|
ياسر القحطاني ::اتعبت راعي القلــم/ والدفتر ابو اربعين .. قصيده ...سليمان الشدوي ياياسر اتعبت خلق الله بدو وحضر ......................... واتعبت من تابعك من شلة الخاسرين نجمك لمع فوق (هام السحب) مثل القمر ...................... والناس ترقب( شعاع النور) طول السنين يــ/ المبدع ايش عاد يلقى فيك( راعي الفقر) ............................الا العطا/ والفنون/ وسيرة المبدعين وان كان طالك لسان الحاقد المنقهر ..............................تقديرك /اكبر من الحساد /والحاقدين الخِـبل ياخذ حجربيده ويرمي الشجر .......................... والا الثمر من نصيب العالم الطامحين اكفخ بروس الجبال العاليه ياصقر ............................ وخل الجرابيع تركض بالمكان الطمين من عاش عمره يسوق الرجل بين الحفر ...................................الله يعينه على بلواه في كل حين وده مع نورك ونور القمر يشتهر ..............................ووده يقولون / ياهذا الشجاع الذهين يكتب سطر من تخاريفه / وينسى سطر ................................. فِكره يجيب التخلف / لكن الله يعين يروي (حكايه ) على كيفه ويكسر شِعر ...................................ويزيد معيار/ جهله / حبه او حبتين جاهل /وحاقد /على المبدع ويتبع اثر ......................... ويموت لامن لمح (صرح الشموخ ) المتين ازمة (مبادئ رياضيه )وازمة فِكر ............................مع ثقل في الدم /والمضمون يندي الجبين لو كل صاحب (مرض نفسي) طلع وانفجر .............................كان اندمر( نخل بيشه )من قديم السنين ولو ننتبه ويش يقول الغايب المستتر ................................ شوف الحقايق/ تبان بكل وجهً وعين لكن تبقلى الرياضه علم زايد فكر ................................... والبدر في الليله الظلما يطل ويبين يا ياسر انت امتداد المجد/ وانت الفخر .................................... كفو كفو لين تبطل حجة المرجفين حضورك يزيد لامن حان وقت الخطر ...............................وانجازك يزين في وجه الكتاب ويزين لكنك اتعبت / رواد الفشل/ والفقر ................................واتعبت راعي القلم والدفتر ابو اربعين |
صح لسآنكك آخوي سليمآن .. يستآهل يآسرالقحطآني .. :smilie47::rose: |
الله عليك ياشاعرنا وصح لسانك ويستاهل القناااص |
يعطيك العــافيــه شاعر الزعيم وصح السانك ويستاهل ابو سعيد لبى قلبك ~ وان شاءء الله يرد عليهم في مباره الاتحاد :) ان العيب فيهم |
صح لسانك يا شاعر الزعيم ويستاهل أبو عزوز |
. . صح لسـانك شاعرنا الغآلي :smilie47: وياسر سيظل غصّة ثقيلة بإبداعه لكل الحاقدين :yes: شكراً ,, :smilie47: |
صح لسانك وعلا شأنك ,, وبالتوفيق اجل اتعبت بدو وحضر << مدري وش دخلها ,, يمكن ياسر حاضر مزاين عشان كذا اتعب البدو ههههههههههه |
إقتباس:
صح لسانك وعلا شانك (F) يستاهل ياسر القحطاني |
كفووووو والله صح لسانك... |
صح لسانك ياسلمان ياسر يستااااهل كل خير ياسر قادم ياسر قادم ياسر قادم ذكرى 2006م |
صح لسانك اخوي سليمان ويستاهل ياسر كل شي |
صح لسانك ياسلمان ويستاهل نجمنا الكبير كل خير ؛؛؛؛ |
صح لساانك يالغلااا ولاااهنت... |
صح لسااانك اخوي سليماان ويستآهل يآسر وبإنتظآر نزف قلمك .. |
صح السااانك خييووو ويستااااهل ابو عزوووووز الله يحفظه |
| الوقت المعتمد في المنتدى بتوقيت جرينتش +3.
الوقت الان » 01:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd