|
بعد مرور سنتين .. فجأه صار يستفزهم ؟ سابقآ بلا أعين ؟ والآن بدون منطق !! بعيد عن المقدمآت .. وتنميق الكلمآت بدخل بالموضوع علطووول : : هل المنطق يقول أن الأعين لا ترى بشكل جيد إلا بعد مضي مدة معينة من الزمن ؟! ( تقدر بموسمين مثلا ) بالطبع لا إذا ماذا يحدث الآن ! ولماذا ؟ قيل في الأمثال ( الشمس لا تغطى بغربال ) أي أن الشئ الواضح يبقى واضح من أول نظرة ولا يمكن إخفاءه طيب ليش هاليومين كثر الحديث عن وشم رادوي !! بل ثارت ثائرة البعض ضده وأن هناك صليب وانه شئ مستفز ويمس الإسلام وبدأت التآويل كلن حسب رأيه والبعض حسب مصلحته وهم معروفين ! وأن هذا مخالف للشرع والدين والقوانين والعادات والتقاليد والاعراف وما إلى ذلك من أمور وطالب البعض منهم بالتدخل من الإدارة قبل أن تتدخل لجنة الإنضباط وكأنهم يحرضون الإعلام ويلفتون الإنتباه ويصنعون من اللاشئ شئ :s5s: وأبدى بعضهم رأيه في أن يلبس كم طويل ! والبعض قال : يلبس مشد ! وتجاوز الامر من آخرين أن يطالبوا بإزالة الوشم والصليب الموجود ! والمضحك المبكي في آن واحد أن هناك من يقول : أن فيه ضرر على العين ! :razz: لست اعلم حقيقة أي صليب هذآ الذي رأته أعينهم بعد مضي موسمين !! أين كانوا قبل ذلك ؟ بل أين كانت أعينهم ؟! توهم يفتحون عيونهم يعني ؟! أو وش السالفه ؟! اذا كان الوشم اللي بيد رادوي نفسه كلمة (دينس) وماتغير ياترى أي الحروف هو على شكل صليب ؟ أنا لست مع الوشم ولست ضده فهو يبقى حريه شخصيه وبطبعي احترم الحريات خصوصا اذا هي ما مست الدين بشكل صريح ! :ba1: لو كان الوشم † واضح وضوح الشمس ومن أول يوم دخل رادوي الأراضي السعوديه طالبوا بإزالته أو تغطيته , كنا تقبلنا الوضع وإقتنعنا فيه لكن .. بعد موسمين ! وبعد مستوى ومجهود وأداء منه ! وبعد ماحاولوا يخترعون اي شئ عشان يوقفونه ! وإدعاءات العنف والضرب وسوء السلوك وما إلى ذلك عند لجنة الانظباط قالوا مابقى الا نقول صليب ونجيب مسألة الدين والحرام عشان يمكن سبحان الله يشيلونه من طريقهم المشكله بعض جماهيرنا هداهم الله طبقت معاهم معاهم عليهم عليهم , وجعلت من الحبه قبه لبست نفس لباسهم .. وتقلدت نفس أفكارهم وعاشت التمثليه مع صانعيها قفله .. ليش أي شئ ما يعجب أحد أو ما يبيه أو وده يتغير أو يتبدل أو يلغى يجيبه من باب الدين ومسألة الحلال والحرام ! رجاء خاص للإداره .. تشيل كل المواضيع اللي مالها داعي خاصة اللي تحكي عن صليب رادوي لأنها بدون فائده بس تشوش على اللاعب والدليل سبحان الله توها فتحت عيونهم وشافوا انه بالوشم يوجد صليب !! شر البلية مايضحك :razz: |
مشكور على الموضوع ياخي هو كافر والله يهديه يسمو على الموضوع |
هو اثارة الموضوع صحيح ما لها داعي بس كل شخص وله وجهة نظر المفروض نحترمها والشي هذا ان دل على شئ فهو يدل على غيرة أغلب الأعضاء على دينهم..وهذا شئ جداً مميز ويدعونا للفخر يمكن يا اختي الكريمة فيه ناس تفكر ان رادوي محبوب من الصغير قبل الكبير وربما الوشم هذا يأثر على تفكيره ويحاول تقليده !! وفيه ناس تفكر تفكير ثاني ولا ادري وش التفكير بالضبط خلاصة الكلام ان الوشم يبقى حرية شخصية لرادوي بس مثل ما قلنا انه حرية شخصية لرادوي ان يضع الوشم يجب ان نقول ان مواضيع الاعضاء بهذا الخصوص..تبقى حرية شخصية أيضاً !! والكل له حق التعبير عن رأيه يعطيك العافية والله يوفق هلالنا |
شوفي اختي من المعروف انه لاذنب بعد الكفر لكن من اضعف الايمان ان الواحد ينكر المنكر يعني مو صحيح ان الوشم حرية شخصيه واننا نعتبر الصليب شي عادي لا ابسط شي اننا نقول ان الواشم مطرود من رحمة الله مو حرية شخصية !!! يعني المفروض يكون فيه انكار لهالشي على الاقل علشان الصغار خصوصا انهم يتأثثرون بالنجوم يعني لازم يكون فيه توضيح واستنكار الدين فوق كل شي |
كل الاجانب يوشمون عليهم رموزهم الدينيه واتحدى لاعب مسيحي ماعليه وشم ورموز من دينهم وماهوبس الرياضييين الاطباء والمهندسييين والتجار وغيييرهم وش رايكم نطالب الدوله بعدم دخول اي مسيحي للاراضي السعوديه لانهم طببيعا واشميين الصليب ولا احد يحاول يقنعني انه يهمه الدين لانه دينا الاسلامي ماراح يوقف على وشم رادوي وبعديين وين متكلمتو من قبل على وشمه وش معنى بس رادوي يعني القصد مكشوف ووواضح يبون يهزون ويشغلون رادوي امحق بس لو تفكيركم سليم كان دعيتو له بالهدايه |
آشكـرك آخـتـي ع آلطـرح ||..~~ تـقـبـلـي مـــروري:::::: قـوتـششـي ـآلهــــلآل ||..~~ |
حرية شخصية ياكثرهم الي على يدهم وشم >< يعني تبوا مثلا نمنعهم من دخول السعودية :to: والله يهديهم للأسلآم :smilie47: يعطيك العافية |
تبقى حريه شخصيه مانقول الا الله يهديه للاسلام والف شكر لك |
... شووفي رآآدووي له معزه كبيره بكل قلب هلالي وهلاليـه لكن الصليب وااضح بقووه ,, وكونـآ ببلد مسلم والله يلعن الوااشم انتقدناه بسرااحه لكن ماقصدنا نشووش ع الاعب اوزي كذاا .. اكيد تهمنا مصصلحه الهلال قبل كل شي والله يهدي رآدووي للاسسلام ويشرح صصدره ,, عواافي ي قلبي ... |
.. الله يهديه للأسلآم :smilie47: |
(لا اكره في الدين) حريه شخصيه والله يشرح صدره للاسلام |
ليش أي شئ ما يعجب أحد أو ما يبيه أو وده يتغير أو يتبدل أو يلغى يجيبه من باب الدين ومسألة الحلال والحرام ! & ^ هذا تكفيني بسسسس |
انا معك ان الفقراويين دايم يحبون يسوون من الحبه قبــــــــــــــــــــــه وهذي عوايدهم مع حارق دمهم الزعيم وتعودنا عليهم خلااص :yes: بس عاد منب معك اننا لو شفنا وشم او معصيه او شرك او كفر بالله قلناا عنه شي عادي وحريه شخصيه مثل ماتقولين ..! هذا بخصوصك .. اماا بخصوص الفقراويين برد عليهم بهالصوره هذي .. واظنهاا كاافيه :naughty: هذا خبيلانهم وهو لابس قميص البرشاا والشعار فيه صليب ولا شفناهم يقولون عن الموضوع شي ..! والا عشان القضيه صارت لشخص هلالي انتفضوا ؟ لا حول ولا قوة الا بالله العلي العظيم بس وربي انهم يظلمون انفسهم بتصرفاتهم ذي! تناسوا يعني تفتينهم بالهلاليين؟ وتناسوا بعد حملاتهم واشاعاتهم القذره ضد ياسر القحطاني؟ وتناسوا انها بتكون عليهم يوم الحساب والدين ..! وتناسوا هالايه ( ما يلفظ من قول إلا لديه رقيب عتيد ) وهم يطلقون هالشائعات فيه؟؟؟ وهالآيه .. ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين ) والا عشان القضيه صارت عن شي يخص الهلال صحى فيهم الدين فجاءه؟؟؟؟ هذا اللي بخاطري عنهم .. ولهم واسف اذا كنت طولت عليكم :smilie47::rose: والف شكر هلاليه على الموضوع .. لاهنتي :rose: |
إقتباس:
اخوي هذي زمان نقول لايقتدي فيه الصغير الحين الناس تفتحت والصغير قبل الكبير يعرف الحراام . وبعدين ليش نسبب مشكله صليب ومدري ايش وفالاخير انه رادوي ماراح يمسحه او يلبس كم طويل وبعدين اذا ودهم يدخل الاسلام مو كذا النصح ورجااء لنرتقي بفكرنااا. وهذا كاافر وش نسوي نضربه (الله يهديه ويهدينا جميعا) للمعلوميه كانتويه لاعب اشبيليه فريق اشبيليه وضع على قميصه على مااعتقد رقم لدعم الكناائس ورفض اللعب إلأا والرقم ممسوح ولم يقولون انه خالف دينننا . ولكن احترمووه فلن نحترم الاديان الاخرى كما حثى ديننا على احتراامها . وشكرا على موضوعك موضووع مميز وياليت الادااره تنظر للمواضيع هذي ولاتنشرهاا . |
هاهاهااهاااي المفروض يقطعون راسه هاهاهاهاي لا تلومهم توهم يشوفون كانت اعينهم عند قدم رادوي |
| الوقت المعتمد في المنتدى بتوقيت جرينتش +3.
الوقت الان » 05:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd