لو بنسوي إحصائيه عشوائيه سريعه ...
راح تكتشف إن المحللين عامه والسعوديين خاصة اللى يتكلمون ويقيمون ويحللون وينتقدون في القنوات الرياضيه أكثر من جماهير المنتخب السعودي في قطر ...
بس عندي مجموعة تساؤلات ...
انا مدري وين بيروحون هالمحللين بعد ماتنتهى بطولة آسياء ؟؟ وش وضعهم بالظبط ؟
انا مدري متى يشوفون عيالهم ؟؟ مايشتاقون لهم ؟؟ ومتى يشوفونهم وهم مابين قناة وقناة وحتى لو ماكان بالفضاء ياتكلم تلقاه مبلشهم بالمداخله الهاتفيه ؟
انا مدري وين كل هالخطط والذكاء والخبره اللى يهنذرون فيها أيام ماكانوا لاعبين سابقين وهم اللى أكثرهم مشهورين بسوء اللعب وحتى سوء السلوك عند البعض ..؟ ليه ماوفر هالنصايح لنفسه طيب ؟
انا مدري وشو مقاييس الإعلام ؟؟ هل هي بالدراسه او بالخبره والعمل في الإعلام .. او في كتابه مقاله كل أسبوع .. او في الظهور الدائم في القنوات الفضائيه !! يعني هل من المعقول كل من كتب مقال او كل من ظهر صار ( إعلامي ) او ( ناقد ) او ( كاتب رياضي ) ؟؟ يعني بالعربي وش اللى خلى الإعلامي إعلامي والناقد ناقد .. والكاتب كاتب .. والمحلل محلل ..!!؟
انا لاأعلم حقيقه إرتباط ( الهذرة ) وال ( بربرة ) و ( البثارة ) وكثرة الكلام بين أشخاص محددين دائما يتفقون بإنتمائهم لذلك النادي .. نادي ( الهذر ) السعودي ..
سبحان الله !!
لاحظوا القناة الرياضية السعودية من أكثر ضيف يتكلم !! وبدون تعصب ( الدغيثر ) = نصراوي
وفي قناة لاين سبورت في برنامج هنا آسياء من اكثر من يتكلم ؟؟ وبصراحة ( الهريفي ) = نصراوي
وفي برنامج خط الستة في قناة أبو ظبي أكثر من يكذب ؟؟ أسف قصدي يتكلم هو ( الدويش ) = نصراوي
من هو اكثر رئيس نادي يهذر ويتكلم ويتهم ويبربر .؟؟ اكيد رئيس النصر ( فيصل بن تركي ) = نصراوي
من أكثر عضو شرف بالعالم يسوي مداخلات في أكثر من محطه فضائيه ؟ اكيد ( الوليد بن بدر ) = نصراوي
من هم أكثر جماهير العالم هذره .. وشغب .. في الملعب وخارجه وحتى في منتدياته .. والجماهير أصحاب التحالفات .. والمؤامرات .. ومايعرف بجمهور المسيار .. ( طبعاً النصر )
من في الصحف يكتب مقالات مكذوبه .. بين كل كذبه وكذبه .. كذبه .. هذا المقال لايخلوا من مهاجمة الهلال او التشكيك في كل شي .. أكثرية إعلاميه لم تستغل بالشكل الصحيح .. وعلى رأي المثل كثيرين على غير سنع !! مافيهم بركه .. أجل واحد كاتب مقال ( سامي الذي أكرهه )؟؟
من هي أكثر الأندية لديها مشاكل وقضايا ومحاكم مع الفيفا ووكلاء اللاعبين والمدربين من عدم تسديد المبالغ ؟ حتى أنهم مهددون بعدم تسجيل لاعبين في الفتره الشتوية الحالية !!؟
ليش مايتعلم الدغيثر آداب الحوار من المهندس طارق التويجري
ليش مايتعلم فهد الهريفي الركاده والثقافه من نواف التمياط
وليش مايتعلم عميد الكذابين الدويش الصراحة والواقعية والوضوح من فهد الروقي
وليش رئيس النصر مايقتدي ويمشي على درب الامير الخلوق عبدالرحمن بن مساعد علشان الكل يحترمه ويحبه
وليش مايتابع الوليد بن بدر مداخلات سمو الأمير نواف بن سعد وكيفيه التعامل الراقي والحوار المحترم دون تجريح او تهديد مبطن !! او إجبار على الإعتذار ؟؟!
وليش مايتعلم جمهور النصر .. من جمهور الزعيم محبة وعشق فريقة دون الإلتفات لغيرة والتحالفات ضد الفريق المنافس مما يسبب سقوط هيبة الفريق وجمهورة كما يحدث الآن من الإتحاد بعد تصريح صديق نفسه !! ليه مايشجع فريقه وبس !!
ليه مايكون إعلام النصر مثل إعلام الهلال بارز في قول الحقيقه وناجح في النقد الهادف دون الإسفاف والإسقاطات المتواليه للنادي المنافس وبحث المشاكل الحقيقيه في الفريق
ليه مايتعلم نادي النصر من الزعيم كيفية إنهاء التعاقدات بشكل محترم وإنساني مع اللاعبين والإداريين والمدربين سواء السعوديين او الإجانب .. وكيف يكون ذكر اللاعب او المدب للهلال طيباً في كل تصريح له بعد إنتهاء العقد !
بطولة آسياء هي بطولة المحللين .. والنقاد ..
وفي الختام .. دعواتكم لأخيكم في الله فهد الهريفي بالشفاء العاجل ..
ترى فعلاً الرجل مريض ويحتاج منا كل دعوه صادقة لشفاءه ..
أخوكم الصغير ابو طلال
الوضع المتطور
