نادي الهلال السعودي - شبكة الزعيم - الموقع الرسمي - شـيء مُفرح والله ,, أفرحني أكثر من البطولة ..

- منتدى الجمهور الهلالي (http://vb.alhilal.com/forumdisplay.php?f=28)

- - شـيء مُفرح والله ,, أفرحني أكثر من البطولة .. (http://vb.alhilal.com/showthread.php?t=980341)

الحمدالله

والله يثبتنا

ومشكووور اخوي على الموضوع

مشكوووووووووووووووووووووووووووووووووووور

طيب مافيه فيديو للي صار انا ماشفت اول المباراة ؟؟؟

إقتباس:

الرسالة الأصلية كتبت بواسطة ماجد28 (مشاركة 17135400)

للاسف هذا شي سيئ جدا
الوقفه ليس فيها اي مخالفه دينيه مهما كثر كلام المتنطعين

جاااك مفتي الغفلة ياعم ابعد عن الافتاء من قال لا اعلم فقد افتى
لاتحط شيء بذمتك.....

إقتباس:

الرسالة الأصلية كتبت بواسطة جليسسسسوٍهـ (مشاركة 17140617)

المشكلة انك انت بعدلازم تفهم قبل لاترد ..

ولا تسوي ابو العرّيف علي الله يصلحك ويخليك لأميمك ..

انا قلت الحين ان أي شي ما صار بعهد الرسول عليه الصلاة والسلام يعني حرام !!!

انا وضحت لك انه حتى ولو لم يحدث على عهد الرسول فهذا ليس علة لتحليله وجبت لك مصادر الفتوى في الفقه كانك ما تعرفهن ..

وقلت لك ان ابن الرسول توفي ولم يحد عليه لأن هذا دليل قاطع أن الحداد ليس من صفات المسلمين ,, همن تجي وتقول وش دخل ذي !!
مشكله اذا تبيني أشرح لك كل شي وانا اخوك ..
.....
.
.
.

كنت ودي أرد عليك رد مطول بس أبختصر لك السالفه ..

اخي الكريم : في سالفة أمس وش كان المفروض يصير ؟
1- يقفون لاعبينا حداد احتراما للأديان الأخرى بعيدا عن الـ(التشدد والتعنت) .
2- ما يقفون حداد , ونمدحهم على فعلتهم لأنهم قاموا بشي طيب بالنسبة لنا.
3- يقفون أو ما يقفون كلها سوا , ومن المفروض اننا ما نتكلم بهالخصوص لأنه أمر مهوب رياضي.

أرجو أنك تعلمني وش المفروض يصير ..

وأحب أستفيد منك ولا نية عندي لإثبات شيء لا أأومن فيه بس عشان أكون صح أو ما أغير كلامي ..
لا والله لو عندك حق آبخذه حباً وكرامة ..

لكن فيه شيء لازم تركز عليه :

احترام الأديان مو معناه أبداً انك تفعل ما يخالف دينك ..
بعلة احترامك للدين الآخر .. يا أخي حنا دين العزة بالحق ..

( أذلة على المؤمنين أعزة على الكافرين )

ياخي ماتناقشنا على ان الحداد من صفات المسلمين الله يهديك ،،، وراك انت؟؟؟
انا اقول لو هالنصارى وقفوا حداد على ضحاياهم ،،، ياخي احترم معتقدهم ووقف ناظر بهم!! مهوب واحد قاعد يضحك والثاني قاعد يفكك لي عضلاته من زين هالعضلات الحين ،، بس عشان يوريهم اني ما اهتم بكم!!!
ياخوي ياعزيزي ياحبيبي ،،، انا هنا خارج السعودية صار لي سنين ،،
اقسم بالله لو يشوفونك تصلي في مكتب أو في طيارة أو في صالة أو في اي مكان ،،، قصروا اصواتهم وقعدوا يناظرون فيك ،، مايبون يجرحون شعورك او يحسسونك انهم مايحترمون دينك!! بغض النظر انهم يكرهون ديننا او لا .. بس شوف شلون الاحترام!!
كل كلامك وش زينه ... بس في الاخير تقول (( احترام الأديان مو معناه أبداً انك تفعل ما يخالف دينك
بعلة احترامك للدين الآخر)) طيب فيه مصيبة اكبر من وقوف دقيقة حداد وهالامور الفاضية ....
يلعبون ويراكضون والامام يقرا لصلاة العشا!! لا تقول اكيد انهم صلوا جماعة بين الشوطين ومن هالكلام!!
ماشفنا احد تكلم بهالموضوع!!
ولا قالوا ليش اللاعبين او الادارة على الاقل ماطلبت من اللجنة المنظمة احترام مشاعر المسلمين واقامة المباراة بعد الصلاة؟!!!
هذا مهوب مخالف لدينك؟؟؟؟
سبحان الله نترك الاشياء الكبيرة ونروح ندور على سفاسف الامور ونتهاوش فيها ويلك ياللي تعادينا ياويلك ويل!!

شكرا للاعبينا هذه البطوله وشكرا لعدم المشاركه في هذا الوقوف الصامت ونحن كمسلمين نشارك العالم في احزانه وتقديم العزاء ولكن بالطرق الاسلاميه الشرعيه

اللهم احينا مسلمين وأمتنا مؤمنين غير ضالين ولا مضلين

إقتباس:

الرسالة الأصلية كتبت بواسطة الدخان الازرق (مشاركة 17141146)

يا أخي اللعب وقت الصلاة أنا أبداً مانيب معاه (للمقيم) والوضع ما يعجبني بالنسبة للدوريات الخليجية
ولكن لاعبين الهلال يعتبرون مسافرين فلا مشكلة لو صلوا المغرب والعشاء جمعاً و قصراً حتى ولو الساعة 9 وهذا الشي انت تعرفه اذا كشت أو سافرت أو حتى رحت رحلة أيام المدرسة أو الكلية ..

الصراحة أنا ما عندي كلام زياده أتوقع أننا تناقشنا بما فيه الكفاية وكل واحد عنده قناعة مختلفة واذا تبي تستزيد من الموضوع راجع كلام الشيخ الخضيري يوم نصح لاعبين النصر ..

وبعدين يا أخي أنا ما شككت فيك ولا اتهمتك بشي ولا أعتبرك إلا أخ كريم بيننا نقاش ودي أنا أشوف ان هالشي يهمني ويعبر عن معتقدي وانت عندك رأي آخر على العين والراس .. يمكن انت شفت شي انا ما شفت بحكم تواجدك هناك .. ولكن أنا أتكلم عن أصل وشي ثابت في الدين تكلم عنه من هو أعلم مني ..

وجبت لك أدله وانت يبدو انك موافقني عليها ولكن اختلافك معي انه مهوب لازم الفريدي يسخن او خالد عزيز يضحك هذا شي ثاني وقد تكون وجهة نظرك صحيحة فيه ولكن انا كلامي عن الشيء الأكبر في الموضوع لأنني أتحدث عن منهج حياة وليس عن حدث عابر قد يُنسى بعد فتره ولكن الثوابت تبقى..

الله يجزاك خيــــر

تقبل تحياتي،،،

الحمدلله والشكر لك ياااااااااااااااااااااااااارب