|
لاتوقف في الصف .. مايجوز .. بسم الله الرحمن الرحيم .. والصلاة والسلام على خير المرسلين ..وبعد .. جماهير الزعيم العريقة .. ألحين بين معارض وبين موافق للعملية الوقوف .. فهناك من قالو لا يجوز .. ليه نسوي كذا .. وناس يقولون غلط عليهم المفروض .. يسون زي النصر .. أنا بشرح وجهة نظري أنا شخصيا .. ألحين لو إفترضنا انا شخص كافر لا أؤمن بالإسلام .. واعتقد انه دين إرهابي ولا هو دين سلام ولا شئ .. ولا اعرف اي فكرة عنه غير الفكرة المعطاه لي من قبل الأخبار.. انهم يفجرون وأنهم قتله ولا يدعون للسلام .... وجات الفرصة إني أشوف المسلمين عن قرب ولو ل90 دقيقه .. وأشوف طريقتهم في التعامل معي .. وجيت وشفت إنهم ماوقفو حزن .. دقيقه وحده .. إستخسروها علي حداد على ناس قتلو .. بنظري انا أنهم مسلمين اللي فجرو .. وش راح تكون نظرتي .. للإسلام .. أكيد بترسخ .. النظره في راسي .. بل بالعكس .. لو شفنا ماقامو به الأشقاء النصراويه .. أرفع لهم القبعه .. ليس لأنهم قامو بالوقفه هذه فقط .. بل لأن هذه الوقفه قد تكون سبب ولو من بعيد لتحسين نظرة الإسلام في نظرهم ... وقد يكون هذا سبب لمعرفة الإسلام عن قرب ومعرفة ماهو هذا الدين .. والإسلام .. بعدها وبكذا تكون أخذت اجر هداية واحد للطريق الصحيح ... ناس بيقولون الحين .. إحنا وش دخلنا فيهم .. قبل ان يكون من مبدأ الدين من مبدأ الانسانيه .. المسلم مايفرح بمصيبة عدوه .. ولنا في خير المرسلين رسول الله محمد صلى الله عليه واله وسلم ..قدوة .. قال الله تعالى (وإنك لعلى خلق عظيم ) فقد اعطانا رسول الله علية الصلاة والسلام.. خير مثال..عندما ذهب وزار اليهودي الذي كان يرمي عليه بالقذارة والشوك .. عندما مرض .. ليه ماقال هذا يهودي بستين داهيه .. خله يموت جهنم وساءت مصيرا .. قام الرسول عليه الصلاة والسلام .. وزاره .. وأسلم اليهودي بعدها .. كيف ماناخذ هذه اللحظة قدوة .. مو الرسول عليه الصلاة والسلام .. يبي يوري اليهودي أخلاق الإسلام .. ويوم شافها وش صار .. أسلم .. فلماذا هذه العصبيه المنفره .. اللي ممكن توصل فكرة للطرف الآخر .. خاطئة عن الإسلام .. وهذا مانعانيه من الإرهابين ..والمتشدقين بإسم الإسلام .. انا جاتني أكثر من رسالة تقولي انه تعاليم إسلاميه وماتعاليم .. وانه النصر فكر نصراني وماادري وش .. للأسف هذولا ناس متشدقين ومايعرفون وين الله حاطهم .. وانا ماكتبت الموضوع لأن في ناس زودوها فيها .. والوقفه وماالوقفه .. وكنت اتمنى انه الهلال وقف .. ذاك الوقت .. علشان الهلال متابع من قبل جماهير .. كثيره .. وفي من محبيهم مسلمين ومسيحين اجانب وعرب .. قد يكون بسبب هذه الوقفه تنجون احد من جهنم .. وتغيرون فكرة خاطئة عنا .. والحمدالله رب العالمين على كل حال .. والصلاة والسلام على رسول الله ومن تبعه ومن والاه .. والإختلاف في الراي لا يفسد للود قضية .. |
الله يجزاك خير بس ياليت توضح اكثر ومشكور اخوي |
اختلآف الرأي لايفسسسد للود قضيه :rose: ووجهة نظري تصرف الفريدو وعزيز عين العقل وياليت كلهم سووا هالشيء :ga: وديننا يقدرون يعرفون عنه الششيء الكثير غير هالتصرفات :to: |
وبالمره اذا مرروا كؤوس الخمر نشربها على شان لا يحسبون أننا منغلقين ولا نقدر إحترام الظيف ___ صباحك سعيد يا سيد |
كل الناس توقف حداد الا في السعودية. بس اذا كان مايجوز زي ما اعرف، فــما ينفع تخالف دينك عشان اي احد. لكن انا معك انه كانت لفته حلوه لو ان اللعيبه صافحوهم و واسوهم باي طريقة غير الحداد. على الاقل عشان ما يوصلهم انطباع اننا مبسوطين بالتفجيرات اللي صارت لهم ومستهترين بمشاعرهم! اتفق معاك وان شاء الله في المناسبات الجاية تكون طريقتنا افضل في زي هالمواقف |
ههههههههههههههههههههههههههههههههه خويي يقول شكلك مندس |
ياحبيبي نحترم وجهة نظرك بس مو معناته انهم صفوا حدادا على موتاهم ان اللاعبين يصفون معهم .. يمكن لو صفوا اللاعبين بعد فيه مسلمين شافوا هالشئ خلاص اخذوها عادة وسووا نفس اللاعبين ..... وهاتك يابدعة اخلاقنا بلعبنا وليس بفعل مايفعله الكفار.... هنا نقول انهم يعجبون بالاسلام |
الله يجزاك خير بس ياليت توضح اكثر ومشكور اخوي |
لا معليش حبيبي هذا ديننا واللي يبي يعرف ديننا يروح يقرا عنه خلاص ما يجوز نتشبه فيهم ؟ هذا اللي باقي |
هكذا تكون مداخيل الشيطان !! هوِّنها وهي تهون .. وتصير عاديه و(عاده) اي مبتدعه والبدع توصل الى النار .. لا ننكر عليهم وقوفهم , ولكننا لن نقف مثلهم وفي ذات الوقت لا نستهزيء بهم .. العزاء في ديننا 3 ايام فقط .. ولا يفضل شد الرحال لتعزية احد .. انت دعوت لتقليد الكفار !! فإستغفر الله هدانا الله وإياك |
الله يجزاك خير بس ياليت توضح اكثر ومشكور اخوي |
أخي من قال لآ أعلم فقد أفتى , الاسلآم والدين مآفيه وجهآت نظر أو نسوي كذآ علشآن فلآن وعلآن أنآ مآ أقدر أفتيك لآني لآ أعلم لكن أنبهك لآتفتي في شي في الدين من وجهة نظرك والرسول عليه الصلاة والسلآم زآر اليهودي المريض وحنآ نعرف آن زيآرة المريض سنه لكن هل الوقوف دقيقة صمت سنه !! أتمنى مآ نتجرأ ع الدين ونفتي أو نبني أشيآء من وجهآت نظرنآ يآشي متأكدين منه من مشآيخنآ أو نترك الفتوى لآهلهآ ودي,.. |
والله ماراح اجامل على حساب ديني العظيم . تحياتي |
والله اعتقد ان اللي سواه الفريدي ولاعبين الهلال شي يثلج الصدر :naughty: وبعدين اللي يقول احترمو دينهم ومدري ايش ياخي عمرك شفت لاعب اوربي يقف دقيقة صمت على التفجيرات اللي تصير بالعراق او المذابح في فلسطين او حتى التفجيرات اللي في السعودية من قبل الارهابيين وراح ضحيتها ابريا وبعدين ترى الروس مالهم دين اصلاً لانهم ملحدين وكلنا نذكر وش صار بالشيشان من مقابر جماعية :mad: ومثل هذه الامور يـ اخي بدعة وكل بدعة ضلالة وترى الحلال بين والحرام بين واللاعبين قدوه في مثل هذه الامور لان الفريدي لو طبق الحركة اليوم كان تلقى فيه ناس راح تقتدي به يعني الحركة له ابعاد اخرى وكان الكورة تبي تجيب لي الذنوب والله بستين الف داهية البطولة والكوووورة ولازم امور الدين يكون عندها خط احمر ما نتجاوزه يعني لازم نجاملهم او نستحي منهم من شان نكون (( برستيج وناس متفتحين :s2: )) وبالنسبة لكلامك ان نجعلها دعوة الى الاسلام من هذا العمل ياخوي ترى فيه طرق اخرى و فيها دعاة للاسلام ومو لازم اعمل بدعة من اجل ان ادعوا للاسلام يعني تكون بداية دعوتك للاسلام بـ الخطاء ؟؟ وبعدين لاحد يجي ويتفلسف في امور الدين ويقعد يحلل ويحرم على كيفه ودقيقة الصمت اللي تبون لاعبين الهلال يسكتون من اجله على ايش على ناس كفار ملحدين ياخوي ما وقفنا دقيقة صمت على موتا المسلمين وحتى لو كانو مسلمين ما يجوز كيف لو كانو كفار ملحدين يحاربون الدين والمسلمين ياخي هم بستين الف داهية اما تجي وتطلب من المسلمين انهم يشاركونهم البدعة بس من شان ما نجرح خواطرهم والله يا علهم ما يرضون ( ولن ترضى عنك اليهود ولا النصارى حتى تتبع ملتهم ) وبالاخير هذه هي فتوى كبار العلماء بهذا الخصوص السؤال الرابع من الفتوى رقم ( 1674 ) س4: هل يجوز الوقوف دقيقة مثلا مع الصمت تحية للشهداء؟ حيث إنه عندما تبدأ حفلة معينة يقف الناس دقيقة مع الصمت حدادًا أو تشريفًا لأرواح الشهداء. ج4: ما يفعله بعض الناس من الوقوف زمنًا مع الصمت تحية للشهداء، أو الوجهاء، أو تشريفًا وتكريمًا لأرواحهم، وإحدادًا عليهم، وتنكيس الأعلام من المنكرات والبدع المحدثة التي لم تكن في عهد النبي صلى الله عليه وسلم ولا في عهد أصحابه ولا السلف الصالح، ولا تتفق مع آداب التوحيد، ولا إخلاص التعظيم لله، بل اتبع فيها بعض جهلة المسلمين بدينهم من ابتدعها من الكفار وقلدوهم في عاداتهم القبيحة، وغلوهم في رؤسائهم ووجهائهم أحياءً وأمواتًا، وقد نهى النبي صلى الله عليه وسلم عن التشبه بهم، والذي عرف في الإسلام من حقوق أهله الدعاء لأموات المسلمين، والصدقة عنهم، وذكر محاسنهم والكف عن مساويهم..، إلى كثير من الآداب التي بينها الإسلام وحث المسلم على مراعاتها مع إخوانه أحياءً وأمواتًا، وليس منها الوقوف حدادًا مع الصمت تحية للشهداء أو الوجهاء، (الجزء رقم : 9، الصفحة رقم: 78) بل هذا مما تأباه أصول الإسلام. وبالله التوفيق وصلى الله على نبينا محمد وآله وصحبه وسلم. اللجنة الدائمة للبحوث العلمية والإفتاء عبد الله بن قعود عضو عبد الله بن غديان عضو عبد الرزاق عفيفي نائب رئيس اللجنة عبد العزيز بن عبد الله بن باز الرئيس وهذا هو رابط الفتوى http://alifta.net/Fatawa/FatawaDetai...ndexAlpha.aspx |
هذا دين وماراح نجامل ناس مايعرفون الله على حساب ديننا والخلق العظيم يكون في الحوار والتعامل مو في الافعال والامور الدينيه |
| الوقت المعتمد في المنتدى بتوقيت جرينتش +3.
الوقت الان » 03:06 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd