اولاً: فيه بعض الاعضاء الله يهديهم يسبون الاداره لانها ماتعاقدت مع لاعبين محليين وانها غير قادره بسبب النقص المادي وهذا الكلام غير صحيح والحقيقه انه من المفترض فريق مثل الزعيم انه مايشتري اي لاعب هو اللي يبيع لاعبين وشفتوا لاعبين الاولومبي يوم اخذوا فرصه بالفريق الاول بدعوا امثال عبدالله السديري وعبدالله الدوسري ورضوان الموسى وشافي الدوسري وباقي لاعبين مميزين لسا ماشفتوهم لكن اللي يعاني منه الهلال منذوا مده هو الظهير الايمن خاصه وهو اللي المفروض ان الفئات السنيه تكثف البحث عن أظهره مميزه وبعدين الانديه اذا فاوضهم الهلال واللعب يستحق مليون طلبوا فيه عشره مليون الراشد وقع للاتحاد بااربع مليون ولو طلبه الهلال لطلبوا فيه عشره وكذلك الرهيب اما الشهراني فهو لايستحق 12 مليون جلسنا عضو شرفنا
ثانياً: اتمنى انه يكون هناك كشافين للهلال في المنطقة الشرقية والمدينه المنورة وجده ومكه وخاصه المدينة المنوره والشرقيه لانه فيهم نجوم ينتظرون الفرصه الان في المدينه المنورة والله العظيم كشافين من قطر واني اعرف شخصين مبدعين وفنانين الآن لهم شهر يتدربون في قطر حرام ياخي مواهبنا تروح برا
ثالثاً: ياسر القحطاني لاعب ماشاء الله لايشق له غبار لكن لو ماتعرض له ياسر القحطاني تعرض له لاعب اخر لانتهت حياته الكرويه ويشهد علي الله اني من اشد المعجبين بياسر لكن الان يمر بفتره صعبة جداً فمن المفترض اراحته قليلاً والزج بعيسى المحياني واحمد علي
رابعاً: اللاعب وليد الجيزاني وقع معه الهلال اربع سنوات ولم ولن يستفيد منه فمن المفترض انه يبيع عقده الآن لايجي ويسوي معه مخالصه مثل العنزي والكلثم والمؤشر ولايستفيد منه شي
خامساً: الفريق بحاجه ماسه لوجود استشاري نفساني فمن المفترض انه يكون هناك استشاري نفساني ضمن طاقم الفريق
سادساً: يحي الكعبي من الاول ماكان يجب التعاقد معه من الاول وذلك لوجود الزوري وشافي الدوسري
اخيرا سمعنا ان الرائد والتعاون طلبوا الكعبي وانا اقول المفروض يوافق الهلال على اعارة الكعبي لمدة ستة اشهر قابلة للتمديد سنه لنادي الرائد مع انتقال كامل للاعب وليد الجيزاني مقابل انتقال موسى الشمري للهلال.
ودمتم بخير وصحة وعلى منصات التتويج نلتقي