السبب الرئيسي لنكسة الكرة السعودية هو : وليد عبدالله الأن وبعد الخروج المر للمنتخب السعودي وبعد ان هدائت الاعصاب رجعت بشريط الذكرى المؤلمة للخلف واكتشفت شي غريب للغايه وهو حارس المنتخب السعودي وليد عبدالله واكتشفت انه سبب رئيسي لما حل بالمنتخب السعودي . اولا : وليد عبدالله يتحمل سبب هدف الاردن القاسي مليون بالميه ثانيا : وليد عبدالله يتحمل جزء من اهداف المنتخب السوري ثالثا : وليد عبدالله يتحمل اربع اهداف من المنتخب الياباني رابعا : وليد عبدالله هو من اخرج الشباب من بطولة اسيا للاندية بخروجه براسه بدل بدل يده امام سونجنام الكوري خامسا : هدف البحرين القاتل الذي اخرجنا من كاس العالم 2010 هو ايضا سبب فيه سادسا وسابعا وثامنا والى المية خطا فادح يرتكبه هذا الحارس بحق الكرة السعودية السؤال الذي يطرح نفسه هل من المعقول ان الاعلام والصحافه والمدربين لا يعتبرون ان مركز حراسة المرمى هي نصف الفريق فكلنا نذكر عبدالله الدعيع في كاس اسيا 1984 \1988 وكيف كان سبب رئيسي بالفوز بالبطولة وايضا محمد الدعيع عامي 96 وحتى 2000 وكيف كانت حراسة المرمى السعودي قوية صدقوني السبب هو وليد عبدالله . |
يتحمل هدف الاردن وهدفين مدري ثلاثة من اليابان لكن معليش هدفين سوريا ماله ذنب لأن الكورة تغير اتجاهها بالهدفين وين بس فهد الشمري ااااه يا فهد ليتك جلست بالطائي اقلتها صرت الحارس الاساسي جبناه وركناه على الاحتياط ودمرنا موهبته حارس عن مليون حارس مقاتل ما يخاف ويغامر ولولا الله ثم هو كان كان دخل بالهلال اهداف وخساير من يتذكر مباراتنا مع النصر كيف ابدع وصد وقاتل ومع ماشال الاوزبكي والقهر صغير يرجعون الدعيع اللي ماخذ فرصته واخذ فرصة غيره |
وليد يتحمل تخاذل الاعبين وليد يتحمل عدم تسجيل الاهداف وليد هو اللي جاب بسيرو وليد هو يتحمل أخطاء كل الاعبين مع أحترامي لك اللي أحس أنه لعب من كل قلبه أسامه هوساوي أسامه المولد نايف هزازي وليد عبدالله وشهيل بس |
والله اذا هذولاء هم اللي لعبوا من كل قلبهم اصبح نعيش فعلا وسط خداع وزيف من التفريق بين الجد والهزل وبذمتك وش تسمي اهداف اليابان علينا يعني اللي بالقول ايش ؟؟؟؟؟؟؟ |
لا ياخي وين انت رايح وليد عبدالله وش دخله في نكسة الكرة السعودية جميع اللاعبين فاشلين ماعدا نايف هزازي |
يعني بتقنعني ان وليد عبدالله سبب تدهور الكوره السعوديه من بعد ما مسك سلطان بن فهد الرئسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ حدث العاقل بما يعقل يمكن سبب خساره في مبارتين ثلاث اما نكسه للكوره السعوديه اكبر علامه استفهام على كلامك |
سلطا بن فهد ونواف بن فيصل هم السبب |
وليد يتحمل هدف هدفين بس بالمقابل كان منقذنا بعد الله من هزائم تاريخيه ومو مشكلته اذا ماكان قدامه دفاع ومومشكلته اذا المهاجمين ماجابوا اهداف كلامك مو منطقي ابدا |
والله الي يتحمل الخروج ناصر الشمراني لو سجل هدف السبق في سوريا في اول ربع ساعة وكانت الكرة سهلة وامام المرمى لاعطى المنتخب الثقة والفوز والفوز على الاردن ومن ثم التأهل ومقابلة الاوزبك ولكن تجري الرياح بما لا تشتهي السفن |
حراااااااام عليك وشو وليد عبدالله سبب النكسه هذا كلام لا نقبله اطلاقا واذا ما تربيت ترا حنا نربيك <<شطحه (: والله يا طويل العمر انا عندي ثقه ان هذا الجيل افضل جيل بس ما وظف التوظيف المناسب ولا جابوله مدرب زي الناس |
اللي يتحمل الخسارة الذي لم يداااااااااااااافع عن لاعبينه الذي تعرضوا للاتهامات بتناول المنشطااااات . |
مبارة سوريا = سبب النكسه ناصر الشمراني مبارة الاردن = سبب النكسه وليد عبد الله مبارة اليابان = بالرغم من خروجنا من المنافسه بس نتيجة المباره ثقيله لا تليق بمنتخب سجله الاسيوي مميز وسبب النكسة جميع الجهاز الاداري والفني واللاعبين سبب الخروج من منافسة البطوله = سلطان بن فهد + نواف بن فيصل + رؤساء الانديه + معد فيه لاعبين يبردون التسبد + صرف الاموال بطريقه تحبط فئات الالومبي والناشئين والشباب . الله يوفق الكرة السعوديه مستقبلاً |
والله كان هالكلام على قلبي .. وليد عبدالله حارس فاشل .. وهو له دور كبير و رئيسي في اخراجنا من التصفيات و من آسيا لكن المشكله انه مو هلالي .. يعني ماحد بينتقده |
ليتك ماكتبت موضوعك ذا وش دخل وليد ياخي خلنا نقول عبده عطيف هو سبب النكسه لانه مرر 5 تمريرات خاطئه وبسببها صارت هجمه مرتده وانهزمنا والا قل ياسر ضيع خمس فرص وبسببها ماقدرنا نسجل تعادل وصار ياسر سبب نكسة الكره السعوديه ياخوي تكلم بمنطق ... لانه كلامك ذا مايصلح يكون حتى وجهة نظر مع احترامي وبعدين على طاري هدف البحرين علينا وش ذنب وليد بالله ؟ السالفه كلها في حسين عبدالغني .. والا تبي تحطها في راس وليد غصب ؟ :d |
نعم وليد هو السبب في خسائر المنتخب حارس فاشل ومفلس يجب طرده وبعاده من المنتخب والاستعانه بحراس جدد امثال شراحيلي والسديري والعنزي |
الوقت المعتمد في المنتدى بتوقيت جرينتش +3.
الوقت الان » 11:48 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd