله ..!

أخوكم : عبدالله الغـريبي .

:

ردّك مقدّر و وجهة نظرك قابله للنقاش فلا تبخل علينآ .
اضافة رد مع اقتباس
  #2  
قديم 01/02/2011, 06:15 AM
الصورة الرمزية الخاصة بـ Sly-DE10
زعيــم نشيــط
تاريخ التسجيل: 18/09/2010
المكان: الـرياض
مشاركات: 622
:
:

أتمنى من المششرفين الكرآم رفع الموضوع + إعتذار لأخطاء إملائيه بدآعي السرعه ...
اضافة رد مع اقتباس
  #3  
قديم 02/02/2011, 01:01 AM
الصورة الرمزية الخاصة بـ S a l e H 8
زعيــم متواصــل
تاريخ التسجيل: 30/11/2009
المكان: خط القصيم
مشاركات: 173
.

.

وعليكم السلام


اهنيك على الموضوع

نقاط جميله بصراحه ورائعه

صحيح بسيطه لكن تعطي نكهه

يعطيك العافيه

.

.
اضافة رد مع اقتباس
  #4  
قديم 02/02/2011, 02:27 AM
الصورة الرمزية الخاصة بـ زعيم مدفعجي
زعيــم مميــز
تاريخ التسجيل: 16/05/2008
المكان: أبها الغيم والمطر
مشاركات: 1,743
هههههههههههههههههه النقطة 3 من جد صارت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:17 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube