|
ايش اللي نازلين فيك ضرب عالطالعه والنازله انا صاحبي لما جا يبي يضربه مدرس الفيزياء مسك يده وما اعطى المدرس مجال انه يضربه ومو بس كذه راح عند المدير واشتكا عالاستاذ قام المدير فتح تحقيق في الموضوع وما وقفت على كده من ثاني يوم اظن جات قبيله الطالب كلها عند مكتب المدير عشان يتابعوا الموضوع ايه يابويه الدنيا مو فوضى |
الحمدلله مآ سبق وضرب مدرس وجهي ، الوجه ما يقربه إلا لئيم ،، لكن جلد اليدين بل والرجلين - فلكه على سبيل المثال ض1 - هذا شيء طبيعي ، بالعكس أتوقع ضروري للطالب ينجلد لو بخطأ بسيط مرة ومرتين وثلاث ،، حتى يحرص على دراسته ويصير رجل ، ولا فيه طلاب والله لو تعطيه 100/60 درجة ما قآمت معه أهم شيء نآجح ،، فـ لو تركتهم خربوا بآقي الطلاب ، مآلك إلا جلدهم ،، عموماً مآ آقول إلا آصبر وآحتسب ، وتذكر كلام الرسول - صلى الله عليه وسلم - يوم طلب أحد الصحابه منه أن يوصيه فقال : (( لا تغضب ، لا تغضب ، لا تغضب )) بالتوفيق للجميع ... |
في منفوحة ولا درست في ابن خلدون ؟:s2: اجل مادرست صدقني :s2: عموما الحين مو مثل ماتقول قليلين اللي يضربون بالذات المتوسط و الثانوي :d بعض الطلاب يداوم والفرد في الموتر :s2: وصار فيه ضوابط للمدرسين بالعكس الحين يطالبون ببعض الحرية :d والضرب ماينفع في كل الحالات ولا المفروض كل مدرس يضرب واما بالنسبة لي صراحة على اللي سويته الا اني عاملوني اخر كواسة وكلها حكومية :d |
إقتباس:
|
تصدق إنك مبدع بس شكلك ماتدري .. والظاهر إن الضغوطات اللى عشلتها والكفوف اللى أخذتها .. أخرج هذا الإبداع وفجرت المواهب ... يمكنها خيره بس اللى ودي أفهمه .. شلون تقول كان عندك ( توحد ) ؟ ودي تشرحها لك .. وهل تقصد بانك شفيت من مرض التوحد ؟؟ والحالة النفسية اللى تشتكي منها .. ممكن أعرفها ؟ وننتظر جديدك .. لأنه في سطورك ( صدق ) قليل مااشوفة في منتدياتنا تقبل مروري ياكابتن تسيت أقولك إنك برضه موهوب بالكوميديا وشكلك ماتحس بخفة دمك .. أجل مستغرب ليه المدرس يعاقبك لإنك صفقت زميلك كف ؟ يعني ا لآن تتسائل لماذا يضربك ولاتسأل نفسك ليه صفقت زميلك بالصف :d خل عنك .. والله حبيتك :smilie47: |
الحمد لله أني بنت والله من جد تنرحمون حسبي الله عليهم طيب فيه اسلوب غير الضرب >>حرمان ولا ينقص من درجاته ولا ان شاء الله يسقطه بس الضرب لاااااا بس كانك مثل اخوي تستاهل:d:d والله أني ارحمه بس الله يهديه بثر وكل يوم ينجلد ونص المدرسين مايواطنونه وهذا وابوي معه في المدرسه<< يقالك واسطه:d:d ومع هذا كل يوم جاينا يشكي من مدرس هذا طاقه كذا من دون سبب << قلت خير مستحيل يطقك وانت ماسويت شي وقام يحلفلي والله ماسويت شي بس هو كذا يكرهني ويبي يضحك الطلاب علي حسبي الله عليه وقام اخيي:cry::cry: ولا ذاك اليوم رحمته قطع قلبي يقول يوم غبت ويحتفل الاستاذ يقول مهند غايب مااصدق ويشتريلهم من المقصف ويوزع عليهم << يحول كل هذا عشان اخيي غايب:d بس والله ان اخيي بثر ولاهوب من شطره بس ولو موب هذا اسلوب ياخي ماعندهم تحفيز ولاتشجيع ماعندهم الا الضرب وياليته يفيد الا يكرهون الماده والاستاذ الله يعين بس. |
ما كنت طالب مشاغب وكنت هادري عاقل جيد دراسيا ! ما واجهت مشآكل إلا مع ضعيف نفس يسٌمى مربي أجيال ! وآحد فقط من بين كم من المدرسين اللي إلى الآن أدعي لهم بعد الله لإنهم سبب في اللي أنا فيه الآن لكن فيه وآحد كآن فعلا حقير عآم 2002 كنت في ثآني متوسط كنت بمعنى الكلمه ملتزم باللي يقوله لي المدرس هات جبت احفظ سمعت المهم الجميع يذكر أحداث حي الحمراء والارهابيين اللي أعلنوا منهم صدف إن منهم 2 من القيله اللي أنا أنتمي لها مدرسي مسوي أنا اللي وطني بطريقه أنت تشمئز وآحد يطلق عليه مدرس تفكيره كذا دايم يطردني ويقول وقف إلين إرتفع ظغطي مره وفتحت الباب عليه في الفصل طلبته وجا قلت له أنت عندك مشكله معي وما تبي تحلها أنا بروح عند المدير بشتكي على نفسي عنك وابيك تكلمه وتقوله مشكلتك معي والله يا ناس إنه مشى زي الــ ................. ! وإعتدل مدري كيف جاني هالاسلوب ورديت عليه ! بس فعلا فيه مدرسين إن فقد معنى إنه مربي أجيال ضاع هو وضيع اللي معه وإشكاليه التدريس الحين اللي ما يمشي في الدراسه يخش التدريس وخذ لك من اللي كانوا فاشلين دراسيا يدرسون ! الحمد لله إني مريت على جيل مدرسين كانوا يدخلونها تفضيلا عن غيرها |
مدرسة حسان بن الثابت مين درسبى |
أخي الكريم أقسم بالله العظيم أنك وضعت يدك على جرح قديم في جسدي و اخذت تنبش فيه حتى آلمتني ..:( أعانك الله ..! عمرك سمعت بمدرسة أبو غريب أنا درست فيها :to: مدرسة كأنك في سجن أبو غريب إبتدائية اجتمع بها أشرس مدرسي المملكة و اعتقد حتى على مستوى العالم العربي الآن انا أحمل البكالوريوس - والحمدلله ولكن عانيت من أثار الضرب كغيري من أبناء الحارة من أستاذ عتيق :ranting: مدرس قرآن كان يضرب الطلاب بشكل وحشي و كأنهم قتلوا أحد أبناءه ..! يضرب بلا رحمة بلا خوف من الله بلا مراعاة لشعور الطفولة - قبحه الله ..! كان لديه اسلوب في التعذيب لا يجيده محققي جوانتانامو يرفع الطالب بأذنيه بكلتا يديه و يضرب رأسه بجدران الفصل و بقوة و يضرب بالكفوف على الوجه وهو مدرس قرآن لا يعلم أن الضرب و اللطم على الوجه حرام حتى و إن كانت دابه .. فمابالكم بإنسان و الأمرُّ من ذلك طفل ..! كنت أحفظ المطلوب مني حفظاً رائعاً و إذا قال لي : سمّع.. نسيت كل ما حفظت من الخوف ..! و غيري الكثير من الطلاب و الى اليوم أقول : سأقتص منك يا أستاذ عتيق يوم القيامة ..! لأنه تسبب لي بعقدة قراءة أعظم كتاب على وجه الأرض وهو القرآن كلام الباريء سبحانه حتى و أنا أدرس في مرحلة الجامعة أخاف من محاضرة القرآن و احفظ الأرباع و عندما يقول لي الدكتور : سمّع.. أرتبك و أخاف و أغلب الدكاتره جزاهم الله خير يقدروا ويلاحضوا أنني مرتبك .. فأطلب منهم مساعدتي لأنني حفظت المطلوب مني ولكن الإرتباك من حصة القرآن و محاضرة القرآن أصبح أمر مزعج بالنسبة إلي و إلى الكثير من أبناء جلدي من الحي و أصدقاءي كل ذلك بسبب الوحشية في الضرب و التعامل من بعض المدرسين - قبحهم الله أتذكر أن مدرس قام (بفرشي ) على يدي الصغيرتان في مرحلة الإبتدائية بحديدة ...:( بالله عليكم كيف نصبح سويين بعد كل ذلك ما زلتُ أعاني من تعامل مدرسي الإبتدائي إلى اليوم اصبحتُ عصبياً الثقة منزوعة مني و لكن ألتجأ دائماً لله سبحانه كما قال سعيد صالح : يارب تخذهم و تعفسهم يارب عرفت عبدالكريم و استاذ عتيق :s3s::mad: اللهم آمين .. / تشكراتي لك |
^^^^^^ ههههههههههه ................ |
الله يرحم الحال ... مدرستي الابتدائية كانت جحيم لايطاق !! انواع التعذيب من مدرس في اولى ابتدائي كان يضربنا على الطالعة والنازلة ومن زود الفسق في الضرب كان يجلدنا ( فلقة ) على رجولنا وظهورنا ..!! ومن العقد اللي عندي بسببه ( سورة الكافرون) ما احفظها للحين بسبب ضربه لي عشان ماحفضتها !! ومن رداة حظي نجحت من اولى وطبيت في ( اخوه ) في الصف الثاني واكلت هوى !! صار اردى منه الله .. حسبي الله عليه !! كان يعطي كف ( صباحي ) على اتفه شي !! |
للاسف بالسعودية اعتبر ان المدرسة هي محكمة لاعدام كثير من المواهب السبب هو ان النظام في المدرسة نظام بدائي جداء انا اتكلم انت تسمع وتحفظ اذا ماسويت اللي اقول لك ضربتك مافيه شي اسمه مناقشة مافيه شي اسمه تقويم الطالب ومحاولة معالجة مشاكلة مافيه شي يطلع ابداع الطالب من بداية دراستي لحد الان اقدر اقول ما استفدت الا القراءة والكتابة وبعض العمليات الحسابية لكن الباقي مافيه المفروض من البداية يحطون ناس فاهمه وناس قادرة على اكتشاف المواهب والله لو سوو شي مثل هذا كان شفنا عجب كان شفنا مواهب كثيرة كانا منحرمين منها بسبب المدسين ونظام التدريس |
هل ضربّك المعلمْ لأنك طالب مجدّ ؟! لمّاذا ضربّك ولمْ يضرب الطالب المجدّ ! تشاغبّ ، ما تحل الواجّبْ ، تمزح مع صديقك وتلطشه وتسمي ذلك مزحاً !! عذراً فّ أنـتْ تستحق الذي أتّاك ، بالتوفيق لك ولـ الجميع ، :rose: |
بالنسبه للطالب المشاغب .. أؤيد أنزال اشد العقوبات بحقة حتى يعقل ، أما الطالب المهمل المحترم يجب دراسة وضعة جيدا لأنه احتمال لديه ظروف أو مشاكل والوزارة ماقصرت منعت الضرب الان لدرجة فصل المعلم من عملة أنا معلم لا اخفيك انني اتعرض لضغوط لايعلم بها الا الله واقسم بالله احياننا اكره التدريس ، بسبب بعض الطلاب لذلك يجب ان تعذر المعلم على عصبيتة والله احياننا ، تحس داخلك بركان مره من المدير مره من الطالب مره من ولي امر الطالب . هذا حاليا ،،، اما قديما بصراحة أنا تعرضت للضرب أيام الابتدائي بعض المعلمين يعتبر الطلاب كالعدو ،، هذا لاتلومه ولا تسامحة اما اللي ضربني لسوء سلوكي فمستحيل اشيل عليه مثقال ذره من حقد ومسامحه . كل التوفيق لك في حياتك |
_ آلله وآعْلم عنْ إللي كنت تسويه .. وإللي كآنوآ يسوونه معلمينك .. بَس بشَكل عآم .. آلمدآرس آلحكوميه لآتخلو من هآلشيء .. وآلعتب على آلمُعلمين .. آلمفروض قبل تعليم آلطُلاب آلدرآسه .. يعلمونهم آلتعآمل آلحسنْ .. ولآيجعلون آلطآلب يتعقد منْ آلدرآسه .. لآن آلطلآب عمومآ يكْرهونهآ وآلمعآمله آلسيئه ( تزيد آلطين بِله ) عنْدي آخوي .. مدرسه مآيكلمه ولآحتى يخليه يشآرك على قول آخوي ( نفسيّه ) وآلزينه بعد إنه متعلم ومعه مآجستير .. صَرآحه زيّآدة آلعلم آلمفروض علينآ نطبقهآ مو فقط نتْفآخر فيهآ .. وبآلنسبه للي كآن يحْصل لك .. آلحمدلله إنه شيء وعدْآ .. وإللي عليك إنْك تفكر بمستقبلك وكيف تستفيد من تجَآربك آلفآئته .. وبعدين وآنآ آختك .. عُمر آلهموم وآلحزن مآتنجلي بآلآغآني .. بآلعكس آلآغآني تزيدك وتبعدك عن آلله .. إسمع لك قرأن عآلآقل .. آو دُعآء .. وإذآ مره مآعندك .. آذكر آلله ولآتسمع شيء .. بآلتوفيٌقْ لك فيْ حيآتك آلمُسْتقبليه .. وآتمنآهآ لكْ آفضل من سآبقْهآ .. وآلله يطوُل لك في عمر وآلدتك .. وجميعْ آلمسْلمين .. آمميينْ ! كُل آلشُكر .. |
| الوقت المعتمد في المنتدى بتوقيت جرينتش +3.
الوقت الان » 09:30 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd