|
لماذا يفرح العرب بكبوات المنتخب السعودي ؟ ... هذا هو السبب انا عارف ان هذا الموضوع ماراح يعجب كثير بس خلاص لازم نشوف حل لهذي العينة لانها محسوبة علينا يسأل كثير من الاعضاء لماذا يفرح مشجعين الدول الاخرى اذا خرجت السعودية ؟؟ بيكون الرد من البعض الشجرة المثمرة دائما تقذف او بيقول البعض حنا مو في حاجتهم او لاننا اسياد اسيا ومتاهلين لكاس العالم 4 مرات ......والخ مثل ماااشوف في بعض الردود مع الاسف السبب عقلية المشجع السعودي ... البعض وليس الكل نظرة متعالية ردود استفزازية للمنتخبات الباقية والشعوب استنقاص للغير في الاخير الله ضربنا بذكر امثلة قريبة مايحتاج ارجع بعيد في كاس الخليج غثينا العالم باأسطوانة ان منتخبنا رديف ولو كان منتخبنا الاول موجود كان طلعنا كل فريق بعشرة وفي الاخير المنتخب المرعب الي نتوعد فيه الناس صار نعامة في كاس اسيا قبل البطولة في كثير من المنتديات كانوا يتبجحون بعض مشجعينا ويقولون ان الاردن وسوريا بتكون حصالة اهداف للمنتخب السعودي في الاخير من الي صار حصالة ؟؟ كنا نقول عن باقي المنتخبات انها جسر عبور واتضح بالاخير من هو جسر العبور في احد المنتديات الرياضية الكبرى كان فيه موضوع تهنئة بمناسبة فوز العراق على الامارات الاماراتيين يهنئون العراق بالفوز ... والعراقيين يقولون لهم هارد لكم مع الاسف بعض الملاقيف المحسوبين علينا دخلوا بينهم وقعدوا يقللون من المنتخب العراقي وان شاء الله يخسر من كوريا وغيره من هذا الكلام شوفوهم في برنامج فض فض تتفشل من اسلوب كلامهم وردودهم تحس انهم عرابجة حارة وداخلين هوشة فيه فرق بين التحدي والاستنقاص قبل مباراة الاردن على قناة الكاس لقاء مع سعوديين واردنيين جمهورنا حنا جايين ذباحة .. وبنسوي ونفعل ....) بعد ماخلص من مشجعينا انتقل لمشجع من الاردن قال رد المفروض الي كانوا موجودين يحتقرون انفسهم على ردودهم البايخة قال : انا عين اردنية وعين سعودية اذا فزنا بفرح واذا انهزمنا ماراحت لبعيد .. راحت لاخواننا )) لو بذكر كل شئ من كأس الخليج الى آسيا بحتاج الى برنامج وثائقي مع الآسف هناك بعض الجماهير السعوديه وصلت إلى حد غير معقول من الثقه بالنفس وصلت إلى حد الغرور لذلك هناك ردة فعل عكسيه حدثت من الاخرين بسبب هذا الغرور شحنتوا كل الجماهير ضدكم والان تحملوا ردة الفعل يا أخوان المسألة مسألة أخلاق وكل إناء بما فيه ينضح فأي عضو لا يمثل إلا نفسه وأخلاقه ولا يمثل جمهور بلد بأكمله لكن مع الاسف يعتبر صورة لنا امام الغير في الاخير اتمنى من كل قلبي * يكون عندنا جمهور واعي يعرف ان الكورة فوز وخسارة ويحترم خصمه ويعرف يختار الالفاظ الحلوة * يكون عندنا جمهور مايتجمع على المذيع كانه ماشاف خير أول مرة يشوف الكاميرا ((حتى الجزيرة في بداياتها مع الدوري السعودي مسويه برنامج مثل فض فض ومع الاسف ماقدرت تكمله والسبب معروف)) * يكون عندنا جمهور مايعتبر ان الاستفزاز شطارة احترم الغير ولا تقلل من احد بتجبر الجميع على احترامك ------------- ملاحظة: موضوعي هذا لااعمم فيه الكل... لدينا من الجمهور من نفتخر فيه لكن الملاقيف ماعطوهم فرصة |
الله يعطيك العافيه اخوي انا استشهد على موضوعك ... كان واحد من اعضائنا يضحك على قطر بأول مبارياتهم و كان يتشمت و يستهزي بعدها جت الطامه الكبرا بتصقيع منتخبنا اتمنى لو اعرف صاحب الموضوع على شان يكون درس له و لغيره تقبل مروري |
كوريا مع الحب يالا كوريا، والقضاء على اليابان وفرق الخليج خصيصا فريق الشر العراقية |
موضوع في الصميم وفعلأ هذا الواقع في مباراة سوريا جابو جمهور السعودي كانو متجمعين عند الكاميرا ويتهاوشون تقول غنم وجابو جمهور سوريا ناس عاقلين مؤدبين كلامهم حلو لكن كل مجتمع فيه بؤرة فساد وهذا مسماهم ومع الاسف انهم محسبوين علينا لك خالص الشكر |
اصبت كبد الحقيقه ولا تروح بعيد المشجعين اللي تتكلم عنهم قريبين واغلبهم مشجعين الفريق الـجار وبعض من جمهورنا ولا داعي اذكر الاسباب لاننا تعبنا من كثر القيل والقال |
وآلله معــكـ حق في كل اللي قلته بعض من مشجعينــآآ شايفين نفسهمـ مدري على ايش المنتخب كآن يآخذ كؤوس من فتره بس من زمان ماقدمـ المنتخب مستوى صــآآآحي يسلمووو أهنيكـ أخووي على الموضوع ’’ |
صحيح بعض جمهورنا وإعلامنا كلامه مستفز بسسسسسسسس الأمر مايخلى إنه أيضاً هنالك غيره وحسد على السعودية من باقي الدول العربية |
موضوع أهنيييك عليه من اجمل مواضيع القسسم تسسسلم يميينك :rose: وجبتها عالجرح بالفعل نظرتنا متعآليه لكل شيء حتى على عمآلتنا ,’ عوااافي ,’ |
بالتأكيد معروف الشعب السعودي بالمهايط :) |
كلام جميل ..شكرا لك ولقلمك الله يوفقك ويوفق الجميع ويوفق منتخبنا مستقبلاً . |
مشكور اخوي موضوعك جدا رائع ،،، |
كلام رائع والله صدفت في بعض المشجعين المحسوبين علينا اخ منهم ما يفهم بالكوره بس عنده موضه يشوف ربعه يضحكون وهو معاهم . |
ياسيد العزيز الاتحاد السعودي + المدرب هم من اتى بهذه النازلة يعني المدرب اختار التشكيلة وثبتها في اول مباراة رسمية والمفترض بأن الثبات على التشكيلة من دورة الخليج وليس بالمباريات الودية منتخب ٨٤م و ٨٨م و ٩٠م و٩٤م حتى تاريخ ٩٦ ثبات في التشكيلة خليوي وجميل وعبدالغني وشلية الوسط مسعد ثنيان عويران انور الهجوم مهلل سامي + عبيد الدوسري اما الان حدث ولا حرج لاكن الوعد في الجايات |
الله يعطيك العافية وربك يعين |
الكبير كبير وهذا حال الدنيا |
| الوقت المعتمد في المنتدى بتوقيت جرينتش +3.
الوقت الان » 04:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd