عطوا الحر فرصه ياجماعة الخير !!!
 

بسم الله الرحمن الرحيم ..

استغرب صراحه ممن ينتقد صوماليا ويطالب بابعاده .. وسبب الاستغراب ان اللاعب لم يأخذ فرصته ( والفريق في احسن حالاته ) او على الاقل في مستوى مرضي ..

فقبل الحكم على لاعب مهاجم يجب ان نحكم على الوسط اللي وراه .. خصوصا وصوماليا من النوع القناص اي اللي ما يعدي من اكثر من لاعب وانما ينتظر من الوسط ان يصنع له الكور وهو ينهيها مثله مثل لاعبين كبار عالميا ومنهم باتيستوتا وفييري وغيرهم كثير اللي مهمتهم انهاء الكره في المرمى .. اما المهاجمين الثانين من امثال مايكل اوين اواندريه شفتشينكوا وغيرهم فهم من المهاجمين اللي يصنعون الهجمه بانفسهم ومايحتاجون الوسط ( دايما ) يصنع لهم كور ومثلهم سيرجيوا والشيحان محليا ..

وزي ماشفنا صوماليا لعب وخلفه وسط مش حالك .. لذلك رأيناه ما استلم في كل مباراه الا 3 الى 4 الى 5 فرص فقط اكثر من نصفهن كور هو يصنع خطورتهن اي انهن كور ميته بالاساس .. والكور الخطيره يتسبب فيها ببلنتي او يسددها بشكل جميل وخطير وعادة يبعدها الحارس ببراعه والقليل منهن يضيعهن بحكم قلة الفرص وحرصه على التسجيل وهو على كل حال مثله مثل غيره من اللاعبين فما فيه مهاجم كل كوره في الباب ..

لذلك انا اتمنى نصبر لعل الله يهدي الاخ بلاتشي ويلعبه راس حربه وجمبه العلي ومن وراهم سامي والشلهوب او الثنيان او الخثران او نواف يعني لعيبة وسط مهوب محاور والا لعيبه اعطوا اكبر من حجمهم مثل الصالح او المفلس لطف وخويه المسعري ..

واتمنى بعد قبل مانجيب اجانب نعرف وشلون اسلوب لعبهم ونقيمهم على هالاساس ..


اوين ,,

* أخوي(اوين) ,تحيه طيبه

*أنا ,,,,أحترم وجهة نظرك ,,,ولكن أختلف معك ,,,,(صاموليا) أخذ فرصته كامله

ولكن ,لم يثبت جدارته ,.وأتوقع رحيله قريبا,,,,,,,,,,



أخوك/عبد الله

اخوي عبدالله ..

صدقني صوماليا ماخذ فرصته مع الفريق وفيه لعيبة وسط صح .. وبعدين غيره خذ اكثر منه مع انه مافيه امل ولا رجاء من وراه .. لكن صوماليا من ثاني مباراه له وفيه ناس تطالب برحيله !!

تحياتي لك وتبقى المسأله وجهات نظر ..

اوين ,,

اتفق معك اخوي اوين :)

اخوي اوين مع الاعبين الصح على قولتك اي لاعب بيبرز مهما كان مستواه لأن نجوم الهلال يبرزونه ... و احنا مو محتاجين لاعب نبرزه احنا محتاجين لاعب يبرز نفسه

اللاعب الجيد يفرض نفسه

واذا كان لاعب أجنبي يجب ان يكون احسن من الموجودين ولا وش فايدة وجوده

والواضح للجميع ان لاعبين الهجوم في الفريق احسن منه بمراحل

بكل صراحة ساموليا أخذ فرصته وأثبت جدارته في صناعة الأهداف والتسجيل .
واتمنى بقاءه

لاعب لا يمثل طموحات الزعيم وان كان يقدم في بعض الاحيان مستويات جيدة

:yes:
صدقت اخوي أوين .. وانا معك بكل ماكتبت يالغالي :)

بصراحه اشوف وهذا رأيي الشخصي ان سوماليا افضل بكثير من انصاف اللاعبين اللي جونا
ولعبوا بالهلال وبغيره من الاندية السعودية .. وهاللاعب يبغى الوقت بس حتى ينسجم ويكتمل الفريق .. لاعب تحس فيه الحماس وهذا أهم شي مع المهارة .. ومن الظلم الحكم عليه بالفشل هالحين وهو يلعب مع لاعبي وسط جدد على الفريق ويفتقدون للخبرة .

راس الحربة يلزمه التمركز الصحيح والحس التهديفي ووسط يعطيه كور حتى يترجمها لأهداف .
وكمثال كلنا نعرف مهارة سامي لكن شفنا انخفاض مستواه بالشوط الثاني بمباراة النصر الأخيرة او اختفاءه بمعنى أخر لعدم وجود صانع ألعاب والممول الحقيقي للهجوم بكور جاهزة [ من نوعية أنت والباب وضميرك :D ] امثال الشلهوب والتمياط والجابر بحالة رجوعه للوسط .. وحتى حسين العلي الهداف والقناص ماسوى شي بذيك المباراة بسبب خط الوسط النايم .


تقبل تحياتي :)

الغالين ..

الفيصل الهلالي ..
هلالي صميم ..
الهلالي الوفي ..
هلالي الجوف ..
مجنون السيف ..

الله يعطيكم العافيه ومشكورين على المشاركه اللي زادت الموضوع اهميه ووصلت والفكره اللي ابغى اوصلها ..

الاعزاء ..

واحد يموت على الزعيم ..
THE FUGITIVE..

يبدولي انكم ماقريتوا الموضوع زين والمعنى اللي قصدته منه .. لانكم تقولون نبغى لاعب مستواه افضل من الموجودين ..
وشلون لاعب يبين مستواه الجيد وهو مالقى الوضع اللي يساعده والعوامل اللي تخليه يورينا قدراته ..

فانتم كذا مثل اللي ينتف ريش عصفور وبعد كذا يطلب منه يطير !!

اتمنى اكون بينت لكم اللي كنت اقصده .. وتحياتي للجميع .

اوين ,,

غيرت رأيي :mad: :mad: :upset:

وش رايك

كم من الوقت اللي يجب ان نعطيه الفلته صوماليا حتى نحكم عليه ؟
اذا بدأ يسجل فينا الاهداف ؟

انا احترم وجهة نظرك .... ولكن ارى انه اخذ فرصته كاملة ، ولو حسين العلي لعب كثر مالعب صوماليا كان تعدى عدد اهدافه العشرين

تحياتي

مراحب جميعا ..


الاخ الفيصل الهلالي .. افا وراك هونت !؟

الاخ THE FUGITIVE .. انا حتى الان عند كلامي .. لاني صراحه اشوف ان الوضع ماتغير .. فصوماليا لعب اخر عشرين دقيقه وما جاه ولا كوره ممكن تسمى هجمه خصوصا انه مانزل الا بعد ماقضى قاز سامي والشلهوب .. ومابقى فيه احد ممكن يصلح كور وهذا اللي حصل في المباراه .. لان صوماليا ماضيع اي كوره قدام الباب .. ومادري وش كان ممكن تقولون عن صوماليا لو كان هو اللي ضيع الهجمه الاخيره اللي ضيعها سامي من تصليحة الدوخي !؟ وزي ماشفنا حتى سامي يضيع كور .. وانتم تنقدون صوماليا وهو ماضيع شي !!

عموما صوماليا لايمكن يفلح مع الهلال ومدربه الفلته بلاتشي اللي خطته مافيها الا مهاجم واحد ووسط كله محاور .. تحياتي .


اوين ,,

اتفق معك .... ولا اتفق معك ..... ولا تسأني لماذا ؟؟