(( هااايااات )) ..

كل واحد عنده كلمات لأي أغنية للفنان خالد عبدالرحمن يكتبها

لاتعتذر

تصبح وتمسي وترقد دون تسمعني...عودت قلبك على هجري ونسياني
انت تعمدت بغيابك تقاطعني...وانت تسببت في همي واحزاني
صبرت بس الصبر ماكان ينفعني..ومليت مل انتظار وبعدك اشقاني
ياماتمنيت شوفك وانت تمنعني... وانت تجاهلت احاسييسي ووجداني
لاتعتذر في العذر ماعاد يقنعني.. من عقب ماذقت من صد وحرماني
انا اتحداك اذا تقدر ترجعني... اوا نت تقدر على بعدي وهجراني
ماعاد لك اي دافع شوق يدفعني.. من عقب ماانت تبيع بارخص اثماني
بالحيل عانيت من بعدك ولوعني..جرب عذاب الفراق ويمكن تعاني
لالا تحاول وابعد روح وطاوعني ..ولاتفكر انك تعود لدنيتي ثاني
ماعاد حبك ولاشوفك يولعني ..انا نسيتك واطلب منك تنساني



وجه المرايا

غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك... يرسم همومه واحاول اتحاشاها
حتى المدينة حزينه عينها تبكيك... ويبكيك قلبي وعيني نثرت ماها
ياغايب عن عيوني خاطري يطريك... في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها



السؤال

ماسألت بيوم نفسك هالسؤال.. ياحبيبي ماخطر مرة عليك
ليه انا اشتاق لك يابن الحلال.. ليه احبك ليه ميت بس فيك
اه لو تعرف معاناة الليال.. والعنى والشوق في قلب يبيك
ماتركته يحلم بلحظة وصال..كنت جيته قبل مايفكر يجيك
من هو مثلي دللك هذا الدلال.. واعتبر بالقلب اهو روحه شريك
ماترك للحزن في عمرك مجال.. والفرح حطه على راحة يديك
بس يكفي من تعاليك وتعال..ملت الساعات من شوقي اليك
ولا اسال خافقك نفس السؤال..ليه احبك واعشقك واموت فيك



الصورة المكسورة

بجانب كحلك ومشطك وبعض اشياء منثوره.. وعطر غامض مثلك يخبي في الزجاج اسرار
انا عشت الهوى قربك مجرد صورة مكسورة.. على تسريحتك عاشت حبيسة كذبة وغبار
اشوفك تنظرين لها بضحكة عين مسرورة.. وافكر نظرتك شوق معاها جملتين اعذار
واثاري نظرتك مرت عليها بس مجبورة..قصدتي خلفها وجهك تشتت في مرايا الدار
نسيتي واصبحت صورة مع الايام مهجوره..نسيتي وابتدت ترحل من البرواز والاسوار
نسيتي بس خليها يابنت الناس مستورة.. نسيتيني وانا مثلك نسيتك والزمن دوار
انا نفسي بديت انسى ملامح هذي الصورة..دخيلك لاتخليها بالبوم الصور تذكار
بديت انسى شقى نفسي ووجه الحزن وشعوره.. وقولي لمن سال عنها تشابه صورة الخوار



الغلا

الله يهنيك بي والله يهنيني..والله يديم الغلا مابيني وبينك
ساعة اشوفك يزين الكون في عيني.. واشوف كل المحبة تنطق بعينك
مااظن شي حبيبي عنك يغنيني..كل يوم يكبر بعيني حسنك وزينك
مزيون وصفك وسيد في المزاييني..واحب طبعك وطيبة قلبك ولينك
ان غبت عنك دقايق تشتكي بيني... وان غبت عني يصيح الشوق بي وينك
مااقوى فراقك دخيلك لاتخليني..مادام قلبي امانه بس في يدينك
انت بحبك تراك محلي سنيني..يابعد عمري عسى الله يحلي سنينك
بالدينا عندي رضاك ولايكفيني..والله يديم الهنى مابيني وبينك



دنيا جديده

يابخت كل المرايا لو تناظر فيك..تسعد بشوفك وتتبسم زواياها
واذا في بعدك تكسر وجهها يبكيك.. ساعة تشوفك تجمع لك شظاياها
ليل المدينة توسل ليلتك يرجيك..تشرق بشمسك على دنيا تمناها
دنيا جديدة ببسمة ثغرها تطريك..بالخير وانت ضيا وجهك محياها
ن غبت عنها تمنت بالغرام تجيك..من كثر ماهي تعبها الشوق اضناها
وان جيت فزت تردد من الفرح طاريك..وتقول يالله عساك بحماها
يابعد عمر الغرام ويابعد غاليك..حرام عينك يذوب حزنها ماها
تعال اجمع فرح كل المرايا فيك..واترك بقربي مرايا حزني وانساها
طمني عليك

ليش انت مبعد عن عيوني ومجفني.. يانور عين بشوفك كنت احليها
حتى اتصالك وصوتك منقطع عني..واعد الايام لي بتعود لي فيها
ان كنت زعلان ياكل الغلى مني..مجبور اراضيك وعيونك اراضيها
وان كان قصدك بهالفرقا تعذبني.. ياكيف تتعب حياتي وانت غاليها
ارجوك طمن شقى نفسي وطمني..اشغلت روح غيابك عنها يشقيها
تعبت احاتيك واسال عنك لكني...ماالقى جواب لاجل نفسي اهديها
اطلب من الله عسى انك دوم متهني..في دارك اللي الـهي بك مهنيها
وعساك دايم بقلبي تحسن الظني..ياشمس داري وبدر في لياليها



لون باهت

الشمس غابت والمدينة اظلمت..والوردلونه صار ماهو لونه
باهت يحير كل عين همت..فيه وعبيره بنته مسجونه
وانا حزين والهموم التمت..والحزن جند لي كبار شجونه
ان جيت ابفرح فرحتي ماتمت..وان جيت ابنسى ذكرتني طعونه
هذا زماني صار بي يتشمت..يلعب بي وانا راضي بكل جنونه
صفحات حبي في الغرام اقدمت.. فوق الرفوف وبالعنا مشحونه
فيه المحبة والوفا قد ضمت..للغالي الي اعشقه واصونه
يمكن عيون شافته ولاسمت..الله يخذل حاسدي وعيونه



مثل العسل

مثل العسل وسط الضماير غلاكم..وانتوا عسل كل الليالي والايام
جر القلم بالشوق خطه جداكم..حبره محبه وصورتك فكر والهام
نوفي ولكن مانوصل وفاكم..الكم وفا ومنك الوفا ياخذ احكام
مزن بروقه لاضيات بهواكم..نجم فريد بلمعته وسط الاجرام
نقشت انا ودي بصفحة سماكم.. والدم بقلبي صارت تخط الاقلام
فكري سرى بلهفه وغيومه تباكم..تمطر عليكم اطيب حروف وانغام
لاعاش شعر في حروفه جفاكم..لاعاش عمر ماقضى بحبك اعوام



انتي شروق

انتي شروق اول ضحى طلعة الشمس..والشمس بنت مرحلين الاماسي
عفي وانا رحبت من خاطر انحمس..موجة فرح طافت حدود القياسي
بين امس متعب كلما مر بالامس..واليوم ناسي حالة الامس ناسي
قلبي بغيابك بالنزى دوله الحمس..جيتي وقند ريحة الهيل راسي
وبين الثرى والغيم عن خطوتك رمس.. اعرف وجودك يوم تندي الرواسي
القى الندى بالنخل لو تهمسي همس..بالروض دارك يرسله قلبي ماسي
شريان قلبي في بحرك انغمس غمس..سباح لكن ضيعته المراسي
يانور ماحد في الهوى يلمسك لمس..روحي لمسته واشتعل بي حماسي



على بابكم

الا وردن الهموم الثقيلات ..
اصدر على حماك..
وانصاك جالي
والا جردن القراض الصقيلات..
انا بأول القوم..
ولاني بتالي
أنا لك الا صار للوقت ميلات ..
بارخص لك الروح..
وماكان غالي
واعدي على روس كل الطويلات..
وبشهد لك الله ..
ياكل مالي

على بابكم لو قدحنا الفتيلات ..
دسنا على المر..
ويصير حالي
من الهم الى الموت عندي قليلات..
ومن بينهم .. كل
مطعون ذالي

على من كتب لي ولك ماشحيلات..
مع الصبر ..كل ..
الشدايد زوالي



إشلونك

خيـرتني والمـوت مـن دونـك تعـرفي أرفـض فيك حـرماني

وأجيك شـاري الـموت بعيونك هــواك يالـمجمـول يحداني

إن كـان هقـوه..تبعد ظنـونك الذيب مـا يـرعى مع الضـاني

ولا عهـدت السـيف ملسـونك كـفاك تـامــرني وتـنهاني

إلا الكـرامـة..سـيّدي هـونك لا واحــدٍ عنـدي ولا ثـاني

اللـون ذا مـا هو بـمن لـونك خـيّرتك بوصـلي وهجـراني

وإن كان تـرفض..فأطوها شنونك علـيك راسٍ مــا بـعد لاني

و إن غبت ما أنشد عنّك: شلونك؟ لا يــا بـعد مـيتي وحيـاتي



خيط الامل

من عافته نفسك ترانا نعافه

أنا على شـفك وخذني على الكيف

من الوصــل تقصـــر عليك المسـافـه

أقـرب مـن المتكي على معنز الضيف

نفسٍ يمـوت بها الرجا.. يا حسـافه

أضعف من الشعره على مقطع السيف

واللي قضب خيط الامل..لا وشافه

حـظـه يقــوم أقـداذ مـن غير تكـليف

انت الـذي بـــرقــه عـلينـا كـشـــافـه

البـرق والـهـتـان جـــا عـقبـه الـطــيف




خيط الولع

طرف جفن عيني لمكحـولة العين عين ايقظت فيني من الشوق ما كان

خيط الولـع خلاني اتبعك يـا زيـن وخيطٍ جذب في خاطري حد وجدان

راح الفكـر ينظم من الشعـر بيتن شـافه بنظم الشعـر مرسـوم الاعيان

شفت الحلا فيها يوصف بوصن وصف الحسن وصف يبين لها شان

يا ظالمة غظي من الطرف تكفين من قبل عيـن النفس تطـوا بالاكـفان

يـا ماخـذه قـلبي بكفـك عـلى ويـن يـومي معـك شـفق ولا ذقت سـلوان

الله وأكـبــر لـو لـي معـك وقـتـين وقــتٍ تـعـيش بــك حلـــو الازمــان

وقتٍ نهــاره ليـل والعيـن بالعيـن أسهر ونزمي ما يعـارض بالاجفان

أسهر بليلي والقمر وجهك الزيـن منـور حـلا يكسف حيا غادي ألوان

فيني من الوجدان واشوق حمليـن عسى خفـوقي يشمله مـنك الاحسـان



علمتنـي حبــك

وشلـون مـا اغليـك

وأنت الـذي علمتنـي حبــك

يا هـاجـسي ... عشقـي عيـونـك

إسـأل ... وتلقـى الجـواب

فـي ناظـر عيـونــي

تصـويـر لآجمـل عــذاب

حبـك يـا مفتـونــي

تلقـي حيـاتـي كلهـا لـذة غــرام

مهمـا سهـر طـرفــي

أو جـارت ظـروفــي

أو عشـت أنـا الحـرمــــان

تلقـى حياتـي كلها لـذه غــرام

يـا عـذب الصفـات ... يا كـل الحيــاة

صبـرك علــي ... هـذا قليـل

مهمـا تـرى مـن تضحيــات

هذا قليـل ... خل السهـر لعيـون مـن حبـــك

خـل العيـون اللـي لهـا عشقـي تبــات


----------------------------------------------------

تحيات أختكــــم : (( عاشقــــــ الهلال ــــة )) ..

(( بااايااات )) ..

مشكوووره عاشقه ماقصرتي والله

ابي منك طلب قبل ما اشارك

اغنيه على بابكم وييين الاقيها . مو موجوده باغلب المواقع ياليت تحطين لينك الاغنيه لو سمحتي اذا موجوده.

تحياتي

خيرتني

خيرتني والموت من دونك ..............تعرفني ارفض فيك حرماني
وأجيك شاري الموت لعيونك...........هواك يالمجنون لحداني
ان كان هقوه تبعد ظنونك....................الذيب مايرعى مع الضاني
وانا عاهدت السيف ملسونك ............كفاك تامرني وتنهاني
الا الكرامه سيدي هونك ....................لا واحد عندي ولا ثاني
اللون ذا ماهو من لونك ...................خيرتك بوصلي وهجراني
وان كان ترفض فاطوها شنونك ...............عليك راس مابعد لاني
وان غبت ماانشد عنك شلونك .................لا يابعد بيتي وحياني

******

في غربتي

فـي غربتي تـغرب الـنور عـن عيني


وش حاجتي في نور عين غاب غاليها


أمـر الـسفر يـا نـظر عيني قضى فين


نـفسي عـلى مـا تعاف امر الله حاديها


يـمـك حـبيبي عـظيم الـشوق يـدعيني


يـسرى بـعروقي كما تسرى الدما فيها


عــلـى خـطـرها حـيـاتي يــا مـعـنيني


بـعـدك عـطبها وشـوفك حـيل يـشفيها


أخـاوي الـليل وهـاجس لـيل يـخاويني


يـمك سـرابي داعـي الـذكرى بـحاليها


أقـضـي بـدنـيا لـعيني شـوفها مـشيني


إلـى مـتى عـيني عـلى شـوفك تـمنيها

******

ادري العذر

ادري الــعـذر مـايـكفي رضــاك عـنـي

انا اللذي ما املك على رضاك سلطان

خـذنـي وخــذ مـاتـشتهي الـيـوم مـني

حـجم الـخطا يـفرق من انسان لنسان

احـسـنت فـيـك الـظـن ولا خـاب ظـني

اعـرفـك تـاويـني ولــو كـنـت زعــلان

كـــل الـمـشاعر مــن غــلاك احـكـمني

عـنـدك دلـيـل ان الـولـه خـيـر بـرهان

انــظـر عـيـونـي يـــوم جـيـتك حـكـني

اصـفـح عـسـا يـفـداك يـانور الاعـيان

كــلـي عـــذر وان مـاكـفـاك امـتـحـني

قـلـب الـعـما يـصفل ولـو كـان عـميان

******

بهديك جرحي

بـهـديك جـرحـي ادمــه وزد فـيـه

عـلي تـجمل تـواضع وابـتسم لي

بـهـديك فـرحي لـك خـص بـهديك

لـك الـفرح والـحزن كـله قسم لي

وان قــل فـرحـي فشـيبي مـواريه

حكمت اظلم اقضب شتات شملي

لانــهـد صــرحـي شــيـد مـبـانـيه

الـهـم اشـيـله واذا اخــف حـمـلي

وان طـال شـرحي ترى ذا تواليه

عـظـمتك اجــرك فـجرحي وقـتلي

وان عفت جرحي الا كيف اداويه

من يدوي الجرح ومن يبتسم لي

*********

طلبتونا

طــلـبـتـونـا ولــبــيـنـا طــلــبـكـم *** تــركـنـاهـا حــوايـجـنـا وجــيـنـا

وقـلـنا الـسـمع والـطاعه لاـمركم *** ولــــولا قــدركـم كـــان انـتـحـينا

ولامــنـه لــفـا الـمـرسول مـنـكم *** تـركـنـا كـــل شـــي فـــي يـديـنـا

عـلى عـلم الـوشاة الـلي وصلكم *** وشـــوا فـيـنـا وحــنـا مـاوشـيـنا

انـــا مـــا انـتـظر مـنـكم عـدلـكم **** ولــكـن صــدكـم مــنـه ارتـويـنـا

يـجـوز انــه تـمـادي فـي كـبركم **** يــجـوز ان الـكـفـا عـــود عـلـينا

احـسـب ان الـوفـى اتـلا خـبركم **** ولا شــفـنـاه مـتـنـا ثـــم حـيـيـنا

عـلـى حـسـن الـمعرفه نـعتبركم **** عـلـى وضــح الـنـقا حـنـا بـنـينا

ومـيـزنـا مـلـلـكم مـــن صـبـركم **** بــلــيــاكـم تــــرانـــا مــاطـفـيـنـا

جـنـيـناه الـقـنـاعه مــن ثـمـركم **** شـكـرنـا فـضـلـكم لـــو مـايـجينا

الا يـامـؤمـنـين ابــغــا عــذركــم **** زعــلــنـا بــالـعـذر ولا رضــيـنـا

مـن يـوم انـه قـصر عـنا شبركم **** قـصـرنا الـرجـل عـنكم مـاخطينا

رغــم هــذا فــلا يـنـقص قـدركـم **** ولا فــــي هــرجــة مــنـا لـويـنـا

على العشرين خمسه ذا شهركم **** اذا تــنــسـون حـــنــا مـانـسـيـنا

مشكووووووورة