يازين الهلال بس :) - نادي الهلال السعودي - شبكة الزعيم

أبو ياسر الهلالي · #1 17/01/2011, 06:22 PM

السلام عليكم ورحمة الله وبركاتهـ

من بدآية البطوله ماشفت الا 45 دقيقة بالكثير واغلبها في الشوط الثاني من مباراة اليوم لأن المنتخب الياباني ارسل لجميع المواطنين دعوة بعنوآن للضحكـ

.....

انا من يوم مهزلة البحرين وانا عهدت على نفسي ان اترك تشجيع هذا المنتخب الفاآآشل( وانا اعني بهذه الكلمة جملة وتفصيلا) مادام سلطان بن فهد ماسكا لزمام الأمور ..

وربما عهدي اللذ عدهته على نفسي سابقا سيستمر و تتجدد الصلاحيهـ

يآآخواني الأحبيهـ يآآخواتي العزيزات :-

لاتتعبوا انفسكم

مو انتوا تقولوا للنصراويين اتركوا فريقكم عشان لاتجيكم امراض ( ماأقصد الإهانه )

طيب انا اعطيكم نفس النصيحة اتركوا هذا المنتخب اللي يرفع ضغطك و يضيع وقتك مو تدرس احسن لك ولا تقرآ من ايات الكريم المنان أحسن !!

اذا تبغوا المتعة ارجعوا للهلال وشوفوا الفن ومتع عيونك وهز ياقدع

الهلال اصبح يضرب به المثل ياجماعه حتى اليابان لبسوا الأزرق اليوم علهم يحتكوا بالهلال وفعلا جابوا الخمسة اللي هيّا من اختصاصات نادي القرن

هذا مالدي

سبحانكـ اللهم وبحمدكـ اشهد ان لاإله الا انت استغفركـ واتوب اليك

abo14mogbel · #2 17/01/2011, 06:28 PM

يعني مستانس بالنتيجه وتشبها بنتائج الهلال .. !
بالله وش لون لك نفس تتابع الهلال وتتابع الكوره من هالمهزله هذي .. !
ترا موضوعك ماله داااعي

أبو ياسر الهلالي · #3 17/01/2011, 06:30 PM

إقتباس


	يعني مستانس بالنتيجه وتشبها بنتائج الهلال .. ! بالله وش لون لك نفس تتابع الهلال وتتابع الكوره من هالمهزله هذي .. ! ترا موضوعك ماله داااعي

وسع صدرك يافندم

انتا زعلان لأنك شجعت هذا المنتخب الفاشل ^_^

وانا مريح نفسي لأني تارك هذا المنتخب الفاشل

شفت كيف الفرق ...؟

المعادلة سهلة

اترك المنتخب + شجع الهلال = عيش حياتكـ ^_^

الوليد الهليل · #4 17/01/2011, 06:36 PM

هاردلك وبالتوفيق للزعيم يارب ,,

والحمد الله اني هلالي

alhilal-2010 · #5 17/01/2011, 06:41 PM

منتخب المجاملات

الاهلي المركز قبل الاخير في الدوري هذه السنة ويضمون منه لعيبه !!
الشباب متدهور في الدوري و مركزه الخامس و ثلاث ارباع اللعيبه في الملعب منه !!
الاتشاد متعادل 8 مرات في الدوري و نص المنتخب منه

الهلال بطل الدوري السابق و المتصدر الحالي !! بالطقاق يلعبونهم ,, ياسر داج ومنتهي بس ياخي الهلال يلعب بتكتيك صح ,, طبقه على المنتخب على اقل تقدير

الحق يجب ان يقال ,, المفروض المتخب من الهلال و النصر هذا العام

صاافو الهلالي · #6 17/01/2011, 07:07 PM

ايه والله صدقت لبى الهلال بس دايم يفرحنا

مو مثل المنتخب الفاشل اللي كل ما أشجعه أتخيل إني نصراوي وقاعد أحفففففر ابي بطوله

أبو ياسر الهلالي · #7 17/01/2011, 07:37 PM

إقتباس


	هاردلك وبالتوفيق للزعيم يارب ,, والحمد الله اني هلالي

عين العقل

اكسلنت & بريفكت

ويلهامس9ون · #8 17/01/2011, 07:45 PM

بعد خسارة المنتخب الي ولله الحمد ماتعذبة وشفت المباراه تاكدة ان الهلال بأجانبه ولو الله ثم هم كان حنا بدرجه الثانيه