صورتان تثبتان نصراويه نواف بن فيصل - صفحة رقم 4 - نادي الهلال السعودي - شبكة الزعيم

سيد القلم · #1 22/01/2011, 04:47 AM

مع إني متفائل برئاسة نواف القادمه اذا تم العدل طبعاً
والتخلي عن العاطفه والمحسوبيات والعلاقات الاجتماعيه
بما أنه اصغر سناً من اغلب رؤساء الانديه واعضاء الشرف
من الاسرة المالكة ..

بصراحه كنت متردد اعلق او لا اعلق

لكن والله شي بخاطري وده يطلع

أقسم بالله أقسم بالله أقسم بالله

لي صديق صحفي وشاعر في مجلة شعبيه ومعروفه بالسعوديه
هو هلالي وله قصائد بالزعيم ودايم يكتب عن عشقه بالمجلة

المهم .. له تواصل كثير مع نواف الفيصل كشاعر " اسير الشوق "
حتى اصبح الان من المقربين له يلتقي به في منزله وفي مكتبه

دار بيننا حوار حول الهلال والنصر وقالي
مشكلة النصر في اعضاء الشرف كل واحد يبي يطيح بالثاني
وكل يوم جاي ممدوح عند نواف يتشكى من عضو شرف
ومره يجي طلال .. قلت وش علاقه نواف
ابتسم .. وقالي دمه اصفر
قلت من متى ...!!!
قالي والله دايم يتدخل بأمورهم ويعصب اكثر شي لما اجيه
بالمكتب يقراء الجرايد ويتحدث عن شكاوي اعضاء الشرف

اقسم بالله هذا اللي صار مو مجبور على الكذب والتزوير

والله على ما اقول شهيد

Moath434 · #2 22/01/2011, 07:48 AM

الله لايوفق كل من ظلم الهلال وهذا فقراوي بدون شك

عبسي هلالي · #3 22/01/2011, 08:05 AM

ماعليك ماعاد فيه إلا إعفاء

يبي يعدل غصب عليه

Dexter Morgan · #4 22/01/2011, 08:28 AM

وخير ياطير واذا صار نصراوي ؟

الرجال حر يشجع اللي يبي الا غصب يشجع الهلال ؟

وبعدين ماراح يعدل لانة يشجع النصر ؟

بالتوفيق له

^Half Moon~ · #5 23/01/2011, 12:55 AM

مثلما ذكر أحدهم ..

لم يعدل وهو نائب .. فكيف وهو رئيس ..؟

هـ بحت ـلالي · #6 23/01/2011, 07:24 AM

الرجل لم يعدل وهو نائب للرئيس كيف يبي يعدل بعد ماصار رئيس؟؟

هــــــــــلال · #7 23/01/2011, 06:19 PM

متاكد ان ثلاث ارباع التعليقات مع القوووم
ياجماعة يعني وش بتسوون ؟؟ بتطيحونه من رئاسته ؟؟
انصح اي واحد فيكم يروح يحرق نفسه مقابل الرئاسه العامه عشان يمشي اللي فباله

انا متفائل خير بنواف وان شاء الله يصحح مسار الكرة السعودية

ع ـاشق الزع ـيم · #8 24/01/2011, 01:16 AM

بسلامته
ماعلينا منه الهلال يسير بخطى البطل

وش يبي يسوي يبي يسجل الدوري لنادي جحا

على حد علمي في شخصية رياضية تبي تستلم المنصب قريب ..!!
والعلم عند الله سبحانه

يبطي

وتنتهي للهلالي · #9 24/01/2011, 01:31 AM

هههههههههههههههههههههههههههههههههههههههه

الرئاااسه العام لرعاية النصر

عشقي زعمآوي · #10 24/01/2011, 02:35 AM

بعععد 14 سنة من الحرمـآن من البطولآت

نـآدي الفقر سوف يتوج بالدوري على ييد نواف بن فيصل

( مـآقدر اقول الـآ كذأ )

,’

m.r ZORO · #11 24/01/2011, 04:02 AM

ياخوي لا تولم العصبة قبل الفلقة وبعدين
إلى الان ماسوى شي عشان نحكم عليه

H A N A N · #12 24/01/2011, 04:30 AM

أن بعض الظن أثم

تفألوا باالخير تجدوه

وبعدين اللي يقولون ماعدل يوم هو نائب الرئيس

يوم كان نائب الرئيس كان الامير سلطان بن فهد هو المتحكم بالامور

الرشيدي99 · #13 24/01/2011, 04:41 AM

من الظلم أن نحكم على شخص لم نرى عمله بعد والسنين القادمة قادرة على توضيح الأمر
والصورة اللي جايبها ليست دليل قاطع الأمير نواف طلع في لاين سبورت و أقسم أنه ما يشجع إلا المنتخب
أتمنى نبتعد عن نظرية المؤامرة اللي دمرت فريق النصر ونعمل لفريقنا وبس و الله يعطينا على قد نيتنا
وما أدري ايش هي الأحداث اللي تتكلم عنها طوال 12 سنة ؟؟؟

SAM-09 · #14 04/02/2011, 09:27 PM

من شفت الغش البارح ضد القادسيه وانا غاسل يدي

ابوعزوز2020 · #15 04/02/2011, 10:28 PM

شق جبهني اذا كاان فيها عدل
امس بدى تدليع النصر
وعااد وش نهاايته
الله يستر